الموضوع الرسمي Dark Souls التحدي المظلم يعود! فهل انت مستعد لكسر يد التحكم خاصتك مجددا؟(سبولرات)

[iNakedSnake]

محتوى مخفي: ما بعد الزعيم الثاني :(

الحين عديت الزعيم الثاني اللي بين البابين " الشكر للجميع " بعدها لما انزل من الدرج يكون فيه تنين على اليسار وواحد دب على اليمين XD رحت كلمته وعطاني آيتم , بعدها صار ما عندي غير الطريق اللي يوديني عند التنين, وكل ما رحت هناك أموت ,وش السوات الحين ..؟
ملاحظه : فبه باب اول ما انزل من الدرج بس انه مقفل .. يعني ما في فايده لازم أقابل التنين :/

 

[Rookie]

^

نفس السؤال هنا بس الشباب فهموني غلط :/

 

[Genocide Diego]

إستفسار للي أخذوا اللعبة

كيف صعوبتها مقارنة بـ Demon's Souls ؟

عدلوا الـ Checkpoint ولا مثل ما هو في Demon's Souls ؟ ( تعيد من البداية بعد ما تموت -ــ-" )

؟؟

 

[D1rk-Knight]

@H3 MAN & Rookie@

محتوى مخفي: . . . . .

انطلق بأسرع ما عندك وخلك على يمين الجسر وبتشوف فيه درج انزل منه.

@Soul Reaper
فيه صار شيك بوينت تحت مسمى البونفير كل ما تقدمت مسافة لأن اللعبة عالم مفتوح لازم تلقاها وتفعلها علشان تستفيد منها، لكن القوانين كما هي، تموت، تنشات لأقرب شيك بوينت.

على طاري الزعيم الثاني:-

محتوى مخفي: . . . . .

لو عندك الأداة اللي تخلي سيفك كهربائي فراح تقتله زي السلام عليكم، المفروض إنك لاقي 3 منها قبل ما توصل له.

 

[iNakedSnake]

؟؟

اللعبه إلى أصعب " من اللي شفته ".. والظاهر انها أصعب بكثير ...

وبالنسبه للـ تشيك بوينت .. فـ اللعبه مو زي ديمون سولز .. أقسام وعوالم .. لا كلها متشابكه مع بعض .. وفيه أماكن تكون زي نقاط راحه .. وإذا مت ترجع آخر نقطه راحه مريت عليها " صححوني لو كنت غلطان "

 

[sogeking]

محتوى مخفي: الوحش الرابع ؟

الفراشة ! أول ما دخلت عندها ذبحتني -__- المشكلة إني Warrior فمدري هل أقدر أضربها بالسيف ولا بتقعد طول الوقت بالهواء ؟ إذا طول الوقت على الهواء فكيف أضربها ؟ >_>

 

[Rookie]

شكرًا دارك نايت

شباب أحد تطلعله عبارة "?Dialog?" لما يشغل اللعبة (التايتل سكرين)؟؟

 

[D1rk-Knight]

@sogeking
ما شفت اللي تقول عنه لحد الآن لذا سوري ما عندي أي خلفية، يمكن محترم يدري عنه.

@Rookie
العفو، ويس العبارة تطلع عندي لم أكون شابك أونلاين بحسابي.

وتم قتل

محتوى مخفي: . . . . .

Gaping Dragon

وحيدًا :rockon:

 

[m7tram]

دارك نايت

محتوى مخفي: :(

انا عند هالوحش

شنو افضل طريقه اقتله ؟ بس انحاش منه ولما ينزل انيابه مادري ضروسه اروح اطقه؟ سالفه طويله! وطقاتي تأثيرها عليه قلييله!

وشغله ثانيه صارت فيني لعنه اشلون اشيلها؟ قريت الشرح عالسريع وفهمت الاداه وماهي عندي الطريقه الثانيه اشلون؟ في شخص يعالجني؟ اذا اي منو هالشخص ووين احصله؟

 

[D1rk-Knight]

^

محتوى مخفي: . . . . .

إن كنت تبي تسبب أكبر ضرر له فاستهدف رأسه الصغير لم يحاول يعضك، بالكثير 3 مرات أول ما ينزله وعلى طول تفادى للجانب الأيمن من شخصيتك علشان ما تتأثر من إندفاعته أو يهاجمك بذيله لو تفاديت لليسار. ممكن برضوا تهاجمه لم يبدأ يضرب في الأرض برجله (تعال له من جنبه اليمين علشان تضربه بأمان) تقريبًا ضربتين وبرضوا لم يندفع بجسمه بعد هجمة العض هنا تقدر تهاجمه 4 مرات بأمان. حاول تطور سلاحك عند الحداد في منطقة Undead Parish في حال ما شريت منه الأداة اللي تسمح لك بهالشيء وأنت عند البونفير. أنا استعمل حاليًا Halberd مستوى 2 وضرره على جسمه 88 بينما على الرأس 138 نقطة، بخصوص اللعنة لا تذكرني فيها كرهت حياتي بسببها، علشان تفكها لازم ترجع لمكان الجرس فوق الكنيسة وتكلم الشخص اللي هناك عنده حجر قيمته 4000 يقدر يشيلها.

 

[m7tram]

محتوى مخفي: دارك نايت

شكراً دارك نايت لكني قتلته قبل لا اقرى ردك .. سويت معه استراتيجيه عجيبه لول .. انطره لين يحط ضروسه عالأرض من بعدها راح يركض للأمام اهني استغل الفرصه وامسك سلاحي بأيدي الثنتين واطقه عالجنب اكرر هالحركه 10 او 8 مرات وقتلته ... لكني كلش ماجيت صوب راسه ولا انتبهت له من الخرعه خايف يقتلني هههههه

 

[Vorg Zangief]

اخيراً خلصت الزعيم الثاني بطريقة محترم . الطريقة هذي رهيبة وما ضربني و لا ضربة

 

[RE-load]

شباب

محتوى مخفي: الرئيس الثالث ؟؟

الرئيس الثالث فقط شفت شكله ومت xD
وحاليا مت اكثر من 10 مرات من الاساسنز
عليهم قوة خرافية ويجوك ثلاثة مرة وحدة ايش الحل معاهم :S
بالنسبة للجرسين هل انا المفترض اكون دقيت الجرس الاول ؟

 

[sogeking]

محتوى مخفي: الوحش الثاني

شفتوا التنين اللي ساد الطريق بعد الوحش الثاني ؟ أول ما تنزلون مع الدرج اللي على اليمين وتمشون شوي بتشوفون ذيله طالع إضربوه بالسهم كذا مرة لييييين يطلعلكم آيتم ماراح أقول وشو سووا الحركة وشوفوه طبعاً يبيلها حول ال20سهم .

 

[D1rk-Knight]

^

محتوى مخفي: . . . . .

سهم واحد بس من على البرج اللي كان واقف فيه البلاك نايت والتنين ترك المكان. :laugh::

 

[sogeking]

^

محتوى مخفي: . . . . .

سهم واحد بس من على البرج اللي كان واقف فيه البلاك نايت والتنين ترك المكان. :laugh::

محتوى مخفي: .....

أنت سويتها الحين ولا سويتها من قبل وطار ؟

عموماً أتذكر كان عندي حول ال90 سهم والحين عندي 76 يعني خذت مني حول ال15 طلقة ..مدري ليه قلت 40 فوق لوول شكلي من الزهق وقت التجربه بالغت بالعد -__-

بس ودك تشوفني يوم طلعاي الأيتم فجأة وقسم إنخرشت وما كنت مصدق إنه بيصير شئ !!!!

محتوى مخفي: للي مهتم يعرف وش الآيتم يفتح

 

[D1rk-Knight]

^

محتوى مخفي: . . . . .

من أول ما قتلت البلاك نايت اللي يحرس البرج، على طول طلقت عليه سهم ما أشوفه إلا طار وجاتني 10 آلاف روح منه. XD
زين حظك كويس اللي رمى لك هالسيف.

 

[Khalid]

شلون آخذ روحي ؟ يعني ان الحين مت و روجعت للمكان اللي مت فيه خذيت شيء كأنه سول لونه اخضر و بعدها ما زال شكلي مشوه ؟ و الحل ؟

 

[D1rk-Knight]

^

محتوى مخفي: . . . . .

استعمل أداة الإنسانية أو أجلس أقتل في الوحوش وبتشوف جاتك وحدة أو يرمي لك واحد منهم وحدة، بعدين روح للبونفير واستعمل خيار Reverse Hollow علشان ترجع بشري.

محتوى مخفي: لمحترم فقط

ما حسيت بكآبة من منطقة Blight Town؟ أحسها تزاوج بين المنطقتين 1-5 & 2-3 من ديمون سولز. X(

 

[Khalid]

شلون اتشقلب للخلف ؟

 

[m7tram]

محتوى مخفي: دارك نايت + السيف

واااااااااااااااااااااااو على سلاح الـDrake تيدوس قالي روح طق ذيله تقريبا 40 سهم وراح يعطيك سيف ... والسيف رووعه الحين اقدر اكمل واذبح على راحتي يسس.

دارك نايت مبلا الحين بروح لها معاي السيف هععع وبشافي نفسي من اللعنه.

 

[TIDUS_FFX]

^

محتوى مخفي: السيف

هههههههه الناس شفيها فجاه عرفت حركه السيف ، توني بالليل معلم محترم عن السيف ، شي خيالي يا جماعه لا يطوفك

 

[Dark Master]

أخدت اللعبة مع أخوي اليوم

أول مااخلص ديمون سولز وزينوبليد حجيكم طيران ان شاء الله

 

[D1rk-Knight]

وأخيرًا خلصت من هالمنطقة المزعجة جدًا وتم قتل

محتوى مخفي: . . . . .

Chaos Witch

، ألحين أعصابي ممكن ترجع للروقان.

 

[m7tram]

دارك نايت انا ماقريت السبويلر الي حاطه انت لاني ماخلصت المنطقه بسئلك عنها :

محتوى مخفي: دارك

الحين انا وصلت لييييييي تحت أخر شي عند بركه السموم والدود الطريج وينه؟ مافريت على راحتي لانه اذن وقعدت احاتي الصلاه لا تطوفني .. وهل راح احصل بون فاير ولا شي قبل الديمون القادم؟ او على الاقل اختصار على طول اروح للزعيم لان تقريبا كل الزعماء لما توصل لهم تكون مسوي اختصار واقل من دقيقه او دقيقتين توصل له.

 

[D1rk-Knight]

^

محتوى مخفي: . . . . .

طريقك للزعيم هو لتلة البيضاء البعيدة اللي كأن جذوع أشجار خارجة منها. لكن أنت مضطر تتفحص المنطقة لأني لقيت سيف وعدة أحجار ودرع إضافة إلى الأداة اللي تطور الـ Flask، وفيه بونفير قبل التلة اللي فيها الزعيم تلقاه على الجهة اليمنى من المنطقة وأنت متجه نحو التلة، حاول توصل لها أول علشان تسهل عليك الاستكشاف في المنطقة.

 

[TIDUS_FFX]

طريقه سهله لقتل الMini Boss الخنزير

محتوى مخفي: الطريقه

- بعد ما تصفي الجنود اللي عنده ، لما تقاتله ، فيه جنبك جثه محروقه ... كل اللي عليك انك تخليه يمر من عندها وراح يحترق شوي
كرر هالعمليه كذا مره وراح يموت ، انا سويتها بدون لا المسه...... بالحظ طبعا ما كنت ادري لول

هالطريقه تنفع للي كلاساتهم Melee مثلي ( Knight - Soldier .. الخ الخ )

 

[Primal]

اوكي اللعبة فعلا صعبة
يا زين ديمون عندها بس
المهم هلللب

للي وصلوا لـ منطقة darkroot gardien

محتوى مخفي: >>>>>>>>>>>>>>>

الزعيم فراشة ضوء القمر
تاثير الضرب عليها ضعيف جدا جدا وبما انها يعني من عنصر النبات مامعي اسحار نارية
اصلا ما معي سحر !
في حل؟سلاح معين او شىء

 

[TIDUS_FFX]

^
اشتر Fire Bombs من منطقه Undead Purge
كثر ما تقدر تشيل اشتر ، النار فعال جدا مع هالزعيم

 

[Primal]

شكرا تيدوس بجرب الطريقة بعد المتعسة
+
التنين لما اضربه 40 سهم وين راح يسقط السيف بالضبط؟