Crazy Diamond
Hardcore Gamer
سبلاتون كلعبة اونلاين ماكانت جذابة لي ولا حتى طور القصة (اللي بصراحة التوقعات عنه كانت منخفضة كون اللعبة بالاساس مركزه على الاونلاين) بس ستايل اللعبة وفكرتها خلتني ابغى اجرب طور القصة حتى لو كان مستواه ضعيف .. بديت العب وانهيت المراحل الاولى والانطباع كان "اوكيه شكلها لعبة حليلة" لحد ماوصلت عند الزعيم الأول
الزعيم على شكل مكعب والفكرة من قتاله انك تنتظره يهاجم ويسقط على وجهه عشان تقدر تطلق الحبر على جوانبه وتتسلق فوقه وتهاجم نقطة ضعفة، الفيز الثاني الزعيم يحطم جزء من اللوائح اللي موجودة على جوانبه وتحتاج انك ترسم مسار محدد عشان تقدر تتسلق عليه وتوصل لنقطة ضعفة، الفيز الثالث يحطم كل اللوائح ويترك بس ثلاث لوائح تتحرك ولو سقطت منها الجزء المكشوف من المكعب راح يكهربك! اوكي الزعيم جدا بسيط وسهل بس ايش هذا التنوع الرائع!
خلصت من الزعيم وانا اقول.. هذا زعيم ممتع! كملت لعب لحد ماوصلت عند الزعيم الاخير، انا هنا وصلت لنقطة الانبهار! الزعيم قتاله جدا طويل وكان فيه تنوع مع كل فيز بس الحاجة الرهيبة هي في اخر فيز يوم تشتغل اغنية Calamari Inkantation لحظة للتاريخ! خلصت سبلاتون وانا مبسوط منها، بس يعني كفاية نفخ سبلاتون 1 مش بهذيك الروعة والكمال، خلونا نتكلم عن السلبيات.. المراحل كتصميم وافكار مافيها شيء مميز وابداعي ومافي مرحلة وحده قدرت تعلق بمخي بس المستوى ماكان سيء، المستوى يتراوح بين الجيد والعادي وكنت احس فيه تكرار كثير خصوصا اني ماكنت اقدر استخدم الا سلاح واحد بطور القصة مع ان الاونلاين مليان اسلحةسبلاتون 1 لعبة جديدة بفكرة مميزة وستايل جذاب مع موسيقى حلوة وكم زعيم رهيب.. يعني اقدر اعطي طور القصة 7/10 اعتقد؟ عدد مراحلها كان 27 بالمناسبة
سبلاتون 2 قدرت تتفوق على كل حاجة من سبلاتون 1 المراحل مستواها تحسن وصارت فيه اسلحة تتغير على حسب المرحلة والزعماء صاروا ارهب.. يعني بالله تعال شوية نتكلم عن الزعيم الأول
طريقة الكشف عن الزعيم وهو يطلع من الارض مع الاضاءة والاصوات اللي تحمسك حاجة اسطورية! الزعيم عبارة عن فرن او اله تحميص التوست..؟ الفكرة هنا ان الزعيم جدا حذر ومخبي رؤوسه داخل الفرن، فلما يطلع احد رؤوسه ويهاجمك فيها يرجعها مباشرة داخل الفرن.. تكرر العملية لحد مايتسخن ويخرج كل رؤوسه دفعه وحده عشان يبردهم، هنا فرصتك في انك تتسلق فوق رؤوسه وتشق طريقة لنقطة ضعفة، في الفيز الثاني الزعيم يتحول.. لميكا؟ الزعيم يطلق اعمده اذا لمستها راح تضرك غير انه شال مناطق من جسمه وماتقدر انك تتسلق عليها انيمور، الفيز الثالث الزعيم يحمي رؤوسه بلوائح معدنيه وفوق كذا يستخدم مرشه يصبغ فيها الارض بالكامل بالحبر حقه
انا جدا جدا جدا احب ان سبلاتون تفهم كيف انت جالس تلعب وتفهم استراتيجيك اللي مسويها على الزعيم وتروح بالفيز اللي بعده وتخرب استراتيجيتك عليك عشان تطلع بستراتيجيه اخرى! الشيء هذا راائع! يعني والله الزعيم هذا اشوفه احسن من اي زعيم في سبلاتون 1
بشكل عام سبلاتون 2 تتفوق على الأول.. لسى فيه تفاوت بمستوى المراحل بس هنا فيه مراحل مستواها وافكار احسن.. يمكن عتبي الوحيد على الزعيم الاخير رغم ان قتاله كان ممتاز بس لسبب ما ماقدرت احس بنفس شعور الانبهار (قدرت استوعب ايش السبب لما قاتلت زعيم الجزء الثالث) سبلاتون 2 فيها نفس عدد مراحل الجزء الأول 27 مرحلة
مضاربة معك شخصيا:
تقولي سبلاتون لعبة اونلاين وطور القصة فيها تسليك هاه؟
العاب الاونلاين تسوي اكسبانشن خاص للقصة بـ80 مرحلة و 6 ساعات؟؟
العاب الاونلاين تجيب مطورين من بريث اوف ذا وايلد عشان يشتغلون على لعبتهم؟
بصراحة ماكنت انزعج من اللي كان يقول عن طور القصة كذا، سبلاتون واضح جدا ان الطور الرئيسي فيها هو الاونلاين بس.. لما اعلنوا عن الاكسبانشن هذا استوعبت ان الاستديو حاب طور القصة ويبغى يقدم المزيد ومش حاجة يحطها لسد الفراغ او زيادة محتوى! وياللهي الاكسبانشن هذا اسطوري! الجزء الأول والثاني كل واحد فيهم احتوى على 27 مرحلة اما الاكسبانشن قدم 80 مرحلة!! مش دبل عددهم وبس بل اكثر! مستوى المراحل هنا جدا ممتاز رغم كثرتها الا ان المستوى زاد مانقص! فيه افكار اول مره يتم يطرحها واشياء جديدة اول مره تتم اضافتها! انا جدا منبهر من الاكسبانشن هذا!
ولهالسبب تعال شوية على جنب نتكلم عن البوس الأول ونتغزل فيه كالعادة.. زعماء الاكسبانشن كلهم بستثناء الزعيم الاخير هم نفس زعماء الجزء الثاني، محبط؟ طيب تعال شوية نتكلم.. فاكر اول زعيم في الجزء الثاني اللي كان عبارة عن فرن او وايا كان.. المره هذي رجع وجايب معاه توابع يطلقون عليك من فوق، التوابع مش بس يضرونك بل حتى يصبغون الارض بحيث انهم يعيقون حركتك.. اوكي اضافة لا بأس فيها اعتقد، بالفيز الثاني لما يتحول لميكا ويرمي الاعمده.. الاعمده صارت ترش على الارض وتصبغ المناطق اللي حولها والاماكن المكشوفه من جسمه اللي المفروض انك تتسلق عليها صارت فيها مرشات ترش عليك حبر والتوابع حقينه صاروا اكثر.. اوكيه استهدي بالله وهدي شوية
بالفيز الثالث يستخدم مرشتين مش وحده نفس اول مره ويصبغ فيها الارض بالكامل وسرعتها اسرع من سرعتها العادية ولو لمستك راح تموت.. غير انه جايب معاه هالمره اقوى نوع اعداء في اللعبة، اعتقد انك فهمت الان ايش صاير هنا.. هذي الاضافة مش للناس الرايقة اللي تحب سبلاتون لانها كيوت ومش عارف ايش.. هذي اضافة للهاردكورز 
مستوى التحدي بالاضافة بشكل عام اعلى من الجزء الأول والثاني بفارق!كلام زيادة عن زعيم اخر.. في اللعبة الاصلية احد الزعماء يكون عبارة عن اخطبوط ساموراي وتتقاتل معه بستخدام مسدسك زي اي زعيم ثاني .. بس هنا تتقاتل معاه بدون اي سلاح! تكون داخل كرة والكرة هذي تقدر تفجرها لو كنت قريب منه وبكذا تقدر انك تهزمه، التنويع هذا رائع والله!
بنتقل مباشرة للجزء الاخير من اللعبة .. الزعيم الاخير شخصيا ماحبيته، اوك اتفهم انه كول وكل حاجة بس كقتال ماكنت اتمنى انه يكون كذا ولو اللعبة انتهت هنا كنت بزعل بس.. OMG اللعبة تكمل من بعد الزعيم الاخير ونوصل للحظة اقدر اعتبرها اعظم لحظة في سبلاتون كلها! كل حاجة صارت في النهاية مره روعة.. المكان، الاغنية، المشاهد، و.. اوك لا تضحك بس فيه حاجة قصصية عجبتني
بس يعني.. خلني اعطيك حاجة بخصوص الاغنية وكيف انها قدرت تصنع اللحظةهذي شاشة انهاء المرحلة .. ركز على الموسيقى وحط في بالك انك تسمعها طول اللعبة بعد كل مرحلة تخلصها.. والحين اسمع الاغنية اللي تكلمت عنها سابقا
اوك حاجة بسيطة بس وقتها فجرت مخي! الموسيقى اللي نسمعها في نهاية كل مرحلة هي اكشلي.. جزء من اغنية كاملة! هالشيء ابهرني وخلاني احب الاغنية بسرعة
اعتقد مايحتاج اقول رأيي عن اوكتو اكسبانشن لانه واضح من كلامي اني جدا حابها وراضي عنها.. اول مره اخلص سبلاتون وانا جدا حابها كذا
مبدئيا كذا سبلاتون 3 جدا ممتازة بس انا زعلان... ليه الخداع؟؟!
ليه توريني عالم صحراوي رهيب وتخليني اتخيل شكل المراحل واسرح بخيالي وفي النهاية توديني لمكان ثاني مش صحراء ولا له علاقة بالصحراء!
والله فكرة عالم سبلاتون صحراوي متدمر من بعد الكارثة كانت بتكون حاجة رهيبه مره.. يعني شوف/cdn.vox-cdn.com/uploads/chorus_image/image/68837722/splatoon_3_style.0.jpg)
بنت حبار عمرها 6 سنين اندبندت تحاول انها تبقى على قيد الحياة وتنقذ العالم.. ما اعتقد فيه حاجة ارهب من كذا! بس كل هذا يتبخر في اول نصف ساعة للأسف
على العموم .. سبلاتون 3 قدرت تاخذ الخبرة اللي حطوها مطورين بريث اوف ذا وايلد في اوكتو اكسبانشن وزادوا عليها، التنويع هنا اكثر وصار فيه عدد كبير من الاسلحة اللي اقدر استخدمها في المراحل غير القدرات الخاصة وهالشيء مره ممتاز.. رجعت اشوف مراحل من الجزء الثاني واوكتو ولاحظت ان فيه عدد كبير من الافكار ماتم اعادة استخدامها في الثالث.. هل هذا يعني انها افكار ضائعة وغلطه انهم مارجعوا يستخدمونها؟ قطعا لا! سبلاتون 3 في غنى عنهم وقدمت افكار واضافات جديدة تغنيها عن استخدامها لافكار قديمة! الزعماء ممتازين ومميزين هالمره بس زعلان من غياب المكعب :'( نعم المكعب الزعيم الأول في سبلاتون 1 كان متواجد بكل الاجزاء وكل مره يتطور بس للأسف مش موجود هنا.. وبشكل غريب فيه زعيم احبطني كثير، اعتقد هذا الزعيم الوحيد في سبلاتون اللي تقدر تهزمه بدون ماتتحرك من مكانك، جدا سهل! والزعيم الاخير ايضا كان محبط نوعا ما رغم ان الجو كان رائع وحماسي بس كنت اتمنى اني اتقاتل معه بنفسي، وتذكر يوم كنت اقول اني اكتشفت ليه ماقدرت انبهر في قتال زعيم الجزء الثاني؟ قدرت استوعب السبب هنا.. قد مايكون هو السبب الوحيد وفيه عوامل اخرى بس هو واحد من الاسباب .. انت متصور معاي ان كل زعيم اخير في اللعبة كانت تشتغل اغنية Calamari Inkantation وقت قتاله؟ احب الاغنية كثير بس تكرارها ماصار يخلي لها ثقل زي اول مره.. خلاص اتركوها! جزء من انبهاري في اللحظة الاخيرة من اوكتو اكسبانشن كان بسبب انهم استعملوا اغنية جديدة
ممكن تستغرب من رأيي عن سبلاتون 3 بس هي كانت السبب في اني اسوي الموضوع هذا، انا حبيت سبلاتون 3 اكثر من البقية.. اكثر من اوكتو اكسبانشن؟ ايوه .. سبلاتون 3 كثير ممتعة ومرضية صراحة وتقدم الخلطة المناسبة لسبلاتون وافضلها بدرجات بسيطة عن اوكتو، اشوف ان مستوى السلسلة تصاعدي وعلى فكرة عدد المراحل كان 81 مرحلة، المرحلة الاخيرة سرية وجدا صعبة (حاجة كذا تشبه المرحلة السرية الاخيرة في العاب ماريو) انا شخصيا ماقدرت اخلصها وشايف محترفين سبلاتون جالسين يعانون معها
للحين تقول عنها لعبة اونلاين؟
بس واو.. فانز سبلاتون جدا محظوظين وهم عندهم خمس اجزاء قصصية، الاضافة مظهرها وجوها باين انه مميز وشايف اشياء غريبة..
فيه ارقام قاعدة تطلع من الاعداء..؟ هممم هل ناوين يخلون فيه خصائص ار بي جي وتلفيل ولا ايش
والنوع هذا من الاعداء اول مره اشوفهمتحمس كثير للاضافة ومبسوط انهم اعلنوا عنها.. تخليني استوعب ان الفريق يحب طور القصة في سبلاتون ويبغى يقدم حاجات اكثر فيه
في الختام اتمنى ان السلسلة يتم تقديرها اكثر هنا في المنتدى .. سبلاتون سلسلة رائعة ولطيفة وجميلة وفيها افكار ابداعية والاهم من هذا كله.. ممتعة
هدية الختام ..
