هنا تقبل التهانى بفوز الإمارات التاريخي

[emperor-UAE]

السلام عليكم ورحمة الله وبركاته

الف الف مبروك لنا نحن شعب الإمارات بهاي البطوله الغاليه....و المستحقه بكل جداره

خذنا الكاس و هداف البطوله و احسن لاعب فى البطوله (كلهن لإسماعيل مطر)...يعني ما خلينا شي لغيرنا....و فى النهائى كلنا الحلوى العمانيه....بهدف مطر و كورتين فى القائم على مدار الشوطين

الحمدلله رب العالمين...و هارد لك لإخوانا و أحبائنا العمانيين....و قلنالكم لولا الطرد فى المباراه الأولى جان ما فزتوا....و ها الإثبات...الطرد هو الفرق فى اول لقاء....بس يوم لعبنا كاملين...شو صار

و إن شاء الله هاي البطوله راح تكون البدايه لعهد جديد للكره الإماراتيه.....عهد ولد مطر(سهم90) وربعه...الله يوفقهم و يسعدهم مثل ما أسعدوا شعب بكبره....

و ها كله بفضل ربي...الحمدلله...و مبررررررررررروك لنا الكاس....و الحلوى....:laugh:

 

[Pichi]

مبروك للامارات.
وتبي صراحة .. عمان كانت أفضل من الامارات من حيث المستوى , ولكن كرة القدم لا تعترف الا بالنتيجة.
الوعد إن شاء الله بكأس آسيا و خليجي 19 :yuck: .

 

[fai9al]

ألف مبروك... تستاهلون.

 

[RIZE]

@.@ من وين طلعت ... أول مرة تمر علي



على العمووم مبروك لفوز الامارات

 

[Van]

ألف مبروك للامارات ... كنت أتمنى فوزهم

 

[emperor-UAE]

الله يبارك فيكم شباب

لو تشوفون دبي كيف صايره....عيد عندنا...احتفالات فى كل مكان....الحمدلله عل فرحه...:laugh:

 

[Naif]

مبروك مبروك

هذا فيديو التقطته لحظة انتهاء المباراة داخل العين مول بالموبايل (مش واضح الا صوتهم ^^" ) :
http://www.mixq8.com/uploads/uploads11/Video001.zip

مسيرة صرت في نصها و انا راجع البيت .. اسف على الوضوح .. كنت قاعد اسوق في نص الزحمة

 

[emperor-UAE]

مبروك للامارات.
وتبي صراحة .. عمان كانت أفضل من الامارات من حيث المستوى :yuck: .

نعم...عسب جي كان عندهم احسن لاعب...و الهداف..و الكأس بعد :yuck:

وعسب جي ما شفت هجومهم بالمباراه بعكسنا لنا كورتين فى القائم ::

تكلم عن المستوى وخلني أحتفل بالثلاث كؤووس(الهداف واحسن لاعب,,و البطوله)

و فى النهايه الله يبارك فيك

و ما راح نختلف على كره...نحن شعب واحد الخليج...اخوان و حبايب طول العمر و هارد لك و مبروك لنا مره ثانيه

 

[Isaac]

مبروك الفوز ^^

 

[Tomb raider]

مبروك للامارات وكل الخليج !
ولول اني ما افهم بالكوره بس اقول ان الشوط الاول كان اداء منتخبنا افضل من العماني ..

 

[Khalid-S]

الف مبروك على الكاس.. ومبروك مره ثانيه على اول كاس خليجي تاخذونه وعقبال جميع الكؤوس.

 

[BioMario]

الف الف الف الف مبروك يا منتخبنا الحبيب ..
و لكنا دولة و خليج واحد ^^ ..

 

[Leon]

ألف مبروك لجميع الإماراتيين على البطولة الخليجية الأولى ...

 

[mario0o]

الله يبارك فيكم شباب


مافي احلى من اول بطولة وتكون في بلادك


يلا عقبال اللي ماخوه


ان شا الله بخلي ربعي فالبلاد يطرشولي الصور اذا صورو في بوظبي

 

[king zell]

يستاهلون كل خير أهل الإمارات


و عسى فرحتكم دايمة

 

[Zeyad]

مبروك الفوز..

 

[ASWD]

الف مبروك للأمارات..وهارد لك لعمان..عمان مثل حظنا توصل النهائي كذا مرة لكن ماناخذ الكاس

 

[Bounty]

مبروك اول كاس خليجي .. يستاهل منتخب الامارات دخوله بقائمة الحائزين على كأس الخليج

الكويت:9
السعوديه:3
العراق:3
قطر:2
الإمارات : 1

مبروك للشعب الاماراتي الحبيب

 

[Tomb raider]

حتى الWii news channel حطت الخبر واليكم الصوره :

الله يبارك فيكم كلكم !

 

[emperor-UAE]

مبروك اول كاس خليجي .. يستاهل منتخب الامارات دخوله بقائمة الحائزين على كأس الخليج

الكويت:9
السعوديه:4
العراق:3
قطر:1
الإمارات : 1

مبروك للشعب الاماراتي الحبيب

اخويه منتخب قطر ماخذ الكاس مرتين مب مره وحده و السعوديه 3 مش 4

و الله يبارك فيكم كلكم شباب...و إن شاء الله التوفيق لجميع منتخبات الخليج بالأسيويه

 

[Ash]

مع انه مالي بكرة القدم أبد بس حبيت أبارك للامراتيين كلهم .

 

[Death match]

الف مبروك للأمارات اما بالنسبة لأسماعيل مطر فهو لاعب يملك حس رهيب على الكره ويستاهل كل خير

وهاردلك لعمان والبطولة القادمة بعمان اعتقد ان شاء الله لهم

 

[we6fe]

الف مبروك للإمارات

 

[ahmed_cube]

الف مبروك للشعب الامارتي الشقيق على الفوز الحلو

 

[Bounty]

اخويه منتخب قطر ماخذ الكاس مرتين مب مره وحده و السعوديه 3 مش 4

و الله يبارك فيكم كلكم شباب...و إن شاء الله التوفيق لجميع منتخبات الخليج بالأسيويه

شكرا .. تم التعديل ^^

 

[m7tram]

يستاهل الامارات الفووز , ومبروك لكم .

 

[mario0o]

الله يبارك فيكم شباب

 

[mario0o]

هدف اسماعيل مطر الغالـــــي



هنـــــــــــــــــــــــــــــــــــــــــــــا


سلامي على سيدي صاحب السمو الشيخ محمد بن راشد والشيخ محمد بن زايد الله يطول بعمارهم ويحفظهم .


تسلم يا اسماعيل على الــg____ول الغالي


.

 

[Mario2]

مبروك لمنتتخب الامارات .. يستاهلون كل خير .. والله يبارك فيكم جميها ..

-_- حظك نايف .. انا بس شفتهم ورديت البيت كنت حدي سكران مب راقد .. عشان المباراه ..

 

[emperor-UAE]

شباب ها موتري قبل المباراه...كنت متفائل بالفوز و زينت موتري ...والحمدلله فزنا و سوينا المسيره و استانسنا :laugh: