hits counter

نقاش أنمي مسلسل Yu Yu Hakusho

#31
فى البداية أحب اعتذر على تأخرى فى كتابة انطباعاتى ،الحقيقة بعد ما بدأت فى متابعة العمل بفترة قصيرة حصلت سلسلة من الظروف الغير متوقعة سواء داخل الشغل أو خارجه و متابعتى للأنمى بقت غير منتظمة و حتى الآن ماوصلتش غير للحلقة 13 بس الوضع بقى أحسن نسبيا و ناوى أرجع للمتابعة و ده انطباعى عن الحلقات حتى الآن

إنطباعى الأولى عن العمل كان إيجابى كما ذكرت و ال Potential كان واضح بس بصراحة كانت عندى مشكلة كبيرة تجاه الأحداث بعد رجوع يوسكى للحياة

مواجهة بطل الشونين لأعداء أقوى منه و هزيمته ليهم بشق الأنفس (بشكل غير منطقى أحيانا) يبقى شئ بقيت معتاد عليه فى أعمال الشونين المختلفة و مش هو مشكلتى الأساسية و إنما المشكلة كانت فى التعجل بإلقاء يوسكى فى سلسلة من المواجهات و قبل حصوله على أى تدريب أو حتى معرفة بالنظام القتالى القائم على الطاقة الروحية و فوزه فى كل مرة نتيجة المصادفات أو ما شابه ، عشان أوضح قصدى بمجرد ما يوسكى بقى محقق فجأة بقى الشخص الوحيد المتاح و تم تكليفه بمواجهة أعداء أقوى منه بمراحل بدون التدرج المعتاد ، ال Setting ماكانش مقنع و بالرغم من استعدادى لقبول فوز يوسكى إلا إن المدة القصيرة بين المواجهات المختلفة بدون تطور حقيقى ليه خلتنى أحس بالمشكلة بشكل أكبر
المسألة بتتضح أكثر فى آرك جينكاى و تكليف يوسكى (المبتدئ) بمواحهة راندو و اللى المفترض إنه قتل عشرات المقاتلين المحترفين قبل كده ، المهمة تعتبر حكم بالإعدام ببساطة و ماقدرتش تجاوز عدم المنطقية فى تكليف يوسكى بيها ، خلال المهمة نفسها يوسكى بيدخل فى أكثر من مواجهة ضد خصوم أكثر خبرة و قوة و كما ذكرت ماعنديش مشكلة فى فوز بطل الشونين فى مواجهة ضد خصم أقوى و ممكن اتجاوز بعض النقط الغير منطقية بس تكرار استخدام الصدف زى تعثر يوسكى أو استخدامه العقب المشتعل اللى ألقته جينكاى و بعدها الصدفة فى عدم سماعه لتعويذة راندو و كل ده بشكل متتالى تعدى قدرتى على التجاوز خصوصا إنه كان مع إحساس قوى بعدم استحقاق يوسكى للفوز و عدم قبولى لفكرة مواجهته لراندو من البداية

إحنا ممكن تلاحظ إن توجاشى تعامل مع المشكلة دى و طور أسلوبه فى عمله التالى هانتر ، فى آرك الصيادين و اللى آرك جينكاى يتعبر ال Prototype ليه جون بيقابل خصوم أقوى منه بكثير بس الفكرة هنا إن الهدف فى معظم الوقت ماكانش هزيمتهم بشكل مباشر و حتى لما دخل فى مواجهة ضدهم تم التعامل معاها بشكل مقبول و على سبيل المثال هيسوكا ماكنش جاد فى المواجهة و هانزو قرر الإنسحاب بس المسألة هنا كان أقرب من لو كان جون دخل فى مواجهة ضد هانزو و كسبها فى بداية العمل

ده مايمنعش إن الحلقات كانت فيها نقط إيجابية ، حبيت عدد من الشخصيات اللى تم تقديمها حتى الآن زى كوراما و حتى كوابارا على عكس المتوقع و شخصية جينكاى كانت مثيرة للإهتمام
برضه حبيت الحلقات المشابهة لإختبار الصيادين و ملاحظة تطور أسلوب توجاشى مع الوقت ، نقطة تانية إيجابية هى إن الآرك يبقى بداية تقديم النظام القتالى فى العمل و حصول يوسكى على تدريب حقيقى يخلى فوزه بعد كده مقبول

الشئ المثير للتساؤلات فعلا بالنسبة لى و اللى اتضح إنه مشترك فى العملين سواء هانتر أو يو يو هاكوشو هو فكرة إن المدرب سواء جينكاى أو الصيادين ماعندهمش أى مشكلة فى قبول و تدريب أى شخص حتى لو كان مجرم أو قاتل ، جينكاى كان عندها استعداد لتدريب أى شخص يفوز فى اختبارها حتى لو كان قاتل محترف أو يوكاى زى راندو و الصيادين ماكنش عندهم مشكلة فى ضم شخص زى هيسوكا و ماخدوش أى تصرف تجاه جرائم القتل اللى عملها أثناء الإختبار ، هو ممكن فهم النقطة دى لو كانت دى طبيعة عالم العمل بس الفكرة إن فى العملين القتل جريمة حقيقية و ده اللى بيخلى الموضوع غريب بالنسبة لى


فى الآخر و بالرغم من إن إنطباعى يبدو سلبى إلا إنى باعتبر إن كل اللى فات يبقى مجرد المقدمة و مش هاحكم على العمل منها و الجد هايبتدى من اللى جاى
يب الارك الأول يعتبر ضعيف مقارنة باللي بعده
 
#32
الحلقات من 14 إلى 26

الحلقات بتقدم آخر أركين فى ال Spirit Detective Saga مع بداية ال Dark Tournment Saga فى الحلقة ال 26 و الحقيقة إن سبب تأخرى المرة ده فى المتابعة يبقى إنى ماحبيتش الآرك الخاص بال Bug Flute و قلعة الشياطين و أكملته بصعوبة

الآرك بيبتدى ب Setting مشابه للى قبله ، كو إينما بيأكد إنه مثال للفشل و عدم النفع و بيبعت المجموعة لمهمة إنتحارية جديدة بس اللى خلانى متفائل فى البداية يبقى إن على عكس اللى قبله يوسكى و كوابارا حصلوا على قدر من التدريب و كوراما و Hiei محترفين بس مع كده للأسف الآرك عانى من نفس المشاكل السابقة و انتهيت منه بصعوبة ، الآرك يعتبر أول مهمة للمجموعة كفريق بس فى حاجات كثيرة كانت ممكن تبقى أحسن خصوصا طريقة تغير شخصية Hiei و اللى كانت أسرع من اللازم ، الشئ الوحيد الإيجابى فى الآرك يبقى إنه خلاك تتقبل السهولة اللى يوسكى و كوابارا هزموا الأعداء بيها فى الآرك اللى بعده (و إن كان ده بقى مزعج قرب النهاية)

الآرك الثانى الخاص بيوكينا كان أحسن نسبيا و ممتع بس ماحبيتش السهولة اللى المجموعة هزمت بيها كل الأعداء باستثناء الأخوين خصوصا قرب النهاية ، بالنسبة للأخوين توجورو نفسهم فالهايب ليهم كان كبير و مع بداية المواجهة ضدهم فرق القوة المهول بقى واضح و أيا كانت الطريقة المستخدمة ففوز يوسكى عليهم كان هايبقى غير مقنع و ده خلانى ماحبش النهاية بس إتفاجئت فى الحلقة اللى بعدها من إن الموضوع خدعة و إن توجورو إدعى الهزيمة فقط و ده حسن من إنطباعى عن الحلقات إلى حد ما


فى الآخر إنطباعى عن ال Spirit Detective Saga مايختلفش كثير عن إنطباع عبد الله :

هذا الأرك عادي ما فيه شئ بارز بس مهم لتقديم الشخصيات ومهم للوجه للأركات التي بعده. شرح العالم وما فيه مش مرة وتحس توغاشي لسى مبتدأ في المجال بس على الأقل قدم شخصيات بخلفية رهيبة تهتم لها.
الحقيقة كون إن الكل أكد على الآرك الأول ضعيف هو اللى خلانى أتجاوز مشاكل كثيرة فى العمل و بصراحة الحلقة الأولى من ال Dark Tournment Saga حمستنى فعلا ليه و حسيت إنى داخل على شئ مختلف :triumph: و اتمنى إنه يكون قد الهايب (إتفاجئت إن جينكاى هتشارك كعضو فعال فى الفريق و كنت فاكر دورها هايبقى مقتصر على التدريب فقط)