The Sinner
عضو سابق في فريق العمل
Sinner The Diver and The Great Kingdom Under The Sea
طبعا قبل ما ابدى الموضوع اقول لاعضاء TG والله لكم وحشة ومن زمان ما شاركت لاكن هذا بسبب الصيف والسفر.
وبما انا جبنا سالفة السفر كان المفروض اني الصيف هذا اسافر لبلد برة الدول العربية واستانس مع الاهل ومن هالقبيل بس عشان الاحداث اللي صايرة الحين اهلي قرروا يكنسلوها وكانوا في الاردن وانا رحت لهم عشان من ناك نسافر يوم كنسلوها انا تحطمت وقلت مع السلامة للصيف والاوناسة ومن هالكلام وقعدت اسبوع زهقان طفشان لاني رحت الاردن قبل كذا وودي اروح شي جديد ويوم قاعد اقلب بجريدة الا واعلام عن طلعة لمدينة العقبة يوم وليلة يقعد فيها الواحد ويرجع انا قلت ياولد انت مارحت لها والسبب كان لان هي على البحر وانا بالدمام يعني شبعان بحر بس قلت يالله تغيير جو وصلت للفندق وكان فيه على المدخل اعلان على الغوص انا طبعا فضولي توني حتى مادخلت للغرفة حقتي قلت اشوف وش عندهم دخلت عندهم وبديت استفسر وفهمت انه يعني انه هذا المكان فيه امكان للغوص فيه احياء مائية جميلة ومن هالكلام انا عجبتني السالفة قلتله طيب انا ودي اجربها قالي انت Diver or Snoker Diver قلت هذي اول علامة استفهام ومعنى الكلام انه انت من قبل غصت ولا اول مرة . اوكي هذي وفهمناها لاوالله يالطيب هذي اول مرة قالي طيب اذا بتغوص بنزلك اول سي تحت عمق 6 متر كتجربة وبعدين تروح على عمق 18 لو كان كل شي تمام طيب نادا المدرب وقاله خذ مقاسه واشرح له التعليمات وانا بشرحها لكم عشان تكونوا بالصورة :
المدرب : عندك اي مرض مزمن او اي مشكلة تعاني منها
انا : لا
المدرب: شكلك مزكم ؟
انا : لالالا مو مزكم (الحقيقة اني مزكم )
المدرب :همممممم على العموم بيبان معنا طيب روح البس بدلة الغوص
رحت ولبستها ورجعت له بدا اول شي يعلمني الاشارات اللي تساعدنا على التخاطب تحت الماء وهي كالتالي
- اذا رفعت ابهامك للاعلى معناها تبي تطلع فوق
- اذا نزلت ابهامك للاسفل معناها تبي تنزل للعمق
- اذا هزيت يدك وهي مفرودة معناها عندك مشكلة وتاشر وين المشكلة عندك ونطلع لصطح الماء عشان نعدل المشكلة
- اذا سويت حركة معينة انا اسميها علامة الجودة ما اقدر اوصفها شلون بس بحط صورة مسوي فيها الحركة معناها كل شي تمام ونكمل الغوص هذي يسوسها كل ما بدا ينزل تحت اكثر فيطمن عليك قبل ما ينزل
هذي كانت اشارات التخاطب الحين على باقي الادوات :
- اصطوانت الغاز فيها 200 وحدة هواء ومركب لها عداد يبين لك كم باقي من الهواء وانت على اي عمق
- الزعانف حقت ارجول عشان ترفس فيها
- والثقل اللي ينحط على الخصر عشا يخليك ماتطفو على صطح الماء
- والسترة اللي يكون عليها اسطوانة الهواء وهي تنفخ بالهواء وتقدر تتحكم وانت تحت الماء بمدى الهواء اللي فيها يعني تبي ترتفع تزود الهواء فيها او تبي تنزل تحت تقلل الهواء فيها بس طبعا المدرب قالي هذي انا اتحكم فيها انت لا تتلاقف قلت حااااااااااااضر ماني بايع عمري
- باقي الجرس هذا انه في حالة اتفرقت عن المدرب ادقه وهو بعد يدق الجرس عشان نعرف مكان بعض ولاكن في معظم الاحيان المدرب يكون ماسك فيك من السترة من فوق عشان ما تضيع الا اذا انت تبي تسوي فيها محترف وتخليه يمشي جنبك زي حضرتي
- واكيد القناع اللي تحطه على عيونك وخشمك عشان الماء ما يدخل فيهم
- واخر شي وهو اصعب شي كيف تعدل الضغط داخل الماء طبعا معروف انه يوم تغوص بيصير فيه ضغط على اذانيك وكل ما نزلت للعمق يزيد فشلون تعادل الضغط لو شعرت بالم او ضغط في اذنك تقفل خشمك وتنفخ فيه بقوة هذي هي الطريقة للوهلة الاولى تبدو سهلة بس والله انها اصعب من الغوص وبكذا انا اكون جاهز لاغزو اعماق البحر
طيب هنا جالس اجرب التنفس من الاسطوانة تحسون اني خايف شوي
احم احم هنا انا واثق 100% ومستعد للغوص ومسوي علامة الجودة
طيب مشينا داخل البحر على رجولنا الى ان وصلنا الى عمق 2 متر شي سهل قالي الحين جرب نزلت راسي وبديت ابي اتنفس شي طبيعي انه من خشمي اوووووووووووه نسيت خشمي مقفل من فمي طيب اخذنا شهيق حسيت بشي غريب بعدين زفير ابي اطلعه بعد من خشمي واحد راسه يابس مافي مجال اذن من فمي قعدت كم دقيقة لان اخذت على الوضع بدينا نغوص لان 4 متر بديت احس بالضغط فسويت اللي قالي عليه نفعت الحركة قلت والله اني فنان وصلنا الى عمق 6 متر وهي نهاية التجربة بديت اشوف شوي من المرجان وكان شكله رائع وسمك صغير مثل حقون الزينة بالوان مختلفة استانست بس وانا ماشي ما اشوفلك الا هالشي الاسود اللي تحتي زي القنفذ كله شوووووووووك اوتتتتتتتتتتتتتتتتتتش لو دعست عليه وانا قمط ابي اعدي منه بسرعة لا يسويلي مصيبة خلصت التجربة قالي المدرب شلون حسيت قلتله كل شي تمام بس وش الاسود اللي تحت هذا مو صاحي قالي هذا حيوان اسمه ابو الهيلمان اول مرة اسمع بهالاسم ؟ المهم قالي ماعليك منه مايسوي شي ها نروح ل 18 متر قلتله نروح بس مو شوي عميق قالي يووووووووه انا اليوم طبيت بعمق 50 متر وتشوف اشياء خيال بدا الرجال يكوكني وهو مايدري بس قالي صعبة عليك اول مرة مو ممكن بس انا اقولك هالكلام عشان ماتقول ان 18 عميق طيب ركبنا هالمرة القارب ووصلنا المكان المطلوب ونزلنا وانا اناظر العداد ونا نازل 3 متر 6متر 11 متر لان وصبنا 15 بديت اشوف الاسماك طبعا اكيد اكبر بس عدد اقل بس كانت خطيرة الوان واشكال مختلفة والمرجان واللي رافع ضغطي ابو الهيلمان كل شي كان موجود وانا مستاااااااااااااااااااااانس الا وشوي احس شي طبق على اذني اهاااااا مستر ضغط جا قلت بسيطة انفخ بخشمي وكل شي يروح انفخ ياولد مانفع مرة ثانية مانفع المدرب لاحظني فسالني طبعا بالاشارات قلت له كل شي تمام عن طريق علامة الجودة شوي وراح الضغط من وحدة حسيت ذاني بدت تنسم من وحدها شوي شوي اخذت عالوضع قلت للمدرب يهدني وصار زي خويي امشي معاه وبعد شوي بديت اتلاقف امسك مرجان اصقع سمكة من هالاشياء والمدرب قالي لا تلمس شي المهم خلص الغوص على خير وطلعنا قالي ماشاء الله عليك لك مستقبل انا قلت بس هو بدا السالفة فقلتله صراحة ودي اطب بال50 متر قالي مستحييييييييييييييييييل قعدت وراه حول ساعتين وخربت عليه اكثر من زبون يعني جننته لان وافق قالي خلاص تبي مسؤوليتك دخلني المكتب وخلاني اوقع على اوراق اللي دايما اي واحد يطب بال50 متر يوقع عليها منها اخلاء مسؤولية لو ماتقيدت بالتعاليم ومن هالكلام قالي طيب الحين القارب مو موجود على المغرب يكون تعال على الساعة 6 ونروح للغوص انا بديت اقمط بس ما ادري شي فيني وده يروح
وطول هالساعات وانا افكر اروح ولا ما روح حتى اني لا تغديت ولا سبحت ولا شي بس جالس بالغرفة افكر لان جا الوقت وقلت ياولد توكل على الله ومو انت اول ولا اخر واحد بيطب بال50 متر وفعلا رحت طبعا القارب ودانا مكان بعيد انا اناظر القاع لونه اسوااااااااااااااااااد وسرحت الا المدرب يناديني يقول متذكر كل شي ولا اذكرك قلت له متذكر قالي لو صارت اي مشكلة على طول بطلعك وما بنرجع يعني لو سويت الحركة اللي تهز يدي انه فيه مشكلة على طوووووووول على الفندق مافي نطلع ونعدلها ونرجع قلت لوكي طبعا نزلنا وهنا صراحة بدا عالم ثااااااااااني وحسيت بمشاعر ولا فحياتي حسيت فيها طبعا يوم نزلت ما اشوف الا سواااااااد وسكووووووووووت ونازل لتحت وحسيت البحر باااااااااااارد وانا جالس انزل خلاص مت من الخوف والله اني جلست اتذكر اشياء بحياتي من ونا بزر زي اللي خلاص بيصير له شي فعلا منظر يخرع وما ادري اتذكر واقرا ايات وخايف وحالة وكل شوي ونا نازل اطق الجرس اتاكد ان المدرب وراي ماسكني هالمرة ما ودي يهدني طبعا بديت اشوف العداد حق العمق الا ان بدا يوصل العشرينات بدا الضغط يزيد ونا عرفت اني ما بكمل لان على 18 وبالموت تحملت وصلت 30 وخلاص حسيت راسي بينفجر الا ونفس اللي صار معي على عمق 15 حسيت ذاني بدت تنسم بس هالمرة بقوة كبييييرة وما عدت اسمع الا صوت شي جالس ينسم قلت اقوله يطلعني ولا لا بس قعدت ساكت وبعد شوي راح الضغط من عني ليش ما ادري ؟ بعد دوشة الضغط لاني ماكنت منتبه للي حولي بسبته اناظر العداد ال 41 قلت ياولد بدا الكلام الا اسمع اصوات تمر من بيني عاد بدا الخوف يزيد وهو مو مشغل الا النور اللي على القناع لان وصلن 45 بدين نسبح لان وصلت لشي عجيييييييييييييييييييب يوم شفته صراحة نساني كل هاللحظات وشعرت بفرحة ودهشة وسعادة لا توصف وهو اللي خلاني اكتب هالموضوع لان فعلا ودي اقول للكل شلون كنت فرحن والله انا اناظر فوقي وكان جبل عااااااااالي كله مرجان اشكال وانواع والوان كانه انوار تزين عرس والسمك حولها بعد اشكال والوان من كل مكان حولي و بعدين ارتفعت شوي بالسترة صرت بين المرجان والسمك كاني جالس بين كنز واسبح فيه منظر واحساس فعلا يستاهل التعب من حماسي ابي اقول للمدرب انه شي مو طبيعي رفعت الابهام لفوق يعني ابي اقوله ان المنظر اوكي هو ماصدق خبر بدا يرفعني انا قلت وين يابو شديته وعدلت العبارة انه خطأ مطبعي نزلت الابهام لتحت وبعدها حطيت علامة الجودة وقعدت بس ادور حول ذيك المنطقة وقبل ما ارجع للسطح وحنا ماشيين الا مدري سرب من السمك وكبير وعدد كثير ماشين بالعرض وما اقدر اوخر عنهم ونا اقول بنفسي ياهووووووووووو يا نااااااااااااااس طووووووووووووووووط وخروا عن الطريق مافي الا مشينا من بينهم وبعد كانت تجربة خيالية المهم طلعنا بعدين للسطح ونا راضي تمام الرضا عن اللي شفته وعمره ما راح ينمسح من ذاكرتي بديت اشيل القناع الا شلال من الدم ينزل من خشمي وانا مو ملاحظ من روعة ما شفت هذا الدم سببه اني ماعرفت اعادل الضغط فبدا بضغط على الاذن والدماغ والتنسيم اللي صار بالاذن معناه انه صار معي نزيف هذا اللي قالي اياه المدرب ونا مو داري بس الحمد لله جت سليمة
المهم السبب اللي خلاني اكتب هالتجربة اني حبيت اشاركم هذي التجربة الجميلة اللي عشتها وودي لو واحد يجربها وبيفهم معنى فعلا عالم خيالي والاهم من هذا فعلا تدرك عظمة وروعة ودقة خلق الله سبحانه وتعالى الشي يوم تعيشه وتجربه مو زي ماتشوفه على التلفزيون واسف على الاطالة
