نقاش : ال MMORPG هل للمتعة ام تجارة ؟؟

[wright]

السلام عليكم

كيف حالكم يا جميزيه ^_^

المهم

لي سنتين وانا في عالم ال MMORPG , تعرفت على ناس ...وافتقدت ناس ...واستمتعت ..
لكن ما كرهني الا شي واحد ...
وهو ان اغلبا الالعاب تهتم من الناحية التجارية اكثر من ان اللاعبين يستمتعون :

طبعا تنقسم مشاكلهم لعدة اقسام :
- متجر الادوات :
او ما يعرف بال item shop ...طبعا شي اكيد اذا كانت توجد العاب فري لازم يبون شي يدعمهم ماديا..
لكن اغلب الشركات تقوم ببيع اشياء تدعم الشخصية وتقويها بشكل كبير ...بالعربي (شخصيتك قوتها على قدر ما تدفع)..والبعض يضع ادوات بسعر خيالي ...فقط لانها ترفع نسبة نجاح صنع سلاح او تحمي السلاح من الانكسار ....ولو ترى نسب النجاح تراها محبطة لاقل درجة ...

-الاتجار بالشخصيات والحسابات:
هذي العملية يقوم بها اغلب اللاعبين او اناس متخصصة لعمل برامج او ما يسمى بوت ..
الشخصية يرفعها للفل عالي ويعرضها للبيع ...
اغلب من يقوم بهذا هم الهكرز او المحتالين السارقين للحسابات ....


الاسئلة هي :

هل حقيقة انك تستمتع باللعبة ؟

لو كنت بلعبة فيها ايتم شوب مثل اللي قلناه ....وجا واحد اخذ كل الادوات المقوية ...وهزمك بضربة او ضربتين ....ايش راح يكون شعورك ؟؟؟؟؟

هل تستمع حقا اذا اشتريت شخصية لفل 70 مثلا ...وانت ما لعبت في بدايات اللعبة ؟
​

انا ما اقصد شركة او لعبة معينة ...لان الكلام هذا ينطبق على الاغلبية:confident:​

 

[AS-HI]

هل حقيقة انك تستمتع باللعبة ؟

ما استمتع بشيء يسمى قتل اللعبة للاسف هالالعاب اغلبها ترمز ل ادفع اكثر تصير عضلاتك اكبر فقط

 

[MrBambinoDent]

ما استمتع بشيء يسمى قتل اللعبة للاسف هالالعاب اغلبها ترمز ل ادفع اكثر تصير عضلاتك اكبر فقط

أتفق معك تمام أخي العزيز
طبعا لا نستطيع انكار حق الشركات في المكسب لكن أحس بعض شركات ال MMORPG تستغل شعبية اللعبة أبشع استغلال
لأن ما المتعة في ان من يدفع أكتر يمتلك أقوي الأسلحة ؟؟؟​

 

[wright]

^^
صحيح ...
خصوصا ان البعض ...تكون لعبتهم ناجحة وعليها اقبال ...لكن يخربونها بالاشياء هذي :sadwalk:

ملاحظة :فيه العاب جميلة تكون مجانية وفيها نظام التبرع ^_^...مو ايتم شوب

 

[The Shadow]

ماجربت لعبة mmo مسبقا ، و كتبت تدوينة مرة في منتدى المنتدى و مدونتي عن رغبتي بتجربة هذا النوع من الالعاب لكن ما حصل لي الشرف مع هذا الجينرا الاينفموس ، تصدقون اشتريت وورهامر اونلاين من قرابة السنة لكن ماعمري لعبتها لعدم توفر جهاز مناسب لتشغيلها . و عند اقترابي من تجربة ff13 لصدورها على جهازي المفضل البلايستيشن 3 .... تجيك اللعبة و تصير اكبر فلوبات هذا الجيل !
عموما ما اقدر اقول الكثير عنه ، يبدو اني ساجرب هذا النوع اما مع وورهامر كونهم فتحوا جزئية من اللعبة و جعلوها مجانية لوقت غير محدود أو مع Guild Wars 2 اللي يبدو انها ستكون لعبة ممتازة و بدون اشتراك شهري !

 

[F ZERO]

wright اسملحي بس موضوعك مو واضح هل تقصد ان ألعاب الmmo سيئة لانها تجارية او بسبب الهاكرز؟

بالنسبة للي ابرز عيوب العاب الmmo هي ان عمر اللعبة طويل لحد غير معقول والشي ان زاد عن حده انقلب ضده

 

[MrBambinoDent]

wright اسملحي بس موضوعك مو واضح هل تقصد ان ألعاب الmmo سيئة لانها تجارية او بسبب الهاكرز؟

بالنسبة للي ابرز عيوب العاب الmmo هي ان عمر اللعبة طويل لحد غير معقول والشي ان زاد عن حده انقلب ضده

هو بيتكلم عن نقطة أنك تحتاج أن تشتري items كتيير جوة اللعبة عشان تقدر تنافس و لو ما دفعتش الفلوس هتكون أضعف من باقي اللاعبين
و بالتالي يتحول الأمر أن دفع الأموال جزء من اللعبة
أما موضوع طول اللعبة فدة جزء من ثقافة ال MMORPG ان من يدخلها عادة يخسر حياته لشهور و سنين ههههههه

 

[Ray]

MMORPG = ألعب إذا نته ملان و ما عندك شغلانه , أما إذا انته شخص مشغول و ما عندك وقت فأحسن لك تبعد عن هذي النوعيه من الالعاب
بالنسبه لي ألعبها من فتره وادمن عليها شهور و اتركها و استريح شهور أخرى ..
وأكيد ألعاب الـMMORPG تجاره هم في النهايه غايتهم الربح و تضييع الوقت
ولكن ما أقدر أغض النظر عن الجانب الممتع في مثل هذي الالعاب و الجو الي يحيط بها
فبصراحه أقولكم لا تكثرون منها و لكن ما يخالف و ما يمنع إنكم ما تلعبوا
بس اهم شي الكنترول و ضبط النفس

 

[إحساس]

صراحه مالي في هالنوع من الالعاب .. لكني جربتها لـ فتره بسيطه .. طبعا بالنسبه لي هالنوع كان فيه سلبيات وبرضو كان فيه ايجابيات قليل نشوفها في عالم الالعاب ..

يمكن من الايجابيات اللي اعجبتني في هالنوع هو المجتمع الحقيقي الحاصل في اللعبه .. حبيت كثير الاجواء الاجتماعيه الحاصله في اللعبه من مساعده من اشخاص ومن تعرف على اصدقاء جدد ومن شراء لـ ادوات جديده ومن مهرجانات ومسابقات .. كل هذي تحسسك انك داخل مجتمع حقيقي لكن على شبكة الانترنت .. وبـ اسلوب لعبه ممتعه ..

قليل نشوف في عالم الالعاب انك لما تدخل اللعبه عن طريق الشبكه تحس انك داخل [ مجتمع حقيقي ] قدامك .. بمعنى آخر انت متصل بالناس كلهم مثل الحقيقه .. يمكن بعض الخدمات تقدم هالشي .. لكن مثل هالخدمه تقدم في لعبه .. على حد علمي مافيه اي جينرا آخر يقدم هالشي الا الـ MMO RPG ..

لكن مع ذلك فيه سلبيات كثيره بهالنوع .. وزي ماتفضلت انت ان غالبية الالعاب تصمم لـ اجل الربح فقط .. وان مافيه عدل من هالناحيه خصوصا لما يكون فيه شخص يشتري بشكل دائم وشخص مايشتري او يشتري بشكل قليل .. فـ يكون فيه فارق كبير جدا بين هالشخصين من ناحية القوه ..

 

[Dark Man]

هل حقيقة انك تستمتع باللعبة ؟

إن إستمتاعك بألعاب الـMMO يعتمد عليك أولاً و بعدها يأتي دور المطور

فعلى سبيل المثال ملكة الـMMORPG (وولد اوف واركرافت) كما أسميها, أستمتعت جداً من خلال أكثر من سنتين على إدمانها و صعنت معها ذكريات لاتنسى
حيث أعجبت بتلك الأجواء الساحرة و العالم الواسع الكبير الذي يحمل الكم الهائل من القصص و الحكايات في كل جزء منة.

و نعم كنت راضياً على الملبغ الذي ادفعة مقابل سعر اللعبة و الأشتراك فيها شهرياً, فهي كانت تغنيني عن اي العاب أخرى,
حالياً انا تركت اللعبة و الحمدالله و ذلك لأستحواذها على حياتي تدريجياً, و أيضاً بسبب الـpvp الذي دمر حياتي معها.

تجربتي الأخرى كانت مع لعبة Maple Story لعبتها قبل واو,
هنا كانت مشكلتي مع المطور, اللعبة يوماً ما كانت جميلة و لا أستطيع وصف تلك الذكريات الرائعة معها
بإختصار شديد مع الوقت اللعبة أصبحت تعريف التجارة في الـMMO لتجبرك على أن تلعب بشخصيتك من خلال محفظتك او بطاقة الإئتمان.

على العموم التجارة موجودة في اي لعبة MMO تقريباً (او جميعهاً ان لم أكن غلطان), إن لم تكن تجارة رسمية من المطور فستكون تجارة غير رسمية من قبل اللاعبين.

 

[persona]

ماعمري لعبت لعبه فيها ايتم شوب لانه بيكون الاستغلال بذاته وماتكون اللعبه متوازنه ، اما اذا كنت تتكلم عن الاشتراكات الشهرية فانا مستعد ادفع مبلغ رمزي كل شهر مقابل سيرفر يكون مضبوط ومحتوى اللعبه يكون ممتاز والسوق يكون متوازن ومو مضروب من الصينيين ، ترى المبالغ اللي ندفعها بكل شهر تروح حق الصيانة 60% ا ..فشي طبيعي بأستمتع باللعبة
بخصوص بيع الشخصيات ، فهذي على البائع والمشتري ، البائع يبي فايده والمشتري يبي الوقت لكن الاهم انه هالاشياء غلط تصير ..ابسطها لو انباق الاكاونت وطلبت الشركة منك اثباتات تخصك هني تتوهق..

 

[ASDF]

الصراحة بالنسبة لي اغلب العاب RPG اوصل اللفل بين 30 و 60 واتركها بس لغرض المتعة لا غير واللعب مع اخوياي
بس سمعت ناس يلعبوها عشان التجارة ) صراحة قمة الفضاوة -_- :tongue:

بس السؤال هنا هل تفضل انك تلعب لعبة على طريقة pay to play يعني ادفع عشان تلعب أو على طريقة free to play اللعب مجاني ؟؟؟

 

[Sora Diersly]

الصراحة بالنسبة لي اغلب العاب RPG اوصل اللفل بين 30 و 60 واتركها بس لغرض المتعة لا غير واللعب مع اخوياي
بس سمعت ناس يلعبوها عشان التجارة ) صراحة قمة الفضاوة -_- :tongue:

بس السؤال هنا هل تفضل انك تلعب لعبة على طريقة pay to play يعني ادفع عشان تلعب أو على طريقة free to play اللعب مجاني ؟؟؟

مافيه شي اسمه فري تو بلي. مقصدي ان حتى لو صارت هالشغلة موجودة لازم تستفيد الشركة بطريقة مُعيّنة (حتى العاب الفيسبوك) والطريقة اللي يستفيدون منها هي انهم مايحاسبونك على التسجيل ووجودك في السيرفر, لكن يخلون الاغراض اللي تقويك (زي ماذكر في اول الموضوع) تكون اغلى, وبعدين تنقهر ليش الشخص الفلاني عنده اللبس العلاني وانت لا اثناء لعبك وتجولك في اللعبة! وتروح وتشتريه بقروش.
وبعدين يخلونك تستانس وتلفل وتتعرف على بشر في البداية لين مايصير لك hooking up وبعدين السيرفرات تبدأ تمتلي (بما انك يصير دخولك اكثر, راح تعترض اوقات يكون السيرفر مزحوم) ولما يكون مزحوم بما ان اللعبة مجانية, يصير لاق اليم.. اللاق يكرشك من السيرفر لأن الأولوية للي عندهم premium account وانت ماعندك غير التراب! لذا تروح تاخذ لك اكاونت بريميوم شهري (يقوّيك ومنها يخلي لك الأولولية في القعده) ويضطر السيرفر يكرش الناس المجانيين اللي كانوا مثل حالتك. عاد هي تعتمد على الصبر.. فيه ناس يدخلون في اوقات محد يدخل كثير في السيرفر اللي هو فيه وبالتالي يحصّل المُتعة "المجانية" وفيه الناس اللي ماتصبر (مثلي) اروح اشتري بريميوم ويلعبون علي, قالوا ايش قالو "free to play"

انا اتكلم بشكل خاص عن لعبة Silkroad. من امتع ألعاب الـ MMO اللي مرت علي. اللحين حاقد عليها لأن في واحد حقير (كان من الناس اللي اثق فيهم) سرق شخصيتي لفل 109 .. طبعا انا اتكلم عن لعبة تحتاج فيها لـ bot ولعب يومي لمدة سنة علشان توصل للفل 80 -_-" هذا غير الـ bots اللي في اللعبة صاروا حرفيا في كل 5 خطوات في خرائط اللعبة كلها >.>"

 

[ddoo101]

اكثر الالعاب MMORPG فيها تجاره بس اكثر شي يشترون بالمال الحقيقي و يبيعون بالمال اللعبي (الي في اللعبه)

هذي الحقيقه يعني يمديك تجمع فلوس لعبيه و تشتري اشياء بفلوس صدقيه