hits counter

الموضوع الرسمي PES14 - أول تجربة لمحرك الثعلب (رعاية)

بادئ الموضوع #1

Pro Evolution Soccer 2014
المطور: Konami
الناشر: Konami
الأجهزة: PC-360-PS3-PSP-3DS
تاريخ الإصدار: 19 سبتمبر في أوروبا، 20 سبتمبر في أمريكا

أول مرة أتحمس لجزء جديد من السلسلة من زمان :::blush:::

مراجعة محمد البسيمي :
http://www.true-gaming.net/home/181336/


التعديلات و الإضافات على اللعبة الجديدة:

- اللعبة تستعمل محرك Fox Engine :kissing_heart: و محرك هافوك الفيزيائي، اللعبة تقدم نقلة نوعية في الرسوم كما تمنى عشاق السلسلة منذ سنوات
تعليق من البسيمي حول الرسوم في اللعبة:
فالرسوميات و الجرافيكس في اللعبة تجعل منها أفضل لعبة كرة قدم مظهرا على الإطلاق
- تحسين كبير لفيزيائية اللعبة و تحريك اللاعبين، و الأفضل حتى الآن في أي لعبة كرة قدم من هذه الناحية ! كونامي وضعت جلّ تركيزها في هذه اللعبة على تطوير فيزيائية الكرة، و وزن الكرة و حركتها و سرعتها أثناء التمرير
لا أبالغ أبدا عندما أقول أن هذه أفضل رسوميات و فيزيائية شهدناها في أي لعبة كرة قدم على الإطلاق.
- اللعبة تستعمل نظام جديد للاحتكاك بين اللاعبين و حركتهم و وزنهم يعرف بـ Motion Animation Stability System أو M.A.S.S

- تم تشكيل نظام المراوغات و أسلوب اللعب بما يتطابق مع أكثر من 50 لاعب كرة قدم مشهور، و تم تطوير هذا النظام ليتمكن من تقديم طرق لعب فرق معينة بالكامل

- لأول مرة في الماستر-ليج، يمكنك أن تشرف على تدريب المنتخب الوطني، و تتابع المباريات الدولية للمنتخبات و ليس فقط مباريات الأندية

- تم تعديل نظام المراوغات في اللعبة و طريقة تنفيذها بالكامل، مع العديد من التعديلات على نظام اللعب

- تعليق رؤوف خليف، و إضافة دوري أبطال آسيا، و مجهود معقول جداً في التعريب و تسجيل أهازيج خاصة بالأندية الخليجية

البطولات المرخصة بالكامل:

- الدوري الفرنسي
- الدوري الهولندي
- الدوري الإسباني
- الدوري الأرجنتيني
- الدوري التشيلي
- الدوري الياباني ( في اليابان )

عدد الملاعب المرخصة : 13 ملعب
الأندية المرخصة : 18 نادياً إضافياً ( من خارج بطولات الدوري المرخصة بالكامل )
يضاف إليها عدد من الأندية الخليجية المرخصة

مقطع لعب :

[video=youtube;pZIqTtQGkjc]http://www.youtube.com/watch?v=pZIqTtQGkjc[/video]


رعاية: هذا الموضوع مثبت كجزء من رعاية تجارية من شركة Pluto Games.
 
التعديل الأخير بواسطة المشرف:
#2


يعطيك العافية حسين اشتريت اللعبه امس و بكتب انطباعات بسيطه
خليت سرعة اللعب على اعلى شي ولا زال اللعب بطيء
فيه مشاكل كثيره .. التمريرات الطويله كلها غلط في غلط
لما انفرد بحارس المرمى تقل سرعة اللاعب و يلحقني الدفاع على طول
فآول ؟ على ططول هدف بدون نقاش
سرعة استجابة اللاعب تنرفز .. امرر له الكوره يفكر شوي و بعدين يهجم !! :persevere:
التعليق جيد جداً
الرسوم ممتازه جدا
هي من ناحية فيه تقدم مايحتاج اكيد فيه تقدم لكن لسى باقي لها شوي فيه اخطاء كثيره لازم تتصلح
 
بادئ الموضوع #3
الله يعافيك، أنا بجربها بكرا و بكتب انطباعاتي ان شاء الله، خصوصاً اني ما جربت الديمو @@ بس ياخي غياب دورتموند عن اللعبة قاهرني ! : (

بس .. تباً، صارلي سنة أدور الموضوع ..:joy:

فيه مشاكل كثيره .. التمريرات الطويله كلها غلط في غلط
لما انفرد بحارس المرمى تقل سرعة اللاعب و يلحقني الدفاع على طول
فآول ؟ على ططول هدف بدون نقاش
سرعة استجابة اللاعب تنرفز .. امرر له الكوره يفكر شوي و بعدين يهجم !! :persevere:
اللعبة ما رح تحل كل مشاكل السلسلة من أول إصدار أكيد
لكن استعمال محرك جديد بقدرات جديدة يفتح خيارات كثيرة قدام الفريق
وبناء عالـfeedback يقدروا يطلعوا بتحسينات أكبر و أكبر في المستقبل .. شوف نقلة فيفا من 2008 إلى 2009، و من 2009 إلى 2010 الي كانت أول مسمار حقيقي في نعش البرو
 

king zell

Network Director
Administrator
#4
خليت سرعة اللعب على اعلى شي ولا زال اللعب بطيء
فيه مشاكل كثيره .. التمريرات الطويله كلها غلط في غلط
لما انفرد بحارس المرمى تقل سرعة اللاعب و يلحقني الدفاع على طول
فآول ؟ على ططول هدف بدون نقاش
سرعة استجابة اللاعب تنرفز .. امرر له الكوره يفكر شوي و بعدين يهجم !! :persevere:

أعلى سرعة و اللعب بطيء؟ مستحيل صراحة... الا اذا تقصد بالبطء شيء ثاني

ايش هو الشيء البطيء اللي تتكلم عنه


بالنسبة للتمريرات الطويلة تقصد رفعات أو قطات؟ كلها أنا ماشية معاي صح

الفاول يمكن فعلا سهل


بالنسبة للانفراد فعلا و ذكرتها في المراجعة، ما أدري ليش اذا المدافع لحقني تقل سرعتي قبل ما يوصلني، مع ان مفروض اللحاق بالمهاجم هو الأصعب


ايش تقصد بالاستجابة و ان اللاعب يفكر بعدين يهجم... انت اللي تتحكم باللاعب، فكر بخطوتك التالية أول ما تمرر له، اضغط زر الركض و توجه الى المكان الصحيح عشان تنطلق صح
 
#5
الجزء هذا نقلة للسلسلة بشكل عام السلسلة كل سنة كانت تقريبا نفس الإصدار وما يختلف كثير من 2007 تقريبا حتى 2010 والجرافيكس الخاص بأشكال اللاعبين والجمهور ما تغير من 2011 حتى 2013 صار في تطوير بسيط حتى ان الفرق يكون معدوم

بين الإصدارين 2012 و 2013 ، ما أتكلم هنا على مستوى الصعوبة والحركات أتكلم عن نعومة الجيم بلاي الي لمستها في ديمو بيس 14 واللعب الواقعي والجرافيكس الممتاز الي كنا نطالب فيه الشركة من زمان وإحنا ننتظر بيس او سلسلة الدوري الياباني

تنافس فيفا وهذا الي لمسته من تجربتي للديمو اللعبة أصبحت أفضل بمراحل فضائية من الأجزاء القديمة من ناحية اللعب - الإضائة - الجرافيكس - الفيزيائية كل شيء فيهالجزء يرجع لنا أيام وأيام من المتعة الكروية فكيف لما تضيف الدوريات الخليجية فيه

المتعة بتصير أكبر وبيصير عندنا فرصة نجرب الفرق القطرية والإماراتية الي ما نعرفها

سلبيات الديمو اتوقع اغلب الاعضاء الي جربو ديمو بيس 14 لاحظ بطئ الحركة ويمكن تختلف بحسب اللاعب وحسب قوته في الفريق وهذي اكثر مشكلة مزعجة واجهتني في الديمو
 
#7
أعلى سرعة و اللعب بطيء؟ مستحيل صراحة... الا اذا تقصد بالبطء شيء ثاني

ايش هو الشيء البطيء اللي تتكلم عنه


بالنسبة للتمريرات الطويلة تقصد رفعات أو قطات؟ كلها أنا ماشية معاي صح

الفاول يمكن فعلا سهل


بالنسبة للانفراد فعلا و ذكرتها في المراجعة، ما أدري ليش اذا المدافع لحقني تقل سرعتي قبل ما يوصلني، مع ان مفروض اللحاق بالمهاجم هو الأصعب


ايش تقصد بالاستجابة و ان اللاعب يفكر بعدين يهجم... انت اللي تتحكم باللاعب، فكر بخطوتك التالية أول ما تمرر له، اضغط زر الركض و توجه الى المكان الصحيح عشان تنطلق صح
جدا بطيء .. حتى انو العيال عندي لعبوها يشتكون من الثقل
ف التمريرات الطويله اقصد L1+مثلث .. عيت تزبط معي مررررره حاولت بس ماش ..يحطها لي ف اخر الملعب

+ ايجابيه ممتعه جدا .. الهدف له طططططعم مب طبيعي .. حتى طريقة الاحتفال بالهدف تحس بتفاعل اللاعب اذا سجل الهدف و كآنه واقعي جدا
 
#8
الله يعافيك، أنا بجربها بكرا و بكتب انطباعاتي ان شاء الله، خصوصاً اني ما جربت الديمو @@ بس ياخي غياب دورتموند عن اللعبة قاهرني ! : (

بس .. تباً، صارلي سنة أدور الموضوع ..:joy:



اللعبة ما رح تحل كل مشاكل السلسلة من أول إصدار أكيد
لكن استعمال محرك جديد بقدرات جديدة يفتح خيارات كثيرة قدام الفريق
وبناء عالـfeedback يقدروا يطلعوا بتحسينات أكبر و أكبر في المستقبل .. شوف نقلة فيفا من 2008 إلى 2009، و من 2009 إلى 2010 الي كانت أول مسمار حقيقي في نعش البرو
متفق معك تماما .. هي خطوه ف الاتجاه الصحيح بلا شك و اتمنى ترجع بيس زي اول و احسن و تقدر تنافس فيفا
 

king zell

Network Director
Administrator
#9
ف التمريرات الطويله اقصد L1+مثلث .. عيت تزبط معي مررررره حاولت بس ماش ..يحطها لي ف اخر الملعب
غريبة أنا أشوف L1+مثلث مرة رايق و يزبط بشكل عجيب


انت وجه صح و حاول ما تزودها بالضغط على مثلث


بالمناسبة لا يكون حاطه Advance انت بحيث يطلع زي المؤشر على أرضية الملعب؟
 
#11
فيه ناس يتشكوا من التسديد والمناوله بمثلث .. جربوا هالاعدادات
هي ترجعها على على نفس وزنية السلسله بالاجزاء السابقه + الغاء بعض الاسهم والي تظهر بالملعب :sweat_smile:
حاجه مهمه الي يتشكى من ثقل اللاعب بالالتفافات .. الغي خيار (المراوغه التلقائي/auto-feint) وشوفوا الفرق :winky:
 
التعديل الأخير:
#13
اللعبة كجيم بلاي تطورت جدا للاسف تظل اللعبة فقيرة من ناحية الاطوار وتصاريح الفرق .. حتى اغلب ميزات الماستر ليج تمت ازالتها وفقد هذا الطور بعضا من متعته .... التعليق العربي في بدايته هذه السنة لكن نتأمل تعليق افضل واكثر حماسية في الاجزاء القادمة ... اخذت نسخة البي سي وواجهت بعض المشاكل التقنية وغيري في المنتديات واجه اكثر كعدم ظهور الجماهير او اغلاق اللعبة المفاجئ او هبوط الفريمات .

بالنسبة للجيم بلاي اللعب تتطورت في عدة مجلات فاصبح اللعب واقعيا اكثر مع لمسات جمالية هنا وهناك , تفاعل الجماهير يضيف حماسية فيزيائية مميزة للتمرير وصدات الحارس اللتي لا تكاد تميزها عن الواقع مجهود تشكر عليه كونامي متفائل جدا بمستوى العبة في المواسم القادمة
 

CODE-X

عضو فريق TG كورة أوروبية
#14
تقييم جيم سبوت

6

لا تعليق


هالموقع نفسية !!
صار أغلبية محررينه ما يدرون وش السالفة مثل اللي حاطينه يراجع بيس ، جايبينلك واحد حده العاب الموبايل يراجع اللعبة لا و اهم شي ايش العيب بالنسبة له .... الواقعية في اللعبة و الAI لانه ما يقدر يسجل عليه بسهولة !!!
عيب واحد زي كذا يتمسك كيبورد و يخلوه يكتب مراجعة :\
اقتباس من الكومنتس واحد فاضحه :

Yeah this is gamespot taking the piss again this guy was in a video before saying how he didn't like or understand football and football games and he gets the review WTF.
IGN UK عطاه 8.4 و سلبيته هي نقص المودات في اللعبة هذا تقييمه منطقي اكثر ...

تعديل : اورو جيمر اعطاها 9 http://www.eurogamer.net/articles/2013-09-18-pes-2014-review
 
التعديل الأخير:
#15
جربت الديمو .. حركات اللاعبين ناعمة وسلسة جدا بس أحس اللعب بطيئ شوي . أكثر مشكلة واجهتني لما أبي أعطي تمريرة حق لاعب (X) لمسة وحدة لازم يسكنها قبل لا يمررها ويطلع العداد إلي تحته . أبيها لمسة بس صعبة .
 

king zell

Network Director
Administrator
#16
أكثر مشكلة واجهتني لما أبي أعطي تمريرة حق لاعب (X) لمسة وحدة لازم يسكنها قبل لا يمررها ويطلع العداد إلي تحته . أبيها لمسة بس صعبة .
تقدر لمسة وحدة، بس تكون في جهة مناسبة من وضعية اللاعب


الفكرة هو محاكاة التمرير في الواقع، الألعاب القديمة كانت تخلي التمرير سهل و غير منطقي أحيانا




اللي يعجبني في بيس إنها لعبة ما تخدم اللاعب، لكنها تحتاج ان اللاعب هو اللي يخدمها
 

alruqeishy

فريق الأنمي ๏̯๏
#20
أعتقد لما تاخذ اللعبة من الستور المفترض لو اللعبة فيها اونلاين باس ينزل تلقائيا مع اللعبة
تأكد من اللعبة نفسها بعد ما تشغلها وشيك الداونلود ليست حاليا وشوفه لو تحمل مع اللعبة او منفصل
 
#21
بالعاده اي لعبه تشتريها من الستور يتحمل معها online pass :/

على فكره كود الاون لاين مايدخل الا بالستور البريطاني فقط
الستور السعودي لما حطيته رفض! بس البريطاني قبله !
 
#24
نظام التمرير الجديد بالمثلث رهيب لكن يحتاج تعود .. اما نظام التسديد ماله اي داعي صراحه . يعني اجي متحمس و منفرد و اشوت و في نص وجه الحارس او بره :\
و التمريرات العاديه صارت سهله بشكل غريب ! يعني الاكس يوصل اللاعب مهما سويت مو زي فيفا فيها شويه توجيه
اللعبه تحسنت كثير بس تحتاج شويه هنا و هناك .. لي رجعه لما العب اكثر
 
#25
الماستر ليج احباط و داونجريد عن الموسم الماضي .. غير ان طاقات اللاعبين و اسعارهم مش منطقيه و التعاقدات في احيان كثيره شبه مستحيله .
الطور محدود جدا و ما تقدرتقارنه بفيفا و هو اهم شي عندي .. حاليا جالس اتدرب على الskills و على الدفاع لاني متعود على فيفا
 
#26
أوكي لعبت كثير مرة في اللعبة وخلصت موسم كامل في الماستر ليج وأقدر الحين أحط ملاحظاتي عاللعبة

اللعبة تحسنت كثير في جوانب مختلفة:

- التمرير رهيب في الجزء هذا خصوصًا البينيات والنقشات اللي بالـ L1 و مثلث
- طريقة تحرك اللاعبين معاك ممتازة وطريقة فتح الخانات لك عشان تمرر لهم أيضا أعجبتني كثير
- الدفاع فيه تحسن في التغطية وهذا شي مهم بالنسبة لي
- الاضاءة في اللعبة هي الأفضل في السلسلة
- الحكم في هذا الجزء أحسن من الأجزاء الماضية بكثير "في الأجزاء الماضية كان يشلني دايمًا"
- الالتحامات في اللعبة حلوة مرة وحبيت طريقة القتالية عند اللاعبين
- الرأسيات في اللعبة رائعة أيضًا وفي تحسن كبير جدًا عن الجزء الماضي
- حبيت نظام الضربات الحرة الجديدة :D صح إنها سهلة وما فيها احتراف ولكن أنا أحب أسجل من الضربات الحرة :sweat_smile:

السلبيات واللي أحبطتني:
- الحارس قوي بزيادة عن اللزوم وبشكل مبالغ فيه جدًا جدًا كأن سوبر مان هو اللي يحرس .. مستحيل تسجل عليه من خارج منطقة الجزاء وهذا شي محبط
يعني دفاع متحسن ومقفل كل شي وما عندي إلا أسدد من خارج المنطقة في الأخير ما راح تدخل حتى لو جبتها في الـ 90؟ شي يوتر والله :sweat_smile:
لازم ينزلوا باتش يضعف الحارس شوي
- الماستر ليج سوبر احباط ... سواء كلاعب أو مدرب، الطور هذا كل جزء يصير لو داونغريد أليم .. نسخة 2012 من الطور هذا كانت رائعة وكنت أتمنى فيفا تاخذ بعض من أفكارها
لكن هذا الجزء إحباط شديد
- الرخص في اللعبة أيضا محبطة جدًا .. معقولة مافي إلا 13 ملعب؟؟ و المعروف منهم هم الأولد ترافورد والسان سيرو وملعب اليوفي والأليانز أرينا وملعب النور "حق بانفيكا" ؟؟؟
أحبطت مرة يوم ما لقيت ملاعب زي البيرنابيو و الكامب نو وغيرهم .. لو بلعب التشامبيونز ليج نص مبارياتي بتكون في الكونامي ستيديوم إلا النهائي في ملعب النور :|
- ثقل اللعبة .. أشوفه سلبية، صحيح انهم مسويين انها "واقعية" لكن معليش بعدوا كثير عن الواقعية خصوصًا مع صعوبة تنفيذ مهاراتهم فما يبقى لك إلا خيار دز الكورة واركض <_<
- تناحة بعض اللاعبين خصوصًا يوم تمرر له الكورة وتلقاه يناظر فيها وهي تطلع برا شي يقهر
- تباطؤ اللاعبين في الإنفراد إلين ما يلحقه المدافع شي إلى الآن ما قدرت أفهمه .. وش كان يفكر فيه طاقم الاستوديو وهو يسوي الشي هذا :/
- شي ثاني أحبطني اللي هو أشكال اللاعبين .. نعم أشكال اللاعبين .. أوكي يوم فكروا يضبطوا اللاعب فهو يكون مضبوط مرة
لكن لاعبين معروفين زي مودريتش ومارسيلو و هيجواين وماسكيرانو وسونج وسانشيز ولوكاس مورا ولافيتزي حرفيا ما راح تعرفهم إلا لو قريت اسمهم
غير في أندية زي آرسنال وليفربول وتشيلسي ثلاث أرباع لاعبينهم مسوخ :/
- أيضا في كثير لاعبين أوفر ريتد في اللعبة .. كثير لاعبين طاقاتهم في الـ 90 وهم ما يستاهلوا يعدوا الـ 85 وهذا يأثر كثير خصوصًا لو هم ضدي

اللعبة ككل تحسنت كثير عن الجزء الماضي لكن لسا فيها سلبيات كثيرة جدًا ويحتاج لهم يركزوا عاللعبة أكثر .. التخبط اللي مرت فيه السلسلة هالجيل والتنقل بين الأركيدية والواقعية
سبب مشاكل كثيرة في السابق، أتمنى الحين يركزوا على الأسلوب هذا مع التطوير كل سنة في السلبيات واللعبة بعد سنة أو اثنين بتصير ممتازة
حاليًا أشوفها لسا بعيدة عن فيفا في أشياء كثيرة جدًا

تقييمي للعبة: 7.5\10
 
التعديل الأخير:
#29
^^

اذا كان عندك اكاونت بريطاني جرب تدور الاونلاين باس هناك لانه في اشياء تكون متوفره في البريطاني بس ما تكون موجوده في
الستور الاماراتي و السعودي
 
#30
ممكن اللعبه بشكل تلقائي فيها كود .. بس لانك تدخل بالاكاونت السعودي او الامريكي
جرب تشغل اللعبه وانت باكاونت بريطاني ممكن يشبك معك على طول .. ثم وقتها ارجع لأكاونتك الاصلي