W.W.W
True Gamer
اللعبه هذه اشتهرت في دول الخليج بشكل مرعب , في كل دوانيه او مطعم او اي مكان تشوف مجموعة شباب يلعبونها
اللعبه الاصليه اسمها مونوبولي ديل من اصل غربيه وتم اقتباسها في الخليج على عدت اسماء , كلهم نفس القوانين , اللهم الترجمه تختلف على حسب ثقافة كل دوله , لكن انا الحين في موضوعنا بتكلم عن سعودي ديل فقط
طبعا ما كتبت الموضوع الا وانا أمر بحالت ادمان على هذه اللعبه هاليومين , ليست مجرد لعبه ورق @@
فيها خدع ومكر وحيل , وجيمع انواع الانتقام والغدر , حرفيا قمه في الوناسه والضحك xD
فكرة اللعبه بكل بساطه , يوجد عندك اراضي بعدت ألوان , الصنف الاخر الفلوس توضع في البنك بجانب الاراضي , الصنف الثالث الأوامر
اول ما تبدأ اللعب , على كل لاعب يسحب 5 اوراق , وعندما يتم دور احد اللاعبين لازم يسحب ورقتين وبعدها يلعب 3 مرات اكثر شي او كيفه لو ما يبي يلعب , لكن بشرط لازم تكون عدد الاوراق في يدك لا تزيد عن 7 اوراق , اذا زادت يتم حرق الورقه الثامنه بشكل عشوائي واذا كان في زيده ايضا التاسعه
مثلا حان دوري , اسحب ورقتين , اذا كان عندي فلوس انزلها في الارض على انها بنكي "فايدتها اشتري منها او تساعدني على اني احمي اراضي" بعدها اذا كان عندي اراضي انزلها او اوامر الي تكون مكتوبه على الورقه والى اخره
هذه صوره توضيحيه لكيفية اللعبه , البنك الي على اليسار "تنزل فيه فلوسك" , الاراضي الي تشوفهم في المقدمه
الورق الي تشوفه في وسط اللاعبين هذه تنزل فيها الاوامر وتأمر فيها على حسب المكتوب في الورقه
لو تلاحطون الورق الي في يد اللاعب , مكتوب خذ لك غفوه يعني تختار لاعب يتخطه دوره , جمبه المشمش , فايدتها ترفض اي امر , يعني على سبيل المثال احد عطاك غفوه تقدر ترد عليه بالمشمش وهكذا
فكرة الفوز انك لازم تسوي 3 مجموعات اراضي , لو كان عدد اللاعبين 3 واقل يكون الفوز ب5 مجموعات , لو كان اللاعبين 4 واكثر يكون الفوز ب3 مجموعات
ايش المقصود بهذه المجموعات ؟ كما يتضح لك في الصوره
هذه الحين مجموعه , كل ورقه تعتبر ارض , بعض الاوراق تطلب منك 3 اراضي على شان تكون مجموعه , بعضها ارضين فقط وبعضها 4
, لو تلاحضون ان مكتوب في ورقة البرتقاليه فوق 3 سطور , هذا يعني ان هذه الارض على شان تكونها مجموعه لازم تركبها 3 اراضي فوق بعض وهكذا
لو تعمل 3 مجموعات نفس الي في الصوره الي فوق انت كذا فزت
هذه فيديو تعليم سريع لنسخة مونوبولي ديل "جوله كامله من اللعب"
باقي تفاصيل التعليمات زوروا موقع الرسمي للعبه
http://saudideal.blogspot.com/p/blog-page.html
انا ما شرحة كل شي , اللعبه معقده وفيها تفاصيل كثيره , انا عطيتكم الزبده والباقي عليكم
مهتم اعرف هل هاللعبه اكتسحت تي جي ولا بس انا الوحيد الي ألعبها ؟