Lunar Poet
True Gamer
السلام عليكم و رحمة الله و بركاته.
مبارك عليكم دخول شهر رمضان الفضيل، أعاننا الله و إياكم على صيامه و قيامه .
مبارك عليكم دخول شهر رمضان الفضيل، أعاننا الله و إياكم على صيامه و قيامه .
هالموضوع بإختصار موضوع "حر" (تم أخذ الإذن من الإدارة) للسوالف الرمضانية (سوالف عن الصيام، الإفطار، مواقف، أو حتى عن التلفزيون أو الألعاب اللي تلعبها في رمضان، الخ)
رمضان هالسنة غير عن باقي السنوات بالنسبة لي. و الإختلاف الأكبر إن موعد الإفطار ما يصير تقريباً إلا الساعة 8:30 مساءً
لكن الحلو في دوامي إن ما فيه يوم أخلص فيه بعد الساعة 4 العصر (هذا في يومين في الأسبوع، باقي الأيام أخلص على الظهر)، فعلى الأقل يمديني أنام شوي أو أسوي أي شي ثاني قبل وقت الفطور.
هذا غير معاناة الفطور نفسه. أمس أزعجت اللي عندي في الماسنجر "شأفطر
فيه مطاعم قريبة لكنها ما تنفع لصايم فيفطر (معظمها مطاعم وجبات سريعة الخ،) و ما ينفع كل يوم أفطر في تشيليز و أنواعه، غير إن مشوار إني أروح لهم :|
اللي أتمناه ألحين إن الـcommons (مطاعم سكن الجامعة) تفتح بسرعة (هم مسكرين عشان الصيف لكن -المفروض- بيفتحون قريب،) هناك على الأقل نمشّي الحال. أكلهم -المفروض- يكون بوفيه مفتوح و يتغيّر كل يوم، لكن مشكلتهم الكبرى هو إنهم يسكرون الساعة 7:00 مساءً في العادة (يعني قبل وقت الفطور بساعة و نص تقريباً!) سمعت إشاعة تقول إنهم يأخرون موعد إغلاقهم في رمضان مراعاة للمسلمين الصّيّام. إن شاء الله يكون هالكلام صحيح
بالنسبة للتلفزيون، فمثل كل سنة: طاش ما طاش، و طبعاً بتابعه أونلاين (موقع MBC.net يعرضونه، لكن الشاشة صغيرة و الوضوح مشي حالك. أحد يعرف موقع ثاني أتابعه منه؟)
اللي بيتكلم عن الحلقات يحط كلامه في سبويلر تاج، لأن بعضنا -مثلي- بنصير نشوفه متأخر شوي :fd3:
يوم الثلاثاء إن شاء الله بتوصلني بروفيسور ليتون 2، الحماس +9999999999999999999 ، بتكون من أهم ألعاب رمضان
هذا غير ماريو & لويجي و سكريبلنوتس في آخر الشهر :fd3:
_______________________
تقبل الله صيامكم و طاعاتكم .
التعديل الأخير: