CliffyB يقول (MGS مثال على الترفيه غير التفاعلي)

[Khalid-S]

Cliff Bleszinski, lead game designer of Gears of War 2, cites Metal Gear Solid as the kind of game Epic doesn’t want to make. What were his exact words? Read on to find out.
In a recent interview with IGN, CliffyB was quoted in saying the following:

“

Metal Gear Solid is our example of the game we’re not doing. Passive entertainment is on its way out.”

الكلام هذا قاله في مقابلة مولتي بلاير جيرز اوف وار.

Passive entertainment .. حسب ما فهمت انه يقصد ترفيه بطئ او غير متفاعل مع المجريات"فيديو جيمز" وما Epic صارفه كل النظر عنه.


لول .. ما قال شي مثير او "حشه".. لكن الميديا صار يركز على مبرمجين "صغار" كثير في الفترة الاخيره .. منهم كليفي. بغض النظر عن مسؤليته ولعبته الي قدمها لنا، GOW اكيد لعبة ممتازة طبعا. لكن ليش ماخذين هذا الاهتمام في رايه عن MGS لول...

 

[Justice]

اممم مع احترامي الشديد هذا المبرمج مايعرف شيئ في الفيديو جيمز لووول

 

[Xeno]

ياخي وجهة نظر, مش شرط صح أو غلط, ياليت نتناقش فنص الكلام, مش من هذا وليش يقول كذا و الحمدلله و الشكر.

بالتأكيد لولا أن مجس 4 هي ميتل جير سوليد ولها القاعدة الكبيرة من الهاردكور فانز كان غالبا فلبت فلوب تاريخي تجاريا, اللاعب العادي يبي يلعب طول الوقت مش يتفرج أغلب الوقت.

الألعاب السينيمائية مثل ميتل جير اللي مالها اسم موجودة و فلبت بعنف, إنديجو بروفيسي و غيرها...

 

[Humam]

لول والله فكرت احط الموضوع في المنتدى بس شفت انه مرة مش مستاهل, كليفي بي قصده انها لعبة مش متفاعلة, انت تجلس تتفرج وبس, هي الي تأثر عليك مش انت الي تحرك فيها.

المشكلة الي يسمعه يقول جيرز اوف وور مقطعة ام التفاعل..ميتل جير من أكثر الألعاب الي فيها تفاعل مع المستخدم, وبعدين هو يقول الألعاب مش أفلام, طيب هي ميتل جير فيلم, كت سينز كثيرة - طويلة مش مشكلة طالما هذا سبب من أسباب تميزها ونجاحها, لكن خليه يروح يلعب اللعبة و يشوف الجيم بلاي الراقي.

سواء قالها بقصد سلبي أو مجرد شرح لوجهة نظر, تبقى جملة مركوبة ركوبا تاما من قبل الخطأ ( passive sentence لول :laugh:: ).

 

[CrAzy DudE 777]

CliffyB كان قصده أن ميتال قير صارت تقريبا فيلم بالعربي نص اللعبه كتسينز

و أتوقع أن passive معناته غير تفاعلي

 

[hussien-11]

هي وجهة نظره ، و على فكرة كليفي مصمم ممتاز ، اللعبة فعلا فيها كت سينز طويلة بزيادة لكن هذي نقطة قوتها و أسلوبها الخاص

عموما المشكلة مش انو ايبيك ما بدها تسوي لعبة زيها

المشكلة انها ما بتقدر أصلا :laugh::


​

 

[SALAH]

اذا جائتك مذمتي من ناقص .......

أحسه يحاول ينتقدها بأي طريقة وبأي علة , واذا كان قصده عن الاخراج و الكت سينز الطويلة باللعبة فلازم احد يخبره انه هالشي موجود من 10 سنين أيام MGS1 ..يعني تو الناس !
نعم فيها علل وكان ممكن تتعدل , لكن انك تقول (not passive) ؟ خلك بعيد احسن ..

 

[hamad 11]

مارح اعلق على كلامه الغبي

لكن مستغرب من الهجوم وتقليل قيمة كليف !

المصمم كبير مب صغير واثبت وجوده في الجيمنج اندستري بـGears of War..شي طبيعي المواقع تهتم لتعليقاته.

 

[Lone Wolf]

هاذي وجهة نظره لكن احداث اللعبة ماتنفهم الا بهل مقاطع ومحادثات الكودك

والجزء الرابع في اشياء كثيرة كشف عنها وعشان كذا كل مقطع اطول من الثاني

CliffyB كلامه مايزعل عشان اكون صريح معاكم لكن وجهة نظر مثل ماحنى عندنا وجهات نظر.

بس شنو تبقى اللعبة اسطورة ومحد يقدر يسويها الا ابو الكجم

مارح اعلق على كلامه الغبي

احنى مجس فانز و بقوة يا حمد وانت تعرف هالشي

لكن كلامه صحيح ومب غلط على فكرة لأنه مثل ماقلت

احداث اللعبة ماتنفهم الا بالمقاطع و الكودكس.

 

[High Lander]

بالتأكيد لولا أن مجس 4 هي ميتل جير سوليد ولها القاعدة الكبيرة من الهاردكور فانز كان غالبا فلبت فلوب تاريخي تجاريا

القاعد الجماهيريه تكونت في mg1...وكانت تنتهج نفس الاسلوب!!
ليش ما فلبت في وقتها ؟

 

[Gon freeces]

القاعد الجماهيريه تكونت في mg1...وكانت تنتهج نفس الاسلوب!!
ليش ما فلبت في وقتها ؟

الألى اللي على MSX أعتقد ؟ كان لها كت سينز طولها 90 دقيقة ؟

ه هالشي موجود من 10 سنين أيام MGS1 ..يعني تو الناس !

كت سين طوله 90 دقيقة

 

[Tomb raider]

في النهايه متل جير قصه...

 

[king zell]

بالتأكيد لولا أن مجس 4 هي ميتل جير سوليد ولها القاعدة الكبيرة من الهاردكور فانز كان غالبا فلبت فلوب تاريخي تجاريا, اللاعب العادي يبي يلعب طول الوقت مش يتفرج أغلب الوقت.

يعني لو ميتل جير بدأت لعبة مختلفة بعدين صارت سينمائية كان قلنا أوكي اسمها اللي خلا الأجزاء الثانية (اللي ما أحد يبي يلعبها) تنجح

لكن السلسلة بكبرها بدأت بهالطريقة و نجحت لأن تطبيق الفكرة كان صح و مبدع.. و قاعدة الفانز الضخمة ما صنعها الا هالعامل اللي في اللعبة.. هذا يدل إن في مجموعة كبيرة من الجيمرز ما تمانع هالشي طالمة إنه متنفذ بهالطريقة المبدعة

ليش لعبة نن جيمر من ننتيندو تنجح و لعبة تقليد لها من شركة ثانية تفشل مع مرتبة الشرف.. السر هو في "التنفيذ"

اذا ما جبت فكرة ناجحة و نفذتها غلط لا تتوقع دائما تحقق شي..

 

[Emirates]

انا واحد كجديد في السلسله شفت اكثر من اني لعبت في متل جير

بس هالعامل شي جميل في متل جير وان كان شي غريب علي فعلا كاول مره

 

[Xeno]

طيب محمد ممكن ظروف مجس 1 ساعدتها, لكن في ألعاب أخرى بنفس طريقة ميتل جير سوليد في الاعتماد على السينيمائية أخفقت إخفاق شنيع رغم أن تنفيذها ممتاز.

هذا النوع من الألعاب صعب تجذب فيه الكاجولز, إذا أقنعت فيه الهاردكورز مثل مجس بتنجح, لو فشلت هاردلك.

 

[king zell]

الظروف اللي تتكلم عنها زينو لها دور كبير.. التسويق الناشر طبيعة اللعبة و قتصها.. عوامل كثيرة

بس صعبة انك تعمم على نوع معين من الألعاب (السينمائية مثلا).. انا أعطيتك مثلا النون جيمز مثلا.. محاولات كثير اتباعا لننتيندو فشلت.. لكن ما أحد يقدر يقول ألعاب النون جيمز ما أحد يبيها مثلا بناءا على هالشي


هي وجهة نظر في النهاية و يمكن أكون صح و يمكن غلط

 

[Colorization]

هذا من أسوأ الcontradictions اللي شفتها بحياتي. أمس بالميكنج أوف كان يمدح اللعبة بشكل كبير ويقول هي اللي غيرت نظرته للفيديوجيمز وبلا بلا بلا. المفروض يسكت وما يتكلم عنها، مو عشانها "لعبة كبيرة" ولا عشانها "ميتل جير" لكن عشان ما يطلع بهالصورة السيئة.

لول الصغار كبروا.

تحرير: هو تكلم عن كونها أول لعبة ستيلث (لعبة MSX)، وتكلم كيف إنه كان شيء جديد توظيف الstorytelling باللعبة بهذا الشكل (مجس1). كيف تمدح جانب اليوم وتنتقد هذا الجانب باجر. تناقض.

 

[Tomb raider]

المشكله ما تعرف شو يريد يوصل بالضبط -_-"

 

[Id]

في مثل اتوقع ينقال لكليفي بي هنا .. "الي مايطول العنب حامض ..... "

 

[G7Ga7]

لول طحتوا فيه والرجال باين انه ناوي يوضح فكرة , ان اللعبة اغلبها كت سينز XD

في النهايه متل جير قصه...

نقطة على السطر .

 

[BioMario]

أنا من نظري أشوف أن جيرز أوف وور مهما تطورت مرح تكون مثل قوة MGS ابداً ..
سواء من ناحية الأتفكار و القصة و تسلسل الأحداث المتقن ..

عموماً المقارنه بين اللعبتين ابداً ما اتفع لأن كل لعبة تختلف عن الأخرى تماماً وكل وحدة تسكل طريق أخر ..
عموماً جيرز لعبة ممتازة جداً طبعاً ما حد ينكر لكن بالنسبة من إلي أشوفة صعب جداً جداً توصل لمستوى MGS
مع ان المقارنه بينهم ما تنفع ابداً

 

[Emirates]

ههههههههه كلفي بي كان رجل عام 2006

يعني مب صغير

 

[ASWD]

مثل ماقال كولو المشكلة في الميكينج اوف يمدح بالنقطة نفسها تقريبا*وصلت لعنده ووقفت*..مااظن كمان ان الزمن له دخل في تقبل الامر من عدمه.بحكم انه تكلم في الميكينج على السلسلة ككل من بدايتها ألخ.مش جزء فقط واليوم جاي يقلب الآية

 

[MALDINI]

لول .
معليش الاشكال هذي كثر وهياطهم كثر .
قالي غير تفاعلي قال .

 

[DeaDMaN]

اذا ما جبت فكرة ناجحة و نفذتها غلط لا تتوقع دائما تحقق شي..

بالضبط, .. لو مطور قدر يسوي لعبة من النوع اللي يقول Cliffy عنه Passive وتكون بمستوى قريب الى MGS4, مافي سبب يمنعها من انها تنجح أو تبيع.

 

[iCon]

غريبه يطلع منه هالكلام من انه مدح اللعبه و اسلوبها من قبل ..
و الحين يحش فيها !!!
المشكله اني ما شفت تفاعل على قولته في جيرز علشان ايي و ينتقد متيل جير الحين ..

في مثل اتوقع ينقال لكليفي بي هنا .. "الي مايطول العنب حامض ..... "

 

[DeaDMaN]

متى حش في اللعبة؟! , انا ماأشوف أي شي في كلامه ضد اللعبه .. لكن واضح ان نوع تفاعل اللاعب مع اللعبه في MGS4 يختلف عن Gears of War. هو قال انه مابيطور لعبه من هالنوع وبس ! ماقال بأي طريقة انها أقل من مستوى العابه ..

 

[hamad 11]

احنى مجس فانز و بقوة يا حمد وانت تعرف هالشي

لكن كلامه صحيح ومب غلط على فكرة لأنه مثل ماقلت

احداث اللعبة ماتنفهم الا بالمقاطع و الكودكس.

ايش الرابط بين احداث اللعبة ما تنفهم إلا بالمقاطع و"غير تفاعلية"؟

غير تفاعلية.. يعني مافيها شي تسويه أبد, بس تطالع, يعني اللعبة فيلم ! عاد قلنا ميتل جير أكثر من نصها كت سكينز صح لكن مو يبالغ لدرجة انه يقول عليها غير تفاعلية.

ههههههههه كلفي بي كان رجل عام 2006

يعني مب صغير

والله فيه ناس متخذين موقف دفاعي غريب.. تصريحه خاطئ صح لكن الرجال أبداً مو صغير.. ومرة ثانية اثبت وجوده بالجيمنج اندستري,لول عيل الصغار كبروا؟ على كذا كل المصممين صغار ...

 

[G7Ga7]

متى حش في اللعبة؟! , انا ماأشوف أي شي في كلامه ضد اللعبه .. لكن واضح ان نوع تفاعل اللاعب مع اللعبه في MGS4 يختلف عن Gears of War. هو قال انه مابيطور لعبه من هالنوع وبس ! ماقال بأي طريقة انها أقل من مستوى العابه ..

بالضبط الي قاعد احاول اقوله !!

 

[High Lander]

الألى اللي على MSX أعتقد ؟ كان لها كت سينز طولها 90 دقيقة ؟

القاعد الجماهيريه تكونت في mg1...وكانت تنتهج نفس الاسلوب!!
ليش ما فلبت في وقتها ؟

"المتصفح يقول لي حط عشر حروف ...10 حروف "