بالنسبة لي يبقى الأول و الثاني هم أفضل جزئين في السلسلة ، الثالث كنت محبط منه بشكل كبير وقت اصداره و ما عجبني موضوع التنقل بالزمن و باريس و شخصية جاك الفرنسي ، تمنيت لو انهم استمروا في اليابان.
انا الحين فهمت اونيموشا صدق او بالاحرى تصميم قتالها …. تحاول تحاكي افلام الساموراي بحيث تحثك على الضربات القاتلة واللي هي هنا الcriticals في حالة سامانوسكي وبدرجة اقل جاكس …. تصير كأنك تنتظر اللحظة المناسبة حتى مع الزعماء، تشوف ان التفادي احترافي اكثر ويكون في البداية جانكي تحسه لكن مع التعود تشوف نفسك تروح يمين يسار تقطع الاعداء وتستهلك اقل الموارد.
حبيت الشيء ذا كثير جدا كان كويس في الثاني بس ناقصه صقل وهنا اتقنوه واضافوا عليه chain criticals.
القصة ماراح اتكلم عنها بس كانت ممتعة وعبيطة بس حبيت تقديهم لباريس تمنيت اشوف اكثر منها بس عطوك برج ايفل احم فابقدر اسامحهم، فنيًا روعة الانتقال لل3D ماضرها وقدرنا نطلع بمشاهد خلابة خاصة باريس مع المطر.
اهم شيء هو التحكم والكاميرا تكلمت عنهم الابقريد هو كيف معارك الزعماء تصير كاميرا من زاوية واحدة تشوف فيها كل شيء عكس الثاني وهذا خلاهم ممتعين عادلين وخلا الزعيم الاخير ممتاز.
بإختصار ….. لعبة اكشن فخمة
هنا كابكوم خبصوا الدنيا و حولوها الى لعبة مسخ ، اللعبة هذي المفروض ما تحمل اسم اونيموشا لو خلوها لعبة جديدة كان ممكن الناس تتقبلها ، لا غرابة انها هي و الثالث كانت مبيعاتهم أقل من أول جزئين.هذا وتوني مخلص البداية …. سوكي بطل رهيب وتصميمه ارهب، اللعبة توفر دبلجة يابانية مع ترجمة إنجليزية كذا التجربة تكون افضل.