يوميات بياع ( محدث بإستمرار )

[NSider]

خخخ أكره الأطفال اللي مثل كذا (تفكيرهم في السيارات وغثيثين).

 

[Ash Storm]

ههههههههه على حق الزمرد !!! لو انا كان رفسته من على الباب هو و كيس الزبالة :evil:

اليوم حصل معي موقف غير متوقع بتاتاً !!!

و انا جالس في المحل و باقي لي ساعة و نص تقريباً على نهاية الدوام ... دخل علي ولد دايم يجي عندي و يغثني !!! و المشكله انه صغير !

انا إلي اعرف انه الاولاد في عمره يكونوا قليلي الكلام و منطويين و مالهم في الهرج الكثير و الثرثرة !!! لكن هذا الولد is Different

جا عندي (إسمه امجد بالمناسبة ) و كله نية انه يثرثر و يضيع وقتي و يقرفني ...

(الولد الغثي )

الولد الغثي:يا عامر تعرف كيف تفحط ؟
JOE (و هو يفرك عيونه من النعاس و القرف ):آآآه إيش تقول ؟
الولد الغثي: اقول لك تعرف كيف تفحّط ؟
JOE : ايوة ايوة ... إيش تبغى دحين ؟
الولد الغثي: اليوم واحد صاحبي في المدرسة علمني كيف افحط بسيارة اوتوماتيك لكن ما راح اقول لك كيف !!
JOE:.... كيف ؟
الولد الغثي: لا قول انت اول شئ !!
JOE (يبغى يصرفه مش عارف ):بالفرامل.. صح ؟
الولد الغثي : اييييييييييوة كيف عرفت ؟ انا واحـ....
JOE(بمقاطعة ):اقول .. تبغى شئ ؟
الولد الغثي :طيب طيب لا تزعل !
JOE: من جد إيش تبغى دحين تراني طفشااااان و مش فايق لك !!
الولد الغثي : اسمع ا.. انا حأقول حاجة و اتحداك تكملها تمام ؟ ياااكلك اكل البرشومي ياكلك ...
JOE: حبة حبة :suspiciou << إتحادي سابقاً !!
الولد الغثي : حركاااات و الله يجي بالادب !! << من فين جا الولد دا

و يواصل الولد الثرثرة و الكلام .."الاغاني مش حرام ؟ طيب ليش تسمعها و انت مطوع ؟" ... و قلق اهلي في المحل لما قررت اسيبه يبربر لما يطفش ..
و يواصل الكلام ....

المهم و انا جالس افرك عيوني و سايبه يهرج ... اول ما فتحت عيوني شفت شئ لا يوصف !! انتوا خمنوا بس !! افتح عيوني و الاقي الولد مندمج و جالس ...

جالس يرقص في قلب المحل قدامي
و انا : ::confused ::confused
و لحسن الحظ ما احد شافه إلا كم واحد من الحارة و اشوفهم يتقلبوا في الارض زي اسياخ الكباب من الضحك !!!

و انا :بشكل لا يوصف جالس اتفرج عليه و رقصه الخايس و انا مبتسم
و هو : شوف كدة بعدين كدة و بعدين كـ...

اطلع برااااااااااااااااااااا

كل ما اتذكر شكله اضحك مع نفسي زي المجنون !! بالله إيش رأيكم بس eeved:

لوووول بجد الله يعينك على كذا اشكال :yuck: ,, اكره الأطفال اٍللي من النوعية هذي ..

 

[Solid Snake]

هههههههههههههههههههههههههههههه .. من جد موضوع رهيب!! ..

 

[Final Fantasy]

لوووووووووووووول على قصة الولد الرقاص


فعلا الأطفال الغثيثين الله لا يبلانا فيهم -_-

 

[Van]

خخخخخخخخخخخخخخخخخ

و الله شكل الولد غثيث من جد, الله يعينك JOE

خخخخخخخخخخخخخخخخخ

بس أتخيل اللي صار أضحك

 

[SHABASH]

الاسبوع هذا مر علي شخص واحد احسه يستهبل لما سألني السؤال الغريب

س \ لعبة F.E.A.R متى نازله على ال PSP ؟؟؟؟

 

[JOE]

و انا جالس العب جيايكوتن سايبان 2 في المحل ... لازم طبعاً اقول OBJECTION !!! بصوت عالي مع الحماس !!!

إلي حاصل انه فينكس يسمعها مرتين مش مرة وحدة مني !!! ليش ؟؟ انا اقولها مرة و فني الصيانة الزول (سوداني على فكرة ) يعيدها وراي على طول و بصوت اعلى كمان !!! حق اذية بس

OBJECTION << عامر
OBJECTION << الزول !!

Take That << عامر
Take That << الزول !!

Hold It << عامر
Hold It << الزول !!

و كذلك طول ما انا العب !!! لدرجة انه قالها في فاينل 3 كمان !!! إيش من إعتراض في فف 3 !!!!

و من يومها و الكلمة تستجاب على طول و بدون محاولات !!
الظاهر الجهاز يستجيب لصوته هو مش انا !!!!

 

[53]

^ لوووول يمكن فيه سوداني صغير داخل المايك ..
بس يضبط ربعه .. :yuck:

 

[SHABASH]

بما اني الان في ينبع ماسك فرع من فروع العاب طوكيو اليكم هذه المواقف

المصري الحريص​

المصري الحريص : السلام عليكم ​

انا : وعليكم السلام ​

المصري الحريص: عندك سوني 2 ​

انا : ايوه في​

طبعا بعد ما شرحت له ايش الجهاز ومواصفاتة وكيف يشغلة ... الخ الخ الخ​

المصري الحريص : اديني واحد وجربة ​

انا : ابشر :moneymouth: ​

طبعا بعد ما جربت الجهاز وكل شي ميه ميه ​

المصري الحريص : خلاص كويس بس اديني واحد طازة ما انفتحش خالص​

انا :::confused ( والجهاز اللي جربتة )​

المصري الحريص : اديني واحد جديد احسن ​

انا : :exclamati ​

المصري الحريص : خذ اتفضل الحساب :moneymouth: ​

هذا طبعا بعد ما اخذ الجهاز الثاني من غير ما يجربة​

الفاهم في الالعاب​

الفاهم في الالعاب : السلام عليكم​

انا : وعليكم السلام​

الفاهم في الالعاب : عندك لعبة فروزا على الاكس بوكس 360 ​

انا : لسة اللعبة ما نزلت​

الفاهم في الالعاب : الا نزلت وشفتها عند صاحبي والدليل اللعبة فيها التيما 2005​

انا : ممكن تكون فورزا 1​

الفاهم في الالعاب : لا على الاكس بوكس 360​

انا : ممكن تكون الديمو :suspiciou ​

الفاهم في الالعاب : لا اللعبة كاملة وما ينقصها شي ​

انا : ممكن ​

الفاهم في الالعاب : بس انت تدري ​

انا : ايش ​

الفاهم في الالعاب : اللعبة هي اصلا جران توريزمو بس عشان الاسم حصري لسوني غيروها فروزا وحطوها على الاكس بوكس ​

انا : ::confused لالالالا جران شي ثاني مستحيل تكون هي ​

الفاهم في الالعاب : انا متاكد من كلامي ​

ودار النقاش لمدة نصف ساعة على هذا الموضوع:cryy: ​

 

[Mesharey]

SHABASH

ليش تتعب نفسك بالأساس P:

 

[Double T]

طيب هذي قصة مني ... طبعا انا الزيون ... <<<< يوميات زبون

في واحد يبيع عندنا في محل في الشرقية ما شاء الله من كبر يده ما نسميه الا ابو يد ... طبعا ابو يد عنده ولد شباب يشتغل في المحل ... مرة انا و اصحابي بنستهبل على هذا الولد ... هذا الكلام قبل 4 سنين

انا : السلام عليكم ... عندك لعبه "Hands Father" <<<<< أبو يد لوووول نتريق عليه
البياع : لا والله لسه ما نزلت
انا : اكيد ؟؟؟
البياع : ايوه اكيد اصلوا انا شايفها في المجله و راح تنزل قريب
انا : طبعا صار وجهي كذا .... ما اشاء الله طيب متى راح تنزل
البياع : هي خلاص عندنا في محلات الرياض قاعدين يسولها نسخ و ان شاء الله تجي قريب
انا : طيب كككك خخخخ ههههه .. مع السلامه

بعدها ما صرت اثق في البياعيين الا الي شكله حق جيمز

 

[JOE]

ههههههههههه كويس ما اعطاك GOD HAND !!!

 

[ZiZ]

GOD HAND ما كانت نازلة قبل 4 سنين...

 

[SoulTaker]

God hand عندنا لها اسمين يا Glowing Hand او Strong Hand ... ما ادري اذا فيه بدع غير هاذي >.> ... كل ذا كوم و Bully كوم ... "الشغب في مدارس لندن" و اسم ثاني "المشاغب" مدري "المشاكس" =\ ...

سحقن لهنود البطحا!

 

[Van]

لول @ الفاهم في الألعاب لول

Double T موقفك رهيب ... مسكين الولد -__-

 

[Mista Koo]

شكرا على رفع الموضوع =q
كنت أبي أرد عليه

مرة كنت جالس بمحل ألعاب. ودخل بزر (يمكن 6-7 سنوات) وهو متنرفز وقال: "عندكم شريط (مطاخات الجزء الثاني) على الأكس بوكس؟"

والله كنت رح أموت من الضحك *__* ونعم الأسامي

وفي زبون رمى بوجهي سؤال غريب وقال اللعبة الاصلية ايش تفرق عن التقليد هل الرسم بالاصلي يكون احسن !!! هذا بعد ما سمع سعر اللعبة الاصلية
________________
واحد ثاني سألني سؤال وجاوب بنفس الوقت
قال ليه الالعاب الاصلية غالية ؟ عشان ما تنكسر صح ! >>> ركزوا على كلمة صح

XD XD XD
مساكين ما تعودوا الألعاب تجيهم بـ10 ويشوفون ناس تشتري بفوق الـ200

God hand عندنا لها اسمين يا Glowing Hand او Strong Hand ... ما ادري اذا فيه بدع غير هاذي >.> ... كل ذا كوم و Bully كوم ... "الشغب في مدارس لندن" و اسم ثاني "المشاغب" مدري "المشاكس" =\ ...

اسمها GLWING HAND لا تغلط >.>
و Bully أي واحد يشغلها لمدة 5 دقايق رح يعرف إنها أمريكية *__*

وأكثر شي يرفع ضغطي المحلات اللي تبيع أي لعبة لأي فئة عمرية!
إلى متى ×___×؟؟؟

 

[SHABASH]

باين اني الوحيد اللي راح يهنم بالموضوع هذا والبقيين طناش .....

اليوم عبارة عن مقتطفات سريعة لاني نسيت الاحداث الطويلة ..

كلجات الالعاب .
_________________________________
ريندريفر = ريزدينت ايفل
_________________________________
مدارس في شغب لندن = بولي
_________________________________
metal jear solid :sealed:
_________________________________
افتكرت واحد رهيب
++++++++++++++++++++++++

المحتار​

المحتار : عندك لعبة استيف
shabash : ايش ؟؟؟
المحتار : لعبة ستييييف
shabash : وضح شوي
المحتار : ياخي لعبة فيها حاجة ستيف ميتل ستيف
shabash : هااااااااااا ميتل جيييييييييييير :gasp:
المحتار : ايوة هذي عندك منها
shabash : لا للاسف مخلصة
المحتار : طيب مين احسن سبلنتر سيل ولا ايرا جاد<<<< eragod
shabash : ايرا جاد احسن
المحتار : خلاص اديني سبلينتر سيل
shabash :
________________________________________________


وفي مرة واحد سألني اديني لعبة احسن من ميتل جير :cryy: :cryy:
______________________________________________


واحد ثاني : عندك لعبة سيارات سباق تختيم ؟؟؟؟؟
shabash : برااااااااااااااااااااااااا :evil:

الى ملتقى قريب ان شاء الله ​

 

[Mesharey]

واحد ثاني : عندك لعبة سيارات سباق تختيم ؟؟؟؟؟

يعني شنو ؟ : /

 

[RIZE]

^ نفس السؤال ؟؟؟

 

[Mr.3B]

واحد ثاني : عندك لعبة سيارات سباق تختيم ؟؟؟؟؟
shabash : برااااااااااااااااااااااااا :evil:

hhhhhhhhhhhhhhhhhhhhhhhh

 

[Ash]

المحتار : طيب مين احسن سبلنتر سيل ولا ايرا جاد<<<< eragod
shabash : ايرا جاد احسن
المحتار : خلاص اديني سبلينتر سيل

كاااااك P: .

 

[Khalid-S]

لووووووول بالله ايش "ايرا جاد"

لا يكون ايرجون ؟؟

 

[Van]

وفي مرة واحد سألني اديني لعبة احسن من ميتل جير:cryy: :cryy:

هع هع هع هع هع هع

 

[RIZE]

لووووووول بالله ايش "ايرا جاد"

لا يكون ايرجون ؟؟

خالد انت شفته هذا الفلم ؟؟؟ .... بالنسبه لى شفته وكان رائع .. ناطر الجزء الثاني |>_>|

 

[Justice]

الموضوع كله لوووول هههه
وحلو جدا عندي زباين هوايل في محلات الالماس الذهب
بس من جد حق تنرفز ورفع اليد

 

[Waldo]

لووووول اكثر شيء اعجبني راعي الزمرد، شكله مفهي:yuck:

ولا تحرمونا من قصصكم شباب::

 

[J.B.L]

أصلا ما أزفت من الزباين الا اللي يشتغلون بالمحلات خصوصا السبيكة المصري اللي بألعاب طوكيو

 

[Gon freeces]

خالد انت شفته هذا الفلم ؟؟؟ .... بالنسبه لى شفته وكان رائع .. ناطر الجزء الثاني |>_>|

قريت الكتاب ؟ كيف تقارنه مع الفلم ؟

 

[J.B.L]

مرة كنت جالس بمحل ألعاب. ودخل بزر (يمكن 6-7 سنوات) وهو متنرفز وقال: "عندكم شريط (مطاخات الجزء الثاني) على الأكس بوكس؟"

ههههههههههههه رهيبه

 

[Yaz3D]

لوووووووووووووووووول ..
موضوع روعة ^^