TG CARS _|||_ الموضوع الرسمي للســيارات

[BioHazard]

zero شكلك تحب السيارات الي تصميمها يبرز قوتها, بس للاسف الفئه هذي صارت تهتم بالتصميم اكثر من الاداء

 

[The Doctor]

E-Class convertible

الE-Class... من قدام شكلها رهيب جداً، بس خربوا شكل السيارة لما حطوا سوناتا من ورى :\
الله يرحم الW211

 

[q8 spy]

يا جماعة شلون الفورد اكسبلور


أنا باخذلي سياره والله محتار

بين الاكسبلور والفورتنر

ترى والله احترت

 

[ShinShadi]

Ford Fusion 2010​

مسكت غلط معاي و أبغى حبه .. كيف يجي و لا ما يجي ؟!
السعر : تبداء من 69.000 ريال سعودي ( I4 ) إلى 95.500 ريال سعودي ( V6 ) ..​

 

[Zero]

Ford Fusion 2010​

مسكت غلط معاي و أبغى حبه .. كيف يجي و لا ما يجي ؟!
السعر : تبداء من 69.000 ريال سعودي ( I4 ) إلى 95.500 ريال سعودي ( V6 ) ..​

يجي وبقوة :rockon: ، أحسن سيارة سيدان متوسطة الحجم حاليا من السيارات الـAffordable ، أنت من جدك جاي تسأل يجي وإلا ما يجي؟ :

بس سؤال ، الوكيل اللي مادري كيف يفكر جاب الـ6 سلندر؟

للمعلومية السيارة لها 3 محركات:
-محرك 4 سلندر 2.5 لتر 175 حصان ، دفع أمامي.
-محرك 6 سلندر 3.0 لتر 240 حصان ، تجي دفع أمامي ورباعي.
-محرك 6 سلندر 3.5 لتر 263 حصان ، وتجي دفع رباعي طبعا.

الأخيرة Fusion Sport وشكلها مثل الموجودة في الصورة ، طبعا المفروض تاخذ الأخيرة دفع رباعي .. وجير عادي لو كنت تفضله ، علما أن الأوتو يجي ب6 سرعات.

أنصحك تدخل موقع فورد وتشوف مواصفاتها الكاملة ، ولو الوكيل يجيب الـV6 3.0L فهو شيء محبط لكنها تجي رفع رباعي وطبعا أحسن من الـI4

شكلك تحب السيارات الي تصميمها يبرز قوتها, بس للاسف الفئه هذي صارت تهتم بالتصميم اكثر من الاداء

ليس تماما ، كلها محركاتها متوحشة وسعرها هدية بس الوزن يقلل الأداء وهذا شيء معروف عن الـMuscle cars من يومها.

 

[Zero]

يا جماعة شلون الفورد اكسبلور


أنا باخذلي سياره والله محتار

بين الاكسبلور والفورتنر

ترى والله احترت

شوف ، الفورد إكسلبورر ما عليها كلام من ناحية الراحة والجودة ، لكن من ناحية الأداء والقيادة في أحسن منها ، وفي سيارات أحسن منها للـOff-road وأساسا نظرة وحدة على تصميمها من الأسفل تدل لك على ذلك.

أنت تبغى سيارة AWD بس الإكسلبورر ما أنصح بها والفورتشنر ما تسوى علما بأن الفورتشنر الفئة الأقل تجي دفع أمامي ومو دائما AWD.

السؤال هل أنت مستعد تاخذ سيارة أكبر أو أصغر؟

الFJ ولو أني ما أحبها لكنها سيارة ممتازة وتنفع للـOff-road ، بس مادري هل تبغى سيارة بـ4 أبواب أو لا ، عندك Grand Cherokee وتجي ب4 محركات ومدى سعرها كبير ، بس لو كانت ناوي تاخذ أقل محرك خذ Cherokee لأنه نفس المحرك ، عندك Pathfinder ممتازة جدا بس كبيرة بزيادة وغالية عندك Honda Pilot ، وعندك مازدا CX9 ، عندك دودج Durango ...إلخ.

يعني أنت جاي لسيارتين اعتبرهم من أسوء سيارات الـSUV المتوسطة ، الإكسبلورر لأنها كبيرة بزيادة من برى وفي أحسن منها من ناحية الأداء والقيادة وأحسها تنفع حق عيال ومشاوير ، والفورتشنر لأن في مليون خيار أفضل منها.

جرب تشيك على الـGrand Cherokee والـDurango والـFJ وغيرهم وشوف.

 

[عاشق 360]

الE-Class... من قدام شكلها رهيب جداً، بس خربوا شكل السيارة لما حطوا سوناتا من ورى :\
الله يرحم الW211

مثل ردة فعلي اول ماشفت صور الكشف الاوليه للسياره ... الخلفيه ماعجبتني " ستايلها ياباني بحت " بس على فكره الصور ماتعطي الخلفيه حقها ابدا , انا شفتها بالوكالها شكل الخلفيه كان جدا ممتاز وشبابي ... فوق هذا انوارها الخلفيه رهيبه .

 

[q8 spy]

زيرو

أنا رجال متزوج

وأبي سيارة عائلية

وودي بجيب

والمادية شويه

وماكو إلا هالموترين

 

[Zero]

زيرو

أنا رجال متزوج

وأبي سيارة عائلية

وودي بجيب

والمادية شويه

وماكو إلا هالموترين

فاهم عليك يا حبيبي ، بالنسبة للسعر قلت لك الـGrand Cherokee يجي ب4 خيارات للمحرك أولهم 6 سلندر ( 3.7 لتر ) والباقين متدرجين في القوة وهم 8 سلندر ( 4.7 و5.7 و6.1 لتر ).

لو قدرت تشتري الـ4.7 أو 5.7 حتى تمام مرة ( شيك أسعارهم ) ، أما لو بتاخذ أول محرك ال3.7 وهو 6 سلندر فخذ لك طلة على الـCherokee لأنه يجي بنفس المحرك وما تسوى عليك لو كان يهمك المحرك ، بس لو مهتم بالتصميم وأشياء ثانية خذ الجراند شيروكي.

في سيارات الدفع الرباعي Jeep تمتلك.

 

[Snake-87]

وودي بجيب

والمادية شويه

 

[Rakan HD]

زيرو

أنا رجال متزوج

وأبي سيارة عائلية

وودي بجيب

والمادية شويه

وماكو إلا هالموترين

نصيحه اكثر من اخويه اخذ الاكسبلورر وبتكون انسان مرتاح ,
مريح وسيع واقتصادي بشكل كبير وايضا يعمر معاك بشكل خيالي (حسب استخدامك),
الفورد انتشاره ممتاز عندنا بالكويت ومعروف عند الكل حتى تويوتا كذلك لكن الفورتنر ما تشوف يسوقونها غالبا الا هنود الشركات وشكله مضحك وبشع بنفس الوقت ,

وبخصوص الشروكي اليوم تشتريه باجر تبيعه بأقل من نص سعره وهذا اذا لقيت شرّاي له وغير هذا اخذها مني كلمه السياره هذي حدها 4 سنين او 5 وبتشوف الخرابات فيها ,

بأختصار القي نضره على الشارع الكويتي وشوف شنو اكثر سياره بين هذيل الثلاث انتشارا وبتعرف انها اكيد الافضل

وطبعا هذي نصيحتي ولك الخيار.

 

[Dark soul]

فاهم عليك يا حبيبي ، بالنسبة للسعر قلت لك الـGrand Cherokee يجي ب4 خيارات للمحرك أولهم 6 سلندر ( 3.7 لتر ) والباقين متدرجين في القوة وهم 8 سلندر ( 4.7 و5.7 و6.1 لتر ).

لو قدرت تشتري الـ4.7 أو 5.7 حتى تمام مرة ( شيك أسعارهم ) ، أما لو بتاخذ أول محرك ال3.7 وهو 6 سلندر فخذ لك طلة على الـCherokee لأنه يجي بنفس المحرك وما تسوى عليك لو كان يهمك المحرك ، بس لو مهتم بالتصميم وأشياء ثانية خذ الجراند شيروكي.

في سيارات الدفع الرباعي Jeep تمتلك.

لول حسن احسك تذكر المواصفات بس و تهمل الأمور ثانية ..

الشروكي على ان ادائه جبار و مريح في الاستخدام ..
لكنه سيء جدا في التحمل ( من تجربة ناس كثيرة ) + الحرارة دايما مرتفعة خلقة , هذا غير اني دايما اسمع سوء جودة التصنيع فيه

هو jeep بشكل عام مافي شي يقرب منها في الاداء ( الرانجلر *قلب* ) .. بس كأستخدام طويل + ميزانية متوسطة .. ما اظن ينفع

الفورتنر ما ادري عنها و ما تعجبني ( لول مب داخلة راسي ابد + تحس محركها صغير على حجمها )

الاكسبلورر مثل ما ذكرت انت .. يعيبها المواصفات + الحجم من داخل ..
ما ادري عنها كأستخدام و جودة .. بس ما اظن انها بتقل عن اختها الاكسبدشن

 

[SCREAMING_RAGE]

خلنا نبعد شوي عن المواتر الامريكيه " الخليجيه " بشكل عام.


شركة Vauxhall البريطانيه (( المعروفه ايضاً بـ opel عالمياً )) نزلت موديلها السادس و الجديد لأفضل سيارة هاتشباك في نظري !!

و بكل صراحة, شكلها الخارجي يظهر لك مدى براعة تصيميم السيارات الاوروبيه !!

لو في مثلها بس في السعوديه ...................
للمزيد عن السياره

 

[The Doctor]

زيرو

أنا رجال متزوج

وأبي سيارة عائلية

وودي بجيب

والمادية شويه

وماكو إلا هالموترين

بس هل فعلاً تحتاج جيب؟
لأن لو أنا مكانك فإلا إذا عندي أكثر من 3 أولاد فما بافكر إلا بالfamily saloons
يعني شوف الفورد مونديو أو الفيوجن
أو الهوندا أكورد، المازدا6، شي بهالحجم.. طبعاً ما جربتهم كلهم بس أقدر أضمن إن أفضل وحدة منهم بتكون أفضل بمراحل من الفورتشنر و الاكسبلورر من ناحية السواقة و الأمان

 

[ShinShadi]

أنصحك تدخل موقع فورد وتشوف مواصفاتها الكاملة ، ولو الوكيل يجيب الـV6 3.0L فهو شيء محبط لكنها تجي رفع رباعي وطبعا أحسن من الـI4

أنا رابط موقع الرسمي للسيارة مع الإسم !! عموماً أنا أعتقد إن موديلات الدفع الرباعي ما نزلها الوكيل و أكاد أكون مؤمن إنه ما جاب موديلات الـV6 بأكملها !! عموماً أنا وقعت في غرام السيارة هذي من النظرة الأولى :inlove: !!​

 

[Zero]

ما ادري عنها كأستخدام و جودة .. بس ما اظن انها بتقل عن اختها الاكسبدشن

لول الإكسبلورر يجوا ناس ويقصوا عليك ويقولوا لك فيه مشاكل ، أنا أقول لك ممتاز وجودته ممتازة وسوبر مريح .. بس من ناحية القيادة والسسبنشن أحسه مادري كيف ، أما بالنسبة للإكسبيدشن فهي سيارة بطلة وكل سيارات فورد الضخمة بطلة والأفضل بين السيارات الأمريكية من نوعها برأيي ، ياخي يكفيك السعر الخرافي بالنسبة للي يعطوك وياه من قيمة وجودة .. هاليومين صاير أشوف F-150 FX4 و4×4 بكثرة ورؤيتهم تسعدني طبعا :inlove:

أنا رابط موقع الرسمي للسيارة مع الإسم !! عموماً أنا أعتقد إن موديلات الدفع الرباعي ما نزلها الوكيل و أكاد أكون مؤمن إنه ما جاب موديلات الـV6 بأكملها !! عموماً أنا وقعت في غرام السيارة هذي من النظرة الأولى :inlove: !!​

ما انتبهت للرابط ههه ، لو ما جابهم للأبد بيكون شيء بايخ بقوة :crying: ( حسب علمي ما جاب إلا ال4 سلندر لحد الآن ) .. الFusion Sport شكله مؤلم :inlove: ، طبعا ال4 سلندر ما تجي دفع رباعي للأسف.

الوكيل تحسه يبغى الناس يشتروا التوروس ، ياخي الوكلاء عندنا نفسك تروح لهم وتضربهم بشوتجن.

التوروس يجي دفع رباعي أو أمامي ومحركه دائما 3.5 لتر و6 سلندر و263 حصان ، طبعا الـ2010 شكله خرافي خصوصا باللون البرتقالي\الأحمر ، ما ودك تشيك عليه؟ المشكلة التوروس حجمه كبير وتحسه حق شياب .. لكن يظل أهون من الفيكتوريا من هالناحية :laugh::

 

[Zero]

على فكرة اليوم طلعت سيارتي بعد ما بدلت الـTransmission disk حقها وكلفني $$$$ :annoyed: ، واليوم طول ما أنا أسوقها ما زاد عداد الضغط عن 4 :laugh:: .. القيادة بدون مداعس تعطي شعور جيد.

 

[snake eyes]

أنا رابط موقع الرسمي للسيارة مع الإسم !! عموماً أنا أعتقد إن موديلات الدفع الرباعي ما نزلها الوكيل و أكاد أكون مؤمن إنه ما جاب موديلات الـV6 بأكملها !! عموماً أنا وقعت في غرام السيارة هذي من النظرة الأولى :inlove: !!​

مبروك مقدماً شادي

كان في حفل تتشين لـV6 بس مني متأكد هي للميلان ولا للفيوجن بس في وحده منهم موجوده بالسته سلندر

 

[BioHazard]

سيارتي انكسر جنطها وانشق كفرين, الجنط مافيه منه في السعوديه وبيجي بعد 4 اسابيع على قوله الوكيل :crying:

 

[Rakan HD]

سيارتي انكسر جنطها وانشق كفرين, الجنط مافيه منه في السعوديه وبيجي بعد 4 اسابيع على قوله الوكيل :crying:

اوف! شسار بضبط شلون انكسروا؟ صعدت رصيف بالغلط او طحت بحفره @@؟
عاد الله يعينك بعض الجنوط غاليه حيل بالوكاله واذا سيارتك منتشره عندكم حاول تروح السكراب تدور على جنوط نفس ملوت سيارتك او حتى سياره ثانيه بنفس المقاس واخذهم ترا بيطلعون عليك ارخص بواجد وهم بنفس الوقت ما راح يفرق معاك الا الشكل (يمكن تحصل شكل افضل بعد لول) .

 

[Zero]

سيارتي انكسر جنطها وانشق كفرين, الجنط مافيه منه في السعوديه وبيجي بعد 4 اسابيع على قوله الوكيل :crying:

الله يعينك :annoyed: ، لو حاس أن الجنطين بيكلفوك مبلغ والسعر يجيب لك 4 جنوط أخرى روح للخيار الثاني ، أوه لحظة .. أنت قلت جنط واحد.

ما حصلت في تشاليح سيارات؟ ، 4 أسابيع طويلة جدا هذا بيخترع جنط ما بيجيبه من برا >.>

 

[BioHazard]

ايه طحت بحفره وسط highway (ابوحدريه), الجنط الواحد قالي بـ3300 وفيه جنط ثاني منعوج مع الحافه ويقولي يمكن السياره ترج, ما ادري اغيره ولا لا؟

 

[SCREAMING_RAGE]

^
^
أهم شئ سلامتك يا رجال, الحديد يروح و يجي !!

وش نوع سيارتك ؟؟

 

[Rakan HD]

ايه طحت بحفره وسط highway (ابوحدريه), الجنط الواحد قالي بـ3300 وفيه جنط ثاني منعوج مع الحافه ويقولي يمكن السياره ترج, ما ادري اغيره ولا لا؟

اذا تحويلي صحيح للعمله يعني 252 دينار كويتي @@ هذي سعر 4 جنوط كروم لول ,
نصيحتي روح السكراب (التشليح) واخذ لك واحد اذا متوفر بيطلع عليك ارخص بكثير لان سعر واحد فقط صدقني غالي جدا اذا سيارتك عاديه ,

واذا معزم تاخذ واحد من الوكيل فـ بدلهم ثنينهم لانه الجنط المعووج بعور التاير مع المشي وكل مده اقل من 6 شهور بتلقا التاير (الكفر) خرب ولازم تبدله يعني ما في فايده ,

وحمد لله على السلامه .

 

[BioHazard]

السياره jaguar xf, ما اتوقع احصل بالتشليح.

 

[Zero]

ايه طحت بحفره وسط highway (ابوحدريه), الجنط الواحد قالي بـ3300 وفيه جنط ثاني منعوج مع الحافه ويقولي يمكن السياره ترج, ما ادري اغيره ولا لا؟

واحد من أغبى الطريق السريعة عندنا ، يا رجل بتغير جنط واحتمال ترج مع الثاني؟!

سعر جنط ونص أو جنطين يجيب لك طقم جنوط كامل محترم ، ولو كنت مكانك كنسلت الطلبية وشفت لي جنوط حلوة من هنا وإلا هنا.

 

[Thirsty Fire]

أمس كنت عند جولان لختبار الدينو اختبرنا ثلاث سيارات

1. Mini Cooper s 2007 Stock حقتي
2. Golf GTI 2005 حقت واحد من اخوياي
3. Benz SLK 55 AMG حقت ولد عمي

النتايج كلها Wheel HP كانت

1. 163
2. 276 وهذا هي فيها مشكلة يبغالها اعادة برمجه
3. 296 و يبغالها صيانة لان اكتشفنا انها في كم قطعة مسبب مشاكل.

على فكرة الجولف و هو في مشكلة راح ماشاء الله الاسبوع اللي راح تقاوم مع Audi R8 و راح عليه تقريبا كيلو فرق المسافة الاودي صار يكبس يبغاه يوقف لكن خوي سحب عليه لان شكل الجولف ستوك بس منزلها و مركب كفرات سليك كل الصرف كان في بطنها لووول و في ام 3 اكل المقلب كمان و غيرهم كثير.

 

[i7asan]

^
الGTI معروف في التزويد لأنه تيربو وبكل سهولة قوته تزيد بس برمجة وكم شغلة بسيطة ..
في امريكا واوربا الGTI منتشرة بكثرة وناس تركب Stage 3 وتصير حالها حال السوبر كارز
بس 276 حصان مع الR8 ب420 حصان صعبة شوي! ممكن الR8 كان يمزح معاه بس
لو كانت 350 حصان بقول ممكن

اخخخ ليش اخذت R32
تزويدها صعب ومكلف .. مع اني مو تبع سرعة ولكن احياناً تدق على الواحد يبي يزود لول:xd:

 

[Zero]

لول أكيد الـR8 كان يمزح ، يمكن لو على سرعة بسيطة ما بيشوف الواحد فرق كبير لكن على سرعة عالية وشارع كبير الـR8 بيطير عليه بالراحة.

 

[BioHazard]

واحد من أغبى الطريق السريعة عندنا ، يا رجل بتغير جنط واحتمال ترج مع الثاني؟!

سعر جنط ونص أو جنطين يجيب لك طقم جنوط كامل محترم ، ولو كنت مكانك كنسلت الطلبية وشفت لي جنوط حلوة من هنا وإلا هنا.

انا للحين ما طلبت وما اعرف من وين اشتري جنوط, بس جنوط السياره شكلها ممتاز مره وعلامه جاقوار شي اساسي :, عشان كذا اباخذ الجنوط نفسها من الوكيل بس ما ادري اغير واحد بس ولا اثنين؟ والمفروض الوكيل يعطيني سياره بديله لين ما تجي القطع صح ولا؟