الموضوع الرسمي infamous 2 - دراما القرعه

[Saudi pro]

خلصتها Good Karma عالهارد .. احباط نوعا ما يعني بالبداية كانت حلوه و كل ما تتقدم فيها تطلع لك حركات و افكار جديده كانت ممتعه بشكل كبير .. كنت العب ساعات متواصله بدون ما احس بالوقت بس بعدين اذا وصلت نص اللعبه يبدأ التكرار المقرف .. تكرار بالمهمات سواء الرئيسيه او الجانبيه .. و تكرار بالاعداء المجنركين و الي اغلبهم سخيفين خصوصا عدو الثلج الكبير يا هو مضيعة وقت على غير سنع .. من السلبيات بعد ان مافيه زعماء باللعبه الا اثنين تقريبا و كل واحد يقول انا أسوأ .. الاخراج بالعروض و الـ Lip Sync يتراوح من جيد الى سيء

سكر بنش المفروض يقدمون سيكويل اكبر من كذا بس عالعموم تعتبر لعبه جيده جدا و الي حب الجزء الاول اكيد بيستمتع بالثاني .

8.0

^
ايوه خلاص هم المهام الفرعيه حقت اللعبة عددها 60

المهام الجانبيه عددها أكثر من 60 .

 

[Raziel]

^

استعد لأكبر سبويلر في اللعبة :

محتوى مخفي: سبويلر

أتفق معك كثير ، أكثر شيء أحبطني مافي زعماء إلا اثنين وكل واحد يقول تراني أسوء من الثاني (كمعركة وقتال)
بالمناسبة ليش بعض شخصيات الجزء الأول ما استفادو منهم ؟

عندك ساشا يوم تواجهها في الجزء الأول ماماتت هربت وبس ! كان المفروض يجيبونها لك .
الأعداء مكررين بزيادة على الأقل الجزء الأول كان في كل جزيرة نوعية جديدة من الأعداء

شيء آخر يقهر ، الأول كان مليان عروض كوميك وتعريف بالأعداء ودورهم في المدينة
هنا قعد يركز لك على بتراند طول الوقت ، مع تسطيح في سيناريو القصة أجل على طول أنا جاي هنا علشان أوقف
ذا بيست وعلشان أوقفه بدف حبوب :laugh:: قصدي بلاست كور وين الجزء الأول اللي يحسسك بشعور التضاد بين تكون طيب
أو شرير وأحساس كول بانه مكروه وغير محبوب في المدينة رغم إنه قد يقدم أفعال خيره ..

ثالث شيء يرفع الضغط ؛ الكومبات سيستم غير موزون أبداً ..
الأعداء مجانين وهمجيين أنواع السبام بالصواريخ وأنت ماتقدر تحمي نفسك منهم ، واللي ألعن من حقين الـRPGs
الوحش الثلجي اللي كل قدراته تلحقك وين ماتروح ، وحتى لو حاولت تهرب مستحيل جايك الهيت جايك :laugh:: ..
هذا غير حركات وأنت طايح على الأرض تتفاجئ بسبام أسلحة الأعداء من كل مكان صواريخ على رشاشات على كرات ثلجية على شوتجن :yuck::

بخلاف تصميم المدينة الجديدة بعض أجزاءه منسوخة طبق الأصل من الجزء الأول مب ناقص غير
يقولون لك ترى هذا اللي بقى من إمباير سيتي .

وواحدة من الحركات التافهه ، قدرة الصواعق كانت بالجزء الأول خرافية وتقدر توجهها وين ماتبغى
ومداها طويل هنا عطوك إياها
بآخر اللعبة ومداها قصير وماتقدر توجهها :tongue:

عموماً اللعبة كسيكول تشبه كثير من سيكولات هالجيل ، تطوّر محدود أغلبه ينصب الجرافيكس واصلاح بعض عيوب الجزء السابق
مع داونجريد ببعض مميزات الجزء الأول وهوبااا جزء جديد ..

 

[Q8_Gamer]

مبروك على البلتمه شباب

انزين بسألكم شرايكم ايهو افضل كارما كبدايه’ اتكون ايفل ولا طيب ؟

الرد راح يكون سبويلر بن كلب , بتجنب السبويلر وبكون دقيق وياك :laugh::

انا افضل تلعب هارد بالطيب لعدة اسباب

1-القدرات مركزه ومداها بعيد تقدر تنحاش من الاعداء وتطق من بعيد

2- خاصية الشيلد او الدرع تنفع كثير بالهارد وهي خاصه بالـ good

3- انتبه إذا تبي البلاتينيوم ترا فيه تروفي خاص بالقود وهو انك تكمل كل المهام الجانبية اللي باللون الازرق بالجزيره الثانيه وعددهم 4 ولازم تكون بالقود كارما

 

[Genocide Diego]

عدو الثلج الكبير يا هو مضيعة وقت على غير سنع

محتوى مخفي: إنفيموس 2

لول من جد هذا الوحش جابلي عقدة

يظهر بكثرة في أواخر اللعبة ويأخذ وقت وجهد عشان تهزمه

بالنسبة لي Crusher ألعن منه لأنك ما تقدر تقتله أو حتى تأثر فيه إلا من رأسه

تكرار بالمهمات سواء الرئيسيه او الجانبيه

محتوى مخفي: إنفيموس 2

المهمات الرئيسية كانت متنوعة , ما أنكر إن فيه كم مهمة كلها قتل لكن بشكل عام التنوع كان ممتاز بالمهمات الرئيسية

المهمات الجانبية نعم أتفق معك كانت مكررة بشكل ممل وكلها يا إنك تقتل أعداء أو تجمع الأشياء المخفية أو تسوي أوفر شارج لأسلاك الكهرباء

الأعداء مكررين بزيادة

محتوى مخفي: إنفيموس 2

بالعكس الأعداء متنوعين أكثر في الجزء الثاني

الجزء الأول هو اللي كان مكرر وعدد الأعداء محدود جدا

العيب إن الأعداء كثر بشكل مبالغ فيه في غالبية المناطق

مع داونجريد ببعض مميزات الجزء الأول

محتوى مخفي: إنفيموس 2

أتفق معك بخصوص عروض الكوميك لكن أعتقد إنهم تعمدوا تقليل عروض الكوميك

لأن اللعبة تمتلك أنميشن ورسوم ريل تايم تغنيهم عن إستخدام عروض الكوميك بكثرة على عكس الجزء الأول اللي كان كارثي في الأنميشن

الكومبات سيستم للأعداء اللي وصفته بالمجنون هو نسخ لصق من الجزء الأول فما أعرف ليش إشتكيت من العيب وهو موجود بالجزء الأول أساسا

قدرة الصواعق أشوفها نفس الجزء الأول من ناحية المدى والتأثير وغير كذا عوضولك الهجمة هذي بعشرات الهجمات والقوى الجديدة

لا تأخذ بكلامي على إنه دفاع عن الجزء الثاني لكن بعض النقاط في ردك مو منطقية نوعا ما فحبيت أصحح بعض النقاط في ردك

في النهاية نعم ما كانت بالسيكول الكبير والمنتظر بس كانت تجربة ممتعة وسيكول جيد بشكل عام

 

[Saudi pro]

عموماً اللعبة كسيكول تشبه كثير من سيكولات هالجيل ، تطوّر محدود أغلبه ينصب الجرافيكس واصلاح بعض عيوب الجزء السابق
مع داونجريد ببعض مميزات الجزء الأول وهوبااا جزء جديد ..

من جد هذا حال أغلب السيكويلز الحين .. لول اما

محتوى مخفي: سبويلر

الزعيم الاخير و قبل الاخير كلهم تكرار للمعارك الي قبل مع تغييرات بسيطه

فيه شي نسيت اذكره و هو تصميم الشخصيات الفله .. بالله وش التصاميم هذي خصوصا الافريقيه و طريقة كلامها الغبي ياحبيبي عالمصخره :laugh::

 

[Five]

^
لووووووووول من جد تصميم الشخصيات لاحظت هالشي تقدر تقول داونجريد ملحوظ ! :laugh::

شباب للحين محد كتب عن الميشن ديزاين ايش رايكم فيه ؟

 

[GYWN]

البدايه كانت ممتازه لكن بعد ما انتصفت فيها بديت أحس بالتكرار والملل.

 

[Jonas]

امس فتحت الـpsn لأول مره من تقريبا شهرين و لقيت انفمس الاولى مجانا قلت ليش لا و حملتها و لين الحين لاعب تقريبا 5 ساعات , المره الاولى ما عجبتني لكن ذي المره غييير القدرات الي تطلع لك مع الوقت و المهمات المتنوعه تخليها من امتع العاب الساندبوكس الي لعبتها في حياتي , كويس قررت العب الجزء الاول لاني كنت ناوي اشتري الثاني و ابدأ فيه على طول لكن الطفرة لها فوائد احيانا

 

[Unknown]

^
^
استمتع <3


شباب خلصتها على الـgood بالمتوسط
الحين ببدا بالـevil على الصعب :/

الحين المهمات الجانبيه الحمرا الي يكون عليها تروفي
هل بتطلع لي وقت ما اخلص المهمات الجانبيه الصفرا
او مع القصه ؟؟ .. لأن مالي خلق ابدا بالجانبيه كلها ؟؟

 

[T u R k I]

شريت اللعبة



ألف مبروك لي

جاء معها كودين واحد حق بيتا انتشارتد 3 .. والكود الثاني اللي فهمته انه خاص بانفيمس الجزء الأول بس ماعرفت حق ايش ؟

 

[Genocide Diego]

^

الكود الثاني عبارة عن خصم 50% من سعر الجزء الأول في الستور

لكن ما راح تحتاجه لأنك تقدر تأخذ الجزء الأول مجانا من الستور ( ألعاب الولكم باك )

 

[ALaWi 2009]

شباب لقينا اللعبة بـ190 وش رايكم بالسعر ؟

بالاضافة الى سؤال :

هل جميع النسخ تحتوي على كود بيتا الاسطورة ( انشارتد3 ) ؟

 

[T u R k I]

ليه غيروا التحكم ؟ صار سريع وخفيف بزيادة !! عندي تحكم الأول أحسن : (

 

[Jonas]

شباب لقينا اللعبة بـ190 وش رايكم بالسعر ؟

بالاضافة الى سؤال :

هل جميع النسخ تحتوي على كود بيتا الاسطورة ( انشارتد3 ) ؟

بالنسبة لي خذها و انت مغمض!!!! و السعر رهيب
اعتقد الاوروبية هي الي فيها الكود

 

[Saudi pro]

هل جميع النسخ تحتوي على كود بيتا الاسطورة ( انشارتد3 ) ؟

الامريكيه و الاوروبيه يجي معهم الكود .

 

[m7tram]

ثاني لعبه اخذ فيها بلاتنيوم من بعد ديمونز سولز ماحب احلل لعبه واطلع فيها كل شي الا لما اكون حابها جداً ومستمتع وانا اطلع كل شي فيها .

 

[Old School]

جالس انزل اللعبه من الستور قلت اجرب اشتري لعبه كامله من الستور. يا ليتني ما جربت. بطيئ بشكل سخيف. فوث 12 ساعه وما زال 44%. على الله تطلع اللعبه جيده.

 

[ALaWi 2009]

Uploaded with ImageShack.us

حمااااس ,, الجرافيكس تطور 180 درجة ,, القيم بلاي صار اسهل وسلس

بس شباب عندي كم سؤال :

1- بيتا انشارتد نزل ؟ ووين احط الكود ؟

3- بالقائمة الرئيسية فيه خيارين , ابدأ لعبة جديدة , وأكمل قصة انفيموس 1 , وش الفرق بينهم .؟

4- بالقائمة الرئيسية مافيه خيار مولتي بلاير ؟ وين راح !

 

[alakafi]

شباب هل علشان اخذ بلاتنيوم انفاموس 1 لازم اخلص اللعبة كاملة واجمع كل شي فيها على الجود واخلص المهمات
ومرة على الإيفل (هارد ) واجمع كل شي كمان واخلص المهمات

وكيف اعرف مهمات الخير الجانبية , ولو خلصت اللعبة وعندي نقص في الإكس بي يمنع تروفي ماكس لكل الباورس ايش الحل ؟

 

[I-NERO-I]

شباب هل علشان اخذ بلاتنيوم انفاموس 1 لازم اخلص اللعبة كاملة واجمع كل شي فيها على الجود واخلص المهمات
ومرة على الإيفل (هارد ) واجمع كل شي كمان واخلص المهمات

وكيف اعرف مهمات الخير الجانبية , ولو خلصت اللعبة وعندي نقص في الإكس بي يمنع تروفي ماكس لكل الباورس ايش الحل ؟

عشان تاخذ البلاتنيوم لازم تخلص اللعبة مرتين مرة على الجود وجمع فيها كل شي وخلص كل المهمات الجانبية ومهمات الخير الي بالون الازرق ( ابتعد عن المهمات الي بالون الاحمر )

ثاني تختيمة خلصها بالايفل على الهارد وخلص مهمات الشر الجانبية الي بالون الاحمر ما يحتاج ترجع تخلص باقي المهمات الجانبية وتجمع كل شي مرة ثانية .

بالنسبة للإكس بي في مهمة جانبية في الجزيرة الثانية عند المحطة يجوك فيها اعداء كثير حاول انك تقتل اغلبهم وما تبقي الا واحد او اثنين وبعدين اقتل نفسك وعيد المهمة وارجع اقتل كثير وعيد المهمة مرة ثانية و هكذا الين ما تجيب اكس بي كثير ( طبعا تقدر تسوي هاذي الحركة مع اي مهمة ) .

اتمني اني اكون افدتك و اذا في اي اسئلة ثانية انا حاضر : .

 

[alakafi]

^
فدتني كتير , بس انا ماعندي مهمات لونها ازرق جانبية , , يا إما اصفر او أخضر , هل لازم اني اخلص كل المهمات الصفرا علشان تنتفح المهمات الجانبية الزرقاء ؟

 

[HDNA]

جالس انزل اللعبه من الستور قلت اجرب اشتري لعبه كامله من الستور. يا ليتني ما جربت. بطيئ بشكل سخيف. فوث 12 ساعه وما زال 44%. على الله تطلع اللعبه جيده.

اللعبة حجمها 15 جيجابايت

 

[HDNA]

^
فدتني كتير , بس انا ماعندي مهمات لونها ازرق جانبية , , يا إما اصفر او أخضر , هل لازم اني اخلص كل المهمات الصفرا علشان تنتفح المهمات الجانبية الزرقاء ؟

المهمات تكون صفراء لكن من داخل الدائرة الصفراء اللون يكون أحمر أو أزرق

 

[alakafi]

تلفزيون ال sd تبعي مايوضح -_- عالعموم بدبر نفسي شكرا

 

[I-NERO-I]

تلفزيون ال sd تبعي مايوضح -_- عالعموم بدبر نفسي شكرا

عشان كذا منت قادر تشوف شي الله يعينك حاول تقرب من التلفزيون

 

[Netero]

لالالالالالالالالالالالا

حملت الجزء الاول 7 جيجا في النهاية .. في النهاية ... جاء ايرور وقال لازم تحمل من جديد , ايش الحظ هذا اليوم

 

[I-NERO-I]

خلصت اللعبة على ال good بصراحة كشخص حب الجزء الاول الثاني كان سيكول ممتاز بالنسبة ليه وارضاني بشكل كبير .

+ القوى الجديدة الي في اللعبة ممتازة و متنوعة بشكل كبير .
+ اللاعداء متنوعين وكل واحد لي طريقته في القتال ( ما عاد وحش الثلج غثيث ومل امه داعي ) .
+ اضافة ال UGC حلوة واعطت تنويع اضافي للعبة ( بعض المهمات جلست اضحك :laugh:: وانا العبها ) .
+ اصبح في فرق ملحوظ بين ال good و evil ( بديت في ال evil امس ومن البداية قمت الاحظ الفرق حتى في الكت سينز انشاء الله يستمر الشي هذا ) .
+ الانميشن و الجرفكس كان فيهم تطور كبير عن الجزء الاول .
+ المهمات الرئيسية و الجانبية متنوعة بشكل حلو وما لا حظت فيها تكرار صراحة .


- اللعبة من اولها الي اخرها ما فيها بوس فايت محترم .
- تصميم المدينة ما حسيت فيه تغير كبير عن الجزء الاول .
- بعض تصاميم الشخصيات و الوحوش سيئ ( Nix شكلها :yuck:: ) .


التقيم النهائي 9.0 ( اللعبة ممتازة وتستاهل )

 

[ALaWi 2009]

Uploaded with ImageShack.us

حمااااس ,, الجرافيكس تطور 180 درجة ,, القيم بلاي صار اسهل وسلس

بس شباب عندي كم سؤال :

1- بيتا انشارتد نزل ؟ ووين احط الكود ؟

3- بالقائمة الرئيسية فيه خيارين , ابدأ لعبة جديدة , وأكمل قصة انفيموس 1 , وش الفرق بينهم .؟

4- بالقائمة الرئيسية مافيه خيار مولتي بلاير ؟ وين راح !

للأسف اعتقد اني راح القى اجوبة , لكن لاحياة لمن تنادي ..

يعطيكم العافية

 

[HDNA]

1- بيتا انشارتد نزل ؟ ووين احط الكود ؟
تروح للستور وتضغط على Redeem Code وتكتب الكود اللي جاء مع اللعبة
3- بالقائمة الرئيسية فيه خيارين , ابدأ لعبة جديدة , وأكمل قصة انفيموس 1 , وش الفرق بينهم .؟
لو بتكمل قصة الجزء الأول بتاخذ نقاط خبرة إضافية وتبدأ اللعبة على طول من المستوى الأول في (الخير\الشر)
4- بالقائمة الرئيسية مافيه خيار مولتي بلاير ؟ وين راح !
مااتذكر إنه فيه خيار ملتي بلاير

اخيرا اخوي علاوي

اسلوب "توقعت اشوف مساعدة لكن للأسف" مايعجب احد
كان ممكن تقتبس ردك وتقول مثلا "احد عنده أي معلومة ؟"

 

[النسر الأسود]

أنهيتها قبل قليل على الـ Good

اللعبة عجبتني بشكل كبير وبرأيي إنها سيكول جيد جداً وتتفوق على الأول في الجيم بلاي بسهولة وبدايتها كانت بيرفكت لكن في القسم الأخير منها يخف الحماس شوي

اللعبة عانت من بعض المشاكل مثل :

- تصميم بعض الشخصيات ( Nix ؟! )
- أعداد الأعداء الثلجيين في المهام الأخيرة من اللعبة كثير جداً ومزعج
- رتم القصة غير موزون أبداً . يعني بتخلص 75% من اللعبة بدون أي معلومات جديدة حول القصة الرئيسية وفجأة هوب الأحداث كلها مع بعض تجيك لول

بالنهاية أنصح أي شخص عجبه الأول ما يتردد إطلاقاً وياخذ الثاني لأنه ممتاز ويستحق التجربة

التقييم النهائي : 8.5 - 9