مساعدة في شراء مشغل بلو-راي أمريكي ...

[Superx]

السلام عليكم ورحمة الله وبركاته ..

ناوي أشتري لي مشغل بلو-راي أمريكي وأريّح راسي من سالفة أفلام الريجون لوك , بيكون عندي الPS3 يشغل الأفلام الاوروبية .. ومشغل البلو-راي الامريكي حق الأفلام الأمريكية ..

طبعاً المحلات عندنا في الإمارات او في الخليج بشكل عام كل شيء تبيعه أوروبي وأقصد خاصةً المحلات الكبيرة .. فما في أمل اني احصل مشغل بلو-راي أمريكي هني ...

فمخطط أطلب لي واحد من أمازون , بس مادري شو آخذ في موديلات كثيرة واسعار مختلفة .. أنا اللي أباه أن يشغل لي أفلام أمريكية وخلاص وما أدور عن تقنية الـ3D ولا الأشياء الثانية .. والسعر اللي في كحد أقصى هو 1500 درهم مع توصيل أرامكس ..

فياريت تفيدوني ياشباب , لأني كل مرة أفكر اشتري أضيع في الموديلات والشركات وما أعرف آخذ أي واحد ...

​

 

[omarhabra]

طيب كم 1500 درهم بالسعودي لان في عضو والله ما اعرف اسمه حط مشغل بلو ري فري ريجن لكل شيء ب 1999 ريال فما ادري اذا يناسبك

 

[Superx]

^
ما أريد فري - ريجون ... لأن اذا اشتريت واحد امريكي بيصير نظامي فري ريجون أصلا

1500 درهم = 1531 ريال

 

[Emirates]

شوف يا حبيب العين

افضل شي تسويه تاخذ لك احلا مشغل بلوري اوروبي من هنيه ويفضل يدعم 3 دي للمستقبل لانك بتشتري تلفزيون لول

والامريكي تخليه للبلاي ستيشن 3 الامريكي لانه ما بيحتاج لوصله تشبكه على شان تغير النظام وهو فيه الابديت لل 3 دي مستقبلا

ب 1500 درهم تقدر تشتري بلاي 3 من عندكم بدون ما تلجا لارامكس ويبقى لك فلوس ايضااا توفره لشراء مشغل بلو ري اوروبي مستقبلا او حتى تكتفي باجهزة البلاي 3 لهالغرض

http://bluray.liesinc.net/index.php?region=a

وانصح بهذا الموقع قبل شراء اي ديسك بلوري وانت متخوف من الريجون

 

[G4mer]

أمممم ما عندي خبره في مشغلات البلو راي

لكن لو بشتري واحد بشتري هذا
http://www.amazon.com/Sony-BDP-S370...S4CA/ref=sr_1_8?ie=UTF8&qid=1296053750&sr=8-8

للأسباب التاليه
1 - السعر
2 - وصلت اليوو أس بيي (( للهارد ديسك :nerd)
3 - سهولة الكنترول ما فيه فصوص تارسه الكنترول >_>

 

[Superx]

مايبيعون عندنا بلاي 3 امريكي .

 

[Emirates]

مايبيعون عندنا بلاي 3 امريكي .

تعال العين وبتلقى

او دور في حامد سنتر

 

[G4mer]

هو الصادق
كابول -_____-
للحين عنده باندل ميتل جير 4

 

[Superx]

مابروح العين : )

ودورت في مركز زايد وحامد سنتر .. حصلت واحد بس وسعره 1900 درهم .. ماتسوى اشتريه بس عشان افلام واقدر احصل مشغل بلو-راي امريكي في النت أرخص بوايد

شكرا على المساعدة...

 

[Emirates]

اذا مافيه غير انك تطلب من النت على المواصفات والماركه

شخصيا ما اعرف وايد لكن يمدحون مشغلات السامسونج و ال جي

 

[omarhabra]

انا نصحتك او او او او يمكن تاخذ واحد مشغل سوني اميركي
انا وجدت واحد هين بسوريا ب 12000 ليرة سوري فما اعرف عنك

عندنا سوق (البحصة) احسن سوق الكترونيات بالعالم
كل شيء غير نظامي ومافيه قوانين او عقابات على الكوبي او التهريب :rockon:

 

[Superx]

^
مافهمت أي شيء من ردك تصدق !

وشو خص الكوبي والتهريب الحين في مشغل البلو-راي ؟

الله كريم ...

 

[Snake-87]

إشتر بلايستيشن 3 أمريكي .. شوف أحد بالكويت يشتريه لك إذا ما حصلته عندكم .

 

[G4mer]

تريد أحسن حل
أنك تشتري بلو راي فري ريجون وتريح راسك
من الأمريكي والأروربي
وخل البلاي 3 للعب
ولأكون صريح اذا بتشتري الأمريكي صدقني بتضيع فلوسك على الفاضي لأنه ما رح تستخدمه الا

 

[Tiger]

فيه شركه تبيع مشغل فري ريجون ويدعم 3 دي وكل شي ويشحن للامارات مباشرة او عن طريق ارمكس

http://www.oppodigital.com/

 

[ASWD]

بلاي3 امريكي وريح بالك..ركز على المحلات الصغيرة هي اللي تحصل عندها اجهزة بانظمة مختلفة