TG CARS _|||_ الموضوع الرسمي للســيارات

[Zero]

أنا مستغرب من تصدر الـBMW الفئة 7 للقائمة على الرغم من أني شخصيا أشوف S-Class بالشوارع أكثر منه بواجد، آخر شكل للفئة السابعة يكاد يكون نادر، بس بالنهاية القائمة تتكلم عن 2012 فقط والفرق بينهم بالأرقام في القائمة مو كبير (بس البعض يمكن يعتبره كبير لأنها سيارات سعرها مرتفع).

أما انخفاض مبيعات الباترول هل هو بسبب السعر؟ ما أتوقع أن السبب هو السعر واللاندكروزر قاعد يبيع! الإكسبدشن يستاهل وبقوة، أتمنى فورد لما تطور السيارة تزيد قوة محركها وبنفس الوقت تخليها محافظة على سعر معقول.

أساسا مبيعات سيارات تويوتا مخزية، كيف الناس مصرة تشتري ووكيلها سيء جدا، يعني تشوف مبيعات الكامري وتقارنها بالأكورد والألتيما والفيوجن ... بس زين أن السوناتا مبيعاتها جيدة.

 

[Ray Gun]

^

عبداللطيف جميل ساحر الناس بسحر عجيب ... على كثر المشاكل الي طلعت ف الموديلات الجديده و على كثر الفضايح الي صارت ( مقطع فيديو لتغيير قطع السيارات الاصليه بقطع تجاريه ) الا ان الناس مصره على الشراء من عبداللطيف بحجة ان الموتر ( شيك بمخباك ) *ـ* ...
كل موديل يزيد فيه 10 الاف مستوعبين!!!
اللكزس ب 500 .. :what: و الجي اكس ار ب 230 :what: .. و الكرولا ب 70 ،، :what:
اسسسسسسسسسسسسسسسستهباااااااااااااااااااااااااااال

 

[Zero]

الكورولا بشكل عام مواصفاتها سيئة، في أمريكا ما فيها حتى مقاعد جلد بحسب ما رأيت وداخلية basic لأبعد درجة.

المهم، وصلة تغطية معرض جنيف للسيارات 2013، هنا التغطية الشاملة من AutoBlog في الرابط هذا http://www.autoblog.com/2013/03/06/we-obsessively-covered-day-one-of-the-2013-geneva-motor-show/

-إعلان Ferrari LaFerrari وهي supercar جديدة، 949 حصان ومحرك hybrid وأقوى سيارات فيراري حتى هذه اللحظة، ما عجبني الاسم ولو كان F70 لكان أفضل.
-كشف GT-86/FT-86/FR-S/BRZ كشف، بدون غطاء.
-كشف Corvette C7 كشف أيضا.
-كشف Agera R بكاربون فايبر كامل، احتفالية صنع 100 سيارة.
-أيضا Lamborghini Veneno حرفيا كأنها سفينة فضاء.
-وجود BMW 3 GT.
-وجود Alfa Romeo 4C.

الباقي تشوفوه في الرابط.

 

[SnakeEater]

-كشف Agera R بكاربون فايبر كامل، احتفالية صنع 100 سيارة.

:inlove:

 

[Vorg Zangief]

ودي اخذ كمارو
هل من نصائح ?

 

[Ray Gun]

^
Zl1 لو تبي اداء و مظهر افضل .. سعرها ف الوكالة تقريبا 241 الف ريال سعودي
SS لو كان عاجبك مظهر الكمارو العاديه الكلاسيكي .. سعرها تقريبا 280 الف ريال سعودي
RS ابي ادعي عليك لو فكرت تاخذها ،، مريضه 6 سلندر :yuck:: .. مادري كم سعرها لانها مخيسه

 

[Zero]

أخ ياسر، أنت غلطت في سعر الSS وزدته واجد، وعلى العموم أسعار الكويت يمكن تختلف.

برأيي خذ 2SS فل، لا تاخذ 1SS مشلحة داخليته وما فيه إلا قوة المكينة، ولو عندك فلوس ما في مانع من الZL1، يمكن الـ1SS ما ينزل في الكويت أصلا زي السعودية، وطبعا لا تفكر في ال6 سلندر حتى لو كانت فيها كل المواصفات الأخرى.

 

[Ray Gun]

لا يازيرو انا سائل عن الاسعار قبل 3 اسابيع تقريبا لاني كنت ناوي على الكمارو .. بس استخرت و اخذت تشارجر srt
متاكد 100 ٪ مااعرف بصراحه لو فيه تخفيضات ف شفرولية الان
بالمناسبة المتحده عندهم تخفيضات رهيبه على القراند شروكي srt و الكليزلر srt و التشالنجر srt
اما الي ف خاطره شروكي srt هذي فرصته

 

[قناص]

هذي جزئية من موضوع عن أسوأ 13 سيارة مبيعاً في السعودية في عام 2012 :

نيسان صني كانت أسوأ سيارة مبيعاً في السعودية بإنخفاض وصل إلى -91% لتتراجع 24 مركز وتصبح في المركز الـ99.
فورد كراون فكتوريا إنخفضت مبيعاتها بشده بعد إيقاف إنتاجها للتراجع مبيعاتها -80% ويتراجع ترتيبها 8 مراكز وتصبح في المركز الـ44.
شيفرولية أبيكا إنخفضت مبيعاتها-87% وتراجعت 76 مركز لتصبح في المركز الـ173.
نيسان ماكسيما إنخفضت مبيعاتها -84% وتراجعت 72 مركز لتصبح في المركز الـ161.
نيسان أرمادا إنخفضت مبيعاتها -72% وتراجعت 118 مركز لتصبح في المركز الـ184.
تويوتا أوريون إنخفضت مبيعاتها -72% لتتراجع 29 مركز وتصبح في المركز الـ70.
ميتسوبيشي لانسر إنخفضت مبيعاتها -71% وتراجعت 66 مركز لتصبح في المركز الـ120.
نيسان باترول تراجعت مبيعاتها بقوة على الرغم من أنها مازالت جديدة حيث إنخفضت -57% لتتراجع 69 مركز وتصبح في المركز الـ104.
لكزس GX460 إنخفضت مبيعاتها -48%, وتراجعت 152 مركز لتصبح في المركز الـ195.
هوندا سيفيك إنخفض مبيعاتها -48% وتراجعت وتراجعت 93 مركز لتصبح في المركز الـ130.
نيسان ألتيما إنخفضت مبيعاتها -46%, وتراجعت 50 مركز لتصبح في المركز الـ82.
مازدا BT-50 إنخفضت مبيعاتها -45%, وتراجعت 86 مركز لتصبح في المركز الـ121.
فورد اكسبلورر انخفضت مبيعاتها بنسبة -43% لتتراجع 21 مركز وتصبح في المركز الـ34.

في سيارات قلت مبيعاتها بسبب تغير الشكل و في سيارات فقدت سمعتها مثل الابيكا كثيرة الخرابات .. لكن الصني من جد مدري ليه
طاح سوقه كذا .. ما تستاهل نسيان و للأسف مشكلتهم مثل مشكلة غالبية الماركات عندنا الوكيل سيء و محتكر ..

 

[Zero]

لا يازيرو انا سائل عن الاسعار قبل 3 اسابيع تقريبا لاني كنت ناوي على الكمارو .. بس استخرت و اخذت تشارجر srt
متاكد 100 ٪ مااعرف بصراحه لو فيه تخفيضات ف شفرولية الان
بالمناسبة المتحده عندهم تخفيضات رهيبه على القراند شروكي srt و الكليزلر srt و التشالنجر srt
اما الي ف خاطره شروكي srt هذي فرصته

إقرأ ردك مرة ثانية، الSS ب280؟ خخخ صار أغلى من الZL1، قصدك حول ال180، واللي هو في الواقع سعر نصبة مقارنة بأمريكا

 

[Ray Gun]

اوم الفهاوه هههههههه عفوا اقصد ب 180
ياخي يد بالايباد و يد بالبلايستيشن .. و انتظر الغدا
حالتي مش و لا بد

 

[~L.O.R.D~]

هذي جزئية من موضوع عن أسوأ 13 سيارة مبيعاً في السعودية في عام 2012 :

نيسان صني كانت أسوأ سيارة مبيعاً في السعودية بإنخفاض وصل إلى -91% لتتراجع 24 مركز وتصبح في المركز الـ99.
فورد كراون فكتوريا إنخفضت مبيعاتها بشده بعد إيقاف إنتاجها للتراجع مبيعاتها -80% ويتراجع ترتيبها 8 مراكز وتصبح في المركز الـ44.
شيفرولية أبيكا إنخفضت مبيعاتها-87% وتراجعت 76 مركز لتصبح في المركز الـ173.
نيسان ماكسيما إنخفضت مبيعاتها -84% وتراجعت 72 مركز لتصبح في المركز الـ161.
نيسان أرمادا إنخفضت مبيعاتها -72% وتراجعت 118 مركز لتصبح في المركز الـ184.
تويوتا أوريون إنخفضت مبيعاتها -72% لتتراجع 29 مركز وتصبح في المركز الـ70.
ميتسوبيشي لانسر إنخفضت مبيعاتها -71% وتراجعت 66 مركز لتصبح في المركز الـ120.
نيسان باترول تراجعت مبيعاتها بقوة على الرغم من أنها مازالت جديدة حيث إنخفضت -57% لتتراجع 69 مركز وتصبح في المركز الـ104.
لكزس GX460 إنخفضت مبيعاتها -48%, وتراجعت 152 مركز لتصبح في المركز الـ195.
هوندا سيفيك إنخفض مبيعاتها -48% وتراجعت وتراجعت 93 مركز لتصبح في المركز الـ130.
نيسان ألتيما إنخفضت مبيعاتها -46%, وتراجعت 50 مركز لتصبح في المركز الـ82.
مازدا BT-50 إنخفضت مبيعاتها -45%, وتراجعت 86 مركز لتصبح في المركز الـ121.
فورد اكسبلورر انخفضت مبيعاتها بنسبة -43% لتتراجع 21 مركز وتصبح في المركز الـ34.

في سيارات قلت مبيعاتها بسبب تغير الشكل و في سيارات فقدت سمعتها مثل الابيكا كثيرة الخرابات .. لكن الصني من جد مدري ليه
طاح سوقه كذا .. ما تستاهل نسيان و للأسف مشكلتهم مثل مشكلة غالبية الماركات عندنا الوكيل سيء و محتكر ..

غريب..سيارتي ليست منهم
Jeep Patriot
قليل جدا ما أشوف ناس يسوقوها

 

[NCC-1701]

-إعلان Ferrari LaFerrari وهي supercar جديدة، 949 حصان ومحرك hybrid وأقوى سيارات فيراري حتى هذه اللحظة، ما عجبني الاسم ولو كان F70 لكان أفضل.
-كشف GT-86/FT-86/FR-S/BRZ كشف، بدون غطاء.
-كشف Corvette C7 كشف أيضا.
-كشف Agera R بكاربون فايبر كامل، احتفالية صنع 100 سيارة.
-أيضا Lamborghini Veneno حرفيا كأنها سفينة فضاء.
-وجود BMW 3 GT.
-وجود Alfa Romeo 4C.

الباقي تشوفوه في الرابط.

بالعكس, الإسم اشوفه حلو لكن التصميم ماش! الأينزو و الـF40 أفضل بكثير برأيي.
ما توقعت ان الـ86 راح يتوفر منها كشف و كنت متخوف من كيف راح يكون شكلها, لكن طلعت مقبولة.

طلعت تشبه الـMX-5.

