FIFA 09 تستمر في الامتلاك (ميزة خرافية جديدة)

[Aoks]

OMG خاصية عبقريه !

لول تخيل تشوف لاعبك ينصاب في التلفزيون اعرف انه اذا رحت تلعب بتلقاه مصاب :wow: فله!​

 

[hussien-11]

خالف تعرف

خفيف دم بسم الله عليك :yuck::

Edit : نصيحة مرة ثانية تعلم تقرأ كل الردود بالموضوع عشان تستفيد من ناحية ، و ما تتفشل من ناحية ثانية :razz::

لكن ذا الشي ما يمنع ان في لعبة تكون افضل من الثانية مهما تختلف الأذواق

بصراحة لو بنتكلم عن الأفضل انا لا زلت أشوف الجيم بلاي في PES أفضل و بفارق إلى الان ، وهو جوهر ألعاب كرة القدم و أكثر شي يهمني ( باقي الأشياء مهمة و كلها تصب في مصلحة فيفا بس الجيم بلاي هو الأهم ) ، في اليوم الي بجرب فيه اللعبتين و ألاقي حالي استمتعت بشكل أكبر مع فيفا و لقيتها صارت احترافية اكثر ما بيكون عندي أي مانع أنتقل الها ، لكن هالشي ما صار إلى الان P:

 

[persona]

^ لول..


مافيه أخبار عن طور الموسم؟ أتمنى يقربون طور الموسم بحيث يكون FIFA Manager 09 0.5

 

[MALDINI]

رسميا حولت لفيفا .

 

[Double T]

بصراحة لو بنتكلم عن الأفضل انا لا زلت أشوف الجيم بلاي في PES أفضل و بفارق إلى الان ، وهو جوهر ألعاب كرة القدم و أكثر شي يهمني ( باقي الأشياء مهمة و كلها تصب في مصلحة فيفا بس الجيم بلاي هو الأهم ) ، في اليوم الي بجرب فيه اللعبتين و ألاقي حالي استمتعت بشكل أكبر مع فيفا و لقيتها صارت احترافية اكثر ما بيكون عندي أي مانع أنتقل الها ، لكن هالشي ما صار إلى الان P:

حسين انا كنت اقول نفس الكلام بس قبل لا اجرب Fifa .. كنت احسب الفيفا الى الان شوت و على طول جول .. اللعبة صارت احترافية بشكل كبير .. و اقرب للواقعية من PES .. و افضل كمان من ناحية الجيم بلي .. واقعي بشكل كبير .. و ما قلت الكلام هذا الي ما لعبت لا يقل عن 30 مبارة على ديمو Euro 2008 اذا ما كان اكثر و تعمقت فيه .. انا اتكلم معاك و انا كنت اكثر واحد يدافع عن اللعبة السنة الماضية .. و مافي جزء WE ما لبعت فيه و قعدت عليه الين ما ورم اصباعي من العب بالساعات

 

[hussien-11]

انا ألعب كل أجزاء فيفا من الـ96 ، و يس لعبتها ( 08 و اليورو ) على الـ360 ، و لسه اللعبة ما اخدت مكان PES عندي

الجزء المفضل عندي بالسلسلة كاملة لا زال فيفا 98 إلى حد هذه اللحظة P: ، أوبننج أسطوري ، مقطع فيديو رهييييب لكل ملعب ، و جيم بلاي أركيدي و قمة في المتعة على وقته ..

[YOUTUBE]D4Ii6zZOSuc[/YOUTUBE]
​

 

[Humam]

ايش الفايده من هذي الميزات كلها و الجيم بلاي مهما تطور يظل مشي حالك حالك يمشي !!!!

لول فيصل نشوفك نهاية السنة على خير.. الناس كلها مع فيفا ومبسوطة و آخر فلة وانت لحالك في الركن تلعب الي ما تتسمى ( ولا أبغى اجيب اسمها القذر على لساني ).

 

[Lone Wolf]

رسميا حولت لفيفا .

انا معاك والله بس الصراحة انا ماحبيت فيفا الا من 08

ولا قبل كنت ولا اطيقها بس الحين تطورت بشكل كبير!

 

[النسر الأسود]

( ولا أبغى اجيب اسمها القذر على لساني )

لووول يمدحون احترام أذواق الآخرين :laugh::

 

[Double T]

انا ألعب كل أجزاء فيفا من الـ96 ، و يس لعبتها ( 08 و اليورو ) على الـ360 ، و لسه اللعبة ما اخدت مكان PES عندي

الجزء المفضل عندي بالسلسلة كاملة لا زال فيفا 98 إلى حد هذه اللحظة P: ، أوبننج أسطوري ، مقطع فيديو رهييييب لكل ملعب ، و جيم بلاي أركيدي و قمة في المتعة على وقته ..

​

لول فيفا 98 هي السبب الي خلاني احول على سلسة WE من بعد ما جربتها اول مرة .. لكن ما اخفيك سر انه كنت العب و ادمنت عليها فترة طويلة ( ما كنت العب ذيك الفترة الي هي لوول )

ودي اعرف ايش الشي الي يخليك الى الان تشوف PES افضل من Euro 2008 ?

 

[persona]

if a player has scored then he waves to the fans before being substituted, however some players react badly to being substituted, and captains throw their armband to the ground. Captains have more of an effect in this team. The player is advised to choose a squad member who has good captain qualities, for example leadership. Captains are seen in most of the cut scenes arguing to the referee or encouraging his teammates..

شي رائع
هالميزه بتأثر كثير بالموسم ..
ومساكين بالبرو افلوشن طايحيله سهم عشوائي يطلعلك ..
وليومك هذا ماتدري شنو السر بهالسهم هذا..معنويات؟

بالنسبه لي كنت احترم اللعبتين لكن قل احترامي لـPES من بعد PES5 أو PES4
مااذكر صراحه ..

 

[Humam]

لووول يمدحون احترام أذواق الآخرين :laugh::

طيب ايش المشكلة في ردي.. زعلان يعني علشان قلت قذر.. حرية التعبير كمان يمدحوها والا ايش رايك.

 

[Mista Koo]

طيب لو لاعب مات.. يختفي للأبد :surprised:؟!

أحلى شي لو يخلون التوقيت ون تو ون.. إنت بوسط الهجمة فجأة يطيح لاعبك مصاب :laugh::

 

[Eario]

افكر اعطي بيس 09 فرصة, لكن يظل الحماس و الشغف لأسطوره كره القدم فيفا. فيفا 08 لازلت اللعبها و لازال الادمان موجود من اول يوم طب عندي الشريط.

ع العموم الميزه رهيبة, بوجودها او لأ اللعبة راح اخذها باليوم الأول

لكن الانتقالات ؟؟؟

لو لعبت فيفا 08 بتعرف إنك تحصل ملف تحملة ينزل نهاية كل باب إنتقالات, و حاليا إلي لازال يلعب فيفا 08 "ينتظر بداية سبتمبر لتحميل ملف الإنتقالات"

EA تغير كل شيئ

 

[Xeno]

خاصية ممتازة, هي سنة التحويل الرسمية, وأخبار مثل هذي فقط تؤكد لك صحة قرارك.

نشوفكم أونلاين.

 

[Emirates]

كل سنه اقول فيفا وارد العب برو افليوشن لووووول

يورو ما تاقلمت ولن اتاقلم مع الجيم بلي

لذلك ما اتوقع احول لفيفا في ظل وجود برو افليوشن

 

[Solid Snake]

المشكلة مو بالجيم بلاي اساسا، فيفا في اجزاءها الاخيرة الجيم بلاي فيها كان ممتاز جدا مع عيوب طفيفة .. اعتقد الجزء هذا راح يعدّل اشياء كثيرة باذن الله وان شاء الله نشوف جيم بلاي بيرفكت ..


المشكلة الكبيرة في نظري واللي لا فيفا ولا مليون لعبة غيرها تقدر تتجاوزها هي الانتشار والقاعدة الجماهيرية الضخمة للويننج اليفن .. انا لحد الآن ألعب ويننج الفن على الPS2 عشان ربعي قاعدين يلعبونها معاي فقط .. انا مو مستعد اجازف اشتري لعبة كرة قدم ثانية واقعد اقشر بصل لحالي ..

اهم شي بالنسبة لالعاب كرة القدم هو المولتي بلاير والانتشار .. لا جيم بلاي ولا غيره راح يدفعوني لشراء اي لعبة ثانية، تغلبوا على ويننج الفن وعلى قاعدتها الجماهيرية الضخمة، وانا اضمن نجاح فيفا 100% ..

 

[AMG]

المشكلة مو بالجيم بلاي اساسا، فيفا في اجزاءها الاخيرة الجيم بلاي فيها كان ممتاز جدا مع عيوب طفيفة .. اعتقد الجزء هذا راح يعدّل اشياء كثيرة باذن الله وان شاء الله نشوف جيم بلاي بيرفكت ..


المشكلة الكبيرة في نظري واللي لا فيفا ولا مليون لعبة غيرها تقدر تتجاوزها هي الانتشار والقاعدة الجماهيرية الضخمة للويننج اليفن .. انا لحد الآن ألعب ووينج الفن على الPS2 عشان ربعي قاعدين يلعبونها معاي فقط .. انا مو مستعد اجازف اشتري لعبة كرة قدم ثانية واقعد اقشر بصل لحالي ..

اهم شي بالنسبة لالعاب كرة القدم هو المولتي بلاير والانتشار .. لا جيم بلاي ولا غيره راح يدفعوني لشراء اي لعبة ثانية، تغلبوا على ويننج الفن وعلى قاعدتها الجماهيرية الضخمة، وانا اضمن نجاح فيفا 100% ..

اصحابي و انا كنا مدمنين ويننق لكن بعد فيفا 08 صرنا ما نلعب ويننق الا عشان نضحك :wow:

من ناحية المبيعات اعتقد فيفا 08 حققت مبيعات ممتازة لكن ماني متأكد لو تجاوزن مبيعات لزو ايفولوشن

 

[Nyx]

مش أهم من ذي الإضافة

كان العيب الوحيد في 08 ...

 

[MAX9009]

بس والله مقهور يا احمد ذاك اليوم ماقدرت العب معاك عشان الأبديت الغبي:crying:

في FIFA 09 راح اكسر راسك تكسيييييير و بتقول مشاري FTW:rockon:.

ما توقعت ابدااا تغير اسمك ^^ .... المهم ليش ما تحاول مره تانيه في الابديت ... خليني اكسر راسك بـ فيفا 08 قبل ما تنزل 09 :crying:
​

 

[Lone Wolf]

ما توقعت ابدااا تغير اسمك ^^ .... المهم ليش ما تحاول مره تانيه في الابديت ... خليني اكسر راسك بـ فيفا 08 قبل ما تنزل 09 :crying:
​

غيرت اسمي لأنه في واحد في المنتدى مشابه لإسمي

فغيرته ، على العموم بحاول يالواثق P:

 

[Khalid-S]

اضافة اليمه بقوه. اتمنى يخلون اللعب مثل Euro 08 عشان وقتها كل شي يتأكد.

بالنسبه ل PES اتوقع المشكله هي ان Konami نفسها ما تبي تصرف مبالغ اضافيه عليها بما انها اصلا قاعده تحقق ارقام جيدة.

 

[squall leonhart]

لول فيصل نشوفك نهاية السنة على خير.. الناس كلها مع فيفا ومبسوطة و آخر فلة وانت لحالك في الركن تلعب الي ما تتسمى ( ولا أبغى اجيب اسمها القذر على لساني ).

و الله ما همني حتى لو كنت العب لحالي المهم اني اكون مقتنع ,, مو بس العب لعبة الجيم بلاي حقها meh نكاية بلعبة ثانيه .. و فيفا البرزتيشن و اطورها عموما دايما تتفوق على وننج اليفن .. بس الcore gameplay فرق السما و الارض ..

انا جربت ديمو يورو لاكثر من 20 مبارة ممكن و اعتقد انها كافيه للحكم على اللعبة .. صحيح تطورت بس التطور ابدا ما كافي .. على المستوى ذا فيفا قدامها 10 سنوات او اكثر من التطوير عشان توصل لجيم بلاي وننج اليفن الاحترافي

 

[squall leonhart]

شكلك بتظل الوحيد الي يلعب و يتمسك بPES .. والله حزنان عليك الصراحة .. صحيح راح ارجع ابدا من جديد اتعود على ال Fifa و ارمي الي سوته في WE في العشرة سنين الأخيرة لكن طالما راح تعطيني تجربة فريدة من نوعها ما عندي اي مشكلة اني اغير

عندي احساس انك ما جرب ديمو Euro و ان كان جربتة فمبارة وحدة والا ثنيتن مع الكمبيوتر !!!!

مشاء الله قلبك حنين .. تحزن علي عشان لعبة لوووول لا تخاف ماني الوحيد الكثير او الاغلبيه بيظلوا يلعبون وننج اليفن .. الكلام ذا نسمعه قبل كل جزء فيفا و من نفس الاشخاص و فالاخير هم اول ناس يرجعون لوننج اليفن

و يا ريت نطبل شعل الاراء المسبقة .. ما ادري انت ساكن معاي عشان تعرف اني ما لعبت الديمو ؟؟

 

[Double T]

لول انا اول مرة ابدي رأي في فيفا و السنة الماضية لو ترجع تشوف الردود كنت من الي يدافعون عن PES2008 .. بس ما شفت ايش سوى البديل عرفت اني على خطأ و ذا الشي مو عيب

معليش بس في الموضوع هذا كثير الي بيدل وين الأغلبية الي تتكلم عنها ؟ .. لا تجي تقلي الي يلعبون " الدوري الياياني " هم الأغلبية الي تقصدها !!!

و اذا Fifa 2009 نفس الجيم بلي حق Euro 2008 ثق تمام اني ما راح ارجع لPES الين ما يحترم نفسه و يطور زي العالم و الناس

 

[Humam]

مو بس العب لعبة الجيم بلاي حقها meh نكاية بلعبة ثانيه

خخخخخ ليش فيصل ايش قالوا لك عيال في الابتدائي.. احنا ناس ما عندنا فلوس نضيعها على منتج مو راضي يتطور ( بل بالعكس جالس يزداد سوء )..

تخيل انسان يشتري تلفزيون 32 بوصة فيه فتحتين HDMI وUSB, السنة الي بعدها نزل موديل جديد بنفس المواصفات اللهم فتحة الUSB صارت وراء وغيروا اللون وراح نفس الشخص اشتراه والقديم ركنه على جنب, السنة الي بعدها برضه نزل موديل جديد بنفس المواصفات لكن قشعوا فتحة الUSB وحسنوا شوية من الاضاءة لكن متانة الجهاز صارت أضعف, وهنا برضه جا أخونا في الله و اشترى الموديل الجديد والأجهزة القديمة ركنها على جنب.ابسألك سؤال : ايش رايك في هذا الانسان ؟ فوق إنه انسان مسرف لكنه مع فائق احترامي فهو أيضا إنسان غبي لأنه جالس يدفع على نفس المنتج اذا مش أسوأ.. وان كان في تحسين.. فهو طفيف وما يستحق كل هذي المبالغ.

طالما PES 2009 ماراح تقدم فروق جوهرية عن سابقتها ايش الي جابرني أشتريها ؟ اذا 90 % منها هي نفس الجزء القديم فما في أي داعي الواحد يخسر فلوسه.

بس الcore gameplay فرق السما و الارض ..

نسيت تضيف " كان ".. فعل ماضي ناقص..

جيم بلاي وننج اليفن الاحترافي

لول ايش مشكلتك مع فعل " كان " اليوم يا فيصل.. كمان نسيت تكتبه هنا :wow:

 

[M 7 L]

طالما PES 2009 ماراح تقدم فروق جوهرية عن سابقتها ايش الي جابرني أشتريها ؟ اذا 90 % منها هي نفس الجزء القديم فما في أي داعي الواحد يخسر فلوسه.

كلام سليم , ولكن هذا الكلام حاصل من زمااااااااااااااااااااااااااان لسلسلة PES وكانوا الناس راضييين كل الرضا عنها لأن ما فيه منافس أصلاً وكان الفيفا مستواه ( جداً غبي ) ولكن في الوقت الحاضر مستوى الفيفا ( تطوّر كثييير ) لذلك نشوف مثل هالكلام صار يرتفع صوته وينقال في كل مكان . . .

ولكن محبين السلسلة ما ماتوا ! لأن أصلاً هم متعودين على الوضع هذا من زمن بعييييد , يعني موضوع إن ينزل جزء جديد من PES وما فيه فرق بينه وبين إلي قبله ( إلا شي خفييييف ) هذا شي حاصل من دهوور !!!

عموماً يظل الذوق هو الأهم في الموضوع وما أشوف له داعي وصف ذوق الآخرين بأي وصف كان . . .

 

[King Wario]

شباب متى موعد اصدارها الرسمي ؟

 

[kInGsIzE]

اشكالكم فله يوم حولتوا فيفا XD
قبل كم شهر يوم اني ادافع عن فيفا 08 قدام PES 08 كنت بنأكل XD

 

[Chris Van Dam]

بالسلسلة كاملة لا زال فيفا 98 إلى حد هذه اللحظة P:

الله يرحم ايامك يا سيجا (&) ..

عموما .. شكله يبغالي اتعود على فيفا .. نظرا ان فيفا 2008 يوم اروح عند ذاحبي مالعب فيها الا التايتل برونالدينو خخخ ..