مسمار القدم !! :/

[Isaac]

السلام عليكم شباب ...

قبل كم شهر كان عندي "مسمار قدم" في قدمي اليسرى عند الأصبع الكبير. الزبدة كان مسوي لي قلق غير طبيعي، رحت لطبيب جلدية، وسوى لي تبريد نتيروجيني موضعي.. وخلال أسبوعين مع المراهم والخرابيط الثانية .. اختفى تماما وبدا الجلد يستعيد عافيته.

لي كم يوم جايتني حكة في رجلي، واليوم رجع لي ألم المسمار مجددا... أخونا بالله بادي يرجع على خفيف -ـــ-"

حبيت أشوف، إذا فيه أحد عنده خبرة في الموضوع، أو جرب حل ناجع ... طبعا بأراجع الدكتور قريبا، بس لو فيه أحد عنده تجربة سابقة يا ريت يفيدنا.


وسلامتكم..

 

[Hazz]

سلامات ...

بتصور بالصيدليات يبيعون لصقات خصوصية لهذا الموضوع, وبتصور انهم جيدين...

 

[Id]

أذكر عالجها الوالد لي بعلاج شعبي وراحت تماماً ..

 

[Mista Koo]

مسمار القدم = أكزيما :what:

 

[Silent Shadow]

بتصور بالصيدليات يبيعون لصقات خصوصية لهذا الموضوع, وبتصور انهم جيدين...

عذبتي بالمشي بآخر عمرة عذاب مو طبيعي بس اختفت على اللصقات ، على فكرة بنسميها مسمار لحم

 

[Id]

مسمار القدم = أكزيما :what:

لا .. يسمونها شعبياً .. عين السمك :/

 

[ZiZ]

استخدم سكروب اليد.

 

[Flames]

جات لأبوي و أختي .....


الحلول هي

1- شوف لك واحد مضبوط في العلاج الطبيعي

2- روح المستشفى و يجمدوه بنيتروجين سائل

و أشوف النيتروجين علاج افضل , لأن الطفح يتكسر على طول و انت عنده... بس يعطيك كم مرهم بعدها للحروق إلي تحصل للجلد بعد النيتروجين...و ان شاء الله تسلم بعدها ^^

 

[Lonely Heart]

استخدم سكروب اليد.

:laugh::
الله يعينك ياحازم .. رح لمستوصف ثاني طيب

 

[Isaac]

أذكر عالجها الوالد لي بعلاج شعبي وراحت تماماً ..

ما تعرف وشو ؟



أنا مرة شفت البروفسور جابر القحطاني (اللي يجي ببرنامج طب الأعشاب عالإخبارية) تكلم عن هالمسألة، ونصح باستخدام الثوم بشكل موضعي ..

حتى الوالدة تقول لي استخدمه، بس ما أواطن ريحته !! :yuck::

الشكوى لله، شكلها كورس ثوم أليم، بس المشكلة مرة مو وقته -ـــــــــ-"

 

[Id]

^

أسئله و أعلمك .. بس ترى فيها ثوم :/

 

[Isaac]

^
لول شكلها الثوم وزيت الخروع !!! :/

لقيتها بهاللينك ...

http://www.shbabclub.com/vb/showpost.php?p=1047006&postcount=167


عموما أنا بأراجع الطبيب على كل حال وبأستشيره بخصوص الخلطة العشبية.

 

[s3rorh]

.

 

[Zero_IYAD]

الوالد اشتكى منها لفترة طويلة , لدرجة انه غير نوعية أحذيته و حاول معها بشتى الطرق ..
أخيرا عمل لها عملية موضعية , كنت موجود في الغرفة , استعمل لها الدكتور تخدير موضعي و فتحها و أخرج منها السوائل و قص جزء كبير منها و سكرها .
لاحقا الوالد عانى من ألم شديد و ندم على العملية , و بعدها ما أذكر اشتكى منها .. لكن مر بمرحلة ألم شديدة بعد العملية .

ما أحبذ انك تستشير بهالأمور غير المختصين ..
لكن حازم نصيحة وحدة , الحل هو طبيب جلدية "فاهم" .. لا تجرب بنفسك لأن لا سمح الله لو وقعت بين يدين طبيب مبتديء راح يئذيك أكثر من انه يفيدك .

معافى ان شاء الله

 

[Snake-87]

صارت فيني لما كنت بالثنوية تحت الإبهام بشوي وكنت اراجع الجلدية كل اسبوعين تقريبا ويقومون بحرقها بالنايتروجين البارد , في بعض الممرضين فاهمين ويقسمون مدة الحرق لثواني (10 ثواني تقريبا) بعدين راح تعورك يوقف شوي عشر ثواني بعدين يرجع يحطه مرة ثانية ويكرر هالعملية اكثر من مرة , وفي بعضهم يعذبونك ويخلون الحرق مدة نصف دقيقة أو اكثر لأنه ماله خلق وبس ما يرجع يحطها لك . بس لازم تراجع كل مرة يقول لك الدكتور وما تهملها .
الحمد لله إختفت تماما وما تعورني كلش .
وما تشوف شر :

 

[Nyx]

الموضوع يحتاج صور .

 

[Aoks]

لو وقعت بين يدين طبيب مبتديء راح يئذيك أكثر من انه يفيدك .

الحين الأطباء الي توهم بدأو حياتهم المهنيه يئذون ؟ غريبة هذا وانت طالب طب تقول كذا , وش خليت لغيرك . . ​

 

[Zero_IYAD]

^
قصدت طبيب سيء/عديم خبرة ..
لا تدقق على كل كلمة خيو , قصدي واضح =/

 

[Golden_Sun]

اول شي سلامات ما تشوف شر.
احسن شي راجع الطبيب وسأله عن الاسباب.. عادةً:

1) نوعية الاحذية.
2) رطوبه.
3) النظافة.

بعدين احسن شي دور في الانترنت : ) تلقاه مواضيع طبية كثيرة ومن اهل الاختصاص.
نفس الشي كان معاي مع migraines -صداع نصفي- اللي قريته عنه في الانترنت احسن مليون مرة من اللي قالولي اياه الدكتاره في الواقع!

 

[DR3]

^
قصدت طبيب سيء/عديم خبرة ..
لا تدقق على كل كلمة خيو , قصدي واضح =/

طيب و الخبره من وين تجي مش من معالجه المرضى :what:
بعدين الموضوع سهل و مو مستاهل اي دكتور جلديه يحل الامور


اذا كل الناس تفكر كذا اكلنا هوا احنا الدكاتره:wow:

 

[Noah`s Ark]

من الطب الشعبي :

اختار نعال الله يكرمك تكون وسيعه و مدببه من الأسفل , نعال (حمام ) الله يكرمك .

(انواع تكون فيها مثل الحراشف من تحت )

ملاحضة : هذا المرض معدي , لا تعطيهم احد بعد الإستعمال .

و بعد الإستحمام , نقّع رجولك بسطل مويه (بدون ملح ) تكون المويه فاتره .

و استعمل (مدعچة الحفا* ) على موضع الألم .

*بالنسبة لمدعچة الحفا شي اسود مدري شسالفته , ما لقيت صور له او اسم ثاني على الأسم

الي عطاني اياه الطبيب الشعبي
​

 

[Snake-87]

لمدعچة

وين أحصل هالحرف چ بالكيبورد xD?

 

[Zero_IYAD]

طيب و الخبره من وين تجي مش من معالجه المرضى :what:
بعدين الموضوع سهل و مو مستاهل اي دكتور جلديه يحل الامور


اذا كل الناس تفكر كذا اكلنا هوا احنا الدكاتره:wow:

ردي كان واضح و ما راح أدخل بنقاش يدور بدائرة مغلقة .

و لأ الموضوع مو سهل , شاهدت الوالد لسنين يعاني منها , و شفت عمليته بعيوني و مع التخدير الموضعي الا أن الألم كان يشع من عيونه - علما أنه من أصلب الرجال يلي شفتهم في كل حياتي - .

 

[*legend*]

عليك بحسنين يا ابو الحزم ...

 

[Still Alive]

كانت عندي واحدة قبل ثلاث سنين والوالدة جابت لي جمرة وش كبرها وحطتها عليها

وكان اقوى آلم تعرضت له في حياتي (لما اتذكر الموقف رجلي تعورني).. بس العلاج فعال :nerd:


ما اقول غير الله يعينك

 

[Niessu7]

انا من قريت هالموضوع ورجلي تحكني .

الموضوع معدي :nerd:

 

[Gon freeces]

أنا أتذكر جاتني لمن كنت صغير , استخدمت حل حق الثوم , بعدين رحت للدكتور و سويت التبريد , ورجعت استخدمت الثوم.

راحت ولا رجعت الحمدلله.

 

[Gaara]

وشو مسمار القدم ؟ كيف شكله ؟
أتوقع سببه هو موية الجامعة..موية أمراض - الله يحفظكم -.

 

[Still Alive]

وشو مسمار القدم ؟ كيف شكله ؟
أتوقع سببه هو موية الجامعة..موية أمراض - الله يحفظكم -.

يسموه عين السمكة

وماله دخل بالموية..

 

[REDFOX-ZERO]

ما تشوف شر يا ايسك

لا تكثر لحم ذيبايح وثاني شي امر بسيط انا عارف علاجه تجشوي نفسك وتوكل علي الله وكثر ماي طبيعي مو العادي اتعب علي الماي الطبيعي