مساعدة المدرسة لاعبه فينا

[Grand]

يا شباب الموضوع شوي غريب انا حاليا في الثانوي دوام كان عادي فجاه مر استاذ الرياضيات قال باجر امتحانكم رياضيات\احصاء

طبعاً يوم واحد ما يكفي ادرس فيه 120 صفحة

فاحد عنده معرف او يشتغل في وزارة التربية او هل في قانون يقول لازم نعرف قبل فترة الامتحان بكم يوم

لانه المدرسه في ناس وايد قاعد يغيبون هل يبون يسوون هذي خدعة عشان نداومم "صار نفس الشيء السنه الي فاتت بس باوضاع اخس من من الحين

 

[Snake-87]

^
ليش بتغيبون ؟ خلصتوا المنهج ؟ امتحان فترة ثانية وإلا شنو ؟
صعبة جدا يقول لك انه الإختبار بعد يوم .. سوو إضراب جماعي وخصوصا إذا بس شعبتكم (صفكم) إلي عندهم الإختبار .

 

[Niessu7]

مدري عن نظامكم بس ، مايصير يحدد امتحان/كويز مو رسمي بدون موعد مايقوله للطلاب بفترة ، هذا شيء معروف .

استلعان او لا ، روحوا اشتكوا في الادارة (المدير/الوكيل/المرشد) هذا هو الحل المتعارف فيه .

بعدين امتحانكم هذا كويز او ميد ترم او فاينال ؟

 

[Snake-87]

^
الكوز يصير إذا ما خاب ضني بس ميد تيرم وما شابه اتوقع مو من حقه .

 

[Niessu7]

^
انا اذكر مدرستنا كان ممنوع المدرس يحدد وقت كويز ويكون قبل اسبوع ، غير كذا لازم يتفق معانا يانرