Google Reader مشكلة عويصة!!

[أوكازو]

السلام عليكم،،
من فينا تعود على القوقل ريدر و يقدر يستغني عنه يوم واحد؟
مستخدمين الريدر اكيد يفهمون وش اقصد!


شخصياً لي اسبوع كرهت الريدر و كرهت ابوه!
صايرة فيه مشكلة و مازالت قائمة و بهذلتي مالقيت لها حل .. و الله اعلم انها من جوجل!

الرسالة هذي تطلع لي
- لما احاول أعلق على item.
- لما احاول اسوي شير.
- المشكلة العظمى انه ما يحدد أي خلاصة كمقروء!!
يعني العداد حق الريدر واصل عندي +1000 .. و مستحيل ينقص!

كل ماحاولت احدد الكل كمقروء طلعت لي هالرسالة!
كل ماحاولت اقرأ خلاصة أو أي شيء .. ينقصها من العداد و بعد ثواني تطلع الرسالة و يرجع العداد لوضعه الأولي!
لي اسبوع كأني مقطوع عن أخبار العالم .. متعود ما اشوف الأخبار إلا من الريدر
و الريدر بوضعه الحالي مقزز للغاية و مقدر اشوف منه شيء!

لي اكثر من اسبوع اعاني من هالمشكلة!
جربت عدة أجهزة، عدة متصفحات؛ بدون فايدة!

بحثت بالـ Google Forums فيه ناس يواجهونها و المدخل حقهم من شهر يناير الماضي!
حاولت ابحث عن اسبابها أو تصريح لقوقل بشأنها بالمواقع التقنية و كذا؛ ماحصلت شيء إطلاقا!!
فـ مدري وش حكاية هالمشكلة بالضبط!

فيه أحد يعاني منها؟

 

[Id]

https

وتنحل المشكلة أو حول على netvibes و بتعرف طعم الريدر الصحيح

 

[Yaz3D]

أنا ما أستخدم الريدر بس أسمع كثيرين عندهم المشكلة هذي. يقولون الحل إنك تشيل http من الـURL وتبدلها بـhttps.

 

[أوكازو]

ID
أخيراً مابغت تنحل!!
شكراً لك .. ما قصرت و أنا اخوك!

الغريب مالقيت للـ https ذكر إطلاقاً بكل مكان!
حتى بمنتدى الدعم حق قوقل.. موظفين الدعم ما اطروا هالشيء أبداً :S
و بالنسبة للـ netvibes سبق و أن جربته ما ارتحت معه
لأن غالب شغلي استخدم فيه clients و حتى الريدر مابديت استخدم الـ web application إلا عشان إضافة Read it later بالفايرفوكس؛ و إلا قبل كنت استخدم معه كلاينت رهيب مرة بالماك : )

DarkSayno
شكراً : )