الموضوع واضح من عنوانه، بس خلوني أشرح وضعي زيادة شوي..
Breath of the Wild بعد شهر راح يصير لها 5 سنوات من يوم صدورها على أجهزة الWii U والSwitch، يعني نصف عقد من يوم حصلنا لعبة زيلدا AAA جديدة من نينتندو.
طبعا هذا الشيء مو جديد علينا احنا فانز ألعاب زيلدا متعودين على النطرات الدهرية حق الأجزاء الكبيرة (&). والعادة السلسلة تاخذ مم 3 إلى 4 سنوات طويلة مع مشاكل تأخرها زيادة عشان تنزل، بس النتيجة كانت دائما تجربة مختلفة من جميع النواحي خصوصا المظهرية مع محرك مختلف تماما. وهذا الشيء يخلي مدة الإنتظار الطويلة فيها حماس وتسوى بالنهاية.
لكن مع الأسف ما أقدر اقول نفس الكلام عن الجزء الثاني من Breath of the Wild.. لأن من اللي شفته اللعبة مظهريا وحتى العالم قريبة جدا للجزء الاول، وواضح ان في أشياء كثيرة راح يعيدون استخدامها من الأول لهذا الجزء. والشي يذكرني بجزء Majoros Mask اللي انزلت بعد سنتين من Ocarina of Time.
أنا ماعندي مشكلة مع هذا النوع من الأجزاء الجديدة ولو اني ما أفضلهم ودايما أتمنى شيء جديد كليا، لكن مشكلتي الحقيقية هنا مع مدة الإنتظار الطويلة اللي مو عارف على ايش بالضبط؟
هل فعلا هم ناويين يقدمون محتوى ضخم وتحسينات خارقة مقارنة بالأول؟ ولا اللعبة بتكون 50% قديم و 50% جديد ومجرد جزء أفضل يلغي قيمة القديم؟
هذا هو الشيء اللي مو مخليني اتحمس كثير حق الجزء الثاني مع الأسف :/. أكيد راح تطلع حلوة بلا شك بس ال5+ سنوات حيل مبالغ فيها من وجهة نظر شخص حاط فوق ال200 ساعة في الجزء الأول.
طبعا أكيد الCovid لعب دور في هذا التأخير بس ما اشوفه تبرير مقنع حق لعبة نفس وضعها. الAssets موجود وأمور كثير راح تكون Recycled بلا شك. وما اعتقد في أحد متوقع أي قفزة تنقية.
والمشكلة هذي مو بس مع زيلدا، حتى ماريو للحين ما شفنا لها جزء جديد كبير من 2017، و Xenoblade نفس الشيء و Mario Kart من مليون سنة. بس على الأقل وضعهم مختلف شوي والمفروض ما أحكم إلا بعد كشف واضح لأجزائهم القادمة. لأنهم يمكن يقدمون شيء مختلف بشكل كبير.
انتوا شرايكم شباب؟ وشكرا على القراءة.
Breath of the Wild بعد شهر راح يصير لها 5 سنوات من يوم صدورها على أجهزة الWii U والSwitch، يعني نصف عقد من يوم حصلنا لعبة زيلدا AAA جديدة من نينتندو.
طبعا هذا الشيء مو جديد علينا احنا فانز ألعاب زيلدا متعودين على النطرات الدهرية حق الأجزاء الكبيرة (&). والعادة السلسلة تاخذ مم 3 إلى 4 سنوات طويلة مع مشاكل تأخرها زيادة عشان تنزل، بس النتيجة كانت دائما تجربة مختلفة من جميع النواحي خصوصا المظهرية مع محرك مختلف تماما. وهذا الشيء يخلي مدة الإنتظار الطويلة فيها حماس وتسوى بالنهاية.
لكن مع الأسف ما أقدر اقول نفس الكلام عن الجزء الثاني من Breath of the Wild.. لأن من اللي شفته اللعبة مظهريا وحتى العالم قريبة جدا للجزء الاول، وواضح ان في أشياء كثيرة راح يعيدون استخدامها من الأول لهذا الجزء. والشي يذكرني بجزء Majoros Mask اللي انزلت بعد سنتين من Ocarina of Time.
أنا ماعندي مشكلة مع هذا النوع من الأجزاء الجديدة ولو اني ما أفضلهم ودايما أتمنى شيء جديد كليا، لكن مشكلتي الحقيقية هنا مع مدة الإنتظار الطويلة اللي مو عارف على ايش بالضبط؟
هل فعلا هم ناويين يقدمون محتوى ضخم وتحسينات خارقة مقارنة بالأول؟ ولا اللعبة بتكون 50% قديم و 50% جديد ومجرد جزء أفضل يلغي قيمة القديم؟
هذا هو الشيء اللي مو مخليني اتحمس كثير حق الجزء الثاني مع الأسف :/. أكيد راح تطلع حلوة بلا شك بس ال5+ سنوات حيل مبالغ فيها من وجهة نظر شخص حاط فوق ال200 ساعة في الجزء الأول.
طبعا أكيد الCovid لعب دور في هذا التأخير بس ما اشوفه تبرير مقنع حق لعبة نفس وضعها. الAssets موجود وأمور كثير راح تكون Recycled بلا شك. وما اعتقد في أحد متوقع أي قفزة تنقية.
والمشكلة هذي مو بس مع زيلدا، حتى ماريو للحين ما شفنا لها جزء جديد كبير من 2017، و Xenoblade نفس الشيء و Mario Kart من مليون سنة. بس على الأقل وضعهم مختلف شوي والمفروض ما أحكم إلا بعد كشف واضح لأجزائهم القادمة. لأنهم يمكن يقدمون شيء مختلف بشكل كبير.
انتوا شرايكم شباب؟ وشكرا على القراءة.
التعديل الأخير: