New Super Mario Bros | الموضوع الرسمي

[DeaDMaN]

أخيــرا ً بلعبها..^^ شباب السعوديه..في أحد وصلت الأسطورة الى يده ؟ ..أنا كلمت بيت الكمبيوتر أحجزها قالوا لي ماوصلت..بس أنتظرها في اليوم اللي توصل فيه انشاء الله آخذها..ولو اختبارات..على الأقل أحس براحة نفسيه وماريو بروس قريبة مني..اللي يعرف أي محل بتوصله اللعبة في أقرب وقت يعطينا خبر ,,

خالد..التواقيع رهيبة

 

[Mukuro]

عن نفسي, طلبت اللعبة من موقع بلاي اسيا والمفروض اليوم الجمعة توصل.

 

[mario0o]

>< امتحانات
اسبوعين ان شا الله واللايت وماريو بيكونون بين يدي ....

شو يصبرني -__-

 

[Khalid-S]

شباب الرياض .. بكره ( السبت ) باذن الله اللعبة في مركز النسر على كلام عابد ( سيد )
لو ما جابها بروح اشوته.

 

[BioMario]

اللعبة نزلت عندنا يوم الأربعاء بكميات كبيرة و على طول خلاص كنت رايح اشتريها قالي المحل خلصت
ما شاء الله بسرعة ..
رح اشتريها يوم الأربعاء لأني ما اقدر على امتحانات -____- ..

 

[Gaara]

س \ لماذا الالعاب الأسطورية تنزل بـأوقات الإختبارات..؟

هذا السؤال عدة مرات كتبته في المواضيع الرسمية..

صراحة شيء غريب..

---

اللعبة تنزل إن شاء الله بكرة بالنسر حي الروضة..^^ عاد هو راح يبيعها النصاب بـ 180..لا غلط..لازم أوقف عند راسه لما يبيعها بـ 150 زي باقي الالعاب..

 

[Mukuro]

وصلت ولكن للأسف راح أضرب مشوار لمكتب البريد لأستلامها.

 

[DeaDMaN]

÷_÷ امم الظاهر النسر في كل فروعه بتوصله اللعبة قريب..شكلي بسحب على بيت الكمبيوتر,,مافي فرق في السعر بس الفرق ان اللعبة تتأخر .

 

[NextGGamer]

اليوم شريت اللعبة من جيم سنتر
بس ما لعبتها بعد توي واصل البيت
كنت بشتري معاها الدي اس لايت بس السعر غالي ب 80 الابيض من غير الي لعبة
و 75 الازرق الفاتح

 

[Aoks]

شباب الرياض .. بكره ( السبت ) باذن الله اللعبة في مركز النسر على كلام عابد ( سيد )
لو ما جابها بروح اشوته.

خخخخخخخخ ذكرتني بسول كاليبور3 .... كان كل يوم يقولي بكره .. لمدة اسبوعين خخخخخ

ولما بغيت اكسبانشن فف11 الجديد ... 4 ايام وهو يقول بكره .. من جد .. ودي اشوته

تكفى اذا رحت تشوته بكره قلي اجي معك

 

[Khalid-S]

خخخخخخخخ ذكرتني بسول كاليبور3 .... كان كل يوم يقولي بكره .. لمدة اسبوعين خخخخخ

ولما بغيت اكسبانشن فف11 الجديد ... 4 ايام وهو يقول بكره .. من جد .. ودي اشوته

تكفى اذا رحت تشوته بكره قلي اجي معك

افا عليك .. بس خلي جوالك قريب منك عشان اول ما اتصل تجي .. الي يبي يشوت شباب حياه الله

 

[Khalid-S]

اوكي حصلت على اللعبة اليوم العصر من مركز النسر ...

لسه ما لعبتها ,, ما اعرف العب على الدي اس الا وانا في السرير

 

[Tomb raider]

اشتريتها من يوم الاربعا وبدخل على الworld 7
بكل بساطه ... روعه
btw خالد حق منو 3 نسخ لووووول

 

[hussien-11]

اوكي حصلت على اللعبة اليوم العصر من مركز النسر ...

