[No More Heroes] -- الموضوع الرسمي (المراجعات وصلت: 9، 9، 9، 9..)

[Mista Koo]

مبروك عمر.. بس لما خلصتها طلع لك percentage كم خلصت اللعبة؟ أو طلع لك شي لما خلصت كل الحركات/الكروت/الخ؟

صرت الثالث قبل فترة وطفشت وأنا أجمع فلوس -___-
في شي توني أكتشفه.. الكرات السبعة لما تجمعها رهيبة!
أهم شي أخذته منها الركض اللي كان من أهم العيوب برأيي (وتقدر تخلي الأعداء يطلعون عالخريطة وفي أشياء كثير فلة غيرها)
والسلاح الثالث اللي تشتريه من ناومي بطللللل (بس لو مخلين الأنميشن أسرع كان صار خرافي)

 

[Aoks]

اوكي وصلت المهمه الثانيه

صراحة التحكم باللعبه رهيب *_*

تقريبا كل شي عجبني باللعبه , الحمد لله فيها دم

بس الشي الوحيد الي قاهرني هو المدينه =_= تحس شغل 5 دقايق

وعجبتني حركة

محتوى مخفي

الجوال لما تقعد تسمع من الويموت

رهيبه لول


​

 

[Nintendo]

عيسى مافي اي نسبة توريك اي شئ .. بخصوص كم خلصت من اللعبه ..

نصيحه شباب دائما بالوظايف حاولوا تاخذوا الجائزة الذهبيه لمن تخلصون الوظيفه لانها بتفتح لكم مهما جديده الفلوس اللي تاخذونها منها مره كثير ( فيه مهمه اقل شئ تاخذ منها 120 الف كل مره ) وراح ترتاحون بقوه من اعادة المهمات ..

 

[Aoks]

بالنسبة للوظايف , لول توني اكتشفت انك تقدر تشيل اكثر من coconut في نفس الوقت :cryy:



​

 

[Nintendo]

لول ذي الوظيفه من الوظائف اللي ماسويتها غير مره وحده باللعبه ( فلوسها قليل ) ..

 

[Mista Koo]

^
أوكي كويس قلت.. لأني صرت الثاني ووالفلوس اللي عندي مرة شوية وبأقعد سنة أجمع >.>
وحسب كلامك أعتقد لازم أشتري السيف كمان ولا؟ سعره غالي ×_×

 

[Nintendo]

انا جربت العب ضد الرئيس الاخير بالسيف العادي بعد تطويره لاحسن شئ وماقدرت اضيع ربع قوته باحسن حاله ..

اشتريت اخر سيف وطورته لافضل شئ

محتوى مخفي

( لول راح تحتاج مبلغ ضخم جدا جدا جدا عشان تطوره لاخر قوه ) وهزمت الرئيس بدقيقتين )

لاتفكر تروح للرئيس الاخير قبل لاتشتري اخر سيف وتطوره لاخر شئ .

 

[Mista Koo]

آخر سيف تقصد Tsubaki MK-II ولا MK-I؟
إذا MK-II يعني ما يحتاج أطور MK-I؟

والحين يعني ما يفرق لو جمعت شي باللعبة ولا لا؟ ما يزيدك شي ولا ينقصك؟

 

[Nintendo]

اخر سلاح

محتوى مخفي

الكاتانا mk2

ماعتقد فيه اي فرق اذا جمعت كل شئ او لا .. لانه باقيلي كم كرت ماحصلته ولا دورت بالنت اشوف ايش يصير اذا جمعت كل شئ ..

 

[Mista Koo]

أوكي خلصتها بـ 13:44 <tgman>
النهاية كقصة بطلللة (النهاية الكاملة طبعا + البوس الأخير واللي قبله)

العيب الوحيد اللي فعلا أزعجني هو تجميع الفلوس.. مزعج بمعنى الكلمة (تحديدا على آخر اللعبة)
والفايت الثامن لا يزال أصعب فايت برأيي :yuck:

محتوى مخفي

أحلى شي إنك مستحيل تتوقع فيه جزء ثاني ولا لا.. سلفيا تقول ما في سيكول وبعدين يقولوا لك تو بي كونتينيود خخخخ
على نص اللعبة كنت متوقع إن سلفيا بتكون هي نمبر ون (بعد جملة قالتها تلمح على شي).. بس خاب ظني =(

والمهمة اللي تعطيك 120 ألف صعععبة.. هي اللي لازم ما يضربونك صح؟ <<ما قدر يفوزها ولا مرة ><"

 

[Torpedo]

اشتريت اللعبة اليوم .. >< اكره الدمام و مجمعاتها العائلية >< مسوي لي زحمة بس لأني بروح بيت الكمبيوتر -_-"
الله يخلي مجيد دخلني و سلمني آخر نسخة في بيت الكمبيوتر الشرقية >.>

 

[Nintendo]

لا عيسى المهمه اللي تعطيك الفلوس الكثيره هي مهمة اللي تقعد تقتل الين يخلص الوقت وكل واحد تقتله تاخذ عليه 1500 دولار ( لول مادري وش هي عملة اللعبه ) ..

اعتقد رقمها 11 او شئ .. هي قبل الاخيره من المهمات اللي على اليمين ..

 

[Mista Koo]

^
ما أدري توقعتها هذيك.. عموما خلصت وما أظن رح أرجع لول

على فكرة.. لما تخلص اللعبة وتبداها من جديد رح يكون عندك كل شي جمعته/اشتريته من الـ play through الأول.. وكل كرت من الـ trading cards رح تلاقي فيها artwork

 

[AMOR]

انهيتها, بعد ماسويت المهمة 18 اكثر من 10 مرات ماعاد ابي اشوف اللعبة بعد كذا.
بشكل عام اللعبة مليانة عيوب بس فيها جوانب كثيرة ممتازة تخليك تكمل خلال العيوب حتى توصل للنهاية.
ما أفكر انهيها مرة ثانية.

 

[Aoks]

احم شباب

وط از ذيس ؟؟؟

محتوى مخفي

خلصت اللعبة , ولما طلع لي اختار النهايه , اخترت النهايه العاديه ولما خلصت سجلت , والحين مااقدر اشوف ال real ending يعني لازم اعيد اللعبة مره ثانيه علشان اشوفها ؟؟؟؟ نو واي

​

 

[Mista Koo]

^
هههه سجلت فوق تسجيلك اللي تلعب فيه xD؟؟

إذا إي نزل هذا السيف وإختار أول تسجيل هو أحسن خيار موجود (بس عيبه إنه على أصعب صعوبة)
إذا نزلته وواجهت معاه مشاكل قولي عشان أعطيك سيفي

 

[Aoks]

لول ايه سجلت فوقه

ما عندي sd card الحين = _=

خلاص شكله you tube ftw
​

 

[Mista Koo]

ما ينفع يوتيوب لأن

محتوى مخفي

في فايت لازم تخلصه عشان تشوفها

 

[Xeno]

مستا يعني محد قدر يغلبه ويصور!؟

http://www.youtube.com/results?search_query=no+more+heroes+real+ending&search_type=&search=Search

 

[Mista Koo]

بس ما رح يحصل الإكسبيرينس الكامل للعبة P:

 

[Solay]

أخذت اللعبه قبل ثلاث ايام وانهيتها طبعا موب النهايه الحقيقيه ممكن أحد يختصر لي النهايه الحقيقيه

لأني والله مليت من اللعبه ثلاث ايام ماقابلت غيرها وعلى فكرة انطباعاتي عن اللعبه مايحتاج أقولها
لأن الشباب قبلي قالوها

وعلى فكرة الفيزيكس بالشارع لاتعليق من جد لووول اما التنويع بالله رااااااائع مااقدر أقول فيه تكرار أبدا

بس....

 

[Naif]

اغنية لومنيس 2 (هفنلي ستار \ غينكي روكيتز) موجودة في اللعبة؟ (قريت هذا الشي في يوتيوب و اريد اتاكد)

طالب اللعبة من فترة من ابوظبي.. اعتقد وصلت بس ما رحت اجيبها -_-

 

[Mista Koo]

^
موجودة بشكل فرعي (تلاقيها مشغلة في المحلات اللي تدخلها بس)

النسخة الأوروبية يجي معاها فيديو الأغنية (تعويضا عن الدم لول)
ويجي معاها الكوميك اللي يجي مع النسخة اليابانية.. أبغاه =(

 

[Argaki]

اليوم لعبة اللعبه .. بصراحه روووعه , الجرافيكس بصراحه
حيــــل عجبني أنا مو كثير ألعب هذه النوعيه من الألعاب بس هذه اللعبه قمـــه ^.^
أنا ألحين خلصت المهمه الثانيه وكل شي تمام .

 

[Aoks]

هههههه والله الاوربيين مساكين

اللعبة بدون دم اعتبرها ناقصه كثييييير

انميشن الدم رهيب
​

 

[Nintendo]

لول عوضوهم بسي دي مجانا فيه اغاني اللعبه الظاهر وفيديو كليبات اغنية هفنلي ستار ..

 

[Mista Koo]

^
وكوميكس مقدمة للقصة (هذا أهم من الباقي.. بس إن شا الله بنشوف السكانات قريب لول)
وأعتقد الأوروبيين عندهم الدم الأسود P:

 

[Ash Storm]

اوكي اليوم بديت العبها, لول توها واصلة قبل كم ساعة P:

اللعبة عجبتني من بدايتها ..
التحكم هو احسن شي شفته للأن, جداً ممتع و مبتكر و يستغل الويموت بشكل ممتاز .
الساوند تراك ما ركزت فيه صراحة بس عموماً كان جيد, الجرافكس كمان ما حسيت فيه مشاكل (الساوند تراكس و الجرافكس مش مهمين بالنسبة لي لول) ..
التمثيل الصوتي ممتاز, و الحوارات كمان ..

الان ترتيبي صار العاشر .. ان شاء الله بكمل بعدين!

*طريقة السيف مقرفة -_-*

 

[Ash Storm]

اوكي ختمت اللعبة قبل شوي ..

- ههههههههه النهاية عجيبة P: ابداً ما توقعت اي شي من كل هذا الي حصل + القتال الأخير مع اخوه كان ممتع P: ..

- الجيم بلي ممتاز, اشوفها من افضل الألعاب الي استخدمت الوي موت ..

- الجرافكس عادي جداً, و تصميم المدينة كان ممكن يكون احسن!

- اللعبة مش طويلة كثير حتى تختمها و هذا احسن شي فيها حتى ما تمل ..

- قتال الزعماء كان ممتع (عجبني قتال السادس - الرابع - الثاني - و طبعاً الأول)

- اللعبة تعتبر تجربة رائعة على الجهاز و ما ندمت صراحة اني تحمست لها و شريتها ..

- انصح اي مالك للجهاز انه يلعبها!

الفريق صراحة ابدع و انتظر مشروعهم الجديد للجهاز و اتمنى انه ما يكون اقل في المستوى و اتمنى اننا نشوف رأس مال اكبر, و لو بيشتغلوا على جهاز اخر غير الوي فأكيد راح انتظر الكشف عن مشروعهم كمان ..

 

[Gon freeces]

شباب أبدأ بهذي و لا زاك أند ويكي ؟ اللعبة هذي صعبة على نورمال ؟