Burnout Paradise { كولو يقول لكم the ultimate burnout experience }

[M 7 L]

أوه نو الي عندهم نسخة البلاي3 بس اثنين

*يفكر يبيع الجهاز*

أقول اخلص علينا , ننتظرك تشتري اللعبة P:

iCon بضيفك بعد اشوي . . .

 

[iGam3r]

GENTLEMAN START YOUR ENGINES!!!!!​

 

[Colorization]

اعتقد إني لعبت لفترة كافية تخليني اعطي إنطباع نهائي عن اللعبة.

طبعاً الكل يعرف إنه بارادايس صار لها major shift أليم بحيث إنك تلعب بعالم إفتراضي مفتوح. كرأي شخصي، العوالم المفتوحة صارت overused لدرجة إني ما صرت أتحمس أبداً لما يعلنون إنه اللعبة بتعطيك حرية ومدينة كبيرة وكل هذي الأشياء. وكلنا شفنا الإستخدام السلبي (او السيء) للعوالم المفتوحة، True Crime على سبيل المثال. لذلك أول ما عرفت إنه اللعبة بتكون بعوالم مفتوحة، مع إنها نقلة ثورية للسلسلة، ما قدرت اتحمس كثير. عالم مفتوح يتطلب منك مدينة فعلاً تحبها لدرجة إنك تحفظ أماكنها، landmarks تميز بعض الأماكن عن غيرها (i.e. توني هوكس)، والأهم من هذا كله وجود أفكار جديدة للسلسلة تعزز من هذي الخاصية. الديمو أعطى إنطباع سيء عن اللعبة، يمكن لأنه الديمو كان محدود وبمنطقة صغيرة. المفروض بلعبة فيها مدينة إفتراضية الديمو ما يكون limited، على الأقل يخلون نصف اللعبة مفتوح مع time limit، أفضل من المكان الصغير اللي كان بالديمو. لذلك احب إني أقتبس من جيم سبوت: إذا كنت من الناس اللي بنت إنطباع سيء عن اللعبة بسبب الديمو، إنت مش الوحيد، وخلك واثق من مستوى اللعبة النهائي (على الأقل جربها، مو شرط تشتريها). أما إذا الديمو عجبك، فاللعبة الكاملة أفضل من مستوى الديمو ألف مرة.

مدينة Paradise رهيبة، ويمكن تكون بسهوووولة أفضل مدينة إفتراضية حبيتها بأي لعبة (طبعاً أتكلم بنطاق الألعاب المفتوحة فقط). كأي لعبة عالم مفتوح، المدينة فيها كم منطقة تحسها بارزة اكثر من غيرها، وفيها spots بتحبها كثير وتفضلها بكل منطقة، ومن هذي الأشياء الـ"صغيرة لكن ثمينة". لكن المدينة نفسها مبنية بشكل رائع، التقاطعات بين الطرق والتصميم العام لكل منطقة اكثر من ممتاز، الـstructure العام للمدينة مذهل وأعتقد إنه كان اكبر تحدي للفريق. أيضاً اللعبة تمشي على 60 إطار ثابت بالثانية، وهذا بحد ذاته إنجاز كبير ويستحق الإشادة إنك تصمم لعبة سيارات بعالم مفتوح بمعدل إطارات هائل وثابت بنفس الوقت. الجرافكس جميل، ما أقدر أعطي إنطباع دقيق عن الجرافكس لأنه بكل أمانة آخر همي، الجرافكس بكل لعبة بيرن آوت يكون ممتاز وماشي مع ستاندردز الجيل اللي هي فيه، والفيزيائية كالعادة ممتازة ومتقنة أكثر من السابق.

طريقة اللعبة إختلفت كثير عن السابق. بدل ما تتنقل بين قوائم وإختيارات، بتبدأ على طول بالمدينة كل ما تشغل اللعبة، وبكل إشارة (traffic light) يوجد event تقدر تلعب فيه. لو ودك تلعب الإيفنت، سوي Burnout بسيارتك (تضغط على LT\RT مع بعض) وراح تبدأ السباق. السباقات تنقسم لأكثر من نوع، الأول هو السباق الإعتيادي، من النقطة A إلى النقطة B لكن، عكس الأجزاء الماضية، إنت اللي تقود الطريق مو الطريق يقودك. انت اللي بتشوف الخريطة وتحدد من أي طريق بتبدأ وتروح. أيضاً يوجد Road Rage وهو إنك تسوي takedowns معينة للسيارات بوقت محدود. Marked Man إضافة جديدة للسلسلة، وهي إنك تروح من النقطة A إلى B لكن بتلقى سيارات تحاول تعرقل مهمتك، وبتخسر المهمة لو السيارات كسرت سيارتك اكثر من مرة. Stunt Run أيضاً إضافة جديدة للسلسلة، وهي إنك تجيب عدد معين من النقاط بوقت محدود. النقاط تجيبها عن طريق stunts ممكن تسويها بسيارتك. تدوس بسرعة، تسوي super jumps (تنقز من مكان عالي)، تكسر الـbillboards ومن هذي الأشياء. وأخيراً Burning Route واللي هو شبيه بالـtime attack لكنه يتطلب منك سيارة معينة (كل burning route يطلب منك نوع سيارة محدد).

الموسيقى بالذات ممكن الكل يختلف فيها. بعض المواقع تقول إنه تشكيلة الموسيقى عادية، البعض الآخر يقول إنه سيء، لكن بالنسبة لي الإختيارات جيدة جداً. يمكن ولا شي عجبني كثير (لأنه ذهني يكون مركز عاللعب مو عالموسيقى)، لكنها fit لأجواء اللعبة. بعد ساعتين من اللعب سويت off لكل الأغاني وخليت Burnout Paradise Theme هو اللي شغال فقط، لأنه رهيب ويستاهل ينعاد ألف مرة بدون لا أمل. بينما تشكيلة الأغاني المختارة عادية، الـoriginal scores ممتازين، كلهم من أجزاء بيرن آوت القديمة (من مثل BO 2002 Reprise وTokyo Nights)، ما عدا تراك واحد جديد واللي هو الـmain theme... الرهيب. وأحب أذكر إنه الإغنية الرئيسية للعبة (مش الـmain theme) من غناء الفرقة الشهيرة Gun N' Roses تحت عنوان Paradise City. حالياً قاعد اسوي playlist مخصص للعبة فقط، اللي يبيه يراسلني على الخاص وأرفع له الملف أول ما انتهي منه.

هل أنصح الجميع باللعبة؟ بكل بساطة لا. سواء كنت من محبي سلسلة بيرن آوت او لا، اللعبة ممكن تعجبك وممكن تحبطك. شخصيا سعيد جداً بالتطور العملاق للسلسلة وراضي عن كل إيجابية وسلبية باللعبة، لكن قرأت إنطباعات كثيرة من ناس ما أعجبتهم اللعبة ولا التوجه الجديد للسلسلة. برأيي الشخصي، بيرن آوت بارادايس أفضل لعبة سيارات جيل جديد، وفيه إحتمالية إنها تكون أفضل لعبة سيارات لعبتها (لأنها عطتني كل الأشياء اللي كنت احلم فيها). لكن ما ودي أنصح شخص فيها وبالأخير يتحبط من اللعبة لأنها ما ناسبته. بالنهاية الألعاب، مثل الموسيقى والأفلام، subjective experience، اللي يعجبني يمكن ما يعجبك، وهذي من الألعاب اللي فعلاً ممكن تعجب مجموعة وتحبط مجموعة، لأنها تجربة مختلفة كلياً.

الإيجابيات:

• مدينة إفتراضية ممتازة تقنياً وفنياً بكل النواحي
• تحول ممتاز وكبير للسلسلة
• لا وجود لفترات التحميل المملة
• خصائص اونلاين عملية وسريعة بدون تعقيد وإنتظار

السلبيات:

• ما تقدر تسوي restart لما تنتهي من سباق خسرته (لكنك تقدر تروح للسباق القادم وتلعب فيه، win\lose بالنسبة لي)

التقييم: مو نهائي طبعاً لأنه قدامي كثير (10 ساعات تقريبا لعبت)، لكن مستحيل ينزل عن الـ9، هذا إذا ما كان بيرفكت.


مع إني قلت ما بنصح احد فيها لكن إشتروها يالله

 

[The Last Fantasy]

تسلم على الانطباعات.

يعني نظام اللعبة صار شبيه لحد كبير بنظام Midnight Club بجزئها الأخير من ناحية اختيار المهام. شي حلو صراحة، ومع وصفك للمدينة شكلها بتعجبني لول.

الـCrash Mode انلغى وحطوا بدله ميني جيم Showtime. جربته؟ صراحة أتمنى يلغون الكراش مود للأبد، ممل جداً جداً للي يبي يخلص كل شي بيرفكت (جولدن ميدل).

 

[Colorization]

اي صح نسيت أتكلم عن الـCrash mode، مع إنه أغلب الإنطباعات (من اللاعبين) إنتقدته لكنه عجبني. السبب الأول هو إنه صار شي فرعي، والسبب الثاني إنك تقدر تسويه متى ما تبي (يعني حتى لقب فرعي ما ينطبق عليه). بكل بساطة تضغط LB+RB (اL1+R1) وراح تدخل بالكراش موود، مثل السابق: كسر سيارات كثر ما تقدر وجمع أكبر عدد من الخساير. الفرق هنا إنه صار less focused وتحس اللعبة ما صارت مبنية عليه مثل السابق، وهذي إيجابية بالنسبة لي.

انا ما كنت ادري عنه من الأساس، لدرجة إني ما عرفته إلا بعد 5 ساعات من اللعب (قريته بجاف وسويته). احلى شي إنك تقدر تسويه بأي مكان، إضغط الأزرار وعلى طول you're on.

 

[Xeno]

هممممم لازلت متردد, ياخي مادري عندي إحساس غريب أنها فلوب :roll:

فلوب فلوب فلوب

 

[Naif]

^ لوول

مشكور كولور على الانطباعات. اعتقد السبب في انه بعضهم كرهوها و بعضهم حبوها هو اختلاف الاشياء اللي كانوا يحبونها في برناوت السابقة. انا اكثر شي احبه كان هو القيادة في وسط سيارات الزحمة و انها ما تركز وايد على تعديل او تطوير السيارات.. اعتقد بتعجبني هذي..

 

[M 7 L]

أهلين شباب , , ,

بعد فترة من اللعب في بيرن آوت اكتشفت أنها من أروع ألعاب الجيل ومن أروع ألعاب السيارات ومن أروع ألعاب الأون لاين إلى الآن . . .

لعبة مميّزة جداً ما توقّعت إني راح أحبها بهالشكل أنا صحيح انعجبت بالديمو كثير لكن وين الديمو ووين اللعبة الكاملة فعلاً فرق كبيييير . . .

أي واحد محتار ياخذها أقول له ( سواءاً كنت من محبّي السيارات أو لا , تبي متعة ما تخلّص , عالم افتراضي وااااااسع تحبّة بسرعة تجربة أون لاين " غير " عليك بها ) . . .


. . .

عاد أمس أول يوم أضيف الأخ iCon ولأول مرّة ألعب مع واحد ( جديد ) مدّة " ثلاث ساعات متواصلة " من الضحك والمسخرة <tgman> .. .. ..

ما توقّعت إنه بهالشكل ولا كان من زماااااان ضفتة عندي :cooool:

عاد الله خير ما نفهم إلا كم كلمة وباقي الكلمات " لاتيني " لووول . . .

. . .​

من بعد ما مشوا الشباب وظلّيت بروحي كنت أدور في الشوارع وأشوف منو أفضل رقم في هذا الشارع وكنت أشوف بعض الشباب لكن شارع واحد من عالم كامل ما ينفع P:

لين ما وصلت لشارع اسمة I-88 عاد أنا وقفت هنا لأني شفت الشارع منقسم إلى 4 أقسام ( Section 1,2,3,4 ) قلت حلو here we gooo

وبديت أحاول أحطّم الأرقام إلي موجودة . . . إلى أن وصلت إلى :

بحمد الله تم

امتلاك​

شارع
I - 88
:cooool:

 

[aza619]

OMG !

2 بس عندهم نسخه الـ Ps3 ._."

سجلني في قائمة انتظار الـ Ps3

وأول ما تخلص الاختبارات راح اشتريها ^.^

 

[Colorization]

ممتاز إنها عجبتك M 7 L، كان ودي لو السيرفرات موحدة للنسختين (تحس حلم مستحيل يتحقق).

بإنتظار إنطباعاتك زينو.

 

[Krat0s]

اقول بس صبروا علي شوي وجاية نسخة البلاي3 <tgman>

ا

 

[Colorization]

اليوم لعبتها الصبح وايد، وحالياً هذا ثاني أكبر إنجاز لي:

59 تيكداون كنت ناوي على الـ100 لكني تمللت على الـ50. وناسة لول.


شرايكم تصورون الـstats حقكم؟ (من قائمة الستارت)..

 

[G7Ga7]

انا شاريها ان شالله
G7Ga7

 

[M 7 L]

إن شاء الله اليوم أحط الصور ^^

 

[Isaac]

تم تحديث القوائم وإضافة كل من:

aza619
Ps60
G7Ga7


الموضوع نايم شوي ... بس إن شاء الله الوضع بيتغير لما أشري اللعبة بأحاول أنظم اجتماعات بين شباب الـ360.

( كان معكم DJ Hazoomy من TG CRASH FM !! )

 

[x-virus]

أشتريت اللعبة و حاليا ألعبها (مب أونلاين ) حتى اكتسب بعض الخبرة في الطرق و الإختصارات
إذا هناك أي تحدي أو منافسة فراح أكون موجود يومي الخميس و الجمعة

 

[ASWD]

مو مسالة الموضوع نايم حازم..مشكلة النت تمنع اي شي يخص تحديات وغيره بالوقت هذ

اليوم ان شاء الله اشغل الجهاز واسوي لي جيمر تاج

 

[Colorization]

بإنتظار إنطباعاتك لو لعبتها\شريتها يوسف.


انا خلالالالالاص غسلت إيدي من زينو، خل اللعبة تتنقع عندك مابي إنطباعاتك

 

[msm]

ضيفني لقائمة ملاك نسخة PS3 ..

شريتها أمس (واستغليت فترة تحسن النت المؤقت الفجر ولعبت أونلاين نص ساعة تقريباً ..حماااااس)

تأخرت في شرائها قليلاً لأني كنت متردد ..الديمو كان فارغ وبارد ومايشجع .. لكن اللعبة الكاملة شي آخر فعلاً وفاقت توقعاتي ..مليئة بالتحديات ومتخمة بالإنجازات ومافي شارع او منطقة وضعت عبثاً ..

في البداية راح تشعر بالضياع وانعدام الهدف ولا تدري ماذا تفعل أو أين تذهب (تعودنا على الألعاب تمسك بيدنا وتدلنا على الطريق أو الأهداف) ..لكن أول مماتتجاوز هذا الشعور وتدخل جو اللعبة راح تقدر إتجاه السلسلة الجديد وتفضله على الأسلوب التقليدي ..

مرة ثانية ..انسى الديمو !..

 

[Isaac]

انطباعات رهيبة من جيمر مخضرم ! <tgman>

تمت الإضافة وتتهنى فيها. ::

 

[The Doctor]

أفكر اشتريها... بس الديمو ما خلاني اتحمس لها كثير

لازم اجرب اللعبة الكاملة أول...

 

[BioMario]

لووول الكل يلعبها ..
عندي كم سؤال ..

الأون لاين ( الأكس بوكس ) في ناس كثيرة تلعب ولا قليل ..؟ ونظام الأون لاين بشكل عام كيف ممتاز ؟؟
وأريد احد يحمسني للعبة لول شكلي ناوي عليها بس محتار بين الاكس و البلاي

 

[ryo hazuki]

الحمد لله اشتريتها من يومين

و انشالله نتلاقا معاكم

 

[Krat0s]

اخيرا اخذتها البارحة هه اللعبة فلة وخصوصا الاونلاين <tgman>

بايوماريو خذ نسخة البلاي3 افا عليك احنا موجودين :cooool: ولا ايش قولك M 7 L :yuck:

 

[Xeno]

ههههههههههه كولو أنا جد آسف P: خلاص الليلة انتظر انطباعاتي.

 

[Colorization]

مراجعة Jeff Gerstmann

There’s more opacity here than there probably should be, but once you penetrate its dark shell and figure out what, exactly, is going on, Burnout Paradise is nothing short of amazing. The team at Criterion took a big chance and it’s paid off very well. The game revamps the stock formula in major ways without losing most of the high-speed racing flavor that you hope to see from something with Burnout in the title.

9.5/10


بإنتظارك عبدالله

 

[Xeno]

اللعبة رهيبة, Burnout + GTA, وأحلى شي الوصول السهل والخروج السهل من المهام. (اضغط بريك وبترول مع بعض عشان تدخل, أو وقف وسط الإيفنت كم من ثانية عشان تطلع)

الجرافكس ممتاز بس الصدمات هي اللي فعلا واو, قعدت في البداية كله أتصادم عشان أشوف الإيفكتس لول.

نشوفكم أونلاين... إذا تعدل النت. :cooool:

 

[Colorization]

وأخيرااااااااااااااااااااااااااااااا

الحمدلله إنها عجبتك، حيل متحمس ألعبها معاك وحازم. ياخي المدينة awesomeness بقوة.

الحين الدور على خالد يعطينا إنطباعاته p:

 

[Isaac]

كولو والله ودي أبكي ياخي !!!


المحلات ممكن ما تجيبها Pal أبدا !!


اللعنة !! والله عمري ما انقهرت زي كذا يعني لو النسخة البال تأخرت كم شهر (روك باند مثلا) كان أوكيه .... لكن كونها تنزل بعد الأمريكية بثلاث أيام ومحلاتنا الغبية ما تجيبها إلى يومك, قسما بالله غبنة .... أنا وش الورطة اللي حطيت نفسي فيها *أبي إيليت أمريكي!*

 

[Colorization]

ما تقدر تطلبها من امازون؟ ):

-----

can't touch me! متحمس أكسر راس اي احد اونلاين.... اي احد >_>