لسه ما لعبتها ,, ما اعرف العب على الدي اس الا وانا في السرير

ألف مبروك خالد و ننتظر انطباعاتك أو مراجعتك لو أمكن ^^

تحرير : ألف مبروك أيضا عبود ^_^

 

[Khalid-S]

مبروك عزوز وعقبالكم شباب,,

خخخ نسخة لي , نسخة لواحد رهيب معنى بالمنتدى , النسخه الاخيره لاخوي الصغير.

 

[m7tram]

شريت اللعبه اليوم الصبح الساعه 10 ,, لعبت فيها شوي خلصت 3 عوالم وصكرتها لان كان عندي مشاوير ,, بس اللعبه رهيبه وروعه بس حسيت فيهم بطيئ بالركض يعني مو مثل سرعه الاجزاء الي طافت .

 

[BioMario]

الحمد لله خذيتها ..
بلعبها بس علي امتحانات .. لكن بلعبها شوي ^^..

لول متحمس وايد الحين افتحها و العبها ..

 

[BioMario]

خلصت مرحلتين روعة روعة روعة اللعبة الصراحة ما تتطوف ..
من حيف الرسوم و الصورت ابداع ^^..

ابداع يا ننتندو ..
خاصتاً في مرحلة الفطر يوم تطورك المكينة و تطير فوووق لول ما رح اخرب عليك اكثر ..
سامحوني شباب وايد متحمس لأني ما لعبت ماريو بروس من 7 او 6 سنوات ومشتاقلها لول ..

 

[Aoks]

احد يطمني ويقول بمستوى ماريو بروس 3 ;;

 

[Khalid-S]

احد يطمني ويقول بمستوى ماريو بروس 3 ;;

افضل .. بالنسبه لي.

لكن مستحيل اي لعبة توصل بمستوى سوبر ماريو ورلد .. للاسف -ـ-

 

[hussien-11]

احد يطمني ويقول بمستوى ماريو بروس 3 ;;

تصدق .. يمكن تستغرب بس ماريو بروس3 ما حبيتها كثير *_*

سوبر ماريو وورلد أفضل بمراحل بالنسبة لي @_@

 

[BioMario]

الميني جيمز روعة في اللعبة

 

[Humam]

نسخة لواحد رهيب معنى بالمنتدى

أنا أعرفه ؟ طيب على الأقل Hint -_-

خالد ليه ما تدخل المسنجر ؟ صار يئن من كثر مايقول خالد.. خالد.. وينك ياخالد

 

[Tomb raider]

الميني جيمز روعة في اللعبة

ما شفت وايد ميني جيمز .... غير 3 يداد ..ولا شي بعد زياده ؟؟

 

[Futrus]

بشتري الدي اس في نهاية الصيف مع هذي اللعبه ما أقدر أنتظر

بالنسبه ماريو بروس3 أفضل لعبه لعبتهافي حياتي و سوبر ماريو وورلد ماحبيتها فحبيت أسأل اللعبه تميل لأي وحده فيهم

 

[ZiZ]

يا شباب جربوا الملتي بلاير تراه روعة...

 

[BioMario]

ما شفت وايد ميني جيمز .... غير 3 يداد ..ولا شي بعد زياده ؟؟

مادري والله اعتقد يوم تختم اللعبة شي اكثر ..
بختمها و بخلص كل شي و بقولك ان شاء الله ^^..

 

[Naif]

الملتي بلاير يحتاج نسختين؟

 

[Aoks]

يقولون الميني جيمز نفسها بالضبط إلي في ماريو64؟

 

[DREAM]

بس اللعبه رهيبه وروعه بس حسيت فيهم بطيئ بالركض يعني مو مثل سرعه الاجزاء الي طافت .

محترم خلك ضاغط على الأكس عشان يسرع وتراه اللعب سريع مره ما يمديك تعدي من الوحوش

من سرعة اللعب و أتمنى أني أفدتك وشكراً