مساعدة: تلفزيوني ما يحفظ الإعدادات!

[The Last Fantasy]

Samsung R81. عندي من سنة ونص تقريباً.

المشكلة ظهرت قبل أسبوع.

أضبط الإعدادات الي أبيها (صوت،صورة..إلخ)، بعدها أطفي الجهاز. ولما أجي أشغله ترجع الإعدادات مثل أول. وواضح أن الإعدادات الي يرجع لها مش الـdefault، لأنه -مثلاً- يحط الـbacklight على 10، والـlight effect في التلفزيون تحت (اللون الأزرق في الإطار) تصير on دايماً بدل Watching mode only، يعني لو أطفي الجهاز تبقى شغالة.

فيه أحد عنده فكرة عن المشكلة؟ وهل فيه طريقة أسوي master reset؟

 

[Snake-87]

^
عندنا نفس جهازك وما صادفت هالمشكلة .. انت تطفيه من الكهرباء مباشرة ؟

 

[The Last Fantasy]

^ لا طبعاً. نادر ما أفصل الجهاز عن الكهرب أصلاً.

 

[Snake-87]

اتوقع تعرف هالشي اكيد بس احتياط : جربت كل القنوات(HDMI 1 2 3) ؟ لأنه كل قناة لها إعدادات بروح

 

[Yaz3D]

^
جاي بقترح نفس الشيء ..

حاول تفصل الكيبل وتشبكه في مدخل HDMI ثاني

 

[The Last Fantasy]

المشكلة مش بس في قناة من قنوات الـHDMI. حتى قناة الـPC تصير لها نفس المشكلة.

بمجرد ما أطفي الجهاز وأشغله القنوات كلها تصير على setting وحدة.

 

[Snake-87]

غريبة ... جرب تتصفح بالكاتالوج يمكن تحصل شي أو إتصل على الشركة قول لهم المشكلة

 

[عاشق 360]

عندي نفس المشكله بالضبط وكتبت عنها هني بالمنتدى بموضوع الشاشات .. كل الاعدادات تخترب عندي لما اسكر التلفزون او حتى لما اغير بين المداخل " كومبوننت 1 و 2 وو...الخ

وساعات لما العب يقطع بنص اللعب وتطلع شاشه سوده وترد مره ثانيه لشاشة اللعبه لاكن الاعدادات كلها تتغير .

للحين المشكله موجوده عندي وموعارف شنو سببها بالضبط " انا اسبعدت تكون من الكيبلات لاني غيرتها كلها والمشكله ماراحت .

 

[Double T]

شكلها مشكلة في شاشات سامسونج لأن عيدالله كانت عنده نس المشكلة بالضبط .. نسيت ايش صار على الجهاز بس اعتقد كان تحت الضمان و وداه للصيانة

ما اعتقد عندك حل غير الصيانة

 

[The Last Fantasy]

أوكي حليت المشكلة. مادري كيف ما لقيت الحل يوم بحثت قبل لول

عموماً، كانت بسبب الـShop Mode. مود يفعلونه في المعارض بالعادة، عشان يرجع الإعدادات زي ما كانت كل 30 دقيقة أو إذا طفيت الجهاز وشغلته.

عشان تشيله لازم تضغط زر الـvolume في التلفزيون نفسه (مش الريموت)، وبعدها تضغط زي المنيو وتعلق عليه لمدة 7 ثواني، وراح يرجع لوضعه الطبيعي. وأيضاً تقدر تفعل المود بنفس الطريقة.

 

[عاشق 360]

أوكي حليت المشكلة. مادري كيف ما لقيت الحل يوم بحثت قبل لول

عموماً، كانت بسبب الـShop Mode. مود يفعلونه في المعارض بالعادة، عشان يرجع الإعدادات زي ما كانت كل 30 دقيقة أو إذا طفيت الجهاز وشغلته.

عشان تشيله لازم تضغط زر الـvolume في التلفزيون نفسه (مش الريموت)، وبعدها تضغط زي المنيو وتعلق عليه لمدة 7 ثواني، وراح يرجع لوضعه الطبيعي. وأيضاً تقدر تفعل المود بنفس الطريقة.

شكرا راح اجربها الحين

 

[m7tram]

أوكي حليت المشكلة. مادري كيف ما لقيت الحل يوم بحثت قبل لول

عموماً، كانت بسبب الـShop Mode. مود يفعلونه في المعارض بالعادة، عشان يرجع الإعدادات زي ما كانت كل 30 دقيقة أو إذا طفيت الجهاز وشغلته.

عشان تشيله لازم تضغط زر الـvolume في التلفزيون نفسه (مش الريموت)، وبعدها تضغط زي المنيو وتعلق عليه لمدة 7 ثواني، وراح يرجع لوضعه الطبيعي. وأيضاً تقدر تفعل المود بنفس الطريقة.

اووه جاااد :fd3: , لو نفعت الحركه ذكرني لما أشوفك بيوم من الأيام أبوسك لاني اعاني من هالسالفه من شريت جهازي .

تعديل : نفعععععععععععععععععت اخيراااا كنت عايش بمعاناه .

علشان اوضح العمليه أكثر للناس الثانيه :
-أضغط زر الفوليوم + بعدها اضغط على المنيو .. أترك زر الفوليوم وخلك ضاغط على زر المنيو بعدها بـ3 ثواني .. راح تصير الشاشه سوده ويتغير الشوب مود , وتعيشون في سبات ونبات .

 

[Yaz3D]

لول .. عالبركة شباب ..


الموضوع يبيله تثبيت عشان اللي يعاني من المشكلة هذي يعرف .. خخخخ

 

[The Last Fantasy]

هههه مبروك فيصل

منتظر البوسة p:

 

[عاشق 360]

نفس الشي ضبطت عندي

الحين بلعب وانا مرتاح "كنت كل شوي اغير الاعداادت "

 

[ASWD]

تنفع الطريقة مع موديل R71 الكحيان؟

 

[m7tram]

أتوقع تنفع جرب شخسران ؟

 

[ASWD]

سويتها.الخيار اللي ظهر لي هو دايناميك.ضبطت يعني؟

 

[Double T]

الحين اكتشفت ان الي ماسكين محلات الإلكترونيات عندنا ما عندهم سالفة .. عبدالله غيروا له الجهاز عشان المشكلة ذي .. يعني حاجه زي ذي المفروض هم اكثر ناس يعرفون فيها .. اصلا اسمها Shop mode لووووووووووووووووووووووول

عبدالعزيز +1

 

[The Last Fantasy]

سويتها.الخيار اللي ظهر لي هو دايناميك.ضبطت يعني؟

يس ضبطت. لو حاب تتأكد اضغط زر الـinfo في الريموت وشيّك. لو الصورة عندك مش Shop Mode معناته أنه ضبط.

الحين اكتشفت ان الي ماسكين محلات الإلكترونيات عندنا ما عندهم سالفة .. عبدالله غيروا له الجهاز عشان المشكلة ذي .. يعني حاجه زي ذي المفروض هم اكثر ناس يعرفون فيها .. اصلا اسمها Shop mode

هههه. وت؟! :w00t:

 

[m7tram]

سويتها.الخيار اللي ظهر لي هو دايناميك.ضبطت يعني؟

يس ضبطت :rockon: .

 

[ASWD]

اخيرا برتاح من وجع الراس