شيطون
Bronze Iron Fist
مادري من وين ابدا
ذي اللعبة فيها حاجات كثيرة كرهتني فيها وتخرب التجربة لدرجة اني اخذت بريك طويل منها ل5 شهور
معا اني بنفس الوقت كنت حابها ومستمتع فيها كثير وحاب العالم العجيب ذا بشخصياته وبقصته و باحداثه العشوائية
وبعد ما رجعت اكملها مافي شيء تغير
الحاجات اللي كنت اكرهها مثل الواقعية الزايدة والتحكم الثقيل والمهام الخطية والمحدودة صرت اكرهها اكثر حتى
بنفس الوقت صرت حاب الشخصيات اكثر وحاب القصة اكثر معا ان البدايات فيها شوية ملل لكن بدون البناء اللي في البداية مستحيل اقدر اللي صار بعدين
اللعبة قصتها عن عصابة Van der Linde gang واللي زعيمها يعتبر هذي العصابة كعائلته وهو رب العائلة
وفغلا وانا العب حسيت نفسي معا عائلتي و مرينا بكثير لحظات سعيدة وحزينة وحبيت افرادها ودائما اتفاعل معاهم واكلمهم ونروح نصيد معا بعض او نحارب معا بعض ونلعب معا بعض وننقذ بعض او نخربها ونسكر (&)
هذي ممكن حاجات تشوفها عادية بس بعد ماتتصاعد الاحداث ويتغير الحال كل اللي كنت افكر فيه هو هذي اللحظات الرايقة و الجميلة
وليش اختفت والحال تغير وصار اللي صار معانا
كل الشخصيات تطورت معا الاحداث بشكل بطيء وجميل بنفس الوقت وكل التحولات فيها صارت بشكل تدريجي بالذات معا شخصية داتش
الشخصيات نفسها ماتوقع تعلقت بشخصيات في لعبة ثانية زي هذي خصوصا ارثر مورجان اعتقد من الافاتار واضح لاي درجة حبيت ارثر وتعلقت فيه
واللعبة ماتكتفي بارثر وتعطيك شخصيات ثانية بنفس روعته زي سايدي و داتش واللي يساعد ان الاداء الصوتي عظيم وعظيم واتعب وانا اقول عظيم
معا حوارات جبارة للشخصيات
من ناحية ثانية تصميم المهمات باللعبة سيء وعتيق
كثير مهام من نوعية روح اضرب مشاور 200 كيلو او اتبع شخصية لمسافة طويلة وتتفاجى بعدين بانك تعمل شيء تافه وبسيط
والتحكم الثقيل مايساعد لدرجة ان الشيء الوحيد اللي يكون ممتع بالمهمة هو تفاعل الشخصيتين وحواراتها
انا حبيت كل حوارات اللعبة بس مو لدرجة تكون الحسنة الوحيدة ببعض المهام وللاسف هالشيء صار كثير على مدى اللعبة
المهمات اكبر نقطة ضعف باللعبة
فيه مهمات ممتازة كجيم بلاي واكشن لكن غياب الحرية اثر عليها بشكل كبير والتقييد فيها وصل لصورة مبالغة
وياريته وقف على مهمات القصة لانه حتى الباونتي هنتر والمهمات الجانبية ينطبق عليها نفس الشيء
اذكر واحدة من مهام الباونتي اني لقيت شخص مطلوب وقاعد معا عائلته ويهتم فيهم ويقول انه يحاول يتغير للافضل
فانا صدقته وقررت اعتقه وبوم مشين فيلد ولازم اعيد !!
طيب ايش اهمية الحوار هذا معه اذا اخرتها انا مجبور اجيبه
اللعبة على انها تتبهى بالحرية الكبيرة في العالم وتفاعله لكن في المهام تعطيك شعور انك ممثل يتبع سكربت بالحرف ومايقدر يرتجل
معا كذا جودة المهام ترتفع بشكل كبير بالنص الاخير من اللعبة
حتى لو غابت الحرية تضل ممتعة كثير سواء كجيم بلاي او كقصة وعاد القصة وصلت لمستوى مجنون في نهاية الشابتر الخامس وبداية االسادس
رغم كل العيوب اللي فيها لكن الشابتر السادس قدر يغطي عليها ومعا نهايته العظيمة والمهمة الاخيرة الاسطورية والبناء لها معا لقطة the last ride المشهورة قلت لنفسي هذي من افضل الالعاب اللي مرت علي !!!
ولكن بعد كل ذا جاء الايبلوج وكان ممل كثير وطال زيادة عن اللازم
كل شيء مثير ورائع بذي القصة كان غائب هنا
اتفهم ان الهدف هو ربط بداية جون باحداث الاول وكيف انه يحاول يبعد عن حياته السابقة ويتغير ويصير جيم ميلتون
لكن دائما تصير احداث ترجعه لجون مارستون وحبيت هالفكرة للامانة
لكن ابدا ماكنت احتاج العب 7 ساعات حتى توصل هالفكرة ذا غير ان المهام مملة ومكررة بعضها مهام باونتي ومادري ليه صارت مهام رئيسة اصلا
وفجاة نلقى مايكا بدون ربط بالمهام اللي كنت قاعد العبها قبل الاخيرة او بناء لها
بس خلاص لقينا مايكا ونروح ننتقم وقفلنا
لكن دائما تصير احداث ترجعه لجون مارستون وحبيت هالفكرة للامانة
لكن ابدا ماكنت احتاج العب 7 ساعات حتى توصل هالفكرة ذا غير ان المهام مملة ومكررة بعضها مهام باونتي ومادري ليه صارت مهام رئيسة اصلا
وفجاة نلقى مايكا بدون ربط بالمهام اللي كنت قاعد العبها قبل الاخيرة او بناء لها
بس خلاص لقينا مايكا ونروح ننتقم وقفلنا
العالم بصراحة ماذكر لعبة عالم مفتوح حبيت عالمها وحسيته عالم حي وحقيقي مثل عالم ريد ديد 2
كثير احداث وقصص صارت فيه بسبب العشوائية اللي والتفاصيل اللي فيه واللي ساعد روعة الاجواء والبيئات ساعات كثيرة قضيتها وانا بس اتجول بالعالم اصيد حيوانات اكلم انقذ ناس ومارح اخلص وانا اتكلم عن القصص اللي صارت معي لدرجة بعد ماخلصتها قعدت العب فترة طويلة بدون مهام جانبية بس اتجول واصور
وعاد انا ادمنت خاصية الفوتو مود كثير فوق ال 120 صورة عملتها هنا
اللعبة اجمالا حطيت فيها حول ال 100 ساعة ومارح استغرب لو 10 منها او راحت بس على التصوير
ذي بعض الصور اللي صورتها
حسيت بغصة كبيرة وقت زرت المخيمات القديمة بعد كل اللي مريت فيه باللعبة
تذكرت كل اللحظات اللي قضيناها هنا وكيف كل شيء اختفى والاشخاص اللي هنا ماعدوا موجودين
ذي الصورة هي اخر شيء سويته باللعبة قبل ماقفلها نهائيا
كنت ناوي ازوره ببداية الايبلوج لكن قلت خليني اخلص اللعبة وبعض المهمات الجانبية الباقية وتكون زيارة القبر اخر شيء اعمله
اللي مهتم (معا اني ماظن احد مهتم @@) بيلقاها هنا
وبس هذي خلاصة تجربتي معا ريد ديد 2 بعد رحلة طويلة استمرت 100 ساعة
كثير حاجات حبيتها.كثير حاجات كرهتها .لكن بشكل عام حبيت اللعبة. كثير حبيتها اكثر من اي لعبة ثانية لروكستار
على ان مشاكلها كثيرة وباتفهم اسباب اي شخص يكرهها
لكن العالم والقصة والحانها العظيمة وشخصياتها وارثر تركت تاثير كبير علي مافي اي لعبة ثانية بهذا الجيل اثرت فيني بذا الشكل
ماقول ريد ديد 2 افضل لعبة بالجيل (ولا حتى من افضل ثلاث) لكن الاكيد انها لعبة عظيمة جدا ومن الافضل هذا الجيل ومارح انساها