 

[Zero]

الشكل تقدر تقول أني ما استوعبته للأن، لكن "ماش" أحسها قوية شوي، عموما أحسن من F50 بكل تأكيد، ولليوم وللأبد F40 أجمل سيارة.

الـ86 طالعة جميلة بالمقاعد البيضاء، انتظر التشليح في النسخة النهائية، هذا مجرد كونسبت.

 

[NCC-1701]

خلفية السيارة جميلة, لكن الواجه بالكامل ما أستوعبتها مثلك. خصوصا لو تشوفها بصورة مثل هذي

الصور ما تعطيها حقها.

+
و أنا أناظرها يجيني إحساس انها مب فراري. تذكرني كثير بالزوندا و الكونيجسج و عشان كذا ما أعجبتني من أول نظره.

 

[Zero]

http://www.autoblog.com/photos/koenigsegg-agera-r-geneva-2012/full/#photo-4872389

كحلوا عيونكم.

شباب، ما في أحد تفحص GT 86/BRZ/FR-S عن قرب أو جربها؟ عن نفسي شفتها تمشي في الشارع بضع مرات.

 

[عاشق 360]

صور غير رسميه , للاس كلاس الجيل الجديد ,

سيارة الملوك

الداخليه شي غير طبيعي ومجنون بدمج اللمسات الكلاسيكيه بالالوان الحديثه والخامات الفخمه المستخدمه فالداش بورد كثير حبيت هالخلطه , شخصيا تجذبني التصاميم الكلاسيكيه الفخمه وافضلها على الرياضيه .

اما خارجيتها بسيطه وفخمه , وفيها لمسات من فئة ال cl الي تم ايقافها بالاضواء الخلفيه

بعد ماتم الغاء المايباخ متوقع بشكل كبير انتاج نسخه من الاس كلاس لتحل محلها . الله يستر من السعر .

 

[عاشق 360]

أنا مستغرب من تصدر الـBMW الفئة 7 للقائمة على الرغم من أني شخصيا أشوف S-Class بالشوارع أكثر منه بواجد، آخر شكل للفئة السابعة يكاد يكون نادر، بس بالنهاية القائمة تتكلم عن 2012 فقط والفرق بينهم بالأرقام في القائمة مو كبير (بس البعض يمكن يعتبره كبير لأنها سيارات سعرها مرتفع).

أما انخفاض مبيعات الباترول هل هو بسبب السعر؟ ما أتوقع أن السبب هو السعر واللاندكروزر قاعد يبيع! الإكسبدشن يستاهل وبقوة، أتمنى فورد لما تطور السيارة تزيد قوة محركها وبنفس الوقت تخليها محافظة على سعر معقول.

أساسا مبيعات سيارات تويوتا مخزية، كيف الناس مصرة تشتري ووكيلها سيء جدا، يعني تشوف مبيعات الكامري وتقارنها بالأكورد والألتيما والفيوجن ... بس زين أن السوناتا مبيعاتها جيدة.

بالفعل حسن , الاس كلاس في دول الخليج بشكل عام محصله انتشار اكثر من الفئه 7 , رغم ان الاخيره احدث وسعرها اقل وتقنياتها اكثر .

 

[SnakeEater]

بعد ماتم الغاء المايباخ متوقع بشكل كبير انتاج نسخه من الاس كلاس لتحل محلها . الله يستر من السعر .

او ممكن فئه جديده؟ بنسبه للسعر هم الغو المايباخ عشان المبيعات ولا؟ فاتوقع سعرها اقل

شباب وش رايكم في الـE55 W211؟ الشكل ذا

محتوى مخفي: E55

وحش 470 حصان, الماني, مريح

اسعار الأمريكي كويسه بس يقولون قطعه ماتلقاها هنا, قاعد ادور وارد المانيا مالقيت مواقع المانيه تبيع, الي عنده يحطها هنا.

 

[Zero]

في سيارات تنجاب من أوروربا بالهبل، تتوقع السيارات المرغوبة زي بعض السيارات الرياضية والكلاسيكية تجي من بريطانيا اللي مقود سياراتها على اليمين؟ لا طبعا، في سيارات واجد تجي من ألمانيا وغيرها بس لو على المواقع كنت محصل سابقا وأنا أبحث بس حاليا ما ببالي شيء. E55 AMG هذه سيارة تمنيتها من زمان، بس الحين خلاص صرت أتطلع لشيء أحدث، مو جاي أقول لك لا تاخذ طبعا، بس أقول وجهة نظري، أنا شخص ما يحبذ الألماني بسبب التكلفة، وأحس أني أنجذب للأشياء الأقل تعقيدا.

الـ S-Class الجديد طالع قصير من الخلف وأنواره صغيرة، مادري بس مبدئيا الحالي أفضل شكلا بواجد من الخلف.

 

[The_One]

ودي اخذ كمارو
هل من نصائح ?

أنا توني حاجز وحده

أنصحك تاخذها تست درايف أو تأجرها يومين من أحد مكاتب التأجير. أنه جربتها وعجبتني حيل (الSS).

الوكاله ما عندهم الا الفل أوبشن (الي هي تعادل 2SS-RS في امريكا ) وسعرها 14,700دينار .
عندهم عرض هالشهر خصم 400 دينار (وفيه خصم زياده لو تصر أنك تدخل على مدير المعرض. راح تصير بـ 14,050)

الـ6 سلندر سعرها يبدأ من 10,450 دينار.

بالتوفيق

 

[The_One]

للعلم موديل 2014 راح يتغير شكله, هذا الشكل الجديد (ماعجبني كأنه هوندا بريلود :happy:

 

[Zero]

الموضوع طارت منه ردود بعد الخلل الحاصل مؤخرا.

المهم http://www.autoblog.com/2013/04/20/we-obsessively-covered-the-2013-shanghai-motor-show/

تغطية معرض شنغهاي، المازيراتي الجديدة تصميمها مسخرة!

 

[قناص]

المازيراتي من يومها قيبحة التصميم

 

[NCC-1701]

المازيراتي من يومها قيبحة التصميم

هذي قبيحة؟ >_>

 

[Zero]

بالفعل، Maserati GranTurismo من أجمل السيارات تصميما!

برضوا أحد شاف السيارة الصينية؟ Icona Vulcano، سوبر كار V12 وبمحرك قوي جدا، ودي أشوف كيف بتكون من الداخل.

 

[Classic Player]

في سيارة رياضية جديدة من تويوتا .. اسمها toyota 86 بصراحة شكلها رايق .. لكن للأسف انها 4 سرندل

حطيت عيني على الفئة S لأن الفئة GT ماتفرق غير في الزوايد الرياضية فقط لاغير .. وهذي أقدر أركبها من برى زوايد تجارية لأن مصيرها تتحكحك و تصير حالتها حالة ..

المهم سعرها 117000 ألف ريال من الوكيل عبداللطيف جميل ... وش رايكم في السيارة ؟ شكلياً أنا معجبتني بقوة .. و السعر حلو .. ما أدري هل انا متسرع في الاختيار ؟ وبصراحة قطع و صيانة تويوتا ممتازة كأسعار

 

[Zero]

السيارة لا يغرك كونها 4 سلندر و200 حصان، إقرأ أي ريفيو بتسمع مدح كبير في متعة القيادة والإحساس بها في السيارة وأنه أفضل من سيارات أقوى منها، غير هذا فيها LSD من أساسها، طبعا جميل ناصب في السعر شوي برأيي بس هذا الوكلاء عندنا، هي السيارة اسمها GT86 في كل الأحوال بس على ما يبدو هو متفلسف وموزع مواصفات من راسه، في بريطانيا مثلا في GT86 وفي نسخة TRD وهي اللي فيها زوايد وحاجات أخرى زيادة (بس ما فيها جناح مبالغ فيه زي الموجودة عندنا :/).

