3 , 4 . 5 سنوات .. هل هي مدة معقولة لتطوير لعبة ؟!

[قناص]

السلام عليكم



مع تطور تقنيات الجرافيكس بشكل كبير في هذا الوقت ازدادت مدد تطوير الالعاب معها كذلك

و اصبحنا نسمع عن مدد تطوير طويلة للغاية و هذا يعكس المشكلة اللتي يعاني منها المطورين

و الشركات في التعامل مع التنامي المتسارع في تقنيات الجرافيكس و الهاردوير ..

ماذا سيحدث في السنين القادمة و هل ستزداد مدد تطوير الالعاب مع أزدياد التفاصيل

في الجرافيكس و الأنيمشن و غيرها ؟!

أتمنى أن يحدث شيء في المستقبل يجعل تطوير الفيديو جيمز اسهل و بمدد أقصر بكثير ..

 

[AS-HI]

اتوقع بنسبة كبيرة الجرافيكس هو اللي بيتطور بس ويمكن ياخذ معاه وقت اكثر
الجيم بلاي و القصة و الفزكس في افكار المطور وليست في التطوير, لكن لا اعلم الكثير من ناحية هذا الامر انا يكفيني بلايستيشن 3 مع هذا الجرافيكس و انتهى , بينما هنالك ناس يطالبون بجهاز جديد لماذا لا اعلم فياليت يوضحون زي جحجاح دايم يتذمر , هل هذي مشاكل هاردويرية ممكن :nerd: ؟.

 

[wright]

في كل جيل يتم اختراع وضهور اشياء جديدة في عالم الجيم
نرجع لعالم الاتاري ....اللي كان جهاز مبهر بوقته ...مع ان كل الشغلة مربع كبير كمضرب ومربع صغير كرة .....(الان نقدر نصممها بعشر دقايق :laugh:
نتقدم شوي ...لعالم صخر اللي تطور فيه الرسوم بنظام البكسل :laugh:الان تعورك عيونك وانت تلعب ....)
وفيه العائلة والسيجا و...و...والخ

اتوقع مدة التطوير تطول بسبب الرسم والجرافيكس والقصة .....الاشياء الاخرى مجرد برمجيات لا اكثر .....

 

[PoKe]

اعتقد الجرافكس هو الي يأخرهم(جرافكس المباني والشخصيات ...الخ)

والبرمجة تاخذ وقت لكن مو قد الجرافكس :tongue:

 

[AS-HI]

^
بنظري القصة لو كانت تروى اول باول هذي مشكلة :/

 

[wright]

^^
لو قصدك مثل 999 ....اللاعب يتعب وهو يقرا القصة :laugh:: فكيف باللي راح يكتب ويصمم اللعبة

 

[x BLACK STORM x]

أعتقد ان مدة تطوير بعض الألعاب تطول بسبب عدة عوامل مثلاً , احياناً المطورين يبدأون في محرك جديد مثل لعبة الان ويك , وطبعاً بياخذ منهم فترة طويلة جداً في التطوير لكن غالباً النتائج تكون حلوه , وايضاً عدد المطورين او العاملين في الأستديو له تأثيره , لكن بشكل عام , كل مانتطور في التقنيات والجرافيكس كل مازادت مدة التطوير والتكلفة ..ألخ , هذا امر مفروغ منه , لكن في النهاية تخرج لنا الالعاب بشكل جميل

مدة تطوير طويلة + تكلفه عاليه = تخرج لنا لعبة جميلة

غالباً كذا

ودي واحترامي

 

[key_san]

FF Versus مهما يصير لسة تاخذ وقت طويل على ما تطلع و مالها عذر على ما تطلع

بس بالنسبة للعبة , 4 سنين وفوق واجد بكثير , زين تقدر تغطي الميزانية

 

[SCORPION-Q8]

كل ما طولوا بتطوير الالعاب كل ما كان أفضل لنا

لو يتسرعون بتطوير الالعاب راح نلاحظ عيوب ممكن نكتشفها بسرعة و نقعد نقول ليش ما عدلتوا فيها يا المطورين قبل لا تنزلونها مع ان احنا كنا نبيها باسرع وقت وأي شي المهم بس نلعب

عن نفسي .. دارك سولز لو يطولون في تطويرها .. ما راح تفرق معاي .. اهم شي تطلع اللعبة خالية بأكبر قدر ممكن من الأخطاء

 

[kqgaming]

اذا التخطيط و ابتكار الشخصيات و القصه ياخذ سنه و نص قبل التعديلات والاضافات فما بالك بتحويل موديلات الشخصيات و المراحل الى كود للعمل على الكونسول او البي سي ؟


لازم تاخذ فتره طويله حتى على ايام النيس كان التطوير صعب اذا بتسوي لعبه جديده مب سيكول و ماننسى حجم الفريق الي يشتغل على اللعبه هذه الايام لازم يكون عالاقل 50 شخص اذا يبون يخلصونها باقل من سنتين

انا اشوف 3 سنين مده كافيه لكن 5 و 10 سنين طويله

 

[Fatale]

صراحه الجيل الحالي قاعد نشوف العاب تطول في التطوير ونتحمس معها

بس في النهايه :yuck:: تطلع اكبر فلوب والقائمة كبيره ما ابي اذكر العاب وينطون علي الفانز

بس في نظري اللعبه الي تستحق انها تاخذ وقت طويل في التطوير ميتل جير :​

 

["Z . o . L . a . R "]

دايم الالعاب الي تاخذ وقت طويل بتطوير تطلع فلوب او ماهي بذيك القوه ماعدا god 3 ...:confuse:

 

[Sir Guts]

في نظري تكاليف اللعبة مع البرمجة هي اللي تطول التطوير
لأنه كل فريق تطوير قبل لا يبتدي في لعبة يعرفون الفكرة اللي يبغونها
و يعرفون نظام اللعبة شلون يكون و مجهزين script قصة اللعبة

دايم الالعاب الي تاخذ وقت طويل بتطوير تطلع فلوب او ماهي بذيك القوه ماعدا god 3 ...

و متل جير وين راحت؟ شكلت نسيت ملكة الألعاب :

 

[kqgaming]

^^
metal gear 4 was almost a flop

 

[Sir Guts]

^^
metal gear 4 was almost a flop

بالله يا شيخ؟ و على اي اساس ان شاء الله؟
لأنه اغلب الوقت كانت Scenes ولا شنو؟

 

[Noise Soul]

^^
metal gear 4 was almost a flop

تكلم بالعربي

وليش طيب تعتبرها على وشك انها تكون فلوب ؟
شكلك مالعبت مقس 1 و 2 و 3 :|

 

[Sir Guts]

تكلم بالعربي

وليش طيب تعتبرها على وشك انها تكون فلوب ؟
شكلك مالعبت مقس 1 و 2 و 3 :|

تعرف وش اللي ضحكني انه يقول almost يعني تقريبا فلوب
والله كلامنا احنى كـعشاق السلسلة و كلام المواقع يقول عكس كلامه
لكن خله على ربك, مجس4 فلوب يا حبيبي:laugh::

 

[kqgaming]

تكلم بالعربي

وليش طيب تعتبرها على وشك انها تكون فلوب ؟
شكلك مالعبت مقس 1 و 2 و 3 :|

لعبتهم كلهم والكولكشن الي نزل عندي و نسخة البسن من مجس1 عندي للعلم فقط

لأنه اغلب الوقت كانت Scenes ولا شنو؟

لا ماعندي مشكله مع المقاطع مع انها طويله بس ما أدت الغرض ورقعت القصه مضبوط


بخصوص ان اللعبه شبه فلوب هذا السبب يرجع الى ميتل جير 2 يوم توسعت القصه و اصبحت تضم اشياء مالها داعي فالقصه توسيع اكبر من الازم و خلط الحابل بالنابل
الجزء الرابع كان ترقيع وتسكير للقصه لانه فقد سيطرته عليها وحب يرقعها قد مايقدر و ماننسى تشابه الاعداء بكل لعبه من الجزء الاول حتى الرابع

القناص المختفي
العدو النفسي ( سايكو مانتس )
العنيف ( رايفن )
الننجا ( رايدن صار ننجا فالرابع كترقيع لفشل شخصيته فالثاني و تكرار من كوجيما لشخصية الننجا بكل الاجزاء )



الجء الأول عالبس1 كان تحفه فنيه اما الاجزاء الباقيه من متوسطه الى جيده ماعدا الرابع لولا اوسلوت كان فلوب محترم


و شكرا للقراءة

 

[Sir Guts]

^^
انا عندي سؤال واحد بس, انت فاهم القصة؟
و بخصوص القناص المختفي اسمه The End

 

[T u R k I]

أشوف ان كلمة فلوب صارت تنقال لأي لعبة هالأيام :wow:

المشكلة انك ذكرت عيوب بسيطة ماهي ذيك العيوب اللي تقلل من اللعبة وقصتها عشان تقول عنها فلوب

مااظن فيه احد بيفهم قصة MGS وبيقول ترقيع أو ماأدت الغرض كل جزء أفضل من قبله بمستوى القصة وبفارق ( ماعدا الثاني ) لو تفهم القصة بتعرف ان كوجيما من البداية مخطط للأحداث اللي بتصير وحاط تفسيرات لها من أول جزء على النيس إلين الرابع وبيس ووكر

تكرار أسماء الأعداء وصفاتهم مع الأعداء الجدد وبعض الأحداث والأفكار بالسلسلة هذه ماهي سلبية كبيرة

الجزء الثاني هو اللي كرر أحداث الأول لكن البقية مختلفين تماماً ويمكن الشبه الوحيد الأعداء

مواقع كثيرة أعطت الجزء الرابع العلامة الكاملة وهي من السلاسل القليلة اللي تنجح بجميع أجزائها

يعني MGS = فلوب ماتجي أصلاً !

 

[Punished Noctis]

سلسلة مجس على بعضها فلوب و أوفيرريتد أصلا

 

[Brewmaster]

سلسلة مجس على بعضها فلوب و أوفيرريتد أصلا

روح العب لعبة البزورة.. ايش اسمها ؟؟!! .. كينجدوم هارتس.

 

[T u R k I]

جاك الثاني

قول اللي تبي .. لكن صدقني ماراح تلعب إلا على نفسك :

 

[kqgaming]

أشوف ان كلمة فلوب صارت تنقال لأي لعبة هالأيام :wow:

المشكلة انك ذكرت عيوب بسيطة ماهي ذيك العيوب اللي تقلل من اللعبة وقصتها عشان تقول عنها فلوب

مااظن فيه احد بيفهم قصة MGS وبيقول ترقيع أو ماأدت الغرض كل جزء أفضل من قبله بمستوى القصة وبفارق ( ماعدا الثاني ) لو تفهم القصة بتعرف ان كوجيما من البداية مخطط للأحداث اللي بتصير وحاط تفسيرات لها من أول جزء على النيس إلين الرابع وبيس ووكر

تكرار أسماء الأعداء وصفاتهم مع الأعداء الجدد وبعض الأحداث والأفكار بالسلسلة هذه ماهي سلبية كبيرة

الجزء الثاني هو اللي كرر أحداث الأول لكن البقية مختلفين تماماً ويمكن الشبه الوحيد الأعداء

مواقع كثيرة أعطت الجزء الرابع العلامة الكاملة وهي من السلاسل القليلة اللي تنجح بجميع أجزائها

يعني MGS = فلوب ماتجي أصلاً !

عيوب بسيطه ؟؟

اللقصه والاحداث عيوب بسيطه و الشخصيات و تكرارها بسيط ؟؟ الله يصلحك

ومن قالك ان كوجيم كان مخطط لقصة اللعبه من ايام اجزاء النيس ؟؟ ايامها كان الرجال مطور مبتدئ و يحلم ان لعبته تنجح و مايتفنش من الشركة كيف يخطط لقصه تمتد على اكثر من 10 العاب ؟ هو بكل جزء مدد لك القصه لاسباب تجاريه بحته لا أكثر اقوى دليل الجزء الثاني بعد ما توسع حجم القصه فجأه لمستوى اكبر من الازم بكثير لهذا السبب بدأو كثير من الجيمرز يكرهون السلسله


بيس والكر كانت رهيبه من ناحية الجيم بلاي واحتمال تعطينا فكرة عن مجس 5 لكن قصتها واضح انها توسيع تجاري بحت لعالم السلسله مع اني اتذكر ان كوجيما قال ان قصة سنيك انتهت ^_^

 

[Sir Guts]

سلسلة مجس على بعضها فلوب و أوفيرريتد أصلا

يا شييييييييييييييخ؟ مجس صارت فلوب؟
والله اشوف الناس قامت تردد الكلمة على كل شي:laugh::
شوف حبيبي اذا اللعبة صعبة عليك و مو قادر عليها مو معناتها انها فلوب:what:
و اذا ماتعرف في الألعاب بعد معناتها مو فلوب. لحظة سؤال انت لعبتها اصلا؟

 

[T u R k I]

أبي أعرف أي تكرار تتكلم عنه ؟ مثل ماذكرت الشي الوحيد اللي تكرر الأعداء اللي بتواجههم وهم مايشكلون جزء كبير من القصة يعني انت شايل على هالشي ؟

والجزء الثاني هو الوحيد اللي كرر أحداث الأول لكن البقية مختلفين زي ماقلت

كوجيما ماقلت مخطط لكل شي من أول ماسوى اللعبة من 1987 :laugh:: لكن مع الوقت هو يوسع القصة ويحط تفسيرات منطقية لبعض الغموض اللي يصير في الأجزاء يعني مو ترقيع ولا تصريف ولا أي كلام

أول ثلاث أجزاء كانوا غامضين والرابع أعطى تفسيرات منطقية لكل شي

محتوى مخفي: إلا حركة ليكويد بالجزء الثاني

انه يرجع عن طريق يده هذه مب منطقية بس ماأثرت على شي

محتوى مخفي: اوسيلوت مثال على كلامي

ظهر بالأجزاء الثلاثة الأولى وماتبين هدفه إلا بالجزء الرابع انه يسوي كل هذا للبيغ بوز وأذكر بالجزء الأول لما كان يكلم ليكويد كان عنده اهتام فيه بس ماكان شي واضح

اي شي ينجح ويستمر صار تجاري بحت أو حلب ؟ انت قلت الثاني كان مكرر من الأول اوكي انا عن نفسي ماعجبني رايدن ولا بعض التكرار بالقصة لكن القصة بشكل عام كانت ممتازة

والثالث والرابع أفضل بفارق ضخم

بيس والكر كانت رهيبه من ناحية الجيم بلاي واحتمال تعطينا فكرة عن مجس 5 لكن قصتها واضح انها توسيع تجاري بحت لعالم السلسله مع اني اتذكر ان كوجيما قال ان قصة سنيك انتهت ^_^

بيس ووكر قصته ممتازة مادري وين قلت تجاري معه تراه جزء جانبي شي طبيعي مايطلع بقوة الأجزاء الأربعة

وبعدين البطل البيغ بوز مو سنيك بعد هالكلام مو عارف تفرق بينهم :xd:

المعذرة خرجنا عن نطاق الموضوع

 

[Anas 342]

نعم هي مدة معقولة للعبة أسطورية