hits counter

بطولة هــيــرثــســتــون : Let None Survive [إنتهت البطوله :"( ]

بادئ الموضوع #1
السلام عليكم ورحمه الله وبركاته ..



* مقدمه طويله عريضه تليق بالقُرّاء*

المهم..


LET NONE SURVIVE


نظام البطوله :
النظام هالمره ماراح يكون مجموعات مثل البطوله السابقه , هالمره بيكون خروج مغلوب مع اتاحه فرصه للرجوع للبطوله في حاله الخساره للمره الأولى فقط !

كيف يعني ؟
شوف انت الحين لعب مباراة وخسرتها (وهذي اول مباراة تخسرها ) فأنت تلقائياً تنتقل لـ براكت الخسرانين وتكمل طريقك هناك إلى ان توصل للنهائي وتفوز بالبطوله أو أنك تخسر مره ثانيه و تطلع منها .

الكل عنده فرصه بإنه يخسر مره وحده ؟
إي نعم الكل , بإستثناء الشخص اللي يوصل للنهاىي بدون ولا خسارة , فهو ما يملك فرصه ثانية.



نظام المباراة :
بنطبق نظام الـConquest , واللي هو :
-كل شخص يختار ثلاث كلاسات (شخصيات) قبل بداية المباراة.
-الكلاس اللي تفوز فيه ما تلعب فيه مره ثانيه في هذي المباراة.
-عشان تفوز بالمباراة لازم تفوز بكل كلاساتك.
-إذا خسرت بأحد كلاساتك تقدر تستمر فيه إلى أن تفوز فيه.
- المباراة قد تنتهي بـ : 3-0 ,3-1 , 3-2 .
شكراً لـ @ShooSh على شرحه للنظام.





جدول البطوله :

إضغط هنا



المواعيد :
المواعيد بهذا النظام بيكون شي متعب حقيقة و أحتاج مساعدة الكل ..

لأنه يحتوي على مجموعتين المجموعه الفايزه ولها جدولها والمجموعه الخاسره وأيضاً لها جدولها الخاص وأثنينهم مرتبطين ببعض بطريقه ما ..

فـ بالبدايه بس بنحدد مواعيد أول ثلاث مراحل ..

المرحله الأولى: تبدا من بدايه الموضوع إلى يوم الثلاثاء الساعه 11 مساءً ( ثلاثه أيام فقط)
المرحله الثانيه: ( تتضمن Round 2 & Losers Round 1 ) تنتهي يوم الجمعه الساعه 11 مساءً (ثلاثه أيام فقط )
المرحله الثالثه: (تتضمن Round 3 & Losers Round 2 ) تنتهي يوم الأحد الساعه 11 مساءً ( يومين فقط )
المراحل القادمه سيتم الإعلان عنها بوقتها ..



الجوائز :
االفائز بالبطولة له جائزتين :
الاولى :
100 $
لآحد الشبكان التاليه ( Steam , PSN , XBLA ) , من إختيار الفائز طبعاً ..
الثانيه : يكون تحت أسمه بالمنتدى لقب ( بطل هيرثستون ).
اللقب يسحب من بطل المسابقه الماضية , إلا في حالة فوزه بالبطولة.




أسئلة وأجوبة مهمة :

س/ اعرف الباتل تاق حق خصمي لكن ما اعرف اسمه بالمنتدى , وش اسوي ؟
-أدخل الموضوع هذا وبتحصل كل الاعضاء المسجلين بالبطوله ( إضغط هنا).

س/كيف نعرف الفايز ؟
-بعد كل فوز تسوي سكرين شوت لكلمه ( victory) وعلى اليسار بيكون اسمك وأسم خصمك , وتحط الثلاث صور هنا بهذا الموضوع , وإرسال رساله لي لـ تنبيهي( يفضل طبعاً), وأنا بحاول اسوي مراقبه لبعض المباريات حسب تفرغي.

س/طيب خصمي ساحب علي, كيف ألعب معه ؟
-كل جوله لها زمن محدد في حال خصمك ما يرد عليك أو يتجاهلك , ارسل لي رساله اتواصل معه أنا ايضأ , اذا ما فيه أي إجابه منه تعتبر أنت فائز اذا انتهى وقت الجولة.

س/كنت متقدم باللعبه وفصل علي النت , ولما رجع النت لقيت نفسي خسران وش الحل ؟
-الحياة غير عادلة ..


ملاحظة : أحب أشكر @Boo22 على شرحه لنظام البطوله لي ..

أخيراً .. البطولة الآن بدأت , موعدنا النهائي ::rock::::rock::
 
التعديل الأخير:
#3
وأخيرا بدأت البطوله
شكرا لكم للتنظيم
نشوفكم تقريبا بعد الفطور ::cool::
+
سؤال : اقدر اصور الشاشه بجوالي بدال سكرين شوت ؟
 
بادئ الموضوع #5
بحكم اني ما لقيت اسم خصمي في الموضوع السابق، فأفترض انه انت خصمي يا @iNakedSnake ؟ @@
تقبل رشوه؟
ايه انا خصمك , مستواي طايح من زمان .. يمديك علي ::whistle::

نشوفكم تقريبا بعد الفطور ::cool::
+
سؤال : اقدر اصور الشاشه بجوالي بدال سكرين شوت ؟
ايه تقدر , و اتفق مع خصمك على الوقت المناسب لكم ..
 
#7
ايه انا خصمك , مستواي طايح من زمان .. يمديك علي ::whistle::
يا رجّال مستوى ميييين، انا للحين ما طلعت اغلب اوراق البيسك الا لشخصيتين بس @@. لكن ما راح اكون لقمة سائغة، وموضوع الرشوة للحين قائم متى ما غيرت رأيك.
متى تبي تلعب؟
 
#13
اوكي اخويه تركي فلاح القحطاني
انا كنت فاضي الصباح وفاضي الان وفاضي من بعد الفطور لحد اشعار اخر
بإنتظارك
::rock::
 
التعديل الأخير:

ShooSh

بطل Hearthstone
#22
انا و @ShooSh اول مباراه :D
جاك انتقامك من البدايه ;)
شد حيلك ماراح اصير خصم سهل يابطل ::rock::
هذا لا قالوا لك النهائي المبكر ::ton::
من بدايتها مباراة تكسير عظام
تجهز يا صديقي تراي ناوي لك نية قشرة من البطولة الماضية ::laugh::
موعدنا بعد الفجر ان شاء الله ::rock::
 
بادئ الموضوع #27
شباب باقي اقل من ٣٦ ساعه على نهايه الجوله و ما انلعبت الا مباراتين او ثلاث من اصل ١٦ ، ارجو ان الكل يتواصل مع خصمه عن طريق الخاص