5000 دينار لكل كويتي بالغ و10000 لكل رب أسرة

[Rockman]

اوكي لحظة شنو الخبر الصحيح

هل هو الان راح يعطون 5000 دينار ؟

ولا الخبر الصحيح ان اللجنة التشريعية وافقت عليه ؟

فرق السماء عن الارض هذة

بالاخير على قولتك تطلع الحكومة وتقول لأ
النواب محد راح يعارض لأنه بمصلحتهم الانتخابية

بعدين كلمة مواطن كويتي بالغ كلمة مطاطة حيل
هل يعني كل واحد وصل سن البلوغ ؟ " 15 مثلا ؟ " او اللي وصل السن القانونية 21 ؟

عموما صحيح 5000 منحة حلوة لكن صدقني ما راح يجي منها قد الخير اللي تتوقع

5000 دينار مرة وحدة مقابل مضاعفة اسعار المنتجات بشكل عام للأبد ؟ لأ شكرا

واعيد واكرر ترى الجرايد ما تنشر هالاخبار بشارة للكويتين هههه هي حركة ذكية عشان تخلي المواطن يشتري "الأن"
لأنه فيه احتمال ما تنقبل فما يشتري
لكن لو تجيك الجريدة وتجمل المانشيت وتحطه بعنوان جذاب وبخط حلو يصبح الخبر كانه حقيقة مؤكدة لا غبار عليها

منو يذكر سالفة ال200 دينار اللي جنه اول مرة قالوا فيه بعدين قالوا لأ وهما زادت الاسعار ؟
نفس الفكرة هني نوعا ما

عموما انا سمعت ان الفايبر باول 2008 راح يكون بكل الكويت والحين 2010 :laugh:: فاي كلام اسمعه يدش من هني ويطلع من هناك

والحين خل اقول لك بالامر الواقع ؟ الحين مترو الكويت اللي ما ادري متى يخلص شغالين عليه ببطئ وغير مشاكل البنية التحتية ومصفاة مشرف ومحطات الكهرباء وقت الصيف وام الهيمان ووووووو ....
بتقول لي الحكومة فاضية توزع 5000 ببلاش ؟ اذا فعلا سوتها اعتبرها نوعا ما رشوة عشان تسكت الشعب عن المصايب اللي تصير ....

 

[Colorization]

الكويتيين لو يسمعون في سنجاب طاير يروحون ينشرون الخبر -_- ما أقصدك محمد أقصد المهبل اللي عندي.

بالأحلام، بكل بساطة.

 

[Snake-87]

هل يعني كل واحد وصل سن البلوغ ؟ " 15 مثلا ؟ " او اللي وصل السن القانونية 21 ؟

21

منو يذكر سالفة ال200 دينار اللي جنه اول مرة قالوا فيه بعدين قالوا لأ وهما زادت الاسعار ؟

خل يزيدون ويزيدون المعاش مو مشكلة x3 .

عموما انا سمعت ان الفايبر باول 2008 راح يكون بكل الكويت والحين 2010 :laugh:: فاي كلام اسمعه يدش من هني ويطلع من هناك

لا مستحيل 2008 .. انا الي اعرفه انه بيجربونه على المناطق الجديدة (جنوب السرة , القيروان . .إلخ) بعدين راح يبلشون بمشروع حق الكويت كلها .
ترى تبديل الخطوط الأرضية سالفة طويلة عريضة صدقني راح تاخذ أقل شي 10 سنوات (على شغل ربعنا) .

الكويتيين لو يسمعون في سنجاب طاير يروحون ينشرون الخبر -_-

 

[ice cube]

5000 دينار ......

شاشات ال3D أنا قادم

 

[naser]

ونوطك بو5000 تحت اباطك ..راكب قطارك ..رايح دوامك ههههههههه

 

[Majeed]

ونوطك بو5000 تحت اباطك ..راكب قطارك ..رايح دوامك ههههههههه

:laugh::laugh::

 

[Arkan]

5000 المنحه + 4000 دينار منحه للي يبي يتزوج = احلى زواج وتأثيث و شهر عسل اسطوري :smug:

 

[alakafi]

والله فكرة فاشلة شباب كان بيسويها امير سعودي بيعطي مليون ريال لكل شخص سعودي ..

لكن اكتشف انها راح تزيد التأخر والفشل وراح تدمر الشعب والدولة ..

 

[Rockman]

لول بو86 شكلك بس تبي الكاش :laugh::

بس زيادة الاسعار صراحة تقهرني
مثلا ماكدونالدز ذكي ما يزيد دفعة وحدة يزيد حبة حبة وكل مرة 50 فلس
يعني اذكر اول الوجبة الكبيرة بدينار و150 فلس الحين 1و650 فلس

اما مثلا مطعم شيليز الزيادة عنده ما ادري شلون حسبتها
اذكر طلب كان سعره 6 دنانير والحين 10 !!! زيادة 4 دنانير اللحم نفسه والطعم نفسه
الزيادة ليش ؟ الله العالم

وعلى طاري الفايبر انا اذكر قريتها بالجريدة على سنة 2006 او 2005 انه 2008 كلوا تمام والكويت شغالة فايبر
وما ابي اطلع برة الموضوع وايد لكن لو الفايبر مأرق الحكومة والبنية التحتية حطوا نفس اخواننا السعودين كبينة الكترونية ومشي حالك

 

[Bakloyd]

والله فكرة فاشلة شباب كان بيسويها امير سعودي بيعطي مليون ريال لكل شخص سعودي ..

هاه؟

 

[Snake-87]

لول بو87 شكلك بس تبي الكاش :laugh::

منو ما يبي كاش ؟

بس زيادة الاسعار صراحة تقهرني
مثلا ماكدونالدز ذكي ما يزيد دفعة وحدة يزيد حبة حبة وكل مرة 50 فلس
يعني اذكر اول الوجبة الكبيرة بدينار و150 فلس الحين 1و650 فلس

اما مثلا مطعم شيليز الزيادة عنده ما ادري شلون حسبتها
اذكر طلب كان سعره 6 دنانير والحين 10 !!! زيادة 4 دنانير اللحم نفسه والطعم نفسه
الزيادة ليش ؟ الله العالم

مو كل يوم بتاكل ماكدونالد و تشليز بس إذا زادوا الأسعار لازم زيادة الرواتب >.> .

وما ابي اطلع برة الموضوع وايد لكن لو الفايبر مأرق الحكومة والبنية التحتية حطوا نفس اخواننا السعودين كبينة الكترونية ومشي حالك

والمناقصات وين تروح ؟ في ناس تبي تبلع فلوس بالمناقصات .
وماعندي فكرة عن الكبينة الإلكترونية ^^" .

 

[Rockman]

لحظة مو كنت 86 شالطاري :tongue:

عموما ماكدونالدز وشيليز كانوا مثال لا اكثر ولا اقل بس عشان اوضح لك الصورة

بعدين ترى سالفة زيادة المعاش صارت مثل اللعبة
زادوا الاسعار راحوا زادوا المعاشات بالمقابل الاسعار زادت اكثر ! نفس الحسبة بالاخير
تذكر يوم كيديدي زادت اسعارها فجأة وبشكل قوي ؟ شوف شنو سووا فيهم الناس خلوا منتجاتهم تخيس عدل وقاموا يحطون دعايات ويفتحون محلات خاصة كيديدي بس عشان يمشون اللي عندهم اخر شيئ استسلموا للأمر الواقع ورجعوا اسعارهم الطبيعية اذا ما كانت ارخص !!!

الكبينة الالكترونية على حسب فهمي المتواضع اهي انك تحط كبينة بينها وبين المقسم خط فايبر وهالكبينة توزع خطوط نحاس عادي على البيوت منها تحسن جودة الخط + تعطيك سرعات عالية " الماكس حقها يمكن 20 ميجا ... "


عموما عشان ما اطلع برة الموضوع

سمعت ان ال5000 اذا بتنزل راح تنزل شهر 6 " هممم وقت الصيفية ؟!؟ "

 

[ABUALI]

شاري خضرتك، صارف نوطك بو ألف، راكب قطارك، راد بيتك. (&)

 

[Monsteropolis]

ماودي أتفلسف.

ولكن .. من CIA World Factbook فإن عدد الكويتيين البالغين (+15, لأن في الاحصائية مافي +21) هم 1109323 ولو راح يعطوا كل واحد 5 الاف دينار معناها حكومتكم راح تدفع 5546615000 دينار يعني تقريبا 19 مليار دولار ومن ويكيبيديا ميزانية الكويت سنة 2007 كانت 43 مليار دولار.

يعني لو "لو" كل شخص +15 انعطى 5 الاف دينار معناتها هذا راح يكلف الحكومة نصف الميزانية!!

بالعقل مستحيل الخبر صحيح. حتى 500 دينار احسها صعبه جدا.

بس انا مستغرب من شي, ليش دائما في علاوات وفلوس يعطوها الكويتين؟ عن نفسي لو يخيروني بين يعطوني 5 الاف دينار او يروحوا يستثمروها ويدعموا اقتصاد الدولة او ينبوا مستشفيات ومدارس بها افضل الخيار الثاني.

وعلى فكرة لو زادوا الرواتب وزادت الاسعار, النسبة مش فارقة, ولكنه راح يكون لمصلحة الشخص لو يجمع له فلوس من راتبه ويسافر.

 

[Golden_Sun]

الحمدالله والشكر، ويقولون ليش الشعب الكويتي شعب اتكالي؟

ماله داعي ابداً، لا الـ١٠ آلاف ولا الـ٥ آلاف.. هالفلوس بدال لا تتوزع تُستثمر بمشروع او اي شي اخر مفيد، أبرك!

 

[SAM]

50 الف ريال سعودي لكل بالغ !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
و100 ألف ريال لو انا ربّ أسره

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

والله فكرة فاشلة شباب كان بيسويها امير سعودي بيعطي مليون ريال لكل شخص سعودي ..

لكن اكتشف انها راح تزيد التأخر والفشل وراح تدمر الشعب والدولة ..

.. ويش :razz:: لو قلت مية ريال احتمال 10% اصدقك .. لو قلت بيوزع الف ريال لكل واحد بحارتهم احتمال 5% اصدقك لكن قوية هاذي :laugh::

 

[Rare Games]

الحمدالله والشكر، ويقولون ليش الشعب الكويتي شعب اتكالي؟

ماله داعي ابداً، لا الـ١٠ آلاف ولا الـ٥ آلاف.. هالفلوس بدال لا تتوزع تُستثمر بمشروع او اي شي اخر مفيد، أبرك!

هالفلوس اذا ما صرفت ماراح تستثمر راح تختفي :tongue:

وهي مستحيله وما نبيها مع زيادة اسعار :sarcastic:

واذا صارت ماراح اشتري شي مو ضروري لمده 3 شهور على اساس ترد الاسعار

 

[Emirates]

الف مبرووووك

وتستاهلون كل خير

 

[Colorization]

50 الف ريال سعودي لكل بالغ !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
و100 ألف ريال لو انا ربّ أسره

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

صل عالنبي ياخي! محنا ناقصين رداة حظ كفايا اللي فينا!

عشان جذي أشياء تخص ديرتي ما أناقشها بمنتديات مو كويتية ولا أفكر أفتح لها موضوع.

ويخلون فلوسهم لهم لأنه بالمقابل بتزيد الأسعار 500% وصارت قبل وبتصير الحين.

 

[Snake-87]

لحظة مو كنت 86 شالطاري :tongue:

حدك مضيع :tongue:

ولكن .. من CIA World Factbook فإن عدد الكويتيين البالغين (+15, لأن في الاحصائية مافي +21) هم 1109323 ولو راح يعطوا كل واحد 5 الاف دينار معناها حكومتكم راح تدفع 5546615000 دينار يعني تقريبا 19 مليار دولار ومن ويكيبيديا ميزانية الكويت سنة 2007 كانت 43 مليار دولار.

الكويتيين كلهم ما يعدّون مليون تبي البالغين بس مليون ؟

ماله داعي ابداً، لا الـ١٠ آلاف ولا الـ٥ آلاف.. هالفلوس بدال لا تتوزع تُستثمر بمشروع او اي شي اخر مفيد، أبرك!

المشاريع كلها تأجيل بتأجيل وحط بجيبك وانحاش .. خل يحطون بجيبنا هالمرة .
أبسط مثال إستاد جابر أسمع عنه وأنا بالإبتدائي ولي الحين ما فتح أو توه يفتح .

 

[Nin Boy]

ما شاء الله لا إله إلا الله
اللهم زد و بارك

 

[Colorization]

ماودي أتفلسف.

ولكن .. من CIA World Factbook فإن عدد الكويتيين البالغين (+15, لأن في الاحصائية مافي +21) هم 1109323 ولو راح يعطوا كل واحد 5 الاف دينار معناها حكومتكم راح تدفع 5546615000 دينار يعني تقريبا 19 مليار دولار ومن ويكيبيديا ميزانية الكويت سنة 2007 كانت 43 مليار دولار.

يعني لو "لو" كل شخص +15 انعطى 5 الاف دينار معناتها هذا راح يكلف الحكومة نصف الميزانية!!

بالعقل مستحيل الخبر صحيح. حتى 500 دينار احسها صعبه جدا.

بس انا مستغرب من شي, ليش دائما في علاوات وفلوس يعطوها الكويتين؟ عن نفسي لو يخيروني بين يعطوني 5 الاف دينار او يروحوا يستثمروها ويدعموا اقتصاد الدولة او ينبوا مستشفيات ومدارس بها افضل الخيار الثاني.

وعلى فكرة لو زادوا الرواتب وزادت الاسعار, النسبة مش فارقة, ولكنه راح يكون لمصلحة الشخص لو يجمع له فلوس من راتبه ويسافر.

توني ناقشت ردك مع مسؤولي فالدوام؛ قال لي ميزانية الكويت المعروفة أقل من نصف الميزانية الأصلية، بالإضافة إلى إنه فائض النفط بالكويت السنوي لوحده يعادل ميزانية 2009\2010.

ما عليك من المعلومات الرسمية، مو صحيحة لأي دولة.

 

[persona]

مو جنه التشريعيه تنطر موافقه الحكومة؟

والحكومه دام عندهم الشمالي ..انسى.gif

 

[Colorization]

مو جنه التشريعيه تنطر موافقه الحكومة؟

والحكومه دام عندك الشمالي ..انسى.gif

اي، الناس مو فاهمة، لازم المجلس والحكومة يوافقون، والمجلس ما راح يوفق لأنه يبي الأهم (إسقاط القروض)، والحكومة ما راح توافق.

لعب بالناس الفاضية على ما يبدو، مثل كل مرة.

 

[SAM]

صل عالنبي ياخي! محنا ناقصين رداة حظ كفايا اللي فينا!

عشان جذي أشياء تخص ديرتي ما أناقشها بمنتديات مو كويتية ولا أفكر أفتح لها موضوع.

ويخلون فلوسهم لهم لأنه بالمقابل بتزيد الأسعار 500% وصارت قبل وبتصير الحين.

لا . بس متعجب لان السعر خيااااااالي :surprised: عموماً ان كان فعلاً صحيح فالله يهنيكم بها

 

[Golden_Sun]

دام جريدة الوطن حاطه الخبر بالصفحة الاولى، اغسل ايدك!
مجرد لعب بالمشاعر ويجسون نبض الناس، نوابنا ماراح يخلونه يمشي.
وين قاعدين.. ٥ آلاف لكل مواطن فوق ٢١ سنه؟ حلاو؟

واللي يتكلم عن المشاريع، المشاريع اللي قاعده تتأجل، علاجها مو ان يعطونا فلوس.
علاجها ان كل مواطن كويتي يشتغل بضمير، يعرف يعطي صوته حق منو في المجلس. مو بس فالحين في الكلام والتحلطم واستجوابات وخبه.

علاجها نحن، المواطنين، نتغير، نسوي مطالبه شعبيه، نتحرك.
مو نقعد ونقول ماكو مشاريع كله تأجيل.
عطونا فلوس سكتونا، طيحوا قروضنا، زيدوا معاشاتنا، نبي كوادر، اجازات بالايام. شعب تَنبَل بمعنى الكلمة!

 

[Snake-87]

شاري خضرتك، صارف نوطك بو ألف، راكب قطارك، راد بيتك. (&)

بسنا بسنا فلوس يا حسين بسنا xD .
سعد الفري نكتة .

علاجها ان كل مواطن كويتي يشتغل بضمير، يعرف يعطي صوته حق منو في المجلس. مو بس فالحين في الكلام والتحلطم واستجوابات وخبه.

ضمير ؟ دام في سوالف قبايل و خشمك و طائفية صدقني ماراح يفوز إلا الي شيسمّونه .

علاجها نحن، المواطنين، نتغير، نسوي مطالبه شعبيه، نتحرك.

يا كثر المطالبات الشعبية والله ما منها فايدة .. مظاهرات مثلا ؟ شوف المناظرات والحوسة الي يسوونها ولاكو فايدة .. يقلبونها ربعنا قز ومصخرة .

عطونا فلوس سكتونا، طيحوا قروضنا، زيدوا معاشاتنا، نبي كوادر، اجازات بالايام. شعب تَنبَل بمعنى الكلمة!

شوف الجهات الحكومية وشوف القطاع الخاص وشوف التنبل منو .. (مو كل الجهات الحكومية طبعا بس أغلبها) .
أنا حاليا بالميداني بالطيران المدني بقسم نظم المعلومات واحد من الموظفين عطوه جهاز كمبيوتر قيمته 700 دينار تقريبا قالوله فيه عطل بسيط خذاه وقطه بدبة الوانيت .. أقول له يتكسر ورى حطه جدام .. رد علي شنو ؟ مال عمك ما يهمك . وركب ومشى .
تبي هالناس تتحرك ؟ ليش مو هامه ؟ خاله مدير كبير بالمطار وحاس إنه محد يبي يكلمه .
دام في واسطة بالديرة كل شي ما راح يمشي عدل .

 

[Lunar Poet]

بسنا بسنا فلوس يا حسين بسنا xD .

عُدل p:

 

[Magnificent]

كويس اني مش كويتي و لا كنت تزوجت من الفرحة

 

[Monsteropolis]

توني ناقشت ردك مع مسؤولي فالدوام؛ قال لي ميزانية الكويت المعروفة أقل من نصف الميزانية الأصلية، بالإضافة إلى إنه فائض النفط بالكويت السنوي لوحده يعادل ميزانية 2009\2010.

ما عليك من المعلومات الرسمية، مو صحيحة لأي دولة.

لو المنتدى ما يمنع النقاش السياسي لكنت ناقشتك في هذي المسألة
بس اختصر واقولكم ان النص الثاني من الميزانية يروح لامور عسكرية او اختلاسات وسرقات.