الموضوع الرسمي Final Fantasy XIII (أحِبُُُهَا، أكرَهها، أحِبُُهَا، أكرَهها، أحِبُُهَا، أكرَهها.....)

[hussien-11]

اممم كيف يعني عمر ؟

مشكلة اللعبة الأساسية انها مش للكل يا عمر ، هي للناس الي ما تحب تدور أبدا و لا تحب تستكشف و تحب بس تدخل باتل ورا باتل ورا باتل من غير أي شي ثاني .. الي كان يميز فف زمان عن أي لعبة اربيجي ثانية .. انها لعبة الاربيجي الوحيدة الي ترضي جميع الأذواق مهما كانت ! و الدليل انها تنجح وين ما كان و بأي بلد و بأي قارة .. بس الشي هذا الان تغير أو خلنا نقول تغير من 12 و الان 13 ! ألعاب ما ترضي أغلب الناس مثل الأجزاء القديمة .

و الي يقهرك أكثر لما تشوف الجهد الخرافي الي حطوه في اللعبة و كيف تحس انه فيه قرارات تصميمية خاطئة خربت عليها ..


عالعموم انا مو عارف هو ردة فعلي مبالغ فيها و لا كيف .. بس لما يجي منتج أحبه ( بالحقيقة أكثر لعبة أحبها ) و أشوف أشياء ما تعجبني لهالدرجة و أحس انهم غلطوا بأشياء كثيرة .. أحس غصبن عني بتكون ردة فعلي عنيفة .. لحد الان أحس بخيبة أمل عجيبة و حزن غريب .. و أتمنى يتغير هالشي مع الوقت .. على الأقل لما أوصل المكان الي تنفتح فيه اللعبة .. أو انه القصة تعوضني -_-
​

 

[Nintendo]

عالعموم انا مو عارف هو ردة فعلي مبالغ فيها و لا كيف .. بس لما يجي منتج أحبه ( بالحقيقة أكثر لعبة أحبها ) و أشوف أشياء ما تعجبني لهالدرجة و أحس انهم غلطوا بأشياء كثيرة .. أحس غصبن عني بتكون ردة فعلي عنيفة .. لحد الان أحس بخيبة أمل عجيبة و حزن غريب .. و أتمنى يتغير هالشي مع الوقت .. على الأقل لما أوصل المكان الي تنفتح فيه اللعبة .. أو انه القصة تعوضني -_-

اهلا بك في عالمي مع ريزدنت ايفل5 عموما منتظرين انطباعات اكثر منك لمن تتقدم باللعبه اكثر ولكن حاس كذا من انطباعك الاولي انك مش راضي ابدا

 

[hussien-11]

اهلا بك في عالمي مع ريزدنت ايفل5 عموما منتظرين انطباعات اكثر منك لمن تتقدم باللعبه اكثر ولكن حاس كذا من انطباعك الاولي انك مش راضي ابدا

انا متحطم يا عمر !

عالعموم اتمنى "يتحسن" رأيي لاحقا ..

 

[Niessu7]

• RPGSite – 85%
• The Lost Gamer – 9
• TheSixthAxis – 8
• Eurogamer – 8
• PushSquare – 3/4
• Digital Spy – 4/5
• Videogamer – 7
• CVG – 9.2
• IGN UK – 8.

الحمدلله اني ما احب الـ RPG ولا ادانيه .

 

[Nyx]

أنا أشوف إنه بدري على الحكم حسين , وخصوصا لما يكون مامشيت ربعها حتى.
أنا مو مضايقني لحد الآن إلا إنه في بعض الكت سكينز في لحظات غريبه , وبعض الأحيان تحس الممثلين يمثلون لفلم ثقافي واللباقي توب .

أوه وساره مو كأنها صغيره شوي؟ >_>

الحمدلله اني ما احب الـ RPG ولا ادانيه .

وش جاي تسوي هنا :tongue:

 

[squall leonhart]

[

الي متحطم بس لأن اللعبه ما فيها مدينه تضيع نص ساعه فيها و تلقى صندوق ورا شجره ؟

اهنيك على وصفك الرهيب للمدن الي كنا نشوفها في الالعاب الاسطورية القديمة عشان بس تنقنع نفسك ان غياب المدن حاجة ايجابية .. مو المفروض انك فان للسلسة و تتعرف ايش الاشياء الي ميزتها و اهما المدن .. و لا تبغى تصير زي سونك فان الي كل ما نزلت لعبة جديده صارت افضل سونك 3دي في التاريخ و هي ما تستاهل

اللعبة بتكون احباط كبير للاسف و شكلنا ودعنا الار بي جي الياباني على الكونسول للابد ,, او على الاقل الى ما نشوف فيرسس

 

[النسر الأسود]

انا متحطم يا عمر !

عالعموم اتمنى "يتحسن" رأيي لاحقا ..

تم إلغاء أوردر الليميتد إيدشن
الله يسامحك يا حسين :crying:

 

[hussien-11]

الأمور ما بتوصل لدرجة "ودعنا الاربيجي" فيصل .. و انت تلعب تحس الفريق عنده قدرات أسطورية في كل شي بس تم تنفيذ المشروع و اتخاذ قرارات تصميمية مهمة جدا بشكل خاطىء تماما !شي يقهر .. اللعبة هذي لو ضبطوا عنصر المغامرة و الاستكشاف فيها كان بتطلع حتى أحسن من 10 نفسها بس ايش نقول ..
​

 

[Nyx]

اللعبة بتكون احباط كبير للاسف و شكلنا ودعنا الار بي جي الياباني على الكونسول للابد

 

[SCREAMING_RAGE]

IGN UK نزل مراجعته للعبه !!

و التقيم صراحة مفاجئ جداً !!

محتوى مخفي

But the lack of anything substantial to do beyond fleeing and fighting soon brings the game crashing back to earth, and even when the walls are lifted Final Fantasy XIII’s world can seem strangely lifeless. As a technical feat the game is a triumph, but it seems a slave to its own spectacle, manacling the gameplay to serve its own bombastic vision and ultimately while the excellent combat and stunning visuals are enough to recommend it, they're not enough to earn it a place amongst the series’ top rank.

محتوى مخفي

10/8.3

المصدر

 

[Hwoarang]

أحد يحب يعيد يلعب FFX معي ؟

 

[hussien-11]

أعتقد ما يحتاج أقول اني مو متفاجىء

10 Graphics
Final Fantasy XIII consistently delivers some of the most stunning sights we've seen this generation - and it's going to take something to top their splendour.

لول الجرافيكس 10 .. قلت لكم قبل شوي انه اللعبة أحسن جرافيكس شفته بحياتي

بس تلعبوا اللعبة بتفهموا ايش سر التقييمات هذي ..


​

 

[Emirates]

اللعبه شكلها في الثمانيات تقييمهاا

والله من جد حرام فيها هالجرافيكس وحبكة القصة واتطيح في الجيم بلي

 

[hussien-11]

سبحان الله الأذواق .. أختي الصغيرة تشوف انه فف13 هي أحسن جزء في السلسلة و أحلى لعبة اربيجي ، و قالت لي انها كانت تكره المدن في 10 و 12 و تشوفهم شي ممل و ما صدقت و هي تخلص منهم .. لول ، هاوشتني على كلامي عن اللعبة خخخخخ

الباتل سستم بعد عدة ساعات بيصير خرافي ، ممتع بشكل إدماني ، و فيه شوية صعوبة فعلا ( من متى و انا أموت ضد الوحوش العاديين في فف ؟ ) .
​

 

[Nyx]

المشكلة في الأوتو باتل , اللي يستعمله يخرب على نفسه وماله دلعي يحطوه أصلا

 

[Emirates]

^

^

للكاجوال المبتدئين

مثل ما حطوا اوتو بريك في فورزا 3 ونيد فور سبيد شيفت

 

[Colorization]

اتركونا من فف10 وذي الخرابيط, ياريت نسمع رأي كل شخص من وجهة نظره كشخص جديد على السلسلة وكفان لها من زمان..

مادري ليش الحماس عندي صار تحت الصفر للعبة!!

خلك جذي، وايد أحسن صدقني.

دايماً توقعاتي لأي شي زيرو عشان ما يضيق خلقي بعدين. لكن لما تقعد 4 سنين تنطر لعبة لوحدة من سلاسلك المفضلة شي طبيعي مهما حاولت تخلي الهايب بحدود بيمسك خط وبتشوف نفسك متحمس دايماً. قريت كل الإنطباعات عن اللعبة بجاف وكل النقاط السلبية ومع هذا كنت متحمس أجربها بنفسي لأني صج صج صج مليت من المواقع اللي كانت تتكلم عن اللعبة وشبه تذمها وهي ما نزلت.

المهم.

شبه محبط.

مش مهتم بالقصة وايد، ولى الزمن اللي أهتم فيه لقصة فيديوجيم إلا إذا كانت شي exceptional بمعنى الكلمة، آنا أبي ألعب. ما راح أقول مابي قصة لأني أستمتع مع قصص فاينل فانتاسي مهما كانت عيوبها لكن جد سكوير بالغت. لو كان التمثيل ممتاز بقول ميخالف، لكن أغلبه cheesy ويبط الجبد وممل. "فانيل" تستاهل لقب أسوأ شخصية بتاريخ سكوير مش بس فاينل فانتاسي. والتمثيل الصوتي حقها مافي كلمة ممكن توصف سوءه. "لايتيننج" حبيتها، "سنو" وشلته أتمنى ينزل عليهم نيزك يقصفهم ويريحني منهم.

الجيم بلاي هو الشي الوحيد اللي ما بتكلم عنه لأني فاهم إنه الآن هو في طور النمو، قاعد يسوي build-up، قاعد يعلمني حبة حبة. بس لو اللعبة ما بتتغير جذرياً بالمعارك وتخليني أستخدم المخ اللي بجمجمتي بعلن إستسلامي. حالياً كل اللي أسويه X X X X ما أتعب نفسي أسوي شي ثاني. يب، آنا عارف، هذا كله المفروض يتغير. بس وربي سكوير تستاهل صفعة محترمة. روحوا شوفوا دراجون كويست شلون تخلي حتى أول دنجن شي يخليك تحرك الجانب الحسابي من مخك عدل.

سوري، محبط. ما شريتها عشان أتركها وبكملها وبلعب اللي أقدر عليه كل يوم، ومن خااااااااطر أتمنى أرجع الموضوع أقول يا ناس اللعبة فاقت توقعاتي. لكن حالياً مقهور.

مثل ما قال حسين الموسيقى جميلة والآرت خيالي والتصاميم مثيرة للإهتمام لكن تحس فيه شي غلط.

ماني حاكم عليها وأقول للكل لا تخلون أحد يغير رايكم، اللي ما يعجبني يمكن يكون أحسن شي عندك. مجرد أقول إنطباعاتي.

 

[Oldsnake]

اليوم جربت نسخة البلاي ستيشن3 ، شابتر 2

واو .. صراحة هذا أحلى جرافيكس شفته في حياتي ! الريزوليوشن و الوضوح و الموديلز شي لا يصدق ، وتقدر تلاحظ الفرق بين النسختين من أول نظرة .. المناطق أجمل مناطق و ارت في تاريخ الفيديو جيمز كاملا .. مناطق جميلة بشكل لا يصدق

أنا حزين .. كل شي في اللعبة هو الي كنت أتمناه ، القصة و عروض السي جي الخرافية و الشخصيات الرائعة و الدراما المعتادة من السلسلة و الباتل سستم السريع الممتع و الموسيقى الي تلعب بمشاعرك لعب .. كلل شي موجود ، بس اللعبة نفسها دنجيون كراولر ! ليش ؟

عالعموم .. ما بدي أستعجل و أظلم اللعبة .. بفضل أخلصها أحسن .. و رح أحاول أتجاوز نقطة انها دنجيون كراولر عشان أقدر أستمتع فيها ..
​

اين وفين ومتى ؟؟ :crying:

 

[Burdegation]

انطبعات اتحبط ياليتني مادخلت هالموضوع :

تقييم يورو جيمر:

محتوى مخفي

8/10

 

[Colorization]

لونلي حط ببالك إحنا بالبداية والكل يقول تتغير بعدين.

مشكلتي ردي سلبي وايد وآنا ما لعبت إلا ساعة وحدة لكن صج زعلان. آنا ما أشكك بإمتياز اللعبة لكن فاينل فانتاسي كونها سلسلة شامخة دايماً تحط في بالك إنك ما تبيها "بس" ممتازة.

ههه تقييم يورو جيمر متوقع. مو عن شي لكن 8 أحسه أكثر رقم تقدر تتوقعه لأي لعبة منهم p:

 

[Tanton]

حطمتوني ..حطمتوني ..حطمتوني .. :crying:
بس شنسوي هذي فف ولازم نلعبها

 

[DEMON]

انا الحماس عندي طااااااح فجاة مدري ليش , حسين كيف القصة (ملحمية خطيرة مشوقة ممتعة درامية) يعني القصة ممتازة ولا لا تراك خوفتني واحبطتني منجد يبغالك احلى اغتيال خرطفاشي
بس حمستني على الباتل سيستم

كولو هدي اعصابك وروح العب 5 ساعات وارجعلنا بعدين قلنا الانطباعات لانك احبطتني جداااااا
اييييييه بس متا العبها

 

[iCon]

كملت في اللعبه تقريبا ١١ ساعه ( على نهاية الشابتر السادس تقريبا )
محتار كيف اكتب رائي في اللعبه خصوصا انها الاولى لي بالسلسله ..
الشي اللي اشوفه شادني لها هو الارت و الجرافيكس و السوندتراك اللي عرفوا كيف يختارون الموسيقى المناسبه حق كل مرحله
اما القصه ما احس نفسي دخلت جوا ابدا معاها.
بس اكثر شي احسه مخرب عليه التجربه هو النظام اللي ماشي عليه حاليا
بكل اختصار ١١ ساعه و انا ماشي كالتالي .. معركه صغيره .. كت سين .. معركه اكبر شوي .. كت سين .. تمشي خطوتين .. كت سين اطول .. بوس فايت

انا ما اقول ان العروض مب حلوه بالعكس رهيبه بس بصراحه بديت امل وايد

 

[Oldsnake]

يا جماعة ايش فيكم ؟
هم قالو انه بداية اللعبة خطية لين نصفها ومافيها مدن واستكشفاف من البداية ولا سايد كويست وبعدين رح تصير فيها مهمات هنت ومن هذا القبيل
الحين الكل صار محبط فجأة وهو عارف هذا الشيء من البداية :what:
انا لازلت متحمس :sarcastic:

 

[Burdegation]

لونلي حط ببالك إحنا بالبداية والكل يقول تتغير بعدين.

مشكلتي ردي سلبي وايد وآنا ما لعبت إلا ساعة وحدة لكن صج زعلان. آنا ما أشكك بإمتياز اللعبة لكن فاينل فانتاسي كونها سلسلة شامخة دايماً تحط في بالك إنك ما تبيها "بس" ممتازة.

ههه تقييم يورو جيمر متوقع. مو عن شي لكن 8 أحسه أكثر رقم تقدر تتوقعه لأي لعبة منهم p:

لول لا عادي انا عاده ماهتم وايد بالتقاييم و الانطباعات لالعاب الاربيجي لانها تعتمد على تجربتك لها قبل اي شيء ثاني(ستار اوشن مثلا عاجبتني جدا بس الانطباعات عنها عاديه او ماتشجع)

انا بس متحسف ليش دخلت لان بدال مايرتفع الحماس صار الحين صفر :xd:

 

[Akilla]

الظاهر بكنسل فكرة اني العبها

الانطباعات والتقاييم .......................

 

[Justice]

القصة مااقدر ااعلق عليها لاني لعبتها يابانية لكن الباتل سيستم الجرافيكس واي شي ثاني كان متقن.
واللعبة راح تكون مميزة لو توقف المقارانات مع الاجزاء الي قبل لكن لوتقارنها راح تكون من اسواء الاجزاء.
ولا اللعبة ممتعة صراحة.

 

[Aleix]

حسب IGN اللعبة تعطيك مجال أوسع -أتوقع للتجول والاكتشاف - بعد ما يقارب 25 ساعة لعب ،


It's a problem that's felt across the board; large parts of Final Fantasy XIII feel overprescribed and overly restrictive. As has widely been reported the path only widens after 30 hours, but in some ways that's the least of its crimes – it takes 25 hours for the game to hand over control of who's in the party and who leads it

الله يهديك يا حسين ، حرقت علينا متعة وحماس فاينل فانتسي

 

[Suzuki Yu]

انا ما كنت متوقع انهم لما كانوا يتكلموا عنها اول عن انها خطية انها تكون خطية لهذي الدرجة ! انا احب الالعاب الخطية بس مو لدرجة انه مافي استكشاف بتاتا في لعبة المفترض انها RPG !

اذا كانت الخطية زي ما وصفتوا فالله يعين على تجربتي للعبة كيف حتكون بس احس انه رح تكون تجربة ناقصة وبقوة :sadwalk:

 

[squall leonhart]

الأمور ما بتوصل لدرجة "ودعنا الاربيجي" فيصل .. و انت تلعب تحس الفريق عنده قدرات أسطورية في كل شي بس تم تنفيذ المشروع و اتخاذ قرارات تصميمية مهمة جدا بشكل خاطىء تماما !شي يقهر .. اللعبة هذي لو ضبطوا عنصر المغامرة و الاستكشاف فيها كان بتطلع حتى أحسن من 10 نفسها بس ايش نقول ..
​

انا ما اشكك بقدرات الفريق حسين .. بس خلاص باين توجههم و قراراتهم البرمجية رح تمشي على ذا المنوال خلاص .. و بعدين انا واحد ما لعبت ار بي جي ممتازة على الكونسول تقريبا من ايام فف 12 ( لوست اوديسي يجي منها بس الغباء الي سواه سقاقوتشي لما حط كل عيوب قصص الار بي جي في لعبته ما خلاني اكملها على الرغم انه وصلت النهاية ) فاملي كان معلق ب 13 .. طيب 13 ما طلعت قد التوقعات هذا معناته اني بجلس استنى فيرسس الي ما ندري عنها شي و لا 15 الي بتصدر ب 5 سنوات لووول .. يعني وقتها الواحد ممكن يكون ترك الار بي جي و كرهها من كثر الاحباط .. فانا خلاص اعلن عن فقداني الامل بالعاب الار بي جي اليابانية على الكونسول ..

كيتياس الخايس الكسول شكلة عدم تطويره للعبة كبيره من 2001 اثر على قدراته العقلية ,, و لا ما في واحد في العالم يسوي الاخطاء الي اتركبها ب 13 .. المشكلة سكوير لما خلت اللعبة خطية اكثر و باعت ملاين الفانز برخيص و خذلتهم على بالها ان اللعبة بتبيع و ان النيو كمرز رح يموتوا على اللعبة لين ما يشتروها لوول و نسوا انه هذي ار بي جي و سوقها محدود و بالحركة الي سوها هذي كثير من الفانز ما رح يشتروا اللعبة و انا اتحدى على ان مبيعات اللعبة بالغرب بتكون محبطة جدا و انشا الله وقتها سكوير ترجع لعقلها