hits counter

نقاش مانجا My Hero Academia

بادئ الموضوع #31
شابتر 171

ترجمة مانجا ستريم نزلت و كانت أحسن بكثير من جامينى بوكس
كان عندى مشكلة مع ترجمة جامينى بوكس خصوصا بالنسبة لحوار باكوجو و اللى حسيت إنه مش واضح أو منطقى بس ترجمة مانجا ستريم كانت أحسن و وضحت الحوار
الحاجة الوحيدة اللى ماحبيتهاش كانت تغيير اسم La Brava ل Love Lover ، مش متأكد مين الأصح بس حبيت الأول أكثر :grin:

بالنسبة للشابتر و الآرك نفسه ماعنديش كلام كثير أقوله بس بصفة عامة بحب فعلا النوعية دى من الآركات و اللى بتدى خلفية اكثر عن الشخصيات الجانبية بالإضافة لإنها استراحة مطلوبة من الأكشن فى الآرك اللى قبله و بعد ماكان التركيز على أوياما واضح إن الآرك هايركز على جيرو (امتى بس يركزوا على هاجاكورى؟ :weary:)
من شخصية جينتل واضح إنه مش عنيف و أظن إن ده معناه إن الخطر هايبقى قليل و التركيز هايبقى على تطور الشخصيات و دور إيرى بس ممكن أكون غلطان
فى الآخر و على عكس نسبة مش قليلة من المتابعين للأسف متحمس فعلا للأحداث الجاية
 
الإعجابات: Eri
بادئ الموضوع #32
شابتر 178

بصراحة كنت عاوز المواجهة ضد جينتل و لابرافا تبقى أثناء العرض داخل المدرسة بس بغض النظر عن ده حبيت الحركة اللى الكاتب عملها هنا :grin:
قبل كده و على عكس المعتاد فى أعمال الشونين فى مواجهة Sun Eater ضد عصابة أوفرهول ، الأشرار هما اللى اعتمدوا على قوة الصداقة فى المواجهة مش العكس و فى الآخر خسروا مع إن قوة الصداقة فى أعمال تانية تبقى السلاح النهائى فى أى مواجهة و غير قابل للهزيمة بأى شكل :tongueout:
المرة دى الأشرار هنا اعتمدوا على الحب و لقينا العدو خد Power Up غير عادى بسبب الحب و بالمعنى الحرفى للكلمة :tongueclosed: و مع كده برضه تم هزيمته :laughing:
الحاجات دى هى اللى بتخلينى أحب العمل حتى لو كان عندى بعض المشاكل تجاه أحداثه الأخيرة
 
الإعجابات: Eri
#33
واصل للشابتر ١٣٠

ألي يعجبني بهذا العمل، هو المنطقيه !!!

نعم، ما في شي يحصل من غير تفسير صريح و واضح و مُقنع بنفس الوقت!!! و فوق هذا ! دائماً الأمور تكون عكس توقعاتك !

كا مثال، شابتر ١٢٩ ... من افضل الشغلات و الامور المنطقيه ألي صارت !
 
بادئ الموضوع #34
شابتر 182

الشابتر كان هايبقى ممتاز لو كان مكتمل :disappointed: ، دى مش أول مرة يصدر فيها شابتر بالشكل ده و بصراحة دى حاجة تقلق خصوصا لو كان السبب يبقى تدهور صحة المؤلف زى ما حصل مع عدد مش قليل من المانجاكا :expressionless:
 
#35
سؤال صغير وياريت تجاوبوني عليه

هل بيقلب الانمي ناروتو شايبودين ؟ هل بيقلب الانمي ناروتو وساسكي ثانيين ؟

بصراحة من بعد الاحداث يلي قاعد اشوفها متوقع يصير هيك

باخذوا باغوكو وبصير منهم وبطاوش ميدوريا بالاخير وبعدين برجعوا صحاب.... ناروتو وساسكي بالضبط
 
بادئ الموضوع #36
سؤال صغير وياريت تجاوبوني عليه

هل بيقلب الانمي ناروتو شايبودين ؟ هل بيقلب الانمي ناروتو وساسكي ثانيين ؟

بصراحة من بعد الاحداث يلي قاعد اشوفها متوقع يصير هيك

باخذوا باغوكو وبصير منهم وبطاوش ميدوريا بالاخير وبعدين برجعوا صحاب.... ناروتو وساسكي بالضبط
نفس المخاوف بالضبط كانت عندى لما كنت بتابع الجزئية دى فى المانجا و حتى علقت عليها هنا وقتها بس توجه الآرك اللى بعدها طلع مفاجأة :grimacing:

من الناحية دى اطمئن ، شخصية باكوجو مختلفة جدا عن ساسكى و الأحداث الجاية هاتثبت كده و الأنمى مش هايقلب لناروتو :grin:
 
#37
نفس المخاوف بالضبط كانت عندى لما كنت بتابع الجزئية دى فى المانجا و حتى علقت عليها هنا وقتها بس توجه الآرك اللى بعدها طلع مفاجأة :grimacing:

من الناحية دى اطمئن ، شخصية باكوجو مختلفة جدا عن ساسكى و الأحداث الجاية هاتثبت كده و الأنمى مش هايقلب لناروتو :grin:
اوووه الحمد لله ريحتني ::rock::
 
الإعجابات: AM152
بادئ الموضوع #38
شابتر 188

أخيرا ابتديت اتحمس فعلا للآرك :triumph:

بداية الآرك كان توحى إنه هايبقى قوى بس بصراحة ماقدرتش اتحمس ليه لأكثر من سبب
السبب الرئيسى إنى ماحبيتش شخصية هاوكس بس فى اسباب تانية زى إنى حسيت إن تطور شخصية إينديفور أسرع من اللازم و ماحبيتش فكرة إن الشخصيات تتكلم عن عدو معين و فى نفس الوقت العدو يهجم عليهم و اللى اتكررت أكثر من مرة فى العمل بس الشابتر ده غير أفكارى للآرك نسبيا

بصراحة هزيمة إينديفور كانت مفاجأة بالنسبة لى ، توقعت إنه هاينجح فى القضاء على النومو و بعد كده الآرك هايدور عن مطاردة المسؤول عن إطلاقه بس الوضع طلع مختلف ، لو كان إينديفور تم هزيمته فعلا (و ده اللى اتمناه ) فده معناه إن لسه قدامه كثير عشان يثبت نفسه و شخصيته تتطور على عكس اللى كنت متوقعه فى نفس الوقت ده غير من معنى هجوم النومو على إينديفور و خلاه ما يبقاش عشوائى
الخطة كانت إطلاق الشائعات عن تواجد النومو و نشر الخوف منه فى البداية عشان بعد كده لما النومو يهاجم أقوى بطل و يهزمه هاتبقى ضربة قوية لعالم الأبطال و المجتمع ككل
هاوكس مازال مزعج بالنسبة لى بس على الأقل الشابتر قلل من قدراته نسبيا و وضح إن مستواه فى المواجهات المباشرة مش قوى

الشابتر خلانى اتحمس فعلا للأحداث الجاية بس اتمنى إن مايحصلش تويست و نلاقى إينديفور رجع و هزم النومو :tired:
 
بادئ الموضوع #39
شابتر 193

الشابتر قدم تطور مفاجئ

فى البداية موضوع إينديفور خد الإتجاه اللى كنت قلقان منه للأسف بس على الأقل هجوم النومو ما طلعش عشوائى و طلع إن فى سبب منطقى و خطة ورا ظهوره

الحوار بين إينديفور و عائلته بيوضح كم الضرر اللى اتسبب فيه و إنه لسه قدامه كثير عشان يصلحه بس كنت اتمنى لو شفنا التحول فى شخصيته بشكل تدريجى بدل النقلة السريعة اللى حصلت

شخصية هاوكس ابتدت تتضح ، من اللى فهمته إن على عكس معظم شخصيات العمل هاوكس ماكانش طموحه إنه يبقى بطل بس ده الطريق اللى اتفرض عليه بسبب قدراته ، ده مش معناه إنه شرير و إنما على العكس هاوكس شخصية طيبة بس هو كان عاوز إتجاه مختلف و حياة هادئة فقط و للسبب ده هو عاوز يقضى على الاشرار عشان يحقق الحياة الهادئة الى بيحلم بيها ليه و للكل بدل حياة الأبطال الحالية
الشخصية طلعت مختلفة بشكل كبير عن تصورى المبدئى ليها و تقديرى ليها ارتفع بعد آخر شابترين :)


التطورات المفاجئة هنا كانت متعلقة بميدوريا ، تفاعل قدرة ون فور أول مع ميدوريا مختلف تماما عن اللى أول مايت قاله و ده بيطرح إحتمالين الأول إن أول مايت أخفى بعض التفاصيل و الثانى إنه ماكانش يعرف و ده شئ جديد
العلامات الغريبة اللى ظهرت على يد ميدوريا فى نهاية الشابتر و اللى ماكانتش موجودة عند أول مايت ترجح الإحتمال الثانى و إن اللى بيحصل لميدوريا شئ مختلف و ده بيفتح الباب لكم كبير من الإحتمالات و النظريات

