Colorization
True Gamer
مليت من الألعاب الجديدة وكنت بشغل أحد المترويدز لكني فكرت أشوف لو في أحد (او اكثر hopefully) وده يلعب. يعني نسوي run مع بعض، نلعب اللعبة من البداية ويكون الموضوع مكان نتكلم فيه عن اللعبة. أحلى شي بأي playthrough ثاني فما فوق إنك تكتشف أشياء ما شفتها بالمرة الأولى أو ما لاحظتها عدل.
ما عندي مانع العب أي لعبة نتفق عليها (ما عدا Prime Hunters رجاءا). يفضّل لو تكون أحد أجزاء سلسلة Prime عشانها طويلة شوي، الأجزاء ثنائية الأبعاد أخلصها بساعتين (وما ياخذون أكثر من 4 ساعات لو أول مرة تلعبهم) لذلك ودي لو ناخذ لعبة وحدة ونقعد معاها فترة أطول نسبيا.
بصراحة مو متوقع أي شي من الموضوع لأنه تاريخ مواضيع مترويد سيء جدا بالمنتدى (ما عدا الثالث). ما عندي مانع لو شخص واحد بس قال يبي يلعب. اللي يبي يدش ويقول "ودي بس مشغول" لا يتعب نفسه ويحط الرد لول.