Lunar Poet
True Gamer
السلام عليكم.
بعد الإعلان عن Pokemon Heart Gold , Pokemon Soul Silver، كثيرين أبدوا انتقادهم لسلسلة بوكيمون الرئيسية، بحجّة إن السلسلة محتاجة تغيير. شخصيّاً أنا بعد أنتقد اللعبة و أشوف إنها جداً محتاجة لتغيير. من 1996 حتى الآن و اللعبة ما أظهرت أي تطوّر واضح في مستواها. للأسف كفان لبوكيمون فأنا مضطر لتقبّل اللعبة مثل ما هي، لنفس السبب اللي قاله *legend*:
شخصيّاً أشوف الجوانب المحتاجة للتغيير كثيرة، لكنها قابلة للتغيير!:
تقديم اللعبة - مثل ما تعوّدنا في كل جزء: أول ما نشغّل اللعبة، يظهر لنا إنترو بسيط (ما يشعل أي ذرة حماس لول)، بعد الإنترو نبدأ اللعبة. يجيك البروفيسور يعيد لك نفس الكلام: البوكيمون مخلوقات تعيش في هالعالم و احنا نعيش معاها في محبة و سلام و بلا بلا بلا بلا. شسمك؟ انت بتكون بطل، مع البوكيمون بتمشي في مشوارك بلا بلا بلا.
نمشي شوي و تبدأ أول معركة. الصفّة نفسها ما تغيرت: المدربين يطلعون، بعدين يختفون في جوانب الشاشة. الصفّة اللي تطلع ألحين نفسها ما تتغير:
تخلص المعركة و البوكيمونات ما أبدت أي نوع من التفاعل: جامدة في مكانها. (هالمشكلة تم حلها: بعد سنتين من كل جزء ينزل اصدار جديد البوكيمون يتحرك فيه في بداية المعركة! سبرايت كامل يظهر حركة البوكيمون! لول)
قوائم اللعبة كلها نفسها. ما فيه أي فرق فيها.
متى يتبدّل الإنترو و مقطع البروفيسور في البداية بعروض فيديو تعرض عالم البوكيمون أو لمحة عن القصّة؟ جميع الأجهزة المتوفرة حاليّاً قابلة لعرض مقاطع فيديو بجودة عالية! (ما يحتاج يصممون مقطع أصلاً، عندهم الأنمي فيه أكثر من 1000 حلقة لول.)
القتال، بوكيمون ممكن تظهر بمظهر جذّاب جداً لو تم تعديل هالنقطة: تخيّل تحوّل الجرافيكس في القتال إلى الـ3D (بتكلم عن الجرافيكس) و ظهور كل مدرّب خلف بوكيمونه، مع تحرّك المدربين و البوكيمونات بشكل يظهر التفاعل مع المعركة. لو ظهرت بوكيمون أثناء القتال بمظهر مثل مظهر Dragon Quest Monsters: Joker بيكون مظهرها جداً جذّاب! متى نشوف هالشي؟
بوكيمون صار أحد أقوى الأسماء الترفيهية في العالم. لازم نشوف شي يليق بحجم إسم اللعبة.
القصّة - ما يحتاج أتكلم عن وضعها الحالي اللي معظمنا -إذا ما كنّا كلّنا حفظناه! بكتفي بإقتباس من الأخ Ze Truth:
الآن:
للأسف ما أتوقّع هالروتين بيتغيّر في ألعاب بوكيمون الرئيسيّة، و لو أنّه قابل جداً للتغيير بدون ما تفقد اللعبة خطها الأساسي! (جمع أشياء معينة للوصول إلى مكان معيّن.) بعطيكم مثال من لعبة بوكيمون غير أساسية و اللي هي Pokemon Mystery Dungeon: Explorers: (ما أتوقع فيه أحد مهتم إنه يلعبها فما بحطها في سبويلر تاج. لو كنت مهتم باللعبة و ما تبي تخرب على روحك القصة فلا تقرا الجزء القادم. تقدر تكمّل القراءة بعد النّجمة (*) )
القصة -و اللي جميع شخصيّاتها بوكيمونات- تتكلم عن حصول أحداث غريبة في العالم، منها توقّف الزّمن في بعض المناطق لأسباب مجهولة في البداية، لكن لاحقاً يتكتشفون الشخصيات إن السبب هو الـTime Gears و اللي هي أدوات تتحكّم بالزمن. الشخصيات تغامر -في دنجنز غالباً- عشان تجمع التايم جيرز و توقّف الضرر الناتج عنها. طبعاً و أحداث كثيرة تصير منها إن الشخصيات تنتقل في الزّمن إلى المستقبل، شخصيات كثيرة تطلع، تصير تويستات، شخصيّات تموت (لول). في نهاية اللعبة الشخصيات تروح للـSky Temple (أظن هذا اسمه؟) عشان تقاتل مصدر التايم جيرز و الدّمار في العالم: Dialga، البوكيمون المتحكّم في الوقت.
ألحين خلّونا نركّب هالقصة على لعبة بوكيمون رئيسية: نبدّل الأندية بالدنجنز، الأوسمة بالـTime Gears، الدوري بالـSky Temple. النتيجة؟ حصّلنا قصة لا بأس بها قابلة جداً إنها تكون لجزء رئيسي من السلسلة!
*
الجرافيكس - شخصيّاً، سلسلة بوكيمون هي أحد أقل سلاسل الألعاب تطوّراً في الجرافيكس اللي شفتها في حياتي. من أيام بوكيمون جرين و حتى هذي اللحظة -أو حتى المستقبل: بوكيمون هارت جولد و سول سيلفر!-، التغيرات اللي صارت في الجرافيكس تنعد على الأصابع!
الأساسيات هذي هي نفسها إلى هذي اللحظة. خلونا ناخذ الشخصية اللي نلعب فيها مثلاً: 12 سبرايت للبطل أثناء التجوّل (براس عملاق و جسم مفعوص)، سبرايت للشخصية من الأمام و واحد من الخلف (أثناء ثورة الإنتقال من الجيم بوي كولور إلى الجيم بوي أدفانس جيم فريك إتخذوا قرار خطير جداً ممكن يأثر على السلسلة بالكامل! قرروا يزيدون سبرايتين مادري ثلاثة للبطل من ورا و هو يرمي كرة البوكيمون عشان يواكبون التّطور التكنولوجي الحتمي!)
يمكن هالنقطة ما يكون لها دخل بالموضوع، لكن أبي أقولها لول: أحد الأخطاء اللي ارتكبوها أعضاء جيم فريك هو أنهم صمموا السبرايتس للشخصيات و البوكيمونات لأجزاء الجيل الأول من بوكيمون بمقاس أصغر من اللازم. الفريق ما قصّر و تعّب عمره عشان يصلّح هالغلطة!: "مغّطوا" السبرايتس بشكل يسوي لها pixelization يظهرها بشكل جميل جداً! لول.
شنو أفضل شكل ممكن نشوف فيه جرافيكس السلسلة؟ بالنسبة لي شفت الجرافيكس في ألعاب بوكيمون الـ3D و ما عجبني أبداً. شخصيّاً أشوف أفضل مسار ممكن تاخذه السلسلة هو السيل-شيدنج. حتى على الـDS، السلسلة ممكن تظهر بشكل جميل جداً بهالتقنية. أنسب شكل أشوف ان السلسلة تطلع فيه على الـDS هو بمظهر مقارب لألعاب دراغون كويست الـ3D على الجهاز (Dragon Quest IX و Dragon Quest Monsters: Joker) دراغون كويست مونسترز لها نظام يشبه نظام ألعاب بوكيمون، و تحتوي على عدد لا بأس به من الوحوش، فما أتوقّع إن ظهور بوكيمون بهالشكل شي مستحيل تقنيّاً! لكن هل بنشوفه؟ الله أعلم!
الجيم بلاي - القتال في ألعاب بوكيمون الرئيسية بسيط جداً و محدود و بطيء بشكل زايد عن اللزوم. صحيح إن مؤخّراً صار يحتوي على عناصر خلّته إحترافي أكثر مثل الـEV و الـIV و طبيعة البوكيمون .. الخ، لكن هالإحترافية ما يقدر يوصل لها أي أحد! أراهن إن معظم الأعضاء اللي هنا ما يعرفون معاني هالحروف؛ مب كل الناس تعرف سيريبي أو المواقع المشابهة له، فالإحتراف صعب جداً جداً جداً جداً للي ما يقدر يوصل لمعلومات عن الأسلوب الإحترافي لتدريب البوكيمونات من المواقع اللي حللت ميكانيكيّات اللعبة، إذاً فالإحترافية هنا غير عمليّة أبداً.
ليش ما يحتوي القتال على عناصر ثانية تخليه أكثر منطقيّة؟ استبدال الأدوار المتتابعة بنظام الـATB الموجود في معظم ألعاب الـRPG مثلاً، أو إمكانية إطلاق أكثر من بوكيمون في نفس الوقت! (هالشي صار في آخر جيلين، لكنه مب إختياري، و نادر نوعاً ما مقارنة بالقتال الفردي) أيضاً إمكانية إستخدام أكثر من أداة على البوكيمون الواحد.
صحيح إن القتال صار يركّز على اللعب الجماعي، لكن أعتقد إن من حق الكل إنه يستمتع باللعب الفردي في السلسلة.
أنا كفان لبوكيمون غير راضي عن مستوى السلسلة أبداً. أسلوب السلسلة قبل 13 سنة كان مناسب جداً و ممتع، لكنه فقد جودته مع الزمن. برايكم، شأفضل الحلول اللي تشوفونها لـ"إنقاذ" السلسلة؟
ملاحظة: واضح إني أتكمل عن السلسلة الرئيسية.
بعد الإعلان عن Pokemon Heart Gold , Pokemon Soul Silver، كثيرين أبدوا انتقادهم لسلسلة بوكيمون الرئيسية، بحجّة إن السلسلة محتاجة تغيير. شخصيّاً أنا بعد أنتقد اللعبة و أشوف إنها جداً محتاجة لتغيير. من 1996 حتى الآن و اللعبة ما أظهرت أي تطوّر واضح في مستواها. للأسف كفان لبوكيمون فأنا مضطر لتقبّل اللعبة مثل ما هي، لنفس السبب اللي قاله *legend*:
*legend* قال:هل الفانز راضيين عن مستوى اللعبة ؟؟
حقيقة ما أعتقد انه شراءهم للعبة انهم راضيين كلياً , بل لأنه ما عندهم خيار أفضل من الموجود
شخصيّاً أشوف الجوانب المحتاجة للتغيير كثيرة، لكنها قابلة للتغيير!:
تقديم اللعبة - مثل ما تعوّدنا في كل جزء: أول ما نشغّل اللعبة، يظهر لنا إنترو بسيط (ما يشعل أي ذرة حماس لول)، بعد الإنترو نبدأ اللعبة. يجيك البروفيسور يعيد لك نفس الكلام: البوكيمون مخلوقات تعيش في هالعالم و احنا نعيش معاها في محبة و سلام و بلا بلا بلا بلا. شسمك؟ انت بتكون بطل، مع البوكيمون بتمشي في مشوارك بلا بلا بلا.
نمشي شوي و تبدأ أول معركة. الصفّة نفسها ما تغيرت: المدربين يطلعون، بعدين يختفون في جوانب الشاشة. الصفّة اللي تطلع ألحين نفسها ما تتغير:
تخلص المعركة و البوكيمونات ما أبدت أي نوع من التفاعل: جامدة في مكانها. (هالمشكلة تم حلها: بعد سنتين من كل جزء ينزل اصدار جديد البوكيمون يتحرك فيه في بداية المعركة! سبرايت كامل يظهر حركة البوكيمون! لول)
قوائم اللعبة كلها نفسها. ما فيه أي فرق فيها.
متى يتبدّل الإنترو و مقطع البروفيسور في البداية بعروض فيديو تعرض عالم البوكيمون أو لمحة عن القصّة؟ جميع الأجهزة المتوفرة حاليّاً قابلة لعرض مقاطع فيديو بجودة عالية! (ما يحتاج يصممون مقطع أصلاً، عندهم الأنمي فيه أكثر من 1000 حلقة لول.)
القتال، بوكيمون ممكن تظهر بمظهر جذّاب جداً لو تم تعديل هالنقطة: تخيّل تحوّل الجرافيكس في القتال إلى الـ3D (بتكلم عن الجرافيكس) و ظهور كل مدرّب خلف بوكيمونه، مع تحرّك المدربين و البوكيمونات بشكل يظهر التفاعل مع المعركة. لو ظهرت بوكيمون أثناء القتال بمظهر مثل مظهر Dragon Quest Monsters: Joker بيكون مظهرها جداً جذّاب! متى نشوف هالشي؟
بوكيمون صار أحد أقوى الأسماء الترفيهية في العالم. لازم نشوف شي يليق بحجم إسم اللعبة.
القصّة - ما يحتاج أتكلم عن وضعها الحالي اللي معظمنا -إذا ما كنّا كلّنا حفظناه! بكتفي بإقتباس من الأخ Ze Truth:
قبل 13 سنة:Ze Truth قال:لنا اكثر من عشر سنين وانا نلعب في نفس القصة.
في البداية تختار ولد ولا بنت (ما عدا في الجزاء القديمة) ترو ح تكلم الماما, تعدل الساعة, تطلع بره البيت لقى الدكتور اكاسا يلا حقة بوكيمون راح يمر عليك مليون مره في اللعبة (ما عدا في الاجزاء القديمة) ولا زم تنقذ الموقف تختار بوكيمون واحد من ثلاثة ( اذا بغيت الاثنين الباقين لازم يكون عندك جيم بوي ثاني ولعبة بوكيمون ثانية). وحزر فزر, ندك راح يختار نقطة ضعف بوكيمونك, تهزمه, تروح لاول جيم, تهزم الليدر, تاخذ قدرة القطع, تاخذ وسام ثانية, تاخذ قدرة الفلاي, تاخذ وسام ثاني, تاخذ قدرة السباحة...ياتا ياتا ياتا, تورح البطولة اول واحد بوكيموناته تصير في حدود لفل 40 والثاني 50 والثالث 60 والرابع (ندك) بوكيمونه الرئيسي يكون في 70 ومبروك انهيت اللعبة. هذي 60 ساعة من حياتك راحت واستعد ل60 ساعة ثانية...وثالثة...ورابعة...وخامسة.
الآن:
للأسف ما أتوقّع هالروتين بيتغيّر في ألعاب بوكيمون الرئيسيّة، و لو أنّه قابل جداً للتغيير بدون ما تفقد اللعبة خطها الأساسي! (جمع أشياء معينة للوصول إلى مكان معيّن.) بعطيكم مثال من لعبة بوكيمون غير أساسية و اللي هي Pokemon Mystery Dungeon: Explorers: (ما أتوقع فيه أحد مهتم إنه يلعبها فما بحطها في سبويلر تاج. لو كنت مهتم باللعبة و ما تبي تخرب على روحك القصة فلا تقرا الجزء القادم. تقدر تكمّل القراءة بعد النّجمة (*) )
القصة -و اللي جميع شخصيّاتها بوكيمونات- تتكلم عن حصول أحداث غريبة في العالم، منها توقّف الزّمن في بعض المناطق لأسباب مجهولة في البداية، لكن لاحقاً يتكتشفون الشخصيات إن السبب هو الـTime Gears و اللي هي أدوات تتحكّم بالزمن. الشخصيات تغامر -في دنجنز غالباً- عشان تجمع التايم جيرز و توقّف الضرر الناتج عنها. طبعاً و أحداث كثيرة تصير منها إن الشخصيات تنتقل في الزّمن إلى المستقبل، شخصيات كثيرة تطلع، تصير تويستات، شخصيّات تموت (لول). في نهاية اللعبة الشخصيات تروح للـSky Temple (أظن هذا اسمه؟) عشان تقاتل مصدر التايم جيرز و الدّمار في العالم: Dialga، البوكيمون المتحكّم في الوقت.
ألحين خلّونا نركّب هالقصة على لعبة بوكيمون رئيسية: نبدّل الأندية بالدنجنز، الأوسمة بالـTime Gears، الدوري بالـSky Temple. النتيجة؟ حصّلنا قصة لا بأس بها قابلة جداً إنها تكون لجزء رئيسي من السلسلة!
*
الجرافيكس - شخصيّاً، سلسلة بوكيمون هي أحد أقل سلاسل الألعاب تطوّراً في الجرافيكس اللي شفتها في حياتي. من أيام بوكيمون جرين و حتى هذي اللحظة -أو حتى المستقبل: بوكيمون هارت جولد و سول سيلفر!-، التغيرات اللي صارت في الجرافيكس تنعد على الأصابع!
الأساسيات هذي هي نفسها إلى هذي اللحظة. خلونا ناخذ الشخصية اللي نلعب فيها مثلاً: 12 سبرايت للبطل أثناء التجوّل (براس عملاق و جسم مفعوص)، سبرايت للشخصية من الأمام و واحد من الخلف (أثناء ثورة الإنتقال من الجيم بوي كولور إلى الجيم بوي أدفانس جيم فريك إتخذوا قرار خطير جداً ممكن يأثر على السلسلة بالكامل! قرروا يزيدون سبرايتين مادري ثلاثة للبطل من ورا و هو يرمي كرة البوكيمون عشان يواكبون التّطور التكنولوجي الحتمي!)
يمكن هالنقطة ما يكون لها دخل بالموضوع، لكن أبي أقولها لول: أحد الأخطاء اللي ارتكبوها أعضاء جيم فريك هو أنهم صمموا السبرايتس للشخصيات و البوكيمونات لأجزاء الجيل الأول من بوكيمون بمقاس أصغر من اللازم. الفريق ما قصّر و تعّب عمره عشان يصلّح هالغلطة!: "مغّطوا" السبرايتس بشكل يسوي لها pixelization يظهرها بشكل جميل جداً! لول.
شنو أفضل شكل ممكن نشوف فيه جرافيكس السلسلة؟ بالنسبة لي شفت الجرافيكس في ألعاب بوكيمون الـ3D و ما عجبني أبداً. شخصيّاً أشوف أفضل مسار ممكن تاخذه السلسلة هو السيل-شيدنج. حتى على الـDS، السلسلة ممكن تظهر بشكل جميل جداً بهالتقنية. أنسب شكل أشوف ان السلسلة تطلع فيه على الـDS هو بمظهر مقارب لألعاب دراغون كويست الـ3D على الجهاز (Dragon Quest IX و Dragon Quest Monsters: Joker) دراغون كويست مونسترز لها نظام يشبه نظام ألعاب بوكيمون، و تحتوي على عدد لا بأس به من الوحوش، فما أتوقّع إن ظهور بوكيمون بهالشكل شي مستحيل تقنيّاً! لكن هل بنشوفه؟ الله أعلم!
الجيم بلاي - القتال في ألعاب بوكيمون الرئيسية بسيط جداً و محدود و بطيء بشكل زايد عن اللزوم. صحيح إن مؤخّراً صار يحتوي على عناصر خلّته إحترافي أكثر مثل الـEV و الـIV و طبيعة البوكيمون .. الخ، لكن هالإحترافية ما يقدر يوصل لها أي أحد! أراهن إن معظم الأعضاء اللي هنا ما يعرفون معاني هالحروف؛ مب كل الناس تعرف سيريبي أو المواقع المشابهة له، فالإحتراف صعب جداً جداً جداً جداً للي ما يقدر يوصل لمعلومات عن الأسلوب الإحترافي لتدريب البوكيمونات من المواقع اللي حللت ميكانيكيّات اللعبة، إذاً فالإحترافية هنا غير عمليّة أبداً.
ليش ما يحتوي القتال على عناصر ثانية تخليه أكثر منطقيّة؟ استبدال الأدوار المتتابعة بنظام الـATB الموجود في معظم ألعاب الـRPG مثلاً، أو إمكانية إطلاق أكثر من بوكيمون في نفس الوقت! (هالشي صار في آخر جيلين، لكنه مب إختياري، و نادر نوعاً ما مقارنة بالقتال الفردي) أيضاً إمكانية إستخدام أكثر من أداة على البوكيمون الواحد.
صحيح إن القتال صار يركّز على اللعب الجماعي، لكن أعتقد إن من حق الكل إنه يستمتع باللعب الفردي في السلسلة.
أنا كفان لبوكيمون غير راضي عن مستوى السلسلة أبداً. أسلوب السلسلة قبل 13 سنة كان مناسب جداً و ممتع، لكنه فقد جودته مع الزمن. برايكم، شأفضل الحلول اللي تشوفونها لـ"إنقاذ" السلسلة؟
ملاحظة: واضح إني أتكمل عن السلسلة الرئيسية.