Resident Evil: The Umbrella Chronicles | الموضوع الرسمي (فيديو انطباعات)

[hussien-11]

تعبان جدا ؟ مادري انا لسه مخلص شابتر زيرو كامل و أصلا أغلب السي جيز كوبي بيست من اللعبة

بالنسبة لي ما وصلت مستوى هاوس اوف ذا ديد 2

هاوس هو ؟ العمق و الحماس بهاللعبة يضيعها تضييع + العمر أيضا ( هاوس قصيييييييييرة )
​

 

[Aoks]

تعبان جدا ؟ مادري انا لسه مخلص شابتر زيرو كامل و أصلا أغلب السي جيز كوبي بيست من اللعبة

انا حسيت السي جي حق ريزدنت ايفل 0 و1 اقل من اللعبة الاصلية في الجوده

محتوى مخفي

السي جي عند الزعيم الاخير رايح فيها -_-

​

 

[Colorization]

خلصت تشابتر زيرو بالكامل وأول Act من تشابتر الجزء الأول، ساعة ونص تقريباً وفجلسة وحدة.

تشابتر زيرو كان ممل شوي بالنسبة لي لأني ما ختمت اللعبة، لذلك قاعد العب بأحداث انا ما اعرفها (ولول على السبويلرات، يالله ميخالف)، لكن التشابتر الأول خرافي، خصوصاً إني مو لاعب ريميك الكيوب يعني الـCG وتصميم الأماكن كله على بعضه جديد علي ورهيب، كنت ببكي أول ما دخلوا الـmansion لول، يعني من جد ذكريات اليمة جتني.

وبصراحة يعني من الإنطباعات اللي قرأتها بالموضوع حسيت إنه اللعبة أقل من جيدة و"عادية" إن صح التعبير. لكن، ومن نظرة شخصية، أشوف اللعبة جيدة جدا جدا على اقل تقدير، هذا إن ما كانت ممتازة. فانز ريزدنت إيفل حرام ما ياخذونها، والله ممتعة حتى بالسينجل بلاير، واعتقد لأني من زمان ما لعبت on-rail shooter اللعبة كانت إعادة إحياء جميلة للـgenre بالنسبة لي.

 

[hussien-11]

أتفق معك تماما محمد ، و اللعبة بالنسبة لنوعها توفر عمق جميل جدا و غير متوقع
اللعبة باعت بشكل جيد ، أتمنى كابكوم الان تشد حيلها و تسويلنا ريزدنت ايفل2 ريميك !
​

 

[JOE]

محتوى مخفي

علشان تطلع الـ Dark Legasy 2 لازم تختم قبل مرحلة الـ Death's Door من الشابتر الثالث و مرحلة الـ Nightmare 2 من الشابتر الثاني خيو .. : )

ما إستفدت شئ :embarrassed: خلصتهم كلهم على فكرة

شباب ما احد جاوبني :

محتوى مخفي

انا ماشي في اللعبة تمام التمام ... و لكن فجأة لما وصلت لـDark Legasy و خلصته ماني شايف اي مجال للتقدم !!! اين Dark Legasy 2

و هل هناك طريقة معينة مثل إحراز S rank في كل لمهمات عشان اقدر اكمل ؟؟ ولا إلي في بالي ؟؟ << Big BUG

 

[Colorization]

عامر انا اذكر قرأت بالـmanual إنك لو ما تقدمت بالتشابترز معناتها لازم تجيب rank أعلى او شي جذي.


على فكرة حتى الجرافكس مو سيء لول. يمكن لأني ألعب على SDTV، لكني بكل الأحوال ما كنت عاقد آمال كبيرة على الجرافكس، لذلك مظهره ما كان مزعج بالنسبة لي. بشكل عام اللعبة كانت قد تطلعاتي لها.

 

[Xeno]

توني لاعب أول مرحلتين مع أختي الصغيرة, لول جنون, شوي وأضربها, رفعت ضغطي لول.

اللعبة ممتعة كو-أب, بس من بكرة مابلعب غير على الـEasy خخخخ.

 

[Colorization]

آنا أمس لعبتها مع صاحبي، خلصنا تشابتر RE0 بالكامل بـ40 دقيقة او اقل. لما لعبته مرة ثانية..... كرهته أكثر. أسوأ تشابتر بقوة، واعتقد ما بلعب زيرو خلاص كرهتها.

خلصت تشابتر RE1 وبكمل تشابتر الثالث الحين. طبعا ألعب عالإيزي، لكن مع صاحبي لعبناها نورمال (وكانت سهلة لكن ممتعة). تشابتر الجزء الأول رهيب حيل حيل حيل

 

[Xeno]

خلصتها كاملة كو-أب.

رهيبة بمعنى الكلمة, مملة لو تلعب بروحك, المهمات السبيشل اللي مايصير تلعبها غير بروحك مللتني بسرعة, لكن كو-أب اللعبة جدا ممتعة, بالراحة أفضل لعبة شوتنج بهذا الأسلوب لعبتها, ومن أمتع ألعاب الوي.

لو تقدر تلعب كو-أب = مست باي
لو ماتقدر = يشترط تكون رزدنت إيفل فان

اللعبة مليئة بالأشياء الصغيرة والتجميع, فعلا فان سيرفس بامتياز.

8.5

 

[Naif]

امس خذيت اللعبة. خلصت اليوم شابتر زيرو (لعبته ثلاث مرات تقريبا.. مرتين مع شخصيتن مختلفين و مرة بروحي).. اللعبة ممتعة، بس مرات تخربط يوم يطلعلك الفلاشينج كوماندز (خاصة اذا كان اللي تلعب معاه جالس على الطرف العكسي من التلفزيون (مش جهة الامر ماله) يغلط و يسوي الامر مالك..

الجرافيكس ممتاز جدا في بعض المقاطع (فوق القطار) لكنه سيئ في بعض المقاطع

في بعض الاشياء ما حبيتها.. الاحساس يوم تستخدم المسدس ضعيف وايد (حتى ردة فعل الزومبيز يوم تطلق عليها فيه ما حسيت انهم متقنينه) لو قارنناه برزيدنت ايفل 4 مثلا.

 

[hyuga neji]

بعد عناء مع الوي الياباني ماقدرت اكمل اللعبه لان اللغه تطلع ياباني
لعيون كابكوم ورزدنت ايفل قررت اني اخذ وي امريكيه<tgman>

اليوم خذيتها فنشاءالله بخلص رزدنت ايفل وبلعب وراها جلاكسي ومتحمس حق نو مور هيروز

 

[Nintendo]

واخيرا اعطيت اللعبه حقها وخلصتها خلال الايام الماضي ..

اللعبه بالراحع من اكثر العاب الجهاز اللي تسليت معها .. الجيم بلي خطير والقصة رهيبه والصعوبه عاليه جدا ..
يس ببعض الاحيان تحس انه التكلفةا لانتاجيه ضعيفه سواءا بسوء مستوى الCG او التصميم البايخ للشخصيات الجديده ولكن مايمنع انه التحربة النهائي اكثر من جيده ..

انصح اي شخص عنده الوي او عاشق لريزدنت ايفل انها ياخذها من اول العاب الجهاز ..