مساعدة لو سمحتوا..........

[Levithian]

مرحبا

......................................
بتوقع الموضوع مومكانه هون او مخالف او من هل القبيل وبعتذر كتير عن طرح الموضوع
بس فعلا الموضوع هام وحساس بالنسبة الي، يعني الغريق بيتشبث بقشة

انا سوري ووالدي عم يشتغل بالسعودية طبيب اطفال
وصرله بالسعودية اكتر من 15 سنة ونحنا (الحمد لله) كتير مرتاحين بالسعودية من جميع النواحي وخصوصا والدي اللي مستقر تماما بالسعودية

فجاة يوم السبت الماضي بيروح عل المشفى بيجيه قرار انهاء العقد والعودة على سوريا
هل الشي مقبول بالظروف العادية والواحد بيرجع على بلده، بس متل ما بتعرفوا الظروف هلأ بسوريا كتير سيئة
يعني الرجعة كتير سيئة بهل الظروف............... الناس عم تحاول تسافر مو ترجع
باقي للعقد مع وزارة الصحة 8 شهور............... هو حتى كان مخطط انه لو انتهى العقد (بسبب العمر) وما تجدد يدور على شغل مع مشفى خاص (متل زملائه ساووا من قبل) يعني بشكل انه نتجنب العودة هل الفترة لحتى تهدا الاحوال بسوريا
بس المشكلة انه حاطينله انه مافيه يرجع يشتغل بالسعودية ومو واضح السبب، يعني المشكلة مالها علاقة بعمله في المشفى ووالدي ماكان عليه اخطاء طبية او مشاكل بشكل عام
وكان عم يشوف بيت اكبر لحتى الكل نضل بالسعودية هل الفترة (انا واختين ووالدتي) لان كنا بهل الفترة نتنقل كتير بسبب الدراسة بسوريا
الخبر كان بمثابة الصدمة لالنا كلنا ولوالدي بالذات
والدي كتير تفسيته تعبت وحتى كلياتنا متوترين
طبعا لسا مارجع عل الشام وشاف بعينه المشاكل اللي عم تصير هون........
وحتى ما بتوقع يقدر يلاقي شغل بهل الفترة بالشام فحنصفي بازمة فعلية...........
انا كتير بعتذر عن طرح الموضوع بس بتمنى اذا حدا بيعرف طريقة او شخص ممكن يفيدنا بهل الموضوع
ترو جيمنج هو المنتدى العربي الوحيد اللي بدخله من زمان فتأملت انه ممكن لاقي شي فكرة
وبتمنى انكم تدعولنا انه نقدر نلاقي حل ونتجنب الرجعة هل الفترة.......
شكرا على الاصغاء والله يجزيكم الخير...............

 

[Karim le BOSS]

يعني اللي فهمته الغوا عقده بدون سبب معين و واضح ؟

 

[Levithian]

الغوا العقد بدون سبب واضح والمشكلة الاكبر انه حاطينله بالاوراق انه غير مسمحوح له بالعمل من جديد بالسعودية
يعني لو بس الغاء عقد كان ممكن يدور على عقد جديد مع مشفى خاص او اي عمل تاني
يعني في كتير ناس منعرفهم نهوا عملهم مع الدولة (اساتذة او اطباء) وبعدين بسبب العمر والتقاعد لاقوا شغل جديد او حتى فتحوا مشاريع خاصة وضلوا بالسعودية

عادة عدم السماح بالعمل من جديد بيكون شخص عامل مشكلة او عليه حكم او شي من هذا القبيل........ بس والدي ماعليه شي والسبب غير مذكور
حتى عادة اذا في مشكلة تتعلق بالعمل بينحال عل القضاء والمحاكم وبيصير ممنوع من السفر مو العكس!

 

[Zero]

أنا أتوقع أن السوريين صاروا معذورين الآن، مو متأكد تماما، بس حتى سوالف الإقامة هنا وإلخ صاروا متسامحين فيها الآن بسبب الأوضاع. يعني هاليومين قريت أن السوريين مسموح لهم بالدراسة هنا حتى بدون زحمة زايدة. ويجلس هنا فترة بدون عمل ويمشي حاله لو احتاج بأي شيء ولا يروح لشيء غير مضمون، والله يعينكم.

 

[Raheem]

الله ييسر اموركم ويعنيكم باذن الله....

 

[G4mer]

الغوا العقد بدون سبب واضح والمشكلة الاكبر انه حاطينله بالاوراق انه غير مسمحوح له بالعمل من جديد بالسعودية
يعني لو بس الغاء عقد كان ممكن يدور على عقد جديد مع مشفى خاص او اي عمل تاني
يعني في كتير ناس منعرفهم نهوا عملهم مع الدولة (اساتذة او اطباء) وبعدين بسبب العمر والتقاعد لاقوا شغل جديد او حتى فتحوا مشاريع خاصة وضلوا بالسعودية

عادة عدم السماح بالعمل من جديد بيكون شخص عامل مشكلة او عليه حكم او شي من هذا القبيل........ بس والدي ماعليه شي والسبب غير مذكور
حتى عادة اذا في مشكلة تتعلق بالعمل بينحال عل القضاء والمحاكم وبيصير ممنوع من السفر مو العكس!

من الناحية القانونية فصل والدك من دون سبب و إرجاعه الى سوريا يضع المكان الي والدك كان يشتغل فيه في وضع حرج عادي يغاضيهم بس ما ظنتي الوضع و الوقت يسمح
تقدر تكلم السفارة بخصوص هذا الشي و يستشير محامي .. المحامي ما بيرجع الوظيفة بس بيسهل الأمور في الإقامة.
وفي حل ثاني الكفالة
أنا ما أعرف قانون السعودية بس يستطيع يدور على أحد يكفله طبعا بعد إلغاء كنسلت الإقامة "بمعنى نقل الكفالة من المكان الي والدك كان يشتغل فيه الى شخص ثاني"

من حق والدك معرفة السبب في التصرف الي قام فيه المستشفى بما أنه خالي من أي تاريخ إجرامية يقدر ياخذ حقه بكل بروده.

والله معكم يا أخوي فلا تخاف.

 

[Levithian]

شكرا جميعا عل الردود والتشجيع
والدي عم يحاول يعرف المشكلة واذا في حل لالها........

وفي حل ثاني الكفالة
أنا ما أعرف قانون السعودية بس يستطيع يدور على أحد يكفله طبعا بعد إلغاء كنسلت الإقامة "بمعنى نقل الكفالة من المكان الي والدك كان يشتغل فيه الى شخص ثاني"

هو المشكلة الرئيسية انهم حاطين عل الاوراق انه هل الشي صار ممنوع بالنسبة لاله
وبالتالي مافيه ينقل الكفالة ويشتغل مع كفيل تاني
الكفيل الاول والمكان اللي يشتغل فيه هو وزارة الصحة