الموضوع الرسمي DEAD SPACE 2 الكابوس الوحيد الذي لن تتمنى الخروج منه!!!

[Painkiller Q8]

^ تبي نصيحتي ؟؟
انا اول ما نزل الثاني .. رحت وختمت الاول , وصارت من احلا تجاربي في العاب الاكشن .. سنه وحده الجزئين في اسبوع .. شي رائع
ولاتستهين في الجزء الاول .. لي اليوم الجرافكس والساوندز والقيم بلي روعه !

كلهم ياخذون منك 15 ساعه تقريبا !

---------------

حاليا جبتها 920\1000
الحمدلله افتكيت من الهاردكور .. وحللت اللعبه .. بس باقي كم اشفمنت غثيث .. منهم الي اذبح 30 ورع بدون ما افجر حفاظته :yuck::

 

[Ghost of sparta K]

و صلت شابتر 6 اللعبه الي الأن ممتازه جرافكيس و الصوت الاصوات رهبيه واقعيه بشكل خيالي و اللعبه صعبه كذلك نوعا ما

اكثر شي عجبني هو اللعبه تخليك في مواقف رهيبه و بظروف صعبه غصبا عنك كأنها رحلة بقاء . جاري اكمال اللعبه ........

 

[emperor-UAE]

^ تبي نصيحتي ؟؟
انا اول ما نزل الثاني .. رحت وختمت الاول , وصارت من احلا تجاربي في العاب الاكشن .. سنه وحده الجزئين في اسبوع .. شي رائع
ولاتستهين في الجزء الاول .. لي اليوم الجرافكس والساوندز والقيم بلي روعه !

كلهم ياخذون منك 15 ساعه تقريبا !

---------------

حاليا جبتها 920\1000[/B] :yuck::

والله كلامك حمسني
المشكله لعبت الأول اكثر من مره
و كل مره ألعب اللعبه لنص ساعه و أقفلها و ما أرجع لها
خلاص إن شاء الله راح ألعب الأول فى وقت أكون فيه مزاجيا أبا ألعب :laugh::

 

[Genocide Diego]

يا أخوان عندي استفسار

بعد ما أنهيت اللعبة حصلت على Prototype Suit

لما بديت اللعبة مرة ثانية في New Game+ ما حصلت البدلة في المحل ؟

أحد يعرف شلون أطلعها ؟

 

[D1rk-Knight]

^
بتلقاها بعدين وأنت تلعب حالها من حال البزات اللي في اللعبة.

 

[Painkiller Q8]

وأخيييرااااااا ... الف \ الف .. هذا الانجاز ولا بلاش .. عاد منزمان مو ماخذ 1000 في لعبه صعبه مثل هذي

 

[emperor-UAE]

^
^
ماشاء الله عليك يا بين كيلر
يا كثر الألوووف عندك:confuse:

 

[Jonas]

وصلت التشابتر الرابع و المشاعر متضاربه
احسها نفس اول ما تغيرت بس بأكمل اشوف لعل و عسى تتحسن

 

[Genocide Diego]

^

ما أبي أحطمك لكن للأسف اللعبة زي ما هي ما تغيرت عن الجزء الأول

مجرد إضافات وتعديلات بسيطة على الجيم بلاي

حطيت رأيي عن اللعبة هنا بعد ما أنهيتها إذا حاب تقرأه

 

[Painkiller Q8]

^
^
ماشاء الله عليك يا بين كيلر
يا كثر الألوووف عندك:confuse:

هههههههه ..
انا على سكوري + 70 لعبه كومليت .. اطلع نووب -__-

شكرا

 

[hussien-11]

أشوف الانطباعات متضاربة حول اللعبة

البعض يؤكد انها تمتلك متعة خيالية و اتموسفير قوي جدا و قصة رائعة

و البعض يصفها بالمملة و المكررة عن الجزء الأول .. حيرتونا @@

 

[JIN KAZAMA]

يارجل عادي , اللعبه لو كانت زي الاول (بالنسبه لي) مافي اي مشكله الاول كان لعبه ممتازه جدا

 

[إحساس]

^

مدري لكن ملاحظ ان النظره السلبيه لـ اللعبه واللي تقول انها ممله ومكرره ماظهرت الا بعد مده من صدور اللعبه .. يمكن مع صدور اللعبه والهايب اللي حصل والتقاييم وما الى ذلك خلت الناس تتحمس مع اللعبه زياده وتمدحها وتتكلم عنها .. لكن مع الوقت بدت تطلع العيوب وبدا الناس يذكرون بعض السلبيات [ اللي ماذكروها بعد وقت صدور اللعبه مباشرة ] ..

ما اقصد اعضاء ترو جيمنج بالاخص لكن ملاحظ من كل المواقع ومن كل الانطباعات فيها ان الاراء حاليا بدأت تتضارب .. في البدايه كان الحماس مولع وكانت الانطباعات ممتازه جدا جدا وماكان فيه اي نقطه سلبيه ذكرت في اللعبه .. وكان كل شي يؤكد ان اللعبه على حسب انطباعات الفان من افضل الاجزاء الثانيه اللي صدرت بهذا الجيل .. وان اللعبه ابجريد ضخم عن الجزء الاول ..

لكن مع الوقت بدأت الاراء تتغير .. اشوف ان هالشي طبيعي ويحصل دايما .. وحصل معي انا بالذات لما لعبت ريزدنت ايفل 5 اللي اول مالعبتها كنت منبهر تماما من الجرافيكس والقيم بلاي [ مع انها كانت مشابهه جدا لـ الجزء السابق بالاسلوب بس الانصدام بالجرافيكس له دور ] .. لكن مع الوقت ايقنت ان اللعبه سيئه تماما وماتستحق كل هذي الضجه ..

الى الان ماجربت ديد سبيس 2 لكني متخوف ان كل هذي الاراء [ الايجابيه ] اللي ذكرت عباره عن [ تطبيل ] فقط لاغير .. مثل ماذكرت سابقا الاراء السلبيه بدأت تكثر واغلبها متفق على ان اللعبه مكرره خصوصا بالبيئه وبالمراحل .. لكن مع ذلك مع الاراء المتضاربه احسن حل هي التجربه الشخصيه .. التجربه الشخصيه راح تعطيني حكم كامل عن مستوى اللعبه .. وهذا اللي بسويه ان شاء الله ..

 

[oldhic]

صحيح فيه اماكن تتشابه بس مو كثيره ( أقارن بالجزء الاول )
غير كذا الاتموسفير احسن من الاول بكثير

 

[zoro]

^

مدري لكن ملاحظ ان النظره السلبيه لـ اللعبه واللي تقول انها ممله ومكرره ماظهرت الا بعد مده من صدور اللعبه .. يمكن مع صدور اللعبه والهايب اللي حصل والتقاييم وما الى ذلك خلت الناس تتحمس مع اللعبه زياده وتمدحها وتتكلم عنها .. لكن مع الوقت بدت تطلع العيوب وبدا الناس يذكرون بعض السلبيات [ اللي ماذكروها بعد وقت صدور اللعبه مباشرة ] ..

ما اقصد اعضاء ترو جيمنج بالاخص لكن ملاحظ من كل المواقع ومن كل الانطباعات فيها ان الاراء حاليا بدأت تتضارب .. في البدايه كان الحماس مولع وكانت الانطباعات ممتازه جدا جدا وماكان فيه اي نقطه سلبيه ذكرت في اللعبه .. وكان كل شي يؤكد ان اللعبه على حسب انطباعات الفان من افضل الاجزاء الثانيه اللي صدرت بهذا الجيل .. وان اللعبه ابجريد ضخم عن الجزء الاول ..

لكن مع الوقت بدأت الاراء تتغير .. اشوف ان هالشي طبيعي ويحصل دايما .. وحصل معي انا بالذات لما لعبت ريزدنت ايفل 5 اللي اول مالعبتها كنت منبهر تماما من الجرافيكس والقيم بلاي [ مع انها كانت مشابهه جدا لـ الجزء السابق بالاسلوب بس الانصدام بالجرافيكس له دور ] .. لكن مع الوقت ايقنت ان اللعبه سيئه تماما وماتستحق كل هذي الضجه ..

الى الان ماجربت ديد سبيس 2 لكني متخوف ان كل هذي الاراء [ الايجابيه ] اللي ذكرت عباره عن [ تطبيل ] فقط لاغير .. مثل ماذكرت سابقا الاراء السلبيه بدأت تكثر واغلبها متفق على ان اللعبه مكرره خصوصا بالبيئه وبالمراحل .. لكن مع ذلك مع الاراء المتضاربه احسن حل هي التجربه الشخصيه .. التجربه الشخصيه راح تعطيني حكم كامل عن مستوى اللعبه .. وهذا اللي بسويه ان شاء الله ..

شيئ طبيعي انه الاراء عن اللعبة تتغير بعد فترة من صدورها و السبب انه وقت نزول اللعبة الكل يكون متحمس لكن بعد ما ينهي اللعبةو يزول اثر الهايب يفكر بمنطقية و يسال نفسه هل اللعبة تستحق هذي التقاييم العالية؟ و اكبر مثال على كلامي جيرز او وار 2

 

[Painkiller Q8]

انا اقول ياحسين لاتتردد فيها .. اللعبه تستحق اللعبه بشده
وانا ختمت الاول قبل اسبوعين .. يعني ماشوف ان الجزء الثاني ممل او مركك ابدا ..
الجزء الثاني فيه اشياء واماكن وافكار جديده .. لكن لاتتوقع اخنلاف جذري .. يعني بما ان اللعبه ماشيه على رثم رائع احسن انهم يطورونه بس .. اما تغيير كلي للعبه ممكن يكون مو من صالحهم مثل ماصار في كثير من الالعاب القويه والجزء الثاني لها فلب بشده
مثال Lost Planet 2

 

[Punished Noctis]

ما اقصد اعضاء ترو جيمنج بالاخص لكن ملاحظ من كل المواقع ومن كل الانطباعات فيها ان الاراء حاليا بدأت تتضارب .. في البدايه كان الحماس مولع وكانت الانطباعات ممتازه جدا جدا وماكان فيه اي نقطه سلبيه ذكرت في اللعبه .. وكان كل شي يؤكد ان اللعبه على حسب انطباعات الفان من افضل الاجزاء الثانيه اللي صدرت بهذا الجيل .. وان اللعبه ابجريد ضخم عن الجزء الاول ..

هذا يحدث بكل لعبة , راجع اي موضوع رسمي لقديم للعبة تعتبر الآن فلوب , ريزدينت إيفل 5 على وقتها اعتبروها افضل من 4 من كل النواحي , و سايلنت هيل 5 اعتبرها البعض أفضل جزء بالسلسلة و أفضل رعب بقاء على أي جهاز , و جيرز اوف وور 2 الكل قال انها ابجريد ضخم من كل النواحي و الآن يقولون انهم يريدون ان تعود جيرز 3 لجذور الجزء الأول , حتى ديفل ماي كراي 4 حصلت على نصيبها من التطبيل .

 

[E M A D]

اللعبة موصل فيها للفصل الرابع و ماني حاس بمرور الوقت خصوصا انه اللعبة ما تشوف فيها شاشة اللودينج ابدا و الفضل يعود للاستخدام الذكي للمصاعد في اللعبة و الي يتم أثناءها تحميل المراحل .

اجواء اللعبة حسب ما شفت مثيرة جداً وتبعد عنك ملل الجزء الاول و التنوع في الافكار و المراحل و الاعداء امر ملحوظ وجوده كل ما تقدمت في اللعبة . ممكن اللعبة مبنية بشكل كبير على اسس و ميكانيات الجزء الاول دون اي اضافات جذرية تلاحظ بس في تصوري هذا الشيء ما يقلل من قيمة اللعبة , بل بالعكس يزيدها خصوصا انه الجزء الاول كان مشهود له في هذا الجانب .

 

[Gahmad]

أنا على مشارف النهاية . صحيح ان اللعبة نازلة من أسبوعين و صحيح ان في شباب – ما شاءالله عليهم – خلصوها و لكن ليس بذنبي انني بطئ .
المهم هنا مراجعة جداً متواضعة للعبة .

اللعبة ممتازة ! هل هذا يكفي ؟ صراحة فريق Visceral Games قدم لنا لعبة رائعة و ممتازة بكل معاني الكلمة . رائعة من ناحية الأحداث و القصة و ممتازة من ناحية تطبيق الأفكار و توظيف البيئة لتكون النتيجة لعبة مبهرة منظراً و تقنيةً .

تبدأ اللعبة بعد ثلاث سنوات من أحداث الجزء الأول و الذي بالمناسبة كان ذو نهاية ...

في هذا الجزء يعود لنا بطل الجزء الأول إيزاك كلارك Isaac Clarke
( الأسم مشتق من الكاتب الروسي Isaac Asimov و البريطاني Arthur Charles Clarke و كلهم كُتاب خيال علمي )
و بإفتتاحية سينمائية يتم وضع اللاعب داخل حدث مثير يجعل الإدرينالين يتدفق حتى يكاد يخرج من أذنيك حتى لو كنت خلف الشاشة و بعدها يعم الهدوء فجأة .
هدوء فعلي تكاد تسمع له دوي يتنقل فيه البطل بين ممرات ملطخة بالدماء المتخثرة و جدران عليها رموز غريبة مكتوبة باللغة المسمارية و على جانبي الممرات غرف مليئة بجثث مشوهة و كراسي متحركة و أسرة طبية ممزقة لدرجة تعتقد معها انك في سايلنت هيل و ليس في الفضاء خاصةً مع الهدوء المريب و الهمسات المتقطعة و لا ننسى اهم عناصر الرعب على الإطلاق ؛ الظلام و الإضاءة حيث أن هذه الأخبرة لعبت دور فعال .

ستجد نفسك في الكثير من الأحيان في ممرات مظلمة و لا بصيص للضوء سوى باب بعيد موارب و منه يسطع نور قوي لا تستطيع رؤية ما خلفه و الأسوء انك لا تستطيع دخول الباب لتكون النتيجة أن وجود هذا الضوء أكثر رعباً من عدمه . و هناك لعبة الظلال التي تتجسد تحت مصابيح النيون ذات الضوء المتقطع و اخيراً هناك

محتوى مخفي: DS2

شبح نيكول الذي يطارك إينما ذهبت و الذي يذكرنا بشبح ماري في سايلنت هيل 2

طبعاً لن أتحدث عن الأعداء و تنويعاتهم و لا عن الأسلحة و تطويرها و لا عن حركة إسحاق و نعومتها و لا عن التطبيق الملائم لفكرة إنعدام الجاذبية ولا عن الرسوميات الممتازة للعبة بشكل عام ولا عن الأخطاء التقنية في حال وجودها لأنه امر لا أفقه فيه شئ و لا عن ... (خير الكلام ما قل و دل )

إذن لماذا المراجعة ؟

لأن اللعبة ممتازة ؛ المطور فعلاً أثبت انه قدم جزء أول كان تجربة جديدة و مرضية جداً و عليه أصبح الأفضل رعباً هذا الجيل - الجزء لا المطور - و بالرغم من عدم النجاح تجارياً أصدر جزء ثاني أثبت معه نجاح اللعبة و أرضى النقاد و الجماهير و EA معاً .
بقصة ممتازة ذات خلفية دينية و سايكولجية مريضة يسيل لها لعاب فرويد و بجرافيكس ممتاز و أكشن ملائم و إنتاج "متعوب عليه" أختم مراجعتي قائلاً أنني لم أستمتع بجزء ثاني مباشر للعبة على الإطلاق منذ صدور Uncharted 2 مثل الفضاء المميت 2 و كمحب للرعب بشكل عام أقول أنني سأكون راضي عن نتاج ألعاب الرعب لو كانت بمستوى هذه اللعبة و على كل مطور يريد تصميم لعبة رعب فعليه بأن يلعب أولاً سلسلة Dead Space

التقييم :
التقييم العام لها ما بين 89 و 90 ! هل تقييمي بيضيف شئ جديد ؟ لا أتوقع .

 

[just me]

توي شاري اللعبة .. مع المسرح المحيطي العجيب :laugh::
لكن فيه شي أشكل علي وش فايدة الـ Nodes ?!

 

[Genocide Diego]

^

تطور أسلحتك وقدراتك عن طريق آلة خاصة منتشرة في اللعبة

وتفتح بعض أنواع الأبواب اللي تحتاج لـ Nodes عشان تفتحها

 

[omarhabra]

شباب بالله انا قاعد العب ارعب لعبة حاليا اللعبة نكتة الرعب لكن كلعبة اكشن واذارة اقيمها 9.5 اللعبة حماس مو طبيعي واحلى الشي الولاد الصغار (سو كيوت) هههههههههههه

 

[just me]

حاليا في التشابتر السابع ومعي تقريبا 48,000 كريدتس .. اصرف منها ولا أبقيه لـ التشابترات المجنونه ؟!

 

[D1rk-Knight]

^
يعتمد على الشيء اللي راح تصرفها عليه.
أهم حاجة إنك تخلي معك Node وحدة من باب الإحتياط علشان ما تتوهق لو لقيت باب يحتاجها + ما فيه داعي تشتري أسلحة طالما إنك متأقلم مع اللي عندك.

 

[Black]

موصل اخر تشابتر ومعجب باللعبة .. اهم شيء بالنسبة لي انهم ماغيروا التجربة الي حبيتها من الجزء الأول .
احد جرب ينزل اسلحة من الستور؟

 

[just me]

^
يعتمد على الشيء اللي راح تصرفها عليه.
أهم حاجة إنك تخلي معك Node وحدة من باب الإحتياط علشان ما تتوهق لو لقيت باب يحتاجها .

وش ذي الحركه السامجة يعني لو وصلت لباب ومامعي نود راح انشب باللعبة ! قمة الغباء .. عموما مشكور أنك بلغتني عشان نوفر النودز

 

[Genocide Diego]

^

مافي باب في اللعبة ضروري تفتحه بالـ Node عشان تكمل اللعبة ( المطور مو غبي عشان يسوي حركة مثل هذي )

الأبواب اللي تحتاج لـ Node هي عبارة عن غرف فيها كمية من الذخائر والعلاج وأدوات ثانية تساعدك إذا كنت محتاج لها

 

[just me]

^

مافي باب في اللعبة ضروري تفتحه بالـ Node عشان تكمل اللعبة ( المطور مو غبي عشان يسوي حركة مثل هذي )

الأبواب اللي تحتاج لـ Node هي عبارة عن غرف فيها كمية من الذخائر والعلاج وأدوات ثانية تساعدك إذا كنت محتاج لها

إيه كنت راجع أسحب كلامي ‏ اليوم في الشابتر الثامن فيه باب يفتح بالنودز وقلت خن نشوف وش فيه ، أنصدمت بهالكمية من الامددات ، والشي الحلو أني سويت القلتش أكثر من 10 مرات الى ماصارت الشنطة تصيح من الزحمه
بعدين أنا صرت أتوقع أي شي من فيسكيرال بعد مستوى الهاردكور التعجيزي !!

 

[ba7ralr3b]

السلام عليكم
أخوان توني شايف اضافات للعبة على الستور وكلها ق يعرف يمتها وحدة وانا بصراحة محتار اشتري اي واحدة منهم اذا فيه احد يدلني على الافضل من بينها يعلمني وله كل الشكر .

 

[JDcore]

خلصت اللعبة قبل فترة استمتعت فيها واعجبتني بس في سلبيات ازعجتني منها سهولة الألغاز, تكرار المناطق الصراحة ماحسيت بالفرق بالمناطق بالجزء هذا والجزء الأول ولا بعد

محتوى مخفي: الجابترات الأخيرة

ترجع للإشيمورا

اتمنى الجزء الثالث أنهم ينوعون شوي بالمناطق.

مادري هل أنا الوحيد اللي اعجبة جزء اكستراكشن اكثر من الجزئين, اعجيتني احداثة والشخصيات الموجوده, بس مادري كأن سمعت راح ينزل جزء جديد لل الستور والماركت راح يكمل القصة صح هالكلام؟