الموضوع الرسمي ورشة TG للرسم 2024 - دفتر شخابيط TG

[KamurtV]

اول رسمة في السنة!

شخصية عظيمة من اخر مسلسل شاهدته واسمه Jury Duty بالمناسبة.

 

[wael_boss90]

للتو بديت أرغب أعود أرسم وبحاول أرسم طبيعة و أفكار أيام الطيبين وبحاول أشاركها هنا ما أعرف كيف أشارك من جوالي لهنا علطول بس بحاول معكم ^^

 

[Arashi]

اول رسمة في السنة!

شخصية عظيمة من اخر مسلسل شاهدته واسمه Jury Duty بالمناسبة.

ما شاء الله طالع 3D، تفاصيلك جدا جدا دقيقه عالبشره والرقبه، بالعاده الناس تفوت هالامور

للتو بديت أرغب أعود أرسم وبحاول أرسم طبيعة و أفكار أيام الطيبين وبحاول أشاركها هنا ما أعرف كيف أشارك من جوالي لهنا علطول بس بحاول معكم ^^

نقول ويلكم باك، زمان عن مشاركاتك في موضوع الرسم ^^
تقدر ترفعها على imgur اظن عادي، جربت مواقع رفع من الجوال ومشت

 

[Arashi]

شخصياتي حاشرتها في ورقه وحده بغرض العوده للعمل، لما تشتغل على مشروع طويل تحس يدك تتيبس وما تقدر تمسك شي ثاني، الشخابيط العشوائيه بغرض التسليه تهيئك للعوده للعمل << اخيرا حطيتوا ايموجي ايزابيللا XD

 

[Aqua ༊]

تكملة رسمات Final Fantasy... كربنكل اللي عاليمين لغيته بسبب الوضعيه ما تناسب فكرة الكوب وتلوين الذيل ما عجبني

@May-Be-Zig لازم هذا الكوب يكون عندك (&)

 

[Aqua ༊]

بليييييز كمليها، احلى ما في رسماتج ان ستايلج الخاص بارز فيها 3:

حالياً مالي رغبة ارجع اكلمها بس ممكن مستقبلاً^^
الموضوع بادي يتحرك الحمدلله شايفه إبداعات هنا

 

[Arashi]

@May-Be-Zig لازم هذا الكوب يكون عندك (&)

كل احد جافه تحسب عليه XD

حالياً مالي رغبة ارجع اكلمها بس ممكن مستقبلاً^^
الموضوع بادي يتحرك الحمدلله شايفه إبداعات هنا

اعرف هالشعور، عندي رسمات جذي راكنتها من "سنوااااااااااات" XD
ايه الحمدلله الموضوع فيه حياه، عقبال يصير عندنا مبدعين جدد





لحد يستحي ترى ما نعض

 

[May-Be-Zig]

تكملة رسمات Final Fantasy... كربنكل اللي عاليمين لغيته بسبب الوضعيه ما تناسب فكرة الكوب وتلوين الذيل ما

هذا كوب ورقي صح؟

 

[Arashi]

هذا كوب ورقي صح؟

يس ورق، بس الرسم ملصقه على كرتونه خفيفة تحمي من الحراره.

 

[Aqua ༊]

رسمت فريرن، مستمتعة بتلوينها^^

 

[Arashi]

رسمت فريرن، مستمتعة بتلوينها^^

ناااااااااااااااااايس ما شاء الله، والتلوين طالع كأنه بالمائي

تعال اترس عينك @STARDUST

 

[STARDUST]

رسمت فريرن، مستمتعة بتلوينها^^

جميلة جدا فريرين ما شاء الله

 

[Aqua ༊]

ناااااااااااااااااايس ما شاء الله، والتلوين طالع كأنه بالمائي

تعال اترس عينك @STARDUST

أنتي النايس
أستخدمت فرش مائية في البوركرييت لأنه عشقي الألوان المائية مع أني في اليدوي فاشلة فيها XD المائي صعب ويحتاج مهارة أما التلوين بالديجيتال أشوفه نعمة اقدر اصحح الأخطاء لين أكون راضية عن النتيجة.

جميلة جدا فريرين ما شاء الله

شكراً، سرني تعليقك .

 

[wael_boss90]

ما شاء الله طالع 3D، تفاصيلك جدا جدا دقيقه عالبشره والرقبه، بالعاده الناس تفوت هالامور


نقول ويلكم باك، زمان عن مشاركاتك في موضوع الرسم ^^
تقدر ترفعها على imgur اظن عادي، جربت مواقع رفع من الجوال ومشت

أن شاء الله راح اشارك معكم حلو لما الواحد يشارك في مجتمع يشاركه نفس الاهتمامات ^^

 

[Arashi]

أنتي النايس
أستخدمت فرش مائية في البوركرييت لأنه عشقي الألوان المائية مع أني في اليدوي فاشلة فيها XD المائي صعب ويحتاج مهارة أما التلوين بالديجيتال أشوفه نعمة اقدر اصحح الأخطاء لين أكون راضية عن النتيجة.


شكراً، سرني تعليقك .

في اليدوي في نوع استخدامه سهل، حتى انا كنت اعاني منها لكن قدرت أمشي حالي من اول تجربه مع هالنوع لأنه عملي ^^
المفروض ليلحين ينباع في جرير @@
حجمه لطيف والالوان فيه مناسبه. الفرشاه عمليه لأنها تتعبى ماي، ومتوسطه تناسب كل الرسمات. أغلبنا بدا تجاربه معاها 3:

أن شاء الله راح اشارك معكم حلو لما الواحد يشارك في مجتمع يشاركه نفس الاهتمامات ^^

حياك الله، واي مساعده تحتاج احنا حاضرين ^^

 

[AzureFlame]

@retha في أمل..

 

[retha]

@retha في أمل..

أهم شيء إنك مصدق القدرة الخارقة الي نزلت عليه بمدري كم يوم.

 

[AzureFlame]

أهم شيء إنك مصدق القدرة الخارقة الي نزلت عليه بمدري كم يوم.

نشوف الخبراء اللي هني شنو يقولون.

 

[wael_boss90]

نشوف الخبراء اللي هني شنو يقولون.

صراحه 100 يوم , 3 شهور وشوي كفيلة بأن الشخص يصقل مهارة معينة لو أنه يعملها كل يوم ربما حتى لبعض الأشخاص سريع التعلم يأخذ مدة أقل لكن في الأخير هذه رأيي البسيط و الرسامين أخبر مني

 

[Arashi]

عن بيودي باي...

هو متابع رسامين يعرضون دروس حلوه في اليوتيوب، ما تابعت تطورات بيودي باي نفسه وما اتابعه من الاساس ... بس أحد الرسامين اللي اتابعهم عالانتسغرام (ويعرض دروس) نزل post يعبر فيه عن فرحته ان بيودي باي متابع دروسه عاليوتيوب وهني عرفنا انه بدا بتعلم رسم بجديه.

التطور اللي تجوفونه في 100 يوم مب غريب لعدة أسباب:
-كان يشخبط من قبل
-رجع للأساس = رجع يتعلم من الصفر
-طبق دروس جيده
-تدرب بشكل يومي دون توقف


هو مب الوحيد.. جفت رسامين قفزوا 10 levels في وقت قصير بسبب العوده لأساسيات والتدريب اليومي.
وترى يده ليلحين ثقيله وما قاعد يرسم الجسم كامل ومختار ستايل جدا جدا سهل في الرسم، so اللي تجوفونه منطقي جدا لكن برويكم العجب بعد شهرين ثلاث بالكثير

 

[NA1F]

 

[NA1F]

 

[NA1F]

 

[Arashi]

تبين كأنها photo ما شاء الله ^^

 

[Dark Jester]

اعطوا نصيحة لوحد ما استخدم الرسم الرقمي في حياته - باستثناء برنامج الرسام بالماوس-: ايش التابلت المناسب اللي بيكون كافي لرسام هاوي غير محترف و في نفس الوقت ما يكون دمار شامل للميزانية.
ينفع اخذ ارخص wacom تابلت من جرير و ابدأ؟
التطبيق اللي اجربه Krita

 

[Arashi]

اعطوا نصيحة لوحد ما استخدم الرسم الرقمي في حياته - باستثناء برنامج الرسام بالماوس-: ايش التابلت المناسب اللي بيكون كافي لرسام هاوي غير محترف و في نفس الوقت ما يكون دمار شامل للميزانية.
ينفع اخذ ارخص wacom تابلت من جرير و ابدأ؟
التطبيق اللي اجربه Krita

ما داخله عميق في الرقمي بس بجاوب حسب نصايح ربعي الرسامين:
اذا تفضل تابليت بدون شاشة فهني أنصح بالواكوم لأنه أضمن. لو شاشة فـHiuon أحسن لأنه وايد أرخص ووضوحه أحلى وحساسية القلم أفضل.
بخصوص التطبيقات عندك Clip Studio لو تبي شي احترافي ... لكن أجوف اكثر الناس تمدح Pro Create.
ورسامين TG شاطرين وان شاء الله ما يقصرون ^^

 

[Dark Jester]

ما داخله عميق في الرقمي بس بجاوب حسب نصايح ربعي الرسامين:
اذا تفضل تابليت بدون شاشة فهني أنصح بالواكوم لأنه أضمن. لو شاشة فـHiuon أحسن لأنه وايد أرخص ووضوحه أحلى وحساسية القلم أفضل.
بخصوص التطبيقات عندك Clip Studio لو تبي شي احترافي ... لكن أجوف اكثر الناس تمدح Pro Create.
ورسامين TG شاطرين وان شاء الله ما يقصرون ^^

ايجابية البروكريت انه سهل و تشتريه مرة واحدة و ما تشيل همها. مشكلته انه حصري للأي باد، كنت افكر اشتري واحد لكن اسعاره … انتم عارفين.
ممكن اخرتها بادبر لي اي باد برو لما ينزل الجديد اللي سمعت عنه، باكمل في البحث الين استقر على شيء.

 

[Aqua ༊]

نشوف الخبراء اللي هني شنو يقولون.

@retha في أشياء مستحيلة في الحياة لكن الرسم لا ،، شفت ارتس قبل وبعد وكيف التطور المذهل اللي حصل لبعض الرسامين، بيودي باي قال يحب الرسم بس ما مارسه بشكل يومي يعني حط هدف انه يتحسن وتحقق.

هذه نصيحة من استاذة يابانية :

 

[Aqua ༊]

اعطوا نصيحة لوحد ما استخدم الرسم الرقمي في حياته - باستثناء برنامج الرسام بالماوس-: ايش التابلت المناسب اللي بيكون كافي لرسام هاوي غير محترف و في نفس الوقت ما يكون دمار شامل للميزانية.
ينفع اخذ ارخص wacom تابلت من جرير و ابدأ؟
التطبيق اللي اجربه Krita

إذا عندك pc أو لابتوب ومكتب تحط فيه اجهزة فاشوف واكوم أو الماركة اللي ذكرتها أراشي خيارات ممتازة للهواة والمحترفين.

ميزة الايباد الشاشة وتقدر تشيله معك اي مكان وخفيف الوزن ومناسب للمبتدئين والمحترفين، اذا تبغى ايباد رخيص ايباد اير أو ايباد 10 كلهم يشغلون procreate وadobe fresco وأظن clip studio.

ممكن اخرتها بادبر لي اي باد برو لما ينزل الجديد اللي سمعت عنه، باكمل في البحث الين استقر على شيء.

الجديد بيكون سعره مرتفع عن قبل حسب الإشاعات بسبب شاشة oled إذا توفرت فيه ميزة تشغيل برامج desktop حق ماك وميزات ثانية تستاهل سعره باخذه بدون تردد أما بدونها ماشي فايدة بيكون قوي عالفاضي.

 

[retha]

@retha في أشياء مستحيلة في الحياة لكن الرسم لا ،، شفت ارتس قبل وبعد وكيف التطور المذهل اللي حصل لبعض الرسامين، بيودي باي قال يحب الرسم بس ما مارسه بشكل يومي يعني حط هدف انه يتحسن وتحقق.

هذه نصيحة من استاذة يابانية :

عزيزتي آكوا، لا تصدقين بياعين الكلام.
يعني صعبة أصدق كلام الناس وأكذب شهور وشهور تعبتها وأنا أحاول أتعلم.