Nintendo
TG editor-in-chief
امس الاربعاء كان يوم تاريخي لشركة ننتندو ولي شخصيا . عيال اختي الصغار ( من سنة رابع مرورا بخامس وقفزه للصف الاول متوسط ) وعددهم اربعه جابوا شهاداتهم والحمدلله كلهم تفوقوا ( شئ متوقع طالما انا ادرسهم :razz: ) .
عموما هدايا النجاح كانت عباره عن اربعة اجهزة دي اس مع مجموعة من الالعاب ( بس اشترينا خمسه اجهزة لانه واحد منهم بيكون هديه لاحدى افراد العائلة ) . المهم بعد يوم طويل مع الجهاز وتجربة الالعاب اليكم بعض الانطباعات :
البيكوتوتشات ... مسوي شغل
لول والله ماتوقعتها شباب . شغلنا الاجهزة كلنا وقلنا اول شئ خلونا نجرب البيكوتوتشات شوي نشوف المدى ونشوف وش نقدر نتسلى عليه . المهم قلنا خلينا نبتكر العاب له من عندنا . البداية كانت اني اطلب منهم رسم شئ وبعد مايخلصوا يرسلوا الرسمه لجهازي عشان نختار افضل رسمه والفائز يصير دوره يختار الشئ اللي راح نرسمه . بعدها قمنا نجرب لعبة ثانية واخترنا لعبة الحروف وهي اننا نختار اسم رسوم متحركه ونحط فراغات مكان الحروف وكل واحد يختار حرف الين نعرف اسم الرسوم المتحركه او يختارون 10 حروف غلط وتنتهي اللعبه ...
بصراحة البيكوتوتشات مسلي بشكل كبببببببببببير مع الجمعه . يعني اقدر اقول انه الصغار عندنا اهملوا الالعاب تماما وظلوا على البيكتوتشات طول الليل
الالعاب ... للكبار فقط !!
اخذت مجموعه من الالعاب للجهاز والى الان ماتسنى لي تجربة كل الالعاب . ولكن عموما هاذي انطباعاتي عنها :
ديمو ميترويد : بحكم اني اخذت جهاز ياباني فما تسنت لي فرصة تجربة الديمو من قبل . قعدنا انا وولد اختي نلعب شوي بالملتي بلير . شخصيا التحكم حصلته معقد ويحتاج الى تعود كبير واللعبه مادخلت مزاجي لاني معروف بكرهي لالعاب المنظور الاول ولكن احقاقا للحق الجرافيكس بالديمو كان اكثر من جيد . لعبنا شوية جولات بالملتي بلير ولد اختي مايدري وين ربنا حطه ( فرحان انه يتحول كوره ويقعد يلفلف ) وانا اجري وراه احاول اقتله ..
واريو وير توتشد : لول ماراح تصدقون يوم اقلكم انه ولد اختي خلص اللعبه من اول يوم وطلع اغلب الالعاب . الولد من يوم فتح العلبه وهو يلعبها بشكل متواصل لساعات الفجر الاولى وشوي يقلي ترى ختمت اللعبه وطلعت الالعاب !! طبعا على طول اخذت اللعبه وقد العب فيها شوي . لول الميني جيمز معظمها مسليه جدا ولو انها قصيره شوي . ولكن اجمالا اللعبه شكلها مسليه جدا ..
بوكيمون داش : هاذي اللعبه اقدر اقول اكلت مقلب فيها . يوم اخذتها من المحل طالعت خلف الغلاف وحصلتهم كاتبين اللعب الجماعي الى 6 لاعبين ومانتبهت لسالفة انك تحتاج لاكثر من كارترج واحد لاني قلت العيال الصغار بيشوفون بيكاتشو وباقي الشله ماراح يهمهم اللعب طالما يلعبون مع بعض كلهم . لعبت اللعبه تقريبا لمدة عشر دقايق قبل لااقفلها ولاافكر ارجع العابها ثاني . حتى العيال الصغار ورغم سهولة اللعبه ماعجبتهم ولا لعبوا فيها ( احس انهم انتجوها بساعتين ) .
باك بكس : هاذي اللعبه بصراحة ماقدر اتكلم عنها لاني مالعبتها غير يمكن 10 دقائق ومن تجربتي ماقتنعت ابدا باللعبه وحسيت انها المفروض تكون ميني جيم بلعبة افضل من كونها لعبة مستقله . يمكن يوم اتعمق فيها اكثر تطلع حلوه ..
يوشي توتش اند قو : هاذي اللعبه سمعت اراء مختلفه عنها فركزت عليها بشكل كبير . اول شئ بطور اللعب الفردي رغم كونه مسلي ولكن حسيت انه ناقص جدا وكانها لعبة اركيد تحاول فيها تحقيق اعلى رقم وانتهى الموضوع . ولكن مع شوية صبر تحصل انه اللعبه تحتاج لاحتراف كبير جدا حتى تحصل على ارقام قوية . نجي لطور اللعب الثنائي . يعني مادري وش اقول ولكن قمة بالمتعه الصراحة . لعبة انا ضد بنت اختي ( خامس ابتدائي ) ونحنا الاثنين كانت اول تجربه لنا باللعبه . بدات اللعبه بالبداية كنا نموت مع اول خطوتين وشوي شوي صارت المنافسه حاميه شكل غير طبيعي وقمة بالمتعه الصراحة . اللعبه بطور اللعب الثنائي شئ مختلف تماما وابداع حقيقي ومتعه كبيره جدا ..
اذا اجمالا اقدر الخص اليوم بعدة نقاط :
- الدي اس محتاج لالعاب تدعم الملتي بلير بشكل اكبر وخصوصا اني ماحصلت العاب تدعم اكثر من لاعبين ومسليه ويمكن بايو بايو فيفر هي الوحيده .
- الدي اس صار صعب جدا تحصله بمحلات جده وبيت الكمبيوتر يمكن المحل الوحيد اللي كان متوفر فيه الجهاز ولو انه اسعارهم غاليه شوي وللاسف مافي غير لونين الفضي والازرق ( انا اخذت 3 فضي و 2 ازرق ) .
- الدي اس يحتاج لالعاب اكثر وبكثير بالسوق الامريكي وفيه نقص كبير بالالعاب من حيث التنوع ومن حيث الجوده والمستوى . واتمى تكون البداية مع هذا الشهر .
- البيكتوتشات بدون منازع كان نجم اليوم والضحك معاه كان كبير جدا واعتقد انه الدي اس بالفعل راح يجذب ناس مالهم علاقة بالالعاب لهذا السوق فبعد تجربة اليوم تاكدت انه مستقبل الجهاز بيكون جميل جدا اذا ننتندو دعمته بالعاب اكثر .
لول طولت عليكم ولكن قلت عاد تتسلون شوي وتقرؤن موضوع مختلف عن العاده
عموما هدايا النجاح كانت عباره عن اربعة اجهزة دي اس مع مجموعة من الالعاب ( بس اشترينا خمسه اجهزة لانه واحد منهم بيكون هديه لاحدى افراد العائلة ) . المهم بعد يوم طويل مع الجهاز وتجربة الالعاب اليكم بعض الانطباعات :
البيكوتوتشات ... مسوي شغل
لول والله ماتوقعتها شباب . شغلنا الاجهزة كلنا وقلنا اول شئ خلونا نجرب البيكوتوتشات شوي نشوف المدى ونشوف وش نقدر نتسلى عليه . المهم قلنا خلينا نبتكر العاب له من عندنا . البداية كانت اني اطلب منهم رسم شئ وبعد مايخلصوا يرسلوا الرسمه لجهازي عشان نختار افضل رسمه والفائز يصير دوره يختار الشئ اللي راح نرسمه . بعدها قمنا نجرب لعبة ثانية واخترنا لعبة الحروف وهي اننا نختار اسم رسوم متحركه ونحط فراغات مكان الحروف وكل واحد يختار حرف الين نعرف اسم الرسوم المتحركه او يختارون 10 حروف غلط وتنتهي اللعبه ...
بصراحة البيكوتوتشات مسلي بشكل كبببببببببببير مع الجمعه . يعني اقدر اقول انه الصغار عندنا اهملوا الالعاب تماما وظلوا على البيكتوتشات طول الليل
الالعاب ... للكبار فقط !!
اخذت مجموعه من الالعاب للجهاز والى الان ماتسنى لي تجربة كل الالعاب . ولكن عموما هاذي انطباعاتي عنها :
ديمو ميترويد : بحكم اني اخذت جهاز ياباني فما تسنت لي فرصة تجربة الديمو من قبل . قعدنا انا وولد اختي نلعب شوي بالملتي بلير . شخصيا التحكم حصلته معقد ويحتاج الى تعود كبير واللعبه مادخلت مزاجي لاني معروف بكرهي لالعاب المنظور الاول ولكن احقاقا للحق الجرافيكس بالديمو كان اكثر من جيد . لعبنا شوية جولات بالملتي بلير ولد اختي مايدري وين ربنا حطه ( فرحان انه يتحول كوره ويقعد يلفلف ) وانا اجري وراه احاول اقتله ..
واريو وير توتشد : لول ماراح تصدقون يوم اقلكم انه ولد اختي خلص اللعبه من اول يوم وطلع اغلب الالعاب . الولد من يوم فتح العلبه وهو يلعبها بشكل متواصل لساعات الفجر الاولى وشوي يقلي ترى ختمت اللعبه وطلعت الالعاب !! طبعا على طول اخذت اللعبه وقد العب فيها شوي . لول الميني جيمز معظمها مسليه جدا ولو انها قصيره شوي . ولكن اجمالا اللعبه شكلها مسليه جدا ..
بوكيمون داش : هاذي اللعبه اقدر اقول اكلت مقلب فيها . يوم اخذتها من المحل طالعت خلف الغلاف وحصلتهم كاتبين اللعب الجماعي الى 6 لاعبين ومانتبهت لسالفة انك تحتاج لاكثر من كارترج واحد لاني قلت العيال الصغار بيشوفون بيكاتشو وباقي الشله ماراح يهمهم اللعب طالما يلعبون مع بعض كلهم . لعبت اللعبه تقريبا لمدة عشر دقايق قبل لااقفلها ولاافكر ارجع العابها ثاني . حتى العيال الصغار ورغم سهولة اللعبه ماعجبتهم ولا لعبوا فيها ( احس انهم انتجوها بساعتين ) .
باك بكس : هاذي اللعبه بصراحة ماقدر اتكلم عنها لاني مالعبتها غير يمكن 10 دقائق ومن تجربتي ماقتنعت ابدا باللعبه وحسيت انها المفروض تكون ميني جيم بلعبة افضل من كونها لعبة مستقله . يمكن يوم اتعمق فيها اكثر تطلع حلوه ..
يوشي توتش اند قو : هاذي اللعبه سمعت اراء مختلفه عنها فركزت عليها بشكل كبير . اول شئ بطور اللعب الفردي رغم كونه مسلي ولكن حسيت انه ناقص جدا وكانها لعبة اركيد تحاول فيها تحقيق اعلى رقم وانتهى الموضوع . ولكن مع شوية صبر تحصل انه اللعبه تحتاج لاحتراف كبير جدا حتى تحصل على ارقام قوية . نجي لطور اللعب الثنائي . يعني مادري وش اقول ولكن قمة بالمتعه الصراحة . لعبة انا ضد بنت اختي ( خامس ابتدائي ) ونحنا الاثنين كانت اول تجربه لنا باللعبه . بدات اللعبه بالبداية كنا نموت مع اول خطوتين وشوي شوي صارت المنافسه حاميه شكل غير طبيعي وقمة بالمتعه الصراحة . اللعبه بطور اللعب الثنائي شئ مختلف تماما وابداع حقيقي ومتعه كبيره جدا ..
اذا اجمالا اقدر الخص اليوم بعدة نقاط :
- الدي اس محتاج لالعاب تدعم الملتي بلير بشكل اكبر وخصوصا اني ماحصلت العاب تدعم اكثر من لاعبين ومسليه ويمكن بايو بايو فيفر هي الوحيده .
- الدي اس صار صعب جدا تحصله بمحلات جده وبيت الكمبيوتر يمكن المحل الوحيد اللي كان متوفر فيه الجهاز ولو انه اسعارهم غاليه شوي وللاسف مافي غير لونين الفضي والازرق ( انا اخذت 3 فضي و 2 ازرق ) .
- الدي اس يحتاج لالعاب اكثر وبكثير بالسوق الامريكي وفيه نقص كبير بالالعاب من حيث التنوع ومن حيث الجوده والمستوى . واتمى تكون البداية مع هذا الشهر .
- البيكتوتشات بدون منازع كان نجم اليوم والضحك معاه كان كبير جدا واعتقد انه الدي اس بالفعل راح يجذب ناس مالهم علاقة بالالعاب لهذا السوق فبعد تجربة اليوم تاكدت انه مستقبل الجهاز بيكون جميل جدا اذا ننتندو دعمته بالعاب اكثر .
لول طولت عليكم ولكن قلت عاد تتسلون شوي وتقرؤن موضوع مختلف عن العاده
التعديل الأخير: