يستهبلون والا وش قصتهم بالظبط؟

[Koshiro]

الحجب كلكم تعرفون انه بالبداية كانت للمواقع المخلة بالدين المشكلة الامر تطور وصارت مواقع عادية مثل مواقع رفع الصور قلنا اوكي عندهم عذر موقع You tube حجبوه بدون اي مبرر
مواقع كثير تنحجب وكل واحد يدور لهم مبرر والان حجبوا موقع جوجل الترجمة وهو احد اهم الاشياء بالنسبة لي في النت بحكم اهتمامي باخبار الكورة الايطالية
اضافة الى مواقع اخبارية محجوبة
المشكلة مهيب هنا حتى منتدى ستارتايمز تم حجبه
ليش؟ الله اعلم
وان استمروا على هذا المنهاج كثير من المواقع بتنجب بعدم وجود اي مبرر
يعني تقعد بدون انترنت ابرك لك عشان مايجيك مرض في الاعصاب
وش الحل برايكم؟
انا تخليت عن الساتلايت بسبب الشيرنج والتورنت والان افكر هل ارجع مرة ثانية لعذاب الساتلايت والا ابقى على عذاب الحجب؟

 

[Leon]

واااااااااااااااااات ...!!!!! معقولة حجبوا موقع جوجل للترجمة...؟؟؟ وليش ايش فيه علشان يحجبوه؟

والله من جد طفح الكيل ..(-_-) كل مالهم بيحجبوا على كيفهم ( الله أعلم مين هم)..

نفسي لو في أحد أقدر أكلمه منهم دولا وأقوله أعطيني السبب اللي خلاك تحجب الموقع ...أخخخخخ بس..

edit : دوبي دخلت على موقع جوجل للترجمة وفتح معايا تمام...
edit : أأرررجج حجبوه مرة تانية......!!!!!!!!!!!!!!(-_-)

 

[Humam]

يا رجال مشي حالك اذا موقع ويكي بيديا حجبوه, ارسلت لهم رسالة بهدلتهم فيها كلها 24 ساعة ورجعوا فتحوه..

بالنسبة لموقع الترجمة حق جووجل أعتقد سبب حجبه إنه يمكن استخدامه كبوابة عبور للمواقع المحجوبة.. بروكسي سيرفر يعني.

 

[Mr.3B]

...

تقدر بكل سهولة تروح للصفحة المحجوبة وتكتب لهم انهم المفروض ما حجبوها أو تستفسر ليه حجبوها .. المسؤول عن هذي الشغلة مدينة الملك عبدالعزيز

 

[Koshiro]

تقدر بكل سهولة تروح للصفحة المحجوبة وتكتب لهم انهم المفروض ما حجبوها أو تستفسر ليه حجبوها .. المسؤول عن هذي الشغلة مدينة الملك عبدالعزيز

وبعدين وش يعني بيسمعون كلامي ويفتحونه؟ اساسا انا ارسلت لهم رسالة ولكن هي كلمة وحدة
تطنيش

 

[Koshiro]

يا رجال مشي حالك اذا موقع ويكي بيديا حجبوه, ارسلت لهم رسالة بهدلتهم فيها كلها 24 ساعة ورجعوا فتحوه..

بالنسبة لموقع الترجمة حق جووجل أعتقد سبب حجبه إنه يمكن استخدامه كبوابة عبور للمواقع المحجوبة.. بروكسي سيرفر يعني.

همام ويكيبيديا اكيد الاف ارسلوا لهم رسايل ما اتوقع انهم يطالعون الرسايل حتى والله قاهريني

 

[Mr.3B]

...

خلك رسمي شوي بالكلام ومقنع وجيب أسبابك وعفشك وقول باسم الله وان شاء الله يفتحونه .. وقولهم ان ما فيه حل بديل وزي كذا .. يعني اقنعهم

 

[Koshiro]

المشكلة مهما حاولت ترسل لهم رسالة ماراح يقرونها ولا يعطونها وجه من الاساس يعني المشكلة مهيب بالاقناع اعتقد انهم يفتحون الموقع حسب عدد المطالبين بالفتح ماهو بالاسباب المقنعة الي يقدمها واحد بعدين لو اقنعتهم بشان موقع واحد وشلون بقنعهم بالف موقع ثاني؟ تراني مانيب فاضي لهم بس ارسل لهم رسايل اطر منهم يفتحون المواقع

 

[Khalid-S]

الله يخلي لي مستر بروكسي (الملقب بابو بركس)

 

[Nintendo]

بالنسبة لموقع You tube فهذا فيه عروض كثيره اباحيه واعتقد معهم حق في حجبه ...

المشكلة مواقع تحميل الصور والفيديوهات حجبها مشكلة الصراحة . فيه ناس تستغلها بشكل سليم وناس كلنا نعرف وش تسوي والمثل يقول الخير يخص والشر يعم وعشان كذا على طول يقفلونها ..

فيه مواقع تنحجب بدون باسباب مالها داعي ولكن هاذي تقدر تراسلهم عليها ويفكون الحجب .. بالنهاية الله يخلي البروكسيات ولاكان ماعرفت اشوف سكان واحد ..

 

[Death match]

اخوي Koshiro هذا موقع فيه اخبار ايطاليا الكروية اول بإول واخر التصريحات فقط لإيطاليا
http://www.channel4.com/sport/football_italia/news.html
وبخصوص الحجب في مواقع كثيره تحل محل البروكسي مو شرط تغلب نفسك بإيجاد بروكسي اذا الشركة حجبوه فمن حقهم شركتهم ولهم اسباب خاصة فيهم .

 

[persona]

بالنسبة لموقع You tube فهذا فيه عروض كثيره اباحيه واعتقد معهم حق في حجبه

اليو تيوب صار نفس القوقيل عندي مااقدر استغنى عنه

أداره الموقع ممتازه هناك اى ملف اباحي ينحذف على طول هناك ..اي ملف مخالف ل18+ (سب،مشاهد

غير مناسبه للصغار ينحذف بعد)

اما الميتا كافيه.. لاتعليق..

---


مشكلتكم مع مزودي خدماتكم

انه الموقع اذا كان فيه مميزات حلوة ..وفي شويه أعضاء بالموقع ينزلون افلام ماهي سنعه

يرحوا يمنعوا الموقع كله..يااخي امنعوا وصلات الاعضاء المشاركين..مو الموقع

نفس الشيء مع الاعلانات ،ومثلا.. الموقع متعاقد مع موقع جنسي او اباحي يروحو يمنعوا الموقع كله

أمنعوا البنر !!! مافكروا فيها

تحس انه ناس ماتفهم بالانترنت اي حاقه ...

بعدين حركة القوقيل هذي لو تحصل اي هاك في موقع ترجمه تقدر تسويها ..طالعين فيها يعنى

شمسوي ستار تايمز عشان يحجبونه بعد؟..يحرض على الستالايت والفسق والفجور؟..

وليش مانعين الوكيبيديا -.-... يمكن عشان يحرض على المسيحية بسبه كذا معلومه فيه عن هالديانه

lets baaaaaaaaaaaaaaaan it from them!!!

الله يعينكم صراحه..والله يعز الفاستلكو عندنا ^^..

 

[Az(e)z-N]

الله يعينكم صراحه..والله يعز الفاستلكو عندنا ^^..

انا اشتراكي فاستلكو..ودايم ابحث عن مواقع الهاكرز او الكراكات..للأسف مع البحث تطلع لي مواقع جنسيه كثيره مو محجوبه...eeved:

 

[Death match]

الله يعينكم صراحه..والله يعز الفاستلكو عندنا ^^..

يبة فاستلكو ساعات يخرفون يحجبون مواقع فيها كراكات وبعض مرات يحجبون مواقع التنزيل

 

[m7tram]

على طاري فاستلكو .. منو الي للحين مشترك معاهم؟

25 دينار كل شهر حق 128 وبكواليتي نت 25 كل شهر حق 256 يعني بالعقل ؟!
فاستلكو غاليين وعلى الفاضي .
حتى الحين 512 بكواليتي نت 38 دينار بالشهر وبفاست تيلكو على ماعتقد بـ65 دينار, كأن في فرق كبير؟


سوري على خروج عن الموضوع .

 

[persona]

يبة فاستلكو ساعات يخرفون يحجبون مواقع فيها كراكات وبعض مرات يحجبون مواقع التنزيل

اتفق معاك ..
حزتها بولدوسكي (تشفير لكلمة بروكسي) يكون له كلمه

25 دينار كل شهر حق 128 وبكواليتي نت 25 كل شهر حق 256 يعني بالعقل ؟!
فاستلكو غاليين وعلى الفاضي .
حتى الحين 512 بكواليتي نت 38 دينار بالشهر وبفاست تيلكو على ماعتقد بـ65 دينار, كأن في فرق كبير؟

أشتراكي سنوي..فمادري عنهم صراحه..

 

[Koshiro]

حجبوا ويكيبيديا الله ياخذهم اخذ عزيز مقتدر

 

[Nintendude]

http://www.google.com/translate_t

 

[Koshiro]

http://www.google.com/translate_t

فتحوه
شكرا فواز

 

[Koshiro]

سكروه مرة ثانية وويكيبيديا مسكر والله شكلهم قاعدين يلعبون لعب بزران هم ووجيهم ذا المتخلفين

 

[Mada Mada Dane]

توني ادري ان جوجل عندهم موقع ترجمه .. دخلته ولقيته مفتوح

فتحوه :bigSmile: عببببببببط يمكن منظمة الغربان السود لها دخل بالموضوع

 

[Zeyad]

فيه مواقع تغلق بسبب وبدون سبب ! والمشكلة ان بعض المواقع تغلق بسبب اعلان اباحي طيب واذا راح الاعلان ليش ماتفتحون الموقع ؟! وهذي قد صارت في ps2.ign.com

المفروض يكون فيه لجنة خاصة في مدينة الملك عبدالعزيز عشان تسوي تصفير للمواقع + وايضاً مراجعة للمواقع المحجوبة واعادة النظر اذا تستاهل الحجب او لا و دمتم سالمين

 

[Lunar Poet]

ويكيبيديا محجوب ألحين -_- ..

قسماً بالله شي ينرفز .. في ألف موقع اباحي مفتوح و كل من هب و دب يقدر يدخله بكل سهولة .. لكن مواقع عادية و محترمة ( جوجل ؟! ) تلقاها محجوبة ..

انا ما في شي قاهرني كثر علامة التعجب هذي eeved: ..