NA1F
True Gamer
بشيك عليهاأنزل بالقائمة لتحت، هل متبقي جريت رونز أخرى غير مفعلة؟ إذا ما كنت غلطان فأنت فعلت فقط 3 جريت رونز في برجها المخصص (؟) الرون الأخير حق رينالا وما في داعي تفعله. هذا اللي أتذكره على أي حال لأنه لي قرابة السنة من آخر مرة شغلت اللعبة، أحد الشباب اللي ذاكرته يافعة أكثر مني يقدر يساعدنا في هذه النقطة.
بحالة وجود جريت رونز غير مفعلة فحاول تفعلها (مغامرة لا بأس بها) أو إذا كان عدد الرونز غير مكتمل فعليك التوجه للزعيم المتبقي. المفروض رون مالينيا يكون موجود بينهم بالمناسبة بما أنك هزمتها.
الحين انا بمغامرة تحت الارض
كنت اعتقد ان خريطة تحت الارض صغير ومنطقة واحدة, الحين صرت كل شوي اكتشف منطقة اكبر وخرايط لها
تطوير اللعبه اشوفه معجزة يعني مو بس مناطق بثيم وأبنية ومظاهر مختلفة حتى الوحوش كل فترة اكتشف شكل وحوش جديدة
الاسلحة والدروع احس عددهم غير نهائي
تقريبا كل وحش يستخدم سلاح في اللعبة تقدر تاخذه منه ,او حتى تقدر تاخذ درعه
الرسومات سابقا كنت اشوفها ضعيفه من العروض لكن بعد ما لعبة اللعبة وشفت تصميم المباني والاضائة في بعض المناطق و التوجه الفني غطى على المشكلة, ايضا انعكاس الاسطح كانه ري تريسينق على الرغم ان اللعبة ماتستخدم تتبع الاشعة لكن دقة انعكاس الاسطح قوية جدا واضافة لتفاصيل عالم اللعبة الزخارف في المباني الضباب في بعض المناطق ابداع صراحه
المشكلة الوحيدة الي اشوفها في اللعبه انك اذا قطعتها فترة راح تنسى كل شيء لان مافي معلومات متوفرة راح تخليك تعرف وين وصلت ولا وش فايدة هذي الشخصية الخ
استخدم اليو توب كثير على شان اعرف بعض الاغراض
على كثرة الاسلحة مافي امكانية تخلي مثلا عدد من الاسلحة يكون في مفضلة او قائمة مختصرة تقدر تطلعه منها, واذا حطيت سلاح اضافي مع السلاح الاساسي الوزن راح يرتفع
واشوف هذي المشكلة مزعجة, يعني مو معقوله اقعد انزل بقائمة في عشرات من الاسلحة واختار السلاح الي ابيه, ومستغرب ما اضافوا هالخاصية حتى الان
على العموم اشوفها افضل لعبة ممكن بالتاريخ, واول مره اكون متحمس لاضافة لعبة قبل حتى ما انهيها
التعديل الأخير: