تويست: كل التحديثات اللي ذكرتها اللي تصلح اللعبة فعلا مجانية وما عرفناها اصلا الا لانهم نزلوا التحديث بدري بالغلط ومسحوها ...فقط قرروا ينزلوا التحديث والاصلاحات للجميع بوقت اصدار الاضافة....بس اشوف الاتهامات جاهزة عندك p:
J/k
ايضا سعر الاضافة رخيص...شفت العاب اندي تقدم اسعار اغلى، سعر النسخة الفيزيكال بناء على محتواها والتغليف الفخم لها مع كتيب الارتبوك فوقها يعتبر سرقة...ما تشوف اي لعبة فيزيكال زي كذا بالاسواق هاليومين...حتى الmanual صاروا يستخسروها عليك هالجيل...ما عندي اي مانع اشتريها مجددا ب٣٠ دولار فقط...هاللعبة تستاهل كل دعم ممكن والباكج نفسه مغري للامتلاك
لعبتها..... الشخصيتين الجديدتين ممتازين! مايتي مفيد جدا ووقت ما يتكور يحمي نفسه من الاشواك حتى! بينما ray اوصفه ببساطة انه قدرة الcape بسوبر ماريو وورلد...يحتاج مسترة لكن وقت ما تعرفله يصير ممتع جدا وتستخدمه للطيران بشكل عجيب...مش سهل وما ينفع بكل المساحات الضيقة
الencore mode اعظم طريقة لاعادة اللعبة....بالبداية كنت اعتقد انه مجرد palette swap للالوان....الجرين هيل زون مثلا يصير بفترة العصر والكيميكال بلانت بفترة الليل وهكذا
لكن، كل مرحلة اختلفت فيها العوائق...تشوف اشواك واعداء باماكن مختلفة عن العادة...بعض المراحل المتقدمة الاختلاف يبان بشكل كبير ...اماكن الخواتم اللي تنقلك للسبيشل ستيجز اختلفت -واللي هي بدورها اختلفت ايضا وجابوا مراحل بونسز جديدة وصعبة -....بالحديث عن البونوس ستيجز اللي تدخلها من التشيكبوينت...صارت لعبة بينبول.
اكثر ميزة تميز هذا الطور هو الشخصيات اللي تلعبها ونظام الحيوات هنا، انت هنا تلعب شخصيتين طول الوقت...وتقدر تبدل بينهم بأي وقت ايضا! ومش بس كذا...تقدر تحصل باقي الشخصيات عن طريق صناديق داخل المرحلة بس مش تستخدمهم مباشرة...لكن ينحفظوا عندك...لو انت تلعب بسونيك وتيلز مثلا وكان عندك ناكلز....لو خليت سونيك يموت ما بتعيد المرحلة....التحكم ينتقل لتيلز ويجي ناكلز يرافقك وهكذا.
في خمس شخصيات الحين طبعا...فالماكس يكون ٥...تلعب ب٢ و٣ يكونوا بحوزتك لو اخذتهم سواء من المرحلة نفسها او مرحلة البينبول الجديدة
في ايضا صناديق بالمراحل الحين تغير الشخصيات بشكل مباشر ...العب بسونيك وتيلز مثلا واخذ هالصندوق وفجاة اصير العب بناكلز ومايتي...هذا الشي يضيف تنوع كبير باللعب اثناء المرحلة الواحدة...ممكن تحس فيه كمقلب ايضا لو ما تبغى شخصيات معينة لول...بس جزء من التحدي والعمق انك تتفاداها او تستخدمها لصالحك
احس شرح هالحاجات ما ينفع بدون صور وجيفز بعملها برد لاحق عن اللعبة....بس بالمختصر المفيد انبسطت كثير على المحتوى الجديد هنا
اوه شكرا كنت محتاج هالدفعة ، انطباعاتك مبشرة وباشتريها ان شاء الله بعد ردك خاصة ان السعر فعلا رخيص واللعبه تستاهل الدعم