نسخة سوبارو من السيارة (السيارة مشروع مشترك بين تويوتا وسوبارو) والمعروفة ب BRZ تحصلها ب110 ألف تقريبا حسب علمي، لكن للأسف تفتقر للنافيجيشن/الشاشة وشيئين آخرين مقارنة بنفس السيارة في أماكن أخرى مثل أمريكا، نسيت ويش كانوا بالضبط بس كانوا أشياء مظهرية (يمكن الأنوار والجناح لو ما خاب ظني).

لا تفكر تاخذ سيارة زي هذه جير أوتوماتيك، لا تفكر.

بس ترى الصورة المحطوطة في الموضوع ليست الشكل النهائي للسيارة، هذا ال concept والشكل النهائي فيه اختلافات.

 

[Classic Player]

ايه شفت الشكل النهائي و شفت فيدي للاخ حسن كتبي (اعتقد كذا اسمه) يقول ان السيارة ممتعة fun car على حد قوله ، يعني ماهي حقت سباق و خرابيط

بالنسبة للاوتوماتيك فيه خيار انك تستعمل العادي من خلال الجير خلف المقود ولا ؟ في فئة S ... لان بصراحة احيانا مع الزحمة تكره ام المانويل جير ..

BRZ و 86 من نفس المصنع سوبارو صح .. بس الوكيل حق سوبارو لك عليه في السعودية + هنا جايبين اعلى فئة على ما اعتقد تبتدي الاسعار من 125 الف ريال + فيه النفيقشن في ال86 و انوار LED تعطي فخامة وهيبة

اعجبني حجم السيارة الصغير مرة و شكلها الرياضي يفتح النفس .. مع ان الداخيلة بدائية للغاية ..

و قريت ايضا ان امكانية التعديل عليها كبيرة مرة وتقدر توصلها +500 حصان ! ما ادري هل هالكلام صحيح ولا نصب ! و ايضا سرعة RPM عالية جدا

 

[Zero]

إمكانية التعديل موجودة، للحين ما في شيء أقنعني صراحة، بس منطقيا السيارات اليابانية الأخرى 6 سلندر إمكانية التعديل عليهم أكبر بواجد. بالنسبة للريفيوز، الكل متفق على مدح السيارة، توب جير عطوها كوبيه السنة العام الماضي وسيارة كلاركسون المفضلة العام الماضي وأعطوها سيارة العام 2012، بالنسبة للأداء والإحساس بالقيادة فما يختلف عليه أحد، بس لا تتوقع سيارة سريعة علشان ما تنحبط واجد، بس يعني لسه أداء معقول وأفضل مما تظهره الأرقام.

المانيوال زحمة أو غيرها أنا شخصيا ما تفرق عندي، أشوفه أفضل في التحكم بالسيارة بشكل عام، وبالنسبة لسيارة زي هذه؟ الأتوتوماتيك بيقتل متعة القيادة فيها واجد، أنا أنصحك بشدة بالعادي وفي النهاية القرار لك طبعا، لا تظن أني ضد الأوتوماتيك بشكل عام، لكن في هالسيارة بالذات العادي أكثر جاذبية بواجد.

وكيل سوبارو مو منتشر زي ما تقول، وناقص مواصفات، مع أنه في النهاية قطع السيارة واحدة، الداخلية ما فيها زحمة زايدة والسيارة ما كانت أقوى من هالقوة علشان السعر، لو كانت أقوى وأفضل من ناحية المواصفات كان شفت سعرها غالي زي ال370Z مثلا.

غير هذا السيارة بشكل عام basic وما فيها زحمة أو حاجات زايدة، درايفرز كار لو حبيت تقول وتركز على تجربة القيادة، وما فيها تعقيدات، وبناء هذا ما أتوقع أنها سيارة بتتعب في أي شيء، لو عندي مقدرة مادية أخذتها بدون تردد.