hits counter

الموضوع الرسمي Baba is You | أنت المتحكم بقواعد اللعبة

Solay

Double Jumper
بادئ الموضوع #1


متوفره الآن على الـ : Switch - PC
السعر: 15$


اللعبه لعبة ألغاز تتمحور حول فكرة تغيير قواعد اللعب من أجل الفوز، القواعد البديهية بالألعاب الثانيه مثل أن الجدران حاجز وما تقدر تمر من خلالها أو أن النار تقتلك اللعبه تعطيك القدرة على التحكم فيها. بتبدأ المرحلة بتوضيح جميع قواعد المرحلة بشكل مكتوب، مثلا:

Baba is you (الشخصية اللي تتحكم فيها)
Flag is Win (هدف الفوز)
Wall is Stop (العقبة)

وأنت هنا تقدر تغير ذي القواعد بأنك مثلا تدف كلمة Stop من أمر الـ Wall وبيلتغي هذا الأمر نهائيا وبيصير الجدار ما عاد يوقفك ويمديك توصل للهدف. وعلى نفس هذا المنطق كل مرحلة لها قواعدها وفكرتها المختلفه.


هذا تريلر اللعبه ويوضح الفكرة بشكل عملي:




اللعبه مالها مراجعات كثير للآن بس المراجعات الموجودة تمدح باللعبه بشكل كبير:


NintendoWorldReport
9 / 10.0

TechRaptor
9 / 10.0

Reloading BR
9 / 10.0

PC Gamer
90 / 100

Pocket Gamer UK:
90 / 100

We Got This Covered
4/5

Eurogamer
Recommended

CGMagazine
8 / 10.0


بعض الاقتباسات:


Rock, Paper, Shotgun:
But this is wonderful. Completely wonderful. Original, inspired, challenging, and most importantly of all, that constant sense of “Oh no, how will I ever do this one!” so quickly followed by, “I AM A GENIUS!” It’s a very, very smart game, that has the humility to let you, the player, feel like the clever one

Polygon:
The game has over 200 puzzles, and I’m roughly 50 deep. I plan to make my way to the finish line, not just because it’s a great game — and it is! — but because its obsession with rules has me rethinking the rules in every other game I love. It’s selfless in a way, a game that lets you bend its rules to appreciate the rules in everything else.

Pc Gamer:
Baba is You manages to take the familiar idea of nudging blocks and solving puzzles in a fresh direction. Brilliant.

Solay:
لي انطباعات بعد ماأتقدم أكثر باللعبه لكن من الـ 15 مرحلة اللي لعبت كل اللي أقدر أقوله: عبقرية!!
 

Solay

Double Jumper
بادئ الموضوع #5
اوكي بعد 45 مرحلة أقدر أقول أنه حتى لو اللعبه تخلص الحين بتكون واحدة من أكثر الألعاب عبقرية على الإطلاق. ومع ذلك باقي لي 155 لفل زيادة.

تعرف ذاك الاحساس الرهيب بعد ما تخلص من لغز ذكي ببورتال؟ أو لغز صعب ببروفيسور ليتون؟ اللعبه هاذي تمطر عليك بغزارة بذا الإحساس، فكرة التلاعب بالكلمات وتغيير قواعد اللعبه شي ابداعي وتخلي مب ألغاز اللعبه انما اللعبه كلها خارج الصندوق، اللعبه كأنها تعرض لك الكوماندز المختفيه خلف برمجيات اللعبه وتخليك تتحكم فيهم وتتلاعب فيهم بما يخدمك لحل اللغز، ما عاد فيه ثوابت معينه كل شي ممكن لو اللعبه تبيه يكون ممكن فحدود اللفل ديزاين هنا لا نهائية بالنسبة للمصمم ومفهومه بشكل بديهي للاعب. التلاعب بالكلمات هو الكونسبت الأساسي وكل كلمة تقريبا تضيف ميكانيكية لعب جديدة وتبدأ اللعبه تقدم لك هاذي الميكانيكيات مع الوقت. ما ودي أسهب بشرح الميكانيكيات باللعبه لأنه مجرد محاولتك لفهم كلمة معينه وميكانيكياتها هذا لحاله شي ممتع.

مراحل اللعبة تبدأ سهله وتدريجيا بتبدأ تصعب وطبعا عاد بحسب الفكرة لقيت نفسي أعلق شوي بمرحلة معينه وأخلص اللي بعدها بثلاث دقايق، الجميل باللعبه انه ما فيها اي عناصر نكد ما فيه وقت يحكم حل اللغز نهائيا وفيه زر الـ X ياخذ دور Ctrl+Z بحيث يمديك تتراجع عن كل خطوة ويمديك ترجع لو تبي 100 خطوة لورا، حتى اعادة اللغز من الأول وجديد تقدر تسويها بضغطة زر فاللعبه ما تحاول بأي شكل من الأشكال أنها تصعب عليك التجربة بعناصر ثانية خارج الألغاز نفسها. وعلى طاري الصعوبة أتوقع الواحد لازم يدخلها بعقلية أنه ممكن يسوي سكيب للغز ويرجع له بعدين لو يبي أو أنه يطلب تلميحات و يبحث عن حلول لأني أعتقد قدام ممكن الواحد يعلق عند كم لغز زي اي لعبة بزلز ثانية.

اللعبه متسامحه بتقدمها وما تعاقبك، كل عالم فيه 14+ مرحلة وكل اللي تحتاجه عشان تفتح العالم اللي بعده هو أنك تخلص 6 مراحل فقط. العالم مقسم من عدة مراحل بعضها أساسي وبفكرته المختلفة وبعضها فرعي بحيث يكون تابع للفل معين بنفس الفكرة والديزاين بس بتغيير طفيف يتطلب منك حل مختلف. وبالغالب لو تنهي المرحلة الأولى أو الثانيه بتنفتح لك عدة مراحل بنفس الوقت يعني تقدر تسوي سكيب لـ 4 وتلعب 6 في حال علقت فيها فشبه مستحيل انك تعلق عند عالم معين.


بالنهاية أقدر أشوف اللعبه بالراحة تنافس على لعبة اندي السنة وابكون سعيد جدا لو شفت ألعاب تنافسها على نفس المستوى. ولا أحد يغره مظهر اللعبه البسيط نهائيا.
 

Solay

Double Jumper
بادئ الموضوع #7
:grin: تصدق توني كاتب ذي وابحطها بملفك:

فارس اللعبه تصلح لك ترا، أعرفك من الناس اللي تقدر اللفل ديزاين والألعاب اللي بفلسفة مختلفة.

اللعبة هاذي فعلا تخليك تفكر بالكوماندز اللي خلف كواليس الألعاب الثانية.

انطباعات موقع solay جدًا أعجبتني ! (&)
متحمس بحذر
ههههههههههههههههه خلاص أجل شكلي ابعتمدها.
 

Solay

Double Jumper
بادئ الموضوع #10
#11
تسلم، ومهتم أعرف وش هي ألعاب الاندي اللي أنت لعبتها وتختلف معي على مستواها.



والعضو الحيادي لو سمحت.
مو اختلاف بين لعبة ممتازه و لعبة سيئة فمو شي كبير بس اقدر اقول من كل ١٠ العاب اشوفك تقول عليها ( خورافية) ٩ منها احس انك بالغت بمدحها شوي
 

Solay

Double Jumper
بادئ الموضوع #12
مو اختلاف بين لعبة ممتازه و لعبة سيئة فمو شي كبير بس اقدر اقول من كل ١٠ العاب اشوفك تقول عليها ( خورافية) ٩ منها احس انك بالغت بمدحها شوي
هو انا متفهم انه ممكن أذواقنا مختلفة بس قصدي وش اللي فعلا أنت لعبته منها؟ والا كيف حكمت عليهم؟
 
#15
Celeste لعبه ما يختلف عليها احد من افضل واروع التجارب في الفيديو جيمز
وليس الاخ Solay الوحيد الي مدحها وتغزل بها انما حصلت على اجماع من المواقع واللاعبين على رهابتها
 
#16
Celeste لعبة حتى من كثر ما تحكمها متقن ويستجيب للاعب بدقة شديدة وسرعة، المطور قام بنشر الsource code و صار فيه خلاف بين المطورين بطريقة كتابته للكود.
اللعبة لا غبار عليها و حتى أتذكر حازت على تصويت هنا ك أفضل لعبة السنة من كم شخص.
 
#18
جربتها أمس ... وصلت للمرحلة السابعه

جداً فريدة من نوعها .... ولو أنه ممكن فكرتها ماره علينا من قبل ( دفع الأشياء ) ... بس التنفيذ يعتبر شي جديد و فريد خاصةً مع دمجها بالكلمات و تحويل البيئة لشي يسهل عليك حل اللغز !


سولاي ... سؤال ... بالمراحل المتقدمة ... هل في أكثر من طريقة لحل لغز واحد ؟ ... ولا الوضع لغز واحد له طريقه وحده لحلها فقط !
 

Solay

Double Jumper
بادئ الموضوع #19
اول شي جا يالي
Celeste
عندي احساس أنه اول شي جا ببالي هي ما لعبت غيرها بس مغلفة، ياخي عطني لعبتين ثلاث زيادة لأني فعلا جالس أحاول آخذ رأيك بجدية وأنه مب بس رمي كلام ومحارش.

أما بالنسبة لسليسيت الشباب ما قصروا بس بمااني عارف أنك تقدس المراجعات أكثر من أي شي ثاني فترى اللعبه معدلها 91.
 

Solay

Double Jumper
بادئ الموضوع #20
جربتها أمس ... وصلت للمرحلة السابعه

جداً فريدة من نوعها .... ولو أنه ممكن فكرتها ماره علينا من قبل ( دفع الأشياء ) ... بس التنفيذ يعتبر شي جديد و فريد خاصةً مع دمجها بالكلمات و تحويل البيئة لشي يسهل عليك حل اللغز !


سولاي ... سؤال ... بالمراحل المتقدمة ... هل في أكثر من طريقة لحل لغز واحد ؟ ... ولا الوضع لغز واحد له طريقه وحده لحلها فقط !
استمتع يا كابتن، بالنسبة للألغاز اللي وصلت لها فشكل طريقة الحل وحدة، شفت واحد يحل مرحلة بحل ثاني بس كان مره مقارب للحل الأول.
 
#21
عندي احساس أنه اول شي جا ببالي هي ما لعبت غيرها بس مغلفة، ياخي عطني لعبتين ثلاث زيادة لأني فعلا جالس أحاول آخذ رأيك بجدية وأنه مب بس رمي كلام ومحارش.

أما بالنسبة لسليسيت الشباب ما قصروا بس بمااني عارف أنك تقدس المراجعات أكثر من أي شي ثاني فترى اللعبه معدلها 91.
ما فهمت اول جملة بس مو مشكلة، بس ما كنت اتحرش فيك و كانت محاولة فاشلة للمزح ، ما كنت متوقع انك بتاخذها بذي للحساسية.


العاب شفتها اقل من مدحك لها: و ما اقول انها فاشله او سيئة او ما عجبتني قد ما عجبتك ، سمه اختلاف اذواق


Celeste
The Messenger
Guacamelee
Guacamelee 2
Dead cells
Overcooked لوول هذي ما متاكد بالضبط بس كاني متذكر اني شفت رد لك و بعدها اشتريتها

هذي الي اذكره في الفتره الاخيره

انا ما اقدس التقيمات و لا اطالع فيها بشكل كبير، اهم شي عندي ان اللعبة اذا كنت شاكك بشرائها و متردد انها ما تكون بتقيم زي ال ٧٥ و اقل .. بس عمره ما فصلت لعبة على اخرى لانها اخذه ٩٠نات مثلا ..

انا متوقع انك ذكرت حكاية التقيمات بسبب انه بمواضيع ميتل جير ٥ كنت اذكرها كحجه ان اللعبة حتى لو ما عجبت البعض او ما كانت كوب الشاي للمناسب للبعض لكن مستحيل لعبة معدلها ٩٠% و اكثر تكون فاشلة ك(لعبة) ..
 

Solay

Double Jumper
بادئ الموضوع #22
ما فهمت اول جملة بس مو مشكلة، بس ما كنت اتحرش فيك و كانت محاولة فاشلة للمزح ، ما كنت متوقع انك بتاخذها بذي للحساسية.
أنت فهمتني خطأ ماني جالس اقصد أنه محارش على الصعيد الشخصي المقصد انطباعك عن الألعاب هل كان ترولينج والا لا. ولا نظرت لك حتى شخصيا كترول والا ما كان ظهر لي ردك من الأساس ورديت عليه.

فالسالفة أخذ وعطى وفهم وجهات نظر بس الواحد يحتاج تفاصيل أكثر بوجهات النظر عشان يتأكد أنه مب آخرتها مضيعة وقت.

العاب شفتها اقل من مدحك لها: و ما اقول انها فاشله او سيئة او ما عجبتني قد ما عجبتك ، سمه اختلاف اذواق


Celeste
The Messenger
Guacamelee
Guacamelee 2
Dead cells
Overcooked لوول هذي ما متاكد بالضبط بس كاني متذكر اني شفت رد لك و بعدها اشتريتها

هذي الي اذكره في الفتره الاخيره

انا ما اقدس التقيمات و لا اطالع فيها بشكل كبير، اهم شي عندي ان اللعبة اذا كنت شاكك بشرائها و متردد انها ما تكون بتقيم زي ال ٧٥ و اقل .. بس عمره ما فصلت لعبة على اخرى لانها اخذه ٩٠نات مثلا ..

انا متوقع انك ذكرت حكاية التقيمات بسبب انه بمواضيع ميتل جير ٥ كنت اذكرها كحجه ان اللعبة حتى لو ما عجبت البعض او ما كانت كوب الشاي للمناسب للبعض لكن مستحيل لعبة معدلها ٩٠% و اكثر تكون فاشلة ك(لعبة) ..
هو هذا اللي أقصده بجملتي الأولى وهي هل أنت لعبت شي غير سيليسيت والا بس شفت؟ شتان ما بين الاثنين. لأني بالنهاية انا مب جالس أبرر ذوقي ونظرتي للألعاب هاذي انما جالس أسولف معك عن نظرتك أنت عن هاذي الألعاب ليه يمكن مختلفة.

بالنسبة للألعاب نفسها فتعقيب بسيط مسنجر مدحت بس نصفها الاول وشرشحت نصفها الثاني، واوفر كوكد اتوقع انك مخربط مع شخص ثاني صح اني ممكن انصح اي واحد يبي لعبة كو-اب فيها بس مب شي يقارن بالألعاب الثانية.

أما بالنسبة للتقيمات مب مسألة سالفة معينة لا بس أشوفك تجيب طاريها دايم.
 

Solay

Double Jumper
بادئ الموضوع #24
خلصت اللعبة بـ 75 مرحلة. المرحلة الأخيره تفتح لك اعتقد بعد ما تنهي 40 مرحلة ويصير لها نهايتين نهايه عاديه ونهاية توديك للكريديتز وتنهي اللعبة فيها.

قرار رهيب من المطور أنه ما يجبرك على انهاء جميع المراحل عشان تحصل النهاية، وهو فعلا قرار موفق لأن ألغاز اخر العوالم بدت تصير صعبة بزيادة بحيث انها تاخذ وقت طويل وبعضها أفكارها غير منطقية شوي بس تقدر تقول كأنها طور فيري هارد للي حاب يكمل، لكن الرقم اللي وصلت له أشوفه بيرفكت واللعبة كانت عادلة جدا الى هنا.

ما عندي كلام أزيده الا اني أؤكد على عبقرية اللعبة، كل لغز باللعبة تقريبا لما تلقى حله يجيك احساس "Aha" عظيم! وبتلقى نفسك تنهي المراحل دايم بابتسامة. وتمنيت ان الفريق يكون أكبر شوي عشان يسوق للعبته أكثر لأن اللعبة هاذي بدون شك بالقمة مع أفضل ألعاب الألغاز.