يا جماعة الDSL مساعدة

[Rockman]

السلام عليكم :

يا اخوان اللي عنده DSL 4 ميجا " ويحبذ الكويت "
يقول لي جم الداون لود عنده ؟

لأني صراحة تعقدت من النت اللي عندي
الباندوث اللي واصلني 4407 ميجا بت يعني المفروض الداون لود ماكس = 550 كب
وانا الداون لود عندي ما يطلع باحسن حالاته ال450 كب
مع العلم اني لا مشغل ولا فاير وول ولا بطيخ
اذكر اول ما اشتركت كان يوصل 500 وكنت راضي على هالسرعة " كان جذي من شهر 2 لين اخر شهر 6" لكن صارت مشكلة بالنت ولما تصلحت صار الوضع جذي والحين مرات يتذبذب يعني ما يثبت على سرعة مرات 380 ومرات يصير كانه 1 ميجا مو 4 ميجا

المشكلة ان خطي يتحمل هالسرعة واكثر يعني الخط ما فيه مشكلة
سويت ابديت للمودم "سبيد تش 858 " التصفح صار شوي احسن والداون لود زاد 10 كب والتذيذب خف ..."
ادق على الشركة اللي يقول لك خطك يحتمل السرعة "جيد جدا !" والمفروض تحمل بس 380 كب
قلت له لو جذي انزل السرعة 3 ميجا احسن واخذ فلوسي جان يقول لا تستعيل بنرسل لك فني:laugh:: ويقول لي هال4407 شكلية حاطنيها بس حق تصفح وما تسوي فيها داون لود " اعتقد يحس اني انا غبي وما افهم "
عموما انا الحين ناطر الفني والله يستر....
فابي اعرف هل فعلا الداون لود ما يوصل لأكثر من 500 ؟

وللعلم التورنت اذا صك عمره 380 ومرات معجز 400 وشيئ وهالكلام من شهر 2 وقبل لا تصير المشكلة ...

شكرا...

 

[persona]

روك مان ..

في طرقه حلوه تحسب فيها الباندوث: سرعه اشتراكك\8

4 ميقا (مرات يكون بالرقم كسور) / 8..

فأيه... 500 كب وبالاقصى 550 كب

 

[Rockman]

^

اي هذة اللي استعملتها

لأن بايت = 8 بت


عموما توي خلصت من الفني OMG على اللي صار
صراحة انفجرت يوم دريت شنو يسوي

وسويت فلم هندي وفتحت ابواب الجحيم على كوالتي نت بمكالمتي عليهم :

تخيلوا الفني يى وهو متأخر وشكله ما يوحي ابدا
المهم كلمته وقلت له شنو بتسوي بالضبط قال باركب فلتر يقوي السجنل ويخفف انقطاع الاشارة
قلت له يا بو الشباب ما عندي تقطيع وانا قايل لهم المشكلة خلصت وانا عندي مشكلة داون لود
قال ماكو مشكل يصلح هذا ...

المهم وديت عند الDV box وقبل لا يبطله قلت له ورني الفلتر
ويطلع بو الشباب الفلتر لما شفته انفجرت غضبا وبغيت اطقه

تتوقع شنو جاب
جاب لي فلتر اللي يجي مع كل مودم سبيد توتش ابو دينار ونص ويخب وما منه فايدة وبالذات بالمشكلة ويبي يدخله بالDV ويدفعني عليه 12 دينار !!!
قلت له الحين هذا ب12!! قال لي لأ هذا ب2 دينار قلت له عيل ليش 12 دينار قلتوا لي قال 10 تركيب انا هني بغيت اضحك من الجنون :laugh:: الحين هذا اللي ما منه فايدة وعندي منه 3 يبي يركبه بالDV ويدفعني عليه 12 دينار @@!!
قلت البلى مو من هالهندي المسكين البلى من الشركة " هو جاية من طرف شركة ثانية متعاملة مع كوالتي نت "
المهم كلمت اللي بذيك الشركة وسفلت فيه شوية وقال لي خله يجرب مو مشكلة
قلت له اعرف سوالفكم خله يجرب ويجرب وبالاخير ماكو فايدة وادفع فلوس عليها
المهم عصبت حدي ودقيت على كواليتي نت وفجرت فيهم تفجير كلام طويل عريض
والموظف يقول دش لي download.com وجرب لي السرعة المهم قلت خل اكمل للأخير وطبعا ماكو فايدة
عموما بعد نص ساعة من الكلام والزف والتهديد
يقول لي بيفتح تقرير الحين وراح يبين على يوم الاحد " انا كنت ابيها بكرة بس يقول لي لأن الحين قرب الويك اند ما ادري شنو " قلت مو مشكلة يوم الاحد امرنا لله

صراحة انا دافع فلوس على خدمة وانا ابي خدمتي توصل لي بالكامل باحسن شكل

المشكلة انا مع كواليتي من عمر وطول اشتراكي معاهم ما صارت معاي مشاكل الا مشكلة وحدة وهذة المشكلة الحين

اه...الله يستر من اللي جاي

 

[Lonely Heart]

الله يعينك ..

بس انا فتره صارت لي نفس المشكله مع سعودي نت .. وكنت اقول لهم وش السالفه يقولون ماعندنا شي ..

لما كلمت شخص اعرفه ضخصياً يشتغل هناك قال احناا في صصدد اننا نغير لسيرفر من لسيرفر ثاني وثال احنا نقلناكم في سيرفر بلندن .. فاتوقع عشان كذا

قاعدين يسوون صيانه او نقل سيرفر ولايبون يقولون لكم ..

 

[m7tram]

بجم الاشتراك ؟ وانت دافع سنه ولا استقطاع سنه , قول لي التفاصيل لان ودي اشترك فيه .

 

[persona]

شركات الانترنت عندنا تعبانه ..يمكن احسن السيئين ..فاستتلكو

 

[Rockman]

@ محترم :

انا دافع سنة كاش وقتها بمعرض انفو كونكت

الحين عندهم عرض تشترك 3 ميجا سنة " ب750 دينار تقريبا " تحصل 4 ميجا دبل باندوث طول المدة

فتقدر تقول ال4 ميجا ب750 دينار السنة

انا اول ما اشتركت كان رهيب يوصل 500 وابطئ شيئ 490 بالرابد شير :sarcastic: " من شهر 2 لين شهر 6 "
والتورنت على حسب التورنت اللي منزله اعلى سرعة شفتها مرة كان لحلقة بليتش 412كب
والعادة ل70% من التورنتس بين 200-300 كب والتورنتس السريعة تكون 300-400 كب

لول بعد مكالمتي شوي الداون لود قام يثبت على 460 كب من رابد شير
يلا الله ان شاء الله يرجع 500

ولقيت واحد كويتي بالنت عنده الداون لود بالتورنت 498 " وهو 4 ميجا نفسي من كواليتي "
على ما يبدو هو واصلته السرعة صح تمام التمام

يا الله ادعوا لي تصير سرعتي نفسه ....