Razer تعلن عن مشروعها الجديد : حاسب مكتبي سهل التركيب والترقية

[L.O.R.D]

السلاك عليكم

في حدث CES2014 اعلنت شركة Razer عن مشوروعها الجديد لبناء حاسب مكتبي يمكن فكه وتركيبه بكل سهولة
اسم المشروع هو كريستين
Project Christine

كيف شكل الجهاز ؟

شكله خيالي

ببساطة..كل قطعة يمكن فكها وتركيبها ببساطة..انك فقط تسحبها من مكانها

كرت الشاشة 1 -2 -3
المعالج
المداخل والمخارج
وطبعا..التبريد المائي..شفتو الدوائر عند كل فتحة ؟ من هنا يتم توصيل السوائل

فكرة الجهاز ان Razer شافت فترة حياة الـ PCI Express طويلة
لكن هذا لا ينطبق على المعالج والأشياء الثانية
في الماضي لما ينزل معالج جديد بقابس جديد..لازم تغير اللوحة الأم

الأن فقط تغير وحدة المعالج

تريد تنظيف وحد التبريد..لا مشكلة
فقط انزعها ونظفها بدون ما تفك الجهاز كله

عرض بسيط للجهاز
[video=youtube;1FW78IAfybI]http://www.youtube.com/watch?v=1FW78IAfybI[/video]

الجهاز حاليا فقط Concept يعني موديل فقط
لكن Razer تعمل بجد عليه


فكرة رائعة فعلا

 

[Classic]

صراحة عجبتني فكرته و شكلة عجيب لول!
بتابع اخبار المشروع أول باول و انشاء الله يكون في اقبال من الناس عشان ينجح. بس اتمنى السعر ما يكون overpriced مثل اجهزتهم الثانية.

 

[ibrahimJ]

[حط نكتة عن اسعار razer المبالغ فيها ]

 

[Nasser]

ولو ان بيكون سعره مجنون ، بس تبقى الفكرة والتصميم ممتازين.

 

[L.O.R.D]

صور جديدة

الشاشة هذه للتحكم في الحهاز وتعرض معلومات
يمكن ايضا اختيار الإقلاع المناسب اذا كان عندك اقلاعين

 

[Classic]

ذكرني بفكرة تيليفون Phonebloks..

http://www.youtube.com/watch?v=oDAw7vW7H0c

 

[ABDUL HADI]

الشاشة صغيرة جدا

 

[L.O.R.D]

الشاشة صغيرة جدا

هذه شاشة تحكم وليست شاشة كاملة

 

[king zell]

الفكرة مجنونة صراحة

اذا تقدر تسويها ريزر، غيرها من الشركات تقدر


و يمكن اذا صار هالشي ستاندرد، و صار الشخص العادي يقدر يسوي أبجريد في أي وقت بطريقة سهلة جدا و بديهية مثل كذا، أتوقع ممكن ألعاب الـPC توصل لمرحلة غير مسبوقة من الشعبية

 

[iNakedSnake]

فيه بعد فكره مشابهه للجوالات .. الناس بدأت تتملل من انها تغير جهاز كامل عشان خاصيه معينه ,, صحيح هالشي ما ينطبق كليا على البي سي , بس المبدأ نفسه

 

[FALCON-WARS]

^
بس شفته تذكرت فكره الجوال, الفكره رهيبه لو تطبقت بشكل ممتاز الناس كلها تقلببي سي ومافيه صعوبه تركيب(عدا السعر)
لكن الخوف انه يكون اغلى بكثير عشان ممكن كل قطعه تكون مناسبه للكل , غير انه ممكن يصير القطع ماتستخدم مستواها كله لعدم وجود توافق كامل

عموما ننتظر ونشوف وش يسوون

 

[gears of war]

فكرة حلوة و بنفس الوقت احسها صعبة التنفيذ و لا زم الشركات الكبيرة تدعمها
و بنفس الوقت السعر بيطلع صارووخي
ةالا بنظر الفكرة هذي من المفترض طبقت من زمان

 

[Gamer-89]

عسا بس ما يكون سعره غالي وتكون جودته عالية .

 

["a7mad"]

تصميمة بطل ! حركة الشاشة ابطل ! الفكرة أبطل ! سعره بيكون بين 1500$~9000$ ش طبيعي.

 

[SuperSysom]

تصميم خيالي و أيضا حركات رهيبة زي شاشة التحكم و خلافه و فكرة التركيب ﻻزم براءة اختراع عليها ! عقبال ما نصير بطرانين

 

[The Doctor]

المشكلة إن تركيب كمبيوتر مش بهذاك التعقيد عشان يبرر إستثمار فشي مشابه لذا.

حتى لو الواحد ما وده يركب جهاز، ففي كثير مواقع و محلات تبني لك PC بأسعار مستحيل هالجهاز يقدر ينافسها،
خصوصاً لو بناخذ تكلفة الترقية، كونه أكيد عشان تغير قطعة بتضطر تشتريها من Razer عشان تكون جاهزة بالكيس الخاص.

الشخص اللي في الفيديو ينرفز >.>

 

[N E R O]

المشكلة إن تركيب كمبيوتر مش بهذاك التعقيد عشان يبرر إستثمار فشي مشابه لذا.

حتى لو الواحد ما وده يركب جهاز، ففي كثير مواقع و محلات تبني لك PC بأسعار مستحيل هالجهاز يقدر ينافسها،
خصوصاً لو بناخذ تكلفة الترقية، كونه أكيد عشان تغير قطعة بتضطر تشتريها من Razer عشان تكون جاهزة بالكيس الخاص.

الشخص اللي في الفيديو ينرفز >.>

اتفق معاك ، اي قطعة تنوي انك تضيفها لازم ريزر تكون ربحانة فيها شي >.>

 

[Contra11]

اللي أنا مهتم فيه أكثر هو كمبيوتر جيمنج بحجم الكونسول , مع الـ APUs الجديده اللي من AMD أتوقع راح نشوف هالشيء قريباً , بسبب كثرة سفري فكرة كمبيوتر دسك توب ما تصلح لي
و الابتوبات الجيمنج أغلبها غاليه و ضعيفه مقارنه بأي تجميعه

 

["a7mad"]

^
شكرا سوقين .. فايروس مجاني شباب D:

 

[Master Assassin]

مشاركاتك اخوي " سوقين " في غير مكانها الصحيح.
انصحك تدورلك على منتدى يهتم بالبرامج لأن هنا اهتمامنا الأساسي هو الألعاب.

 

[X I I I]

@سوقين

يهديك ألف عافية ،
كنت أدور عليه طوال حياتي

 

[Life-Saver]

الفكرة جميلة بس لابد من تغيير جذري لتصميم اللوحات الأم لدعم هكذا جهاز .. لن يكون سهلا لأن رازر لا تنتج لوحات أم وسيكون يجب عليها أن تتشارك مع شركات أخرى ..
كذلك لابد من دعم قوي ورسمي من ويندوز أو ستيم من جهة نظام التشغيل ..

 

[Sora Diersly]

شكله عبارة عن مجموعة من هاردسكات خارجية محطوطة مع بعض لول. الفكرة جيّدة, أتمنى لو تنزل بسعر معقول, علشان النقلة للـ PC تصير سهلة.