النقطة التانية كانت ماضى أول فور وان و اللى اتضح إن دوره كان أهم من المتوقع فى بداية ظهور ال Quirks و كان أحد أسباب توقف الفوضى و تحقيق التوازن (و إن كان فى الإتجاه الغلط ) وقتها :nomouth:

الفلاشباك وضح حاجات كثيرة بخصوص الشخصية و خلانى أقدرها أكثر بس فى نفس الوقت واضح إن لسه فى تفاصيل كثيرة ماظهرتش و ده خلانى متحمس فعلا للجاى :triumph:
 
#40
الكاتب عندو مشاكل في انو يفتعل احداث نفس النمط تقرييا ماشيه عليه القصه للان و مشكلته الكبيره التعامل مع الشخصيات يعني هو عندو شخصيات كتير لا يروح كمان يزود عليهم
 
بادئ الموضوع #41
الكاتب عندو مشاكل في انو يفتعل احداث نفس النمط تقرييا ماشيه عليه القصه للان و مشكلته الكبيره التعامل مع الشخصيات يعني هو عندو شخصيات كتير لا يروح كمان يزود عليهم
لو قصدك على الآرك الحالى فشخصيات Class-B مش شخصيات جديدة و إنما شخصيات موجودة من بداية العمل و ظهرت فى أكثر من آرك و الكاتب بيضيف تفاصيل جديدة ليهم و بيعرفك بيهم أكثر و ده شئ جيد و مستغرب فعلا من إنك بتعتبره حاجة سلبية ثم إن حتى لو فى تكرار فى النمط فالأحداث مش واحدة و فى إختلافات حقيقية و تطورات فى كل آرك
 
#42
لو قصدك على الآرك الحالى فشخصيات Class-B مش شخصيات جديدة و إنما شخصيات موجودة من بداية العمل و ظهرت فى أكثر من آرك و الكاتب بيضيف تفاصيل جديدة ليهم و بيعرفك بيهم أكثر و ده شئ جيد و مستغرب فعلا من إنك بتعتبره حاجة سلبية ثم إن حتى لو فى تكرار فى النمط فالأحداث مش واحدة و فى إختلافات حقيقية و تطورات فى كل آرك
لكن في الاركات المهمه مختفين و جودهم بس في الاركات المدرسيه و اظهار قوة الفصل A
و الشخصيه البتكلم عليها هو الفتي صحاب قوه الصوت

انا كاره لنمط ارك مدرسي ثم ارك فلين و التطورات في النهايه لكام شخصيه و الاحداث مش واحده لكن متشابه بشكل كبير
 
بادئ الموضوع #43
لكن في الاركات المهمه مختفين و جودهم بس في الاركات المدرسيه و اظهار قوة الفصل A
و الشخصيه البتكلم عليها هو الفتي صحاب قوه الصوت

انا كاره لنمط ارك مدرسي ثم ارك فلين و التطورات في النهايه لكام شخصيه و الاحداث مش واحده لكن متشابه بشكل كبير

صاحب قدرة الصوت (شينسو) برضه مش شخصية جديدة و كان ليه دور كبير فى آرك الدورة قبل كده مع ظهور بسيط فى آركات تانية

أذكر إنك اعترضت على تقديم شخصيات مش هايبقى ليها دور فى المستقبل فى آرك رخصة الابطال و اللى بيحصل هنا هو العكس، الكاتب بيستغل الشخصيات اللى قدمها قبل كده و بيتوسع فى دورها و بيعالج مشكلة غياب Class -B و المفترض إن ده شئ جيد بمقاييسك

بالنسبة للآرك الحالى على العكس تماما الآرك ده بياخد إتجاه مختلف و بيظهرك لك مدى قوة Class-B و إنه مش ضعيف بأى شكل على عكس الإنطباع المعتاد عنه

فى المواجهة الأولى كان واضح جدا إن خطة Class-B محكمة أكثر على عكس خطة Class-A العشوائية و دى شئ تسو اعترفت بيه أما بالنسبة لفرق القوة بينهم على المستوى الفردى فكان فى صالح Class-B

Class- A بيحاول يتعامل مع الموقف فى الوقت الحالى بس حتى لو فاز فى المواجهة فده مش معناه Class- B ضعيف و إنما هايكون فوز بصعوبة و هايدل على مدى تطور الفصلين مش Class A فقط ثم إن دى مواجهة واحدة و شخصيا متوقع فوز Class-B فى مواجهتين على الاقل من الخمسة
 
بادئ الموضوع #44
شابتر 200


الآرك فيه تحسن كبير على مستوى الآرت و اللى طالع ممتاز فعلا هنا و فى الشباتر اللى فاتت و بصفة عامة المواجهات جيدة حتى الآن و بتقدم تطور جيد للشخصيات و إن كانت فى نقطة مثيرة للقلق

توقعى الشخصى كان إن Class -B على الأقل هايكسب فى مواجهتين عشان يبقى فى توازن بس بصراحة ابتديت اقلق من إتجاه الآرك و احتمال فوز Class- A فى كل المواجهات و دى هاتبقى حركة سيئة فعلا من الكاتب و اتمنى اكون غلطان

بغض النظر عن كده المواجهات جيدة و سعيد بالتطور اللى الآرك بيقدمه لشخصيات Class-B

كنت منتظر نشوف قدرة مانجا فوكوداشى لفترة طويلة من وقت تقديمه و أخيرا ظهرت فى الشابتر و كانت Over powered لما تفكر فيها ، القدرة ليها كم مهول من الإحتمالات و طرق الإستخدام على عكس ما كنت متوقع

هاجاكورى ماعملتش حاجة حتى الآن بس الأغلب إنها هتواجه Vanta black بما إن عندها القدرة على إطلاق الضوء زى أوياما

كيندو من الشخصيات اللى حبيتها فعلا بالرغم من ظهورها القليل و اتمنى إنه ما يتمش هزيمتها بسهولة :disappointed:
 

abdullah-kh

مشرف عام
Administrator
#45
Legendary Produces Hollywood Live-Action Film of My Hero AcademiaManga
Legendary Entertainment announced on Wednesday that it is producing a live-action film based on Kōhei Horikoshi's My Hero Academia manga. Alex Garcia and Jay Ashenfelter are overseeing the project for Legendary Entertainment, while Ryōsuke Yoritomi, the manga's editor, will oversee the project for Shueisha. TOHO will distribute the film in Japan.
امم، بصراحة أشوفه ينفع فلم خصوصًا مع تريند السوبرهيروز الحالي والمانجاكا أصلًا متأثر فيهم ^^.
 
بادئ الموضوع #46
Legendary Produces Hollywood Live-Action Film of My Hero AcademiaManga

امم، بصراحة أشوفه ينفع فلم خصوصًا مع تريند السوبرهيروز الحالي والمانجاكا أصلًا متأثر فيهم ^^.
من الناحية النظرية العمل ينفع فعلا بس للاسف الوضع مختلف من ناحية التطبيق:disappointed: و الفشل المستمر لاقتباس أعمال الأنمى و المانجا ك live action خلانى أفقد الأمل فى نجاح أى عمل من النوع ده
 

Eri

Mass of Chaotic
#47
- Chapter 236 -

البناء لشخصية "Tenko" عجبني شخصيًا بالنسبة لي كنت أتمنى يكون بناءه بطريقة ما يكون فيها "All for One" هو المحور الأساسي على ماهو عليه، المتسبب في شخصية تينكو بشكل غير مباشر هي معلمة أول مايت.
الجدة الحاملة لقوة "All For One" وإلي أهملت إبنها وإلي بدوره كان متشدد في مسألة البطولة لأبنه، بناء ممتاز لنقطة مهمة فالقصة منتظر تكملة الأحداث بفارغ الصبر ::spy::
 
الإعجابات: AM152
بادئ الموضوع #49
#50
Mina ضحكتني جدًآ لما على طول حاولت تبني العلاقة بين ميدوريا و اوراركا. الطريقة كانت كيوت مع الدمية. ::laugh::
 
الإعجابات: AM152
بادئ الموضوع #51
شابتر 253

النصف الأول من الشابتر كان بسيط و جيد مع بعض المشاهد الكوميدية بس نهاية الشابتر كانت فيها مشكلة كبيرة بالنسبة لى
الشابتر بينتهى بتويست بإن كورو جيرى ممكن يبقى صديق أيزاوا اللى مات أو مبنى عليه إن كان ده ممكن ، المشكلة هنا مش فى التويست نفسه و إنما فى إن صديق أيزاوا و الفلاشباك الخاص بيه تم تقديمهم فعلا فى ال Spin off الخاص بالعمل Vigilante: Boku No Hero Academia Illegals و أشك فى إنه هايتعاد بالكامل هنا و ده معناه إنك محتاج تتابع السلسلة التانية عشان تفهم الأحداث و علاقة الشخصيتين ببعض و دى بالنسبة لى غلطة كبيرة و حركة سيئة للدعاية لل Spin off :angry: