هذي عاداتنا !!

[Da S.O.S]

[YOUTUBE]GRjr_VhZZ6Q[/YOUTUBE]



كنت متوقع الناس الي تفكر بالطريقة هذي خلاص انقرضت .. لكن للأسف.. شفت الفيديو و يومي خرب بسببه!
الي يقهر انه يعمم !

تعديل : هذا لنك اذا ما فتح الفيديو
http://www.youtube.com/watch?v=GRjr_VhZZ6Q

 

[Humam]

يقلك عشاء المطاعم ما نعرفه.. ههههههههههههههههههه.. واو

والله شيء يحزن للأمانة.. بعض الأحيان أشوف في التلفزيون قنوات غريبة و على شريط الsms والفئة الساحقة من المرسلين هم بنات و حريم.. والله هذا نتاج الكبت.. يعني هذا الشاب الي في الفيديو يقول ما أنزل أختي السوق, طيب مين يشتري لها ملابسها و أغراضها ؟ تلبس على مزاجك ؟

و الدلخ الي حاط الفيديو يقول كفو و الله لا يغير علينا..هيا استلم.. يا أخي متى استعبدتم الناس و لقد ولدتهم أمهاتهم أحرارا.. هذي العقليات تفتح المجال بقوة لأصحاب الأغراض المشبوهة من دعاة تحرير المرأة و خلافه إنهم يقولوا فعلا شوفوا وضع المرأة في هذا البلد كيف زبالة.. و لمن تجي حلقة من American Dad و يحشونا بالله لا نزعل لأن هذا الواقع.

 

[persona]

2007 ومو عارف يصكر زراره ويصير مرتب مثل الناس؟

ابو بدله اللي يقول عادات وتقاليد ؟ لو بتمشي الكلام اللي يقوله خله يلبس هاللبس اللي لابسه عند الشيبان هههههه..

"البنت تفكر بأشياء مالها داعي"

مشكله هو يعكس تفكيره للبنت ..ويفتكر انه البنت اذا طلعت بتفكر نفسه لانه هو طلع وشاف الدنيا وصار يلاحق بنات لانه الشباب اللي معاه يهتمون بملاحق البنات وصار مثلهم فعباله البنت اذا طلعت مع رفيجاتها او راحت السوق بتتأثر وتاخذ ارقام من ورى ظهره مثل ماهو يرقم البنات مثلاً؟....

وبيني وبينكم الناس اللي يقولون جذي..هم اكثر الناس خواتهم يطلعون ومايردون عليكم بكلمه

 

[Da S.O.S]

شباب يمكن ما احد انتبه ان هالشخص فكره منحط لدرجة انه مو عارف يفرق
ويقول لك " هذي اختي.. هذي عاري!"

 

[Conqueror]

مشكله هو يعكس تفكيره للبنت ..ويفتكر انه البنت اذا طلعت بتفكر نفسه لانه هو طلع وشاف الدنيا وصار يلاحق بنات لانه الشباب اللي معاه يهتمون بملاحق البنات وصار مثلهم فعباله البنت اذا طلعت مع رفيجاتها او راحت السوق بتتأثر وتاخذ ارقام من ورى ظهره مثل ماهو يرقم البنات مثلاً؟....

شباب يمكن ما احد انتبه ان هالشخص فكره منحط لدرجة انه مو عارف يفرق
ويقول لك " هذي اختي.. هذي عاري!"

QFT x10



no arabic keayboard

 

[G7Ga7]

اللهم لك الحمد على نعمة العقل -_-" ..

 

[NSider]

لما يقول "ما أبغى أطلع أختي من البيت وأفتح عيونها على أشياء.." من جد أتعجب. ياخي لو أختك متربية صح وفاهمة وعارفة الصح من الخطأ ما راح ينخاف عليها من مجرد أنها تطلع السوق وتشوف بنات لابسين عبايات غريبة!

أحلى شي لما واحد يتكلم عن أخته و "عاره" ويفتخر علناً أنه ما يثق في طريقة تفكيرها أو تصرفاتها.

 

[Revolver]

عشا المطاعم ما تعرفه ..؟

اذا انت قاعد تعمم , وتنظر الى بنات الناس "كلهم" فكر متخلف وفاسد وكانهم حيوانات جامحه يغلق عليها في البيت خشية العار ؟
كيف اختك هي عارك ؟ كيف صارت الجوهره عار لصاحبها ؟ الجوهره دايم مفخره لصاحبها..

عموما .. هذا الرجال اراد التأييد من بعض الناس بفكره المنغلق , لكنه ما وفق.. وقال كلام ترهات وخزعبلات

 

[hamad 11]

يبيله شوزن على راسه..

يبي يسوي نفسه فاهم لكن المشكلة نقطته من اساسها غلط.. كيف يعني ما يبي يطلع اخته عشان ما تفتح عيونها على أشياء جديدة.. متوقع رح يخليها في البيت طول عمره يعني؟ رح يجي يوم الى تطلع فيه من البيت..


ولما قال "اختي عاري" .. انا خلاص الضغط ارتفع عندي :

 

[Solay]

من جد شي غريب انك تلقى فيه ناس متخلفين لهالحد

هههههههههه ازين شي الناس المتخلفين اللي جمبه ويأيدونه

 

[general kane]

لما يقول "ما أبغى أطلع أختي من البيت وأفتح عيونها على أشياء.." من جد أتعجب. ياخي لو أختك متربية صح وفاهمة وعارفة الصح من الخطأ ما راح ينخاف عليها من مجرد أنها تطلع السوق وتشوف بنات لابسين عبايات غريبة!

أحلى شي لما واحد يتكلم عن أخته و "عاره" ويفتخر علناً أنه ما يثق في طريقة تفكيرها أو تصرفاتها.

اوافقك في هالكلام يا يوسف و اصلا شف شكله ما شاء الله على الحسنات الي كاسبها ما شاء الله .

 

[The Doctor]

يلعن أبو التخلف و الغباء
هالاشكال ذي يبغالها إعادة تدوير

يعني هذا الشاب الي في الفيديو يقول ما أنزل أختي السوق, طيب مين يشتري لها ملابسها و أغراضها ؟ تلبس على مزاجك ؟

يقول لك ما تطلع من البيت = ما تحتاج ملابس و أغراض :laugh::

 

[Zero_IYAD]

عذرا على التدخل ..

لكن أعتبر نفسي مسؤول و لازم أرد , عشت حياتي كلها بهالبلد , و يزعجني يلي يزعج اخواني هنا .

حلوة غيرتهم و خوفهم على محارمهم .
لكن للأسف النظرة جدا جدا محدودة .
مثل ما تفضلوا اخواني , عقل البنت مو مثل عقلنا .
و أيضا كما ذكرتوا , أنا عارف مين اختي و عارف تربيتها , ليش أخاف عليها ما دام أنا واثق من مستوى تربيتي و تربيتها ؟

ثم ان كثرة الكبت كبت كبت كبت , مثل ما هو نفسه قال !!
صرنا نشوف أشكال عجيبة غريبة من البنات و أشكال العبايات و أنواع اللباس .
و أنا أدرس بالأردن حاليا و أشوف الطالبات يلي عنا من الخليج , "مو الكل حتى ما أظلم أحد" , لكن جزء كبير منهم يبدأ ينفس عن هالكبت بأشكال و طرق عجيبة غريبة .

حلو اننا نحافظ على عاداتنا و تقاليدنا , حلو اننا نغار و نحترق و نخاف على محارمنا .
لكن حلو اننا نتفتح و نطور و نساير الواقع ضمن "الخطوط الحمراء" التي هي ديننا + تربيتنا + مخافة الله .

على فكرة , أعرف خليجيين كثر ..
لا تغيروا نظرتكم السابقة , أمثال هؤلاء الحمد لله قلة قليلة .
أعرف و الله أصدقاء خيرة الخيرة , متطور متحضر ملتزم متدين .

 

[عاشق 360]

صج تخلف ...

الله يعين اهلهم على تفكيرهم

 

[Aoks]

هذه عار ؟؟؟؟؟؟؟؟؟؟؟


اوه ماي جووود خييييييييييييييير ؟؟؟؟؟؟؟؟؟؟؟؟؟؟

يا شباب والله شي غريب ,, يتكلمون عن البنت ومو كأنها انسان فاهم واعي عاقل !!

يعني هي ما تعرف الصح من الغلط ؟؟ ولا بس انت يالفالح الي تعرف الصح من الغلط

والبنت مستحيل تعرف ؟؟

وين الثقه ؟؟

وما تطلع من البيت ؟ يا ساااااتر ,, من جد ارحم اخواتهم هذولي

وما يبيها تطلع السوق علشان ما تشوف البنات وش يلبسون يا سلام ,, يا حبيبي اذا ما شافتهم في السوق شافتهم في مكان ثاني

وممنوع عندها الانترنت بعد ....



معليش ,, بس مااقول إلا ... الله يخلف على ام جابتك


تعديل : أحلى شي يقول اكل المطاعم ما نعرفه ,, ووراهم ابل بيز xD​

 

[Monster]

لوووووووووووووووول .... اذا عندكم مقاطع زي كذا شباب حطوا اللنك خل نضحك شوي.

 

[Khalid-S]

ههههه. مسكين معذور. مو منه. من الاحافير الي لها قرون تنشر هذا الفكر.

 

[Majeed]

أححح ،، يوم قال "عاري" ما كملت ،، من صجه يفضح نفسه وتفكيره قدام الناس والعالم كذا ؟
والمشكلة انه يفتخر بهالكلام ،، الله المستعان ،،

 

[Double T]

بعض الشباب ( اقول البعض ) من الي تلقاه حريص على اهله " بزياااااااادة " مثل ابو الشباب الي في الفيديو .. يكونوا معرفتهم للبنات فقط من فئة البنات الخربانه للأسف (و الي هي قليلة جدا لكنهم في الواجهه عشان كذا باينين .. و الله يخلي اعلامنا كيف يخليهم اكثريه ) من تجربته ان كل بنت يشوفها في السوق معناته صايعة .. و ذا الكلام غلط

و البنت الي تقعد في البيت ما تشوف شي من الخراب او تعرف عنه ؟!؟ .. التلفزيون و الإنترنت مليانين خراب و ما احد يقدر يدري عنها .. خصوصا ان بعض الأهل يصفون بناتهم كالتالي " والله بناتي ما يطلعوا من البيت و يروحوا اسواق " .. و هم 24 ساعة على النت و الأهل ما يدروا هم قاعدين على شي طيب و الا بطال

الحمدلله تقريبا كل اسبوع اطلع انا و اختي في الويكند لمطعم .. و اذا بغت السوق طلعتها .. ليش لأ طالما انا عارف اختي و تربيتها و لبسها مستر .. الصحابيات كان يخرجوا من البيوت ولا منعوا من ذلك و كانوا اذا احتاجوا قضوا حوائجهم بانفسهم

الكبت على البنات ( و على المراهقين بشكل عام سواء بنات ام اولاد ) مثل الضعط على الSpring كل ما ضغط زيادة كل ما كانت ردة الفعل اذا فكيت كبيره

تعديل : بس عشان لا افهم غلط .. انا ما اقصد الفلته .. انا اقصد الإعتدال في مثل هذي الأمور .. لا يحبس اهله في البيت و كمان ما يفلتهم

 

[Mista Koo]

ما أبي أعمم.. لكن أعتقد كثير من اللي كذا تفكيرهم يكونون هم صيع ضيع ومنتهكين لأعراض بنات الناس فبالتالي خايفين على خواتهم من أمثالهم
اللي يقهر أكثر لما تشوف واحد ملتزم يمنع أهله إنهم يروحون لمحاضرات ولا دروس علمية -__- للأسف شايفها قدامي

ذكرني بواحد كان معانا في المدرسة .. يقولي أمس رحت طلعت جوال لأخوي اللي في سادس ابتدائي وإختي اللي في آخر المتوسط/الثنوي منقهرة.. قلت له ليش ما عندها جوال؟ قال لي: لا ما يصير، لازم لما تتخرج من الثنوي >.> يعني الأولاد عادي يصيعون بس البنات لا!

 

[The Doctor]

اللي يقهر أكثر لما تشوف واحد ملتزم يمنع أهله إنهم يروحون لمحاضرات ولا دروس علمية -__- للأسف شايفها قدامي

وت؟ ليش؟ .

 

[m7tram]

هذي اختي.. هذي عاري!

قهرني على هالكلمه والله .

 

[The Bloodstains]

العبودية ما زالت صديق للمرأة السعودية !!! ، بالله ويش الفرق بينها وبين العبيد !!!؟

 

[Lunar Poet]

"لو صار لا قدر الله شي ماحد بينفعني، وجهي في التراب" الظاهر فيه ناس ما يدرون إنّ البنات "بشر" .. البنت مب مشكلة تتعقّد بسبب هالكبت، تمرض، تموت، يصير فيها اللي يصير .. بس أهم شي إسم العايلة و صورتها في المجتمع ما تتأثر. للأسف هالفكرة منتشرة عن فئة كبيرة عندنا، جداً.
ما أعتقد إني بستغرب لو عادة وأد البنات رجعت في أي لحظة..

 

[Mista Koo]

وت؟ ليش؟ .

ايش يدريني؟! أتوقع نفس منطق هذا الشخص!

 

[Hardcore Gamer]

الله لا يبلانا ...

مشكلة هذا الشخص الكبيرة هي انه يبي يسوي شي نبيل ((المحافظه على الاخت)) لكن بتطبيق خاطئ ... للاسف كثير ناس يهدفون لشيء نبيل لكن بتنفيذ خاطئ ...

مثلا النصارى/اليهود/المسلمين كلهم في الاصل هدفهم عبادة رب العالمين ... لكن المبالغة والتنفيذ الخاطئ عند اليهود والنصارى وصلت الامور لاتجاهات لا تمت بصلة بالهدف الاساسي .. وصار الموضوع سلبي اكثر من ايجابي .. ((مافي اكبر من الكفر))

انا اشوف نفس الشي مسويه الاخ ...لكن بطريقه اخرى ... يعني بالغ لدرجة انها صارت مشكله كبيره ... مشكله اكبر من المحافظه على البنت وهذا الشي ممكن يسبب احتمالات سلبيه ممكن تسويها البنت ..لمن تنكبت

 

[Justice]

لوووول ماعليكم من هالرجال اول مرة يطلع قدام كاميرة بيسوي فيها شريف لووول

 

[Zero]

عقول مقفلة وتفكير مغبر ، أصلا خروج المرأة من البيت شرعا ما فيه شيء لو خرجت لغرض وفي كل الأحوال أنت بتكون طالع وياها ، فما أدري خروجك وياها من البيت يكفي لو لا ؟

لو يخاف تطلع لحالها ما قلنا شيء .. لكن يخاف حتى تطلع وياه ؟

 

[Magical Dreamer]

السلام عليكم ورحمة الله وبركاته ..

الكلام هذا مب بس بالسعودية لين الحين منتشر بالإمارات حتى بس على أخف ، لكن الشابين الموجودين بالفيديو هذول ضحايا كلمة "العادات" وهو ما اعتاد الناس القيام به ، شاف ابوه وجده وقبيلته تسوي هالشي فهو سوى هالشي بحكم انه الصح ..

هذا كله ناتج عن الضغط الاجتماعي ، حتى بالامارات فيه عوائل البنت ما تطلع على قولتهم إلا لبيت ريلها او لقبرها حتى حوش البيت ما تشوفه وزين زين لو خلوها تروح جامعة او تروح سكن طالبات ..

وعلى الأقل الشاب هذا لو كان صادق فهو يجيب لها اللي تبيه ، لكن فيه ناس أسوا منه لا يخلون البنت تطلع ولا حتى يشترون لها أي شي

للأسف هذا اللي يصير لما العادات تطغى على تعاليم الدين الإسلام الذي كرم المرأة وأعطاها حقوقها ونرى في هذا الزمن من يكبت هذه الحقوق تحت كلمة عادات وتقاليد .

احلى شي بالفيديو انه كل شوي طلع شي من جيبه وشيك (موبايل؟) الظاهر من كثر ما هو مهتم باهله

اللي يقهر أكثر لما تشوف واحد ملتزم يمنع أهله إنهم يروحون لمحاضرات ولا دروس علمية -__- للأسف شايفها قدامي

نفس الشيء لانه لو راحت ودرست راح يتفتح تفكيرها وتنفتح نظرتها للحياة فما راح يقدر يتحكم في اهله

 

[Mr.3B]

لول .. أخاف الي يشوف الفديو هذا يحسب ان كل أو أغلب الناس بالسعودية كذا

مشكلة والله .. الحقيقة ما قد صادفت واحد امامي بهذا الفكر أبد .. بس أحمد الله اني انولدت بأسرة واعية وفاهمة

موقفي من واحد زي الي بالفديو و قابلته .. بتناقش معه الحقيقة وبفتح عقله .. وهذا الي المفروض يصير .. التوعية هي السبيل الصحيح في مثل هذي الحاللات .. يمكن هو مو مجمع بالصورة كاملة ويبيله من يساعده على هذا

النساء أيام الرسول صلى الله عليه وسلم ومنهم الصحابيات كانوا يخرجوا من البيت .. ويروحون للسوق الخ .. بس بضوابط دينية تحفظ لهم حقهم وتسترهم