الموضوع الرسمي Viva Piñata: Trouble in Paradise |العودة للحديقة - مراجعة TG وصلت

[Black]

شيكت اليوم على المحلات بالرياض.. النسر يبيع الأمريكية والبال بـ 250ريال .. بيت الكمبيوتر الامريكية بـ 210 ريال "مخلصة" والأوروبية بـ 270 ريال . جيم ماستر وطوكيو جيمز اللعبة ماوصلتهم .
ان شاء الله بعد التراويح اجيبها ..
شكراً ثامر + سولاي .. انتم اكبر :rockon:

 

[mario0o]

اتصلت على كذا محل وكلهم ما يابوها !!!!

اول مره اشوف لعبة تكممل اسبوع وما تكون موجوده !!

فيس بريكر انفينيت انديسكفوري موجودات, لكن بيناتاا لاااا :crying: ليييش

 

[BioMario]

اتصلت على كذا محل وكلهم ما يابوها !!!!

اول مره اشوف لعبة تكممل اسبوع وما تكون موجوده !!

فيس بريكر انفينيت انديسكفوري موجودات, لكن بيناتاا لاااا :crying: ليييش

أنا قاعد أدور اللعبة في كل مكان في أبوظبي مب محصلها غريبة !!
المشكلة أريدها PAL النسخة الأمريكية مب ريجون فري ..

 

[Id]

أخذت لي جلسه محترمه على اللعبه اليوم .. وطلعت بالتالي :

طبعاً وصلت فلوسي فوق 25000 بس انواع الصرف على البيوت و الأفخاخ ..

ممتعه جداً اللعبه ... :inlove:

 

[Dante]

سلاماات !؟! 32 يوم ؟@ مسرع

 

[Id]

لووول .. يوم في المزرعه غير يوم طبيعي .. اليوم في المزرعه ممكن 10 دقائق .. او ربع ساعه .. مثل GTA

 

[Naif]

شباب الامارات اليوم شفت اللعبة في كارفور العين، دوروها في كارفور عندكم اعتقد تحصلونها

 

[Id]

تم اضافة الكبير موسى .. والعائلة تكبر

 

[Isaac]

.

 

[Lone Wolf]

يالله ايش القهر هذامب قادر احصلها فالبحرين

و لما دخلت محل ولقيتها، طلعت آخر حبة لا و واحد واقف بيشتريها :crying:

ابي اللعبة في اسرع وقت، و اهنيك يا ثامر على الموضوع الرائع و فكرته الحلوة.

 

[BioMario]

شباب الامارات اليوم شفت اللعبة في كارفور العين، دوروها في كارفور عندكم اعتقد تحصلونها

مشكور نايف ..
اليوم رايح أخذها إن شاء الله ..

شباب اللعبة عبارة عن شو بالضبط ما فهمت لها XD
يعني البنياتات أحاول بقدر الأمكان

محتوى مخفي

أبعدهم من الحديقة

ولا كيف بالضبط :xd: ؟!

 

[Isaac]

^
تحاول تستدرجهم. وتربيهم عندك وتخليهم يتكاثرون.



---------------

للأسف الأونلاين قهرني جدا ... كنت لفل 6 دخلت مع الشباب لمدة 5 دقائق "فقط" أونلاين قفزت للفل 11 ... لما رجعت القاردن جاني خمسين ألف شي جديد وأبقريدات وخرابيط .. المفروض إنها تجيني بالتدريج.


قفلت معي ورحت مسحت جميع التسييفات. الآن ببدأ New Game. وما أتوقع إني بألعبها أونلاين قريبا.

ليش يا رير ؟! !!!

المفروض تخلون لي الخيار إذا أبي الـEXP يزود أو لا.

 

[Id]

^

داخل مع ناس لفل 40 و 50 .. وماتبيه يزيد ... <.<

المهم ... ضبط حديقتك متأمل اشوف منك شغل جبار :rockon:

 

[Isaac]

^
معليش ..

بس حتى ولو .. والله هالحركة كرهتني بالأونلاين.

المفروض أقدر أسوي SWITCH OFF للـExp Gauge لو بغيت -__-"


وصلت لفل 3 .. وشكلي ما راح أدخل أونلاين غير لما أتعدى الـ20 - 25

أو ممكن ألعب مع سلومي بما إنه توه مبتدئ زيي.

 

[Id]

على اليمين كونان .. وعلي اليسار iGam3r​

 

[BioMario]

^^^
ما فهمت شسالفة !

 

[Id]

^

ههه دقق على الصورة .. حافرة في المرزعه اسمي Id ...

اللاعبين مالهم شخصيات هم على شكل مؤشر بس .. مثل ماهو واضح بالصورة ...

 

[Grand]

ممكن احد يفهمني شنو الهدف من اللعبة يعني شنو المفروض اسوي؟؟ شنو اجمع الخ..

 

[Id]

عندك حديقة .. يبيلك تصيد بنياتا و تجمعها عندك في الحديقة و تربيها و تتكاثر عندك .. وتصير أفضل "فلاح" في اللعبة ..

يمديك تلعب انت و ثلاثة من اصدقائك .. لزيادة المتعه و التحدي ..

 

[BioMario]

رحت كارفور اليوم وماحصلت اللعبة للأسف -__- ..

تعديل : اللعبة طلعت ريجون فري حتى النسخة الأمريكية :rockon:
http://www.play-asia.com/paOS-13-71-dh-49-en-70-2uq1.html

 

[Isaac]

"فلاح"

لو سمحت لا تسرق كلمتي !! :sarcastic:

خلاص أجل. قررت أحول إلي "بستانِّي" !! :spy:


هذا جانب من حديقتي .. يبين حقل التوت اللي مدخل لي ذهب ويا تباع الشمس.

قلبت اللعبة زراعة، وبطلت الاهتمام بالبنياتاز مؤقتا. لفلي 17 ولعبت 34 يوم.

*الصورة كبيرة*

محتوى مخفي

 

[Id]

^

مسكين قال كلمتي ..

يبغالي ازورك ونأخذ لنا فره مع التوت ..

 

[Isaac]

يوم في حياة بستانـِّي (الجزء الأول)
لقطات متفرقة من حديقة الشجرة السعيدة. Happy Tree Garden





1. تباع الشمس ماهو داري وين الله حاطه !! الشمس في وادي وهو "يطل" في أودية في بقاع مختلفة! :annoyed:

2. متى يكون القلتش شي مرغوب؟! لما الحلزونة الحامضة اللي مبثرتك وما غير تآكل ببذورك عالقة في مدخل الحديقة لمدة تجاوزت الـ10 أيام لول !! :razz::

3. بس لحظة أنا بنيت مساحة محاطة من كل الجهات بسياج علشان أحط فيها البذور اللي ماودي استخدمها حاليا ... خل نروح نشيك عالمساحة ...

محتوى مخفي

أوبس .... شلون دخل هالمقرود في هالمكان ؟! :yuck::

4. حقلي الذي يدر علي ذهبا .. كموباينشن عنيف من تباع الشمس والتوت الأزرق، التوت الأسود، الـNight Shade و الـSnap Dragon. تباع الشمس لحاله يطلع لي 3 آلاف خلال فترة وجيزة والبذور مجانا. :nerd:

5. الفلاحة Granny قاعدة تبكي ... يا ترى وش السبب ؟! :crying:

6. هل هو جمّول ... اللي كسّر

محتوى مخفي

.... وهو قاعد يردد .. ( إعطينا القهوة إعطينا !!!)

7. آسف جحجاح ... من يوم ما شريت اللعبة وأنا قايل "أول بطريق بأصيده بأسميه جحجاح وما راح أبيعه". لسوء حظك اختي الصغيرة كانت جنبي وشوي وتصيح إلا تبي تلبســهــا فعطيتها اليد وهكذا كانت النتيجة...

8. جحجاح وسوسان .. أغلى بنياتتين عندي ... سوسان عمره تجاوز الـ75 يوم. << أخوهم العود.

وبكذا تكون انتهت جولتنا السريعة ....


أوه لحظة نسيت شي ...

نسيت أقول لكم السبب اللي خلى الفلاحة Granny تبكي .. :crying:







خطأ هندسي !!!

محتوى مخفي

الدبية كانت تنشب بالباب !! :w00t:

لكن ولله الحمد تم تداركه قبل أن تصيب الضحية حالة اكتئاب حاد.

محتوى مخفي

وإليكم المدخل بعد التعديل...

:nerd:

---------------------------

شكرا Rare على هذه التحفة.

شكرا على خاصية الـScreenshots الرائعة.

Viva Pinata إحدى ألمع الـNew IPs هذا الجيل. وأي شخص ما امتلكها .. ما أدري وش ينتظر زيادة؟! .. TIP فيها كل شي ميز الجزء الأول ... مع إضافات ممتازة لتحسين تجربة اللعب.

توقفوا عن لعب ألعاب (الحديد والنار) ... وخذوا لكم استراحة استجمامية مع Viva Pinata: Trouble in Paradise. :inlove:

 

[mario0o]

روعه الصور
خلاص كل واحد يسويلنا قصة واحداث بالصور :razz::

 

[Gon freeces]

زاد اهتمامي باللعبة بعد رد حازم , توقعت اللعبة تكون ملونة أكقر من كذا >_>

 

[Gintoki]

ما شاء الله Issac.. أهنيك على مزرعتك (لول لو تشوف مزرعتي بالجزء الأول :xd: عفسه)

ان شاء الله قريبا باخذها (ولو اني ما تعمقت بالجزء الأول كثير)..

 

[Isaac]

زاد اهتمامي باللعبة بعد رد حازم , توقعت اللعبة تكون ملونة أكقر من كذا >_>

على فكرة لسبب ما الألوان طالعة بالصور أبهت منها في اللعبة الحقيقية.

في اللعبة الألوان مرحة ومنعشة أكثر. :nerd:

 

[Id]

^

رجعت وما لقيتكم .. أحد باع قمحي لأني ماشيكت على فلوسي <.<

 

[Isaac]

قطع الكونكشن علي الساعة 5:30 تقريبا.

لحد ما طلعت، ما بعناها بناء على رغبتك.

 

[Black]

لول .. طلعت اللعبة أكبر من ماتوقعت <-- في الأشياء الي تسويها
ان شاء الله بعد ايترنال ابدأ فيها .. متحمس كثير للتجربة _-_ ..
حازم .. ثامر .. طور الأون لاين يستاهل العب به ولا امر عليه مرور الكرام ؟
اذا كان يستاهل بدأت فيها ولعبت معكم .. ان شاء الله