اهنئ كل geek انتظر هذا الحدث السينمائي
نجاح الMCU هائل و ما راح يتكرر باي وقت قريباً
صراحة بعد ثلاثية نولان ما تخيلت ال geek اللي فيني بيتحمس لاي شي لكن مارفل قدمت شغل جبار جدا .. خصوصا المرحلة الثالثة اللي كانت متنوعة جدا
لو علي خليت كل افلام السوبرهيروز كذا. اكره الـCGI المبالغ فيه والاشياء الفضائية والمستقبلية. ابعد حد للخيال اللي تقبلته كان تيزرات مان اوف ستيل. توقعت اننا بنشوف شيء مماثل لثلاثية نولان لكن النتيجة الاخيرة محبطة!ثلاثية نولان ابدا ما اعتبرها افلام سوبر هيرو
افلام ممتازة جدا لكنها واقعية بزيادة ، تنظر عليها على انها افلام اكشن اكثر من انها سوبرهيرو
تعديل السينما بتفتح في الرياض في 18 ابريل في مركز الملك عبدالله الماليالشئ المحزن ان وقت عرض الفلم في صالات السينما
بكون على مكتبي مداوم ولسى السينما مب جاهزة عندنا
المشكلة مش قبل العالم حتى العرض اليوم بالعالم وحتى بالامارات والدول القريبةخخخخخ وصرنا قبل العالم. الجدير بالذكر سعر التذكرة 130 ريال!
صح كلامك الفلم راح ينعرض عندنا بالكويت اليوم بالليلالمشكلة مش قبل العالم حتى العرض اليوم بالعالم وحتى بالامارات والدول القريبة
منو ثانوس ؟نزلت المراجعات!
88% على روتن توميتوز
68 بميتاكريتيك
رقم ميتاكريتيك أحبطني جدًا، خصوصًا إن الإنطباعات أمس كانت كلها -تقريبًا- إيجابية
فيه مديح كبير على ثانوس وهذا أكثر شيء محمسني للفلم.
الفيلنمنو ثانوس ؟
الف مليون علامة استفهام على السعر الفلكيخخخخخ وصرنا قبل العالم. الجدير بالذكر سعر التذكرة 130 ريال!
هو الشغل الي سووه مع ثانوس اعجازي لدرجة ما اتخيل انه اشوف شي افضل منه ابدا...مشاعري متضاربة... توقعته closure لرحلة العشر سنوات.. او عالاقل كانت الارضية مهيئة لختامية ممتازة لكم شخصية.. بالمقابل حصلنا فيلم مختلف كليا لتوقعاتنا او عالاقل توقعاتي.. كفيلم فيه هالكم الهائل من الشخصيات وشخصيات جديدة تم اضافتها اعتقد بدون شك انهم نجحوا بالموازنة وهذي ميزة من مميزات الاخوان روسو ... الفيلم مع انه كان يتنقل بين مناطق وشخصيات عديدة الا انه محكم ومركز قصصيا
ثانوس.. اذهلني .. تقديم خرافي خيالي.. هيبته جبروته طغيانه والادهى من كل هالامور انه مؤمن باللي يسويه ومعتقد انه صح ! لا ويجيب امثلة ان نظريته لما طبقها نجحت والعكس لما ما طبقها الكوكب تدمر !
الشخصيات كلها نالت حضور لائق فيه.. ما ابي اخرب اي شي على احد بس حتى بعض الشخصيات اللي ما توقعتها انا شخصيا ترجع رجعت وكنت سعيد لعودتها وسعيد اني اعرفها ..فعلا مارفل كافئتني بمتابعتي ليهم طول هالسنين
بالمختصر الفيلم ممتاز وممتاز جدا لكنه غير وعكس ما توقعته بالمرة... لهالسبب اعتقد بيكون فيلم بآراء متفاوتة شخصيا اعتبره افضل فيلم لافينجرز ومن افضل 5 افلام لمارفل .. بس لطبيعته الغير متوقعة يمكن هذا سبب ما يخليه الافضل !
هوا الفلم كان المفروض يكون اسمه Infinitie War Part 1
بس لأسباب تجارية .. خلوه Infinitie War و Part 2 اسمه مجهول الى الان
بالضبط! شاهدته أمس وكان هذا شعوري، أحس إن مارفل خدعتني
بس الفيلم نفسه كان ممتاز، ثانوس مثل ما قالوا الشباب تقديمه استثنائي.