10 سنوات على الجيم كيوب... إيش أفضل ألعابك على الجهاز ؟

[Old Snake]

النهاية سخيفة...عدى لقطة سنيك لمى بينتحر ولقاء البيج بوس وسنيك كان حلو كفان سيرفس وبعض الكلمات الي قالها يمدح سنيك غير كذه لا...
زواج ميرل وعودة روز لرايدن وغيره كلام فاضي وجبنة معتقة بمستودع...\:
ولو إنه كوجيما أنهاها بلقطة سنيك لمى ينتحر وخلاه فعلاً ينتحر كانت النهاية بتكون الافضل في السلسلة...!!
التضحية حلوة إخراجياً كلام فاضي درامياً لول...وليكويد بالرابع كان أسواء قرار قرره كوجيما في تاريخ السلسلة...
طلع مسخرة وهو شايب وقاعد يناقز ويلعب زي لكويد الأصلي...XD
والميكرويف حلوة بصراحة كجيمبلاي وكمقطع...ولكن انا ما أنكرت وجود مقاطع ممتازة ولكني أقولل الأقل بالسلسلة...

من جدك هذه أحسن مقاطع ؟؟

تركي أنت فاهمني ولا كيف...!؟؟ أنا متى قلت أفضل مقاطع...أنت قلت دراما فقلتلك الشخصيات الي لها لقطات درامية...
أما مقاطع سينمائية بشكل عام فيه الي أفضل وأيضاً باقي الأجزاء تتفوق على 4 فيها...
ولو إنه فيه كمان لقطات من اروع ما يكون من الي قلتهم...ل
قطة إقتناص سنايبر وولف لميرل والمحادثة الي تصير بين ميرل وسنيك وقتها أفضل من كل لقطة "قلك" درامية بالرابع...!!

معليش الفرق كبير

وش الي معليش...أنت تشوف نهاية الرابع أفضل من لقطة ميرل الي ذكرتها وأفضل من نهاية سنايبر وولف وأفضل من مقطع فورتشن...واو هممم واو...!!
عموماً لو كان للنقاش بقية فالأفضل ينتقل للملفات الشخصية...مو...؟؟

 

[MegaX]

الجيم كيوب كان له ايام ماتنسى

sonic adventure 1.2
zelda wind waker
mario party series
mario tennis and mario strikes
super mario sunshine
super smash bros
luigi mansion
pikmin
mario kart
The Legend of Zelda: Twilight Princess
metal gear solid
tales of symphonia

وفي الاخير اللعبة الي عشت ايام خاصة خصوصا اني فان قديييم لها

متأكد هذا الجزء الكثير مايعرفها

وهذا عرض لها

[video=youtube;2FvysdNxFm0]http://www.youtube.com/watch?v=2FvysdNxFm0[/video]

 

[Mute City]

لول قائمتي طويله جدا جدا لاني ما كنت اشتري اللعبه إلا بعد عناء وسؤال لانها كانت 250 وكان سعر خنفاشي بالنسبه لي كطالب متوسطه

 

[T u R k I]

عموماً لو كان للنقاش بقية فالأفضل ينتقل للملفات الشخصية...مو...؟؟

طيب

 

[oldhic]

Metroid
Zelda wind waker
Starfox adventure
Super Mario sunshine
Eternal darkness
RE Remake,0,4

 

[Snake-87]

أكثر لعبة لعبتها بحياتي وأشوفها أفضل لعبة جماعية على الإطلاق .
لعبناها من 2002 إلى أن نزل بروال .. لعبنا براول شوي وبعدين قطعنا الجيمز تقريبا بالدوانية :crying:، بعدها رجعنا لميلي مرة ثانية بالمخيم السنة إلي طافت عالخفيف:whistle: .
نلعبها شبه يومي وكل ما نقعد نشغلها لاااازم ومرحلة الطيارة حق فوكس ... حفظت كل شي فيها بالسنجل بلاير وتحدينا ناس وايد .. كان إختبار الإنجليزي ورقة أولى وثانية فبين الإختبارين نطلع من الثنوية ونروح بيت واحد من الشباب نلعب شوي ونرجع نكمل الإختبار الثاني .

شريت الجهاز علشانها .. من سمعت عن الريميك قلت لازم أشتري الجهاز ووقتها كنت صغير وماكو ميزانية .. شريت الجهاز مستعمل قبل ما تنزل اللعبة، فتحت الجريدة وبعت شاشة وطابعة وسكانر علشان أشتري اللعبة بـ17 دينار .. طبعا ولد عمي قال بيشتريها فعطيته الفلوس وقالي بييبها لي بالمدرسة (ماعندي سيارة طبعا)، خليت نفسي مريض وخليت الوالدة الله يحفظها توديني المدرسة علشان آخذ طبية ولما نزلت المدرسة آخذ الطبية رحت حق جنطة ولد عمي وفتحتها وحصلت اللعبة (حسيت إشعاع طلع من الجنطة xD) وحطيتها بمخباتي ورديت البيت .. موصل الكيوب وكل شي جاهز .. شعار كونامي الجديد طلع !!

ذكريات :crying:
التمثيل الصوتي بهالجزء وكوالتي الصوت > الجزء الأصلي .

هالجزئين شي خيالي وأيضا أدمنتهم وهم السبب إلي عرفوني على أخوي q8_spy :happy:

 

[squall leonhart]

Zelda The Wind Waker افضل زيلدا لعبتها الى الان ..

 

[Burdegation]

وند ويكر و فاير امبلم

 

[Snake-87]

نسيت :

شخصيتي كانت يوشي 3:

 

[NES]

زيلدا ويند ويكر .. لويجي مانشن .. ميترويد برايم .. اف زيرو و سوبر سماش وآخيراً ..

لعبة رهيبة وممتعة ... قليل من الأعضاء هنا يعرفوا سر بوابة الألف سنة .

 

[awadnin]

أتذكر قبل لا ينزل جهاز الوي بفترة بسيطة، في واحد سوى فيلم انميشن قصير عن الجهاز بعالم ويند ويكر :]

[video=youtube;BJX2fm61IKY]http://www.youtube.com/watch?v=BJX2fm61IKY[/video]

 

[hussien-11]

ماريو بارتي 4 + 5 = أحلى ميني جيمز بهالجزئين ، ساعات طويلة من الضحك والمتعة اللانهائية

سوبر سماش بروس ميلي : اللعبة كان فيها شي جذاب جدا ، شي عجيب و سحري يخليك ترجع تلعبها بدون ملل ، لذلك هي اكثر لعبة "انلعبت" على الجهاز يمكن

ماريو كارت : من أحلى الأجزاء ، تصميم المراحل كان رهيب

ماريو تنس : أمتع لعبة تنس مرت علي حتى الان

زيلدا ويند ويكر : أكثر جزء "ساحر" في السلسلة .. مش ممكن تنسى تعبيرات وجه لينك الكرتونية الرائعة ، أو مؤثرات الرياح الجميلة و كافة اللمسات الفنية الرائعة باللعبة ، بالإضافة لحس المغامرة الرائع و الأنغام الاسكتلندية المميزة

مترويد برايم : أفضل رسوميات و مستوى تقني لأي لعبة في وقت إصدارها ، مناظير الرؤية المتعددة و انعكاسات الظل و الشرر الكهربائي من على خوذة ساموس ، و الأجواء الموحشة على الكوكب الخالي .. لعبة مذهلة

ريزدنت ايفل 4 :

ريزدنت ايفل زيرو و ريميك : اللعبتين الي رجعولي أجواء ريزدنت ايفل الكلاسيكية و الي فقدتها على البلاي ستيشن2 بعد اتفاقية الحصرية بين كابكوم وننتندو ، ريزدنت ايفل ريميك أفضل تجسيد كلاسيكي لأي لعبة رعب في تاريخ ألعاب الفيديو

متل جير توين سنيكس : مهما قالوا عنه ، من أقرب الأجزاء لقلبي و أروعها ، مستوى صعوبة و ذكاء اصطناعي مذهل و كذلك عروض حركية ممتازة جدا

فاير امبلم : من أفضل الأجزاء بالسلسلة ( و الأفضل من ناحية الجيم بلاي )

ماريو سانشاين : ليست أسطورية لكنها في غاية الجمال ، تمتلك لمستها الخاصة المختلفة عن الجميع

باتن كايتوس : كلعبة اربيجي .. هذي اللعبة "لوحة فنية" تمتلك واحد من أجمل العوالم الي تم رسمها في أي لعبة آربيجي حتى هذه اللحظة

 

[Golden_Sun]

الجيم كيوب اكثر جهاز "استمتعت" باقتناءه في حياتي الجيمية.
صحيح ما كان منافس قوي، لكن بالنسبة لي كان جهازي الأول.

افضل العابي: Baten Kaitos, Super Smash, Mario Party, Mario Tennis, ToS, FF:CC, Zelda: Four Swords, Skies of Arcadia, Viewtiful Joe, Resident Evil, Pikmin, Luigi Mansion, Animal Crossing وغيرهم وايد

 

[Light]

الشباب ماقصروا .. 7 سنين مع ميلي الى ماصدرت براول !!

+

الادمان الاخر :

انت ابطل واحد العالم !!

 

[C RONALDO]

احلى ايام عمري قضيتها مع الجيم كيوب

لدرجة اني كنت لما اسافر اخذه معاي .. جهاز كامل متكامل من الجرافيكس وجودة الالعاب والتحكم (عيب الوي التحكم الغبي) وكل شي
الجهاز ليلحين عندي مع العابه ويداته

اما الالعاب فكانوا فعلا ألعاب ! لكل لعبه عالم خاص يجذبك ويدخلك فيه ( قبل رمضان كنت ادخل على اليوتيوب واشوف ووكثرووات عن العاب الجهاز وتحوشني نوستالجيا قشره )
اعتقد اللي خله الجهاز يكبر بقلبي حزتها ان كان او جهاز منزلي يكون بداري وبس انا العب فيه مع اخوي الصغير بدون اخواني الكبار .. كنا نقعد انا واخوي الصغير بالساعات نلعب

ناروتو

ناروتو افضل لعبه فايتينق مرت علي ,, اجزاء الجيم كيوب فقط مو السوني .. اصلا ليلحين وانا العب ناروتو عالوي ( تيماري :inlove: )


ماريو تنس

هاللعبه عذبتني .. لدرجه اني خلصتها كلها بيوم واحد .. قعدت عليها كل اليوم لدرجه ان محول الجيم كيوب قام يطلع صوت لوول


ماريو بارتي 5

افضل ماريو بارتي بالنسبه لي .. سواءا الميني قيمز ولا worlds ولا الموسيقى .. لعبه كامله من جميع النواحي .. هذي شرياتها مع الجهاز (مع بوكيمون كولوسيوم)


بيبر ماريو

هذي عاد عالم ثاني .. كانوا اييون عندنا اهلي يتغدون عندنا وانا ماانزل معاهم اقعد العب اللعبه بالدار لوول


ريزيدنت ايفل 4

الجزء الوحيد اللي لعبته لريزيدنت ايفل ( غير اجزاء البي اس 1 اللي كنت اطقطق فيهم ) .. هاللعبه كنت العبها بالصيف بعد منتصف الليل .. اقصعد العبها واخوي يقعد يمي يشوفني لوول ليلحين انا وياه نذكر بين فتره وفتره ايام ريزيدنت ايفل والجو بذيج الايام


ماريو سن شاين

هذي عااااد قمة النوستالجيا .. الغريب اني اذكر فيها كل شي وكل ميشن .. يمكن لاني لعبتها مرتين مره بلندن وانا مسافر ومره بالكويت .. ماريو سن شاين اشوفها افضل ماريو ادفنتشر ثري دي ( ان شاء الله اليوم ببدي العب ماريو 64 عالدي اس لان هذي اللعبه الوحيده الماريويه اللي مالعبتها ) .. ياليييييييييييت لو يسوونله جزء ثاني .. مانبي ريميكات نبي جزء يديد


اللعبه اللي متحسف اني مالعبتها هي زيلدا وايند ووكر

بس كلي امل ان يكون لها ريميك قريب ( ان شاء الله يارب )

 

[Solay]

Resident Evil 4
Zelda Wind Waker
smash
star fox assault
beyond good and evil
metal gear twin snakes

هذا اللي اتذكره..

التمثيل الصوتي بهالجزء وكوالتي الصوت > الجزء الأصلي .

وييين يا محمد,كوالتي الصوت اكيد افضل بحكم التطور اللي صار بين الجيلين,بس التمثيل الصوتي لا والف لا,الصينيه ماادري اليابانيه نسيت اسمها فقدت اللهجه اليابانيه وصارت تتكلم عادي.

 

[Snake-87]

^
نايومي فعلا تغيرت ممثلة الصوت وفقدت لكنتها ولكن شوف التمثيل الصوتي لكل الشخصيات بما فيهم سنيك .. تمثيلهم سيئ مقارنة بتوين سنيك والوحيد إلي أشوفه ممتاز حتى بالجزء الأصلي هو ليكويد .

 

[Zixmar]

ماريو بارتي 5 و 6 و7 : لحطات مستحيل انساها قضيناها وانا واخواني وكل ماأتذكرها عيوني تدمع لانها شبه مستحيل ترجع , الخامس له مكانه بقلبي

ماريو تنس : اكره العاب التنس بس هذي اللعبه فعلاً غيرت نظرتي للتنس واذكر من الحماس كنت بشتري تنس طاوله خخخ

سوبر سماش بروس ميلي : اتوقع اكثر لعبه لعبتها بحياتي

سوبر مونكي بول 2 : الميني جيمز بهالجزء = ادمان , بصراحة ماأعتبرهم ميني جيمز من رهابتهم

سونيك ادفنشر 2 : خذتها ويا الجهاز وماندمت ابداً

ماريو بيبر : من افضل العاب الار بي جي اللي لعبتهم كان لها طعم خاص

ماريو سترايكر : مالعبتها كثير مقارنه بالباقي لانها نزلت على اخر ايام الجيم كيوب

هذا اللي اذكره حالياً

 

[Solay]

^
نايومي فعلا تغيرت ممثلة الصوت وفقدت لكنتها ولكن شوف التمثيل الصوتي لكل الشخصيات بما فيهم سنيك .. تمثيلهم سيئ مقارنة بتوين سنيك والوحيد إلي أشوفه ممتاز حتى بالجزء الأصلي هو ليكويد .

مااتذكر الصراحه بالضبط,بس تغير نايومي كان ملاحظ وبقوة حرام يوم غيروها..

طبعا انا اتكلم بس عن الأصوات والا المقاطع الأكشنيه والجيم بلاي المكسور حدث ولا حرج.

 

[G4mer]

وهل يخفى القمر

 

[dudebro]

اومج كيف نسيت بيبر ماريو :| انا انسان حقير ما استاهل :crying:

 

[C RONALDO]

Dr.Luigi1

ماريو سترايكر مو عالويي ؟

 

[Super Shadow]

أكثر لعبتين أدمنت عليهم

أما الألعاب المفضلة عندي غير هذيل

طبعا بعضهم مش حصريين لكني استمتعت فيهم على الجهاز نفسه

 

[Zixmar]

Dr.Luigi1

ماريو سترايكر مو عالويي ؟

اول جزء كان بالجيم كيوب , جزء الوي يعتبر الثاني المشكله جزء الجيم كيوب نزل على اخر ايام الجيم كيوب وجزء الوي نزل بعد صدور الوي بكم شهر اظن خخخخ يعني كانوا متقاربين .

 

[emperor-UAE]

1

أفضل لعبة زيلدا على الإطلاق,هل لعبة دخلت معاها جو و كأني فى عالم ساحر ثاني!
(نعم لعبت الرائعه اوكرينيا اوف تايم على ال64)

2

أفضل جزء بتاريخ السلسله

3

هاي اللعبه ما يعرف قيمتها إلا إلي جربها(و متأكد ما جربها الكثير)

4

5

هذيلا التوب 5 , و من بعدهم بدون ترتيب
سلسلة ماريو بارتي,لويجي مينشن,بيكمين,ماريو كارت ,ريزدنت ايفيل 0 و هارفست مون

 

[C RONALDO]

اول جزء كان بالجيم كيوب , جزء الوي يعتبر الثاني المشكله جزء الجيم كيوب نزل على اخر ايام الجيم كيوب وجزء الوي نزل بعد صدور الوي بكم شهر اظن خخخخ يعني كانوا متقاربين .

توني ادري ان في جزء للكيوب ! انا عندي لعبة الوي وماعجبتني ابد شاريها مع الجهاز

 

["a7mad"]

لو بلعب العاب الجيم كيوب عالوي اقدر العبها بالكلاسيك كنترول ولا لازم كنترول الجيم كيوب ؟

 

[Solay]

^
لازم كنترولر الكيوب.

 

[F.JUBRAN]

افضل جهاز اقتنيته كل الالعاب الي اشتريتها اعتبرها ممتازة و عشت ايام رهيبة معاه

re4 و واريو ما ادري فينهم شكلهم ضاعوا

افضل العاب جماعية ممكن تحصلها بتلاقيها في الجيم كيوب، ماريو بارتي 5 الى الان اذا اجتمعنا اول لعبة نلعبها تكون هي .. كانت تقوم سهرات و تحطيم ارقام بشكل مو طبيعي لدرجة من كثر ما نلعبها صرنا اذا واحد جاب اي رقم نعرف في اي مكان بيروح :smug: + امس قعدت ارتب الغرفة ( على غير العادة ) و اشوف الوي بدون كرت تىخزين الجيم كيوب O___O الكرت هذا في انجازات و تعب سنيييييين اقسم بالله قهر قهر قهر يضيع، شلت الغرفة فوق تحت و الحمدلله لقيته :rockon:

ماريو دبل داش اعتبره افضل جزء لماريو كارت المضامير رهيبة و تنافسية و فيها كوميديا ممتعة و نفس الشيء مع ماريو التنس. هذي الالعاب الثلاثة اعتقد مستحيل نستغني عنها في اي تجمع لازم نلعبها

الجيم كيوب بالنسبة لي افضل جهاز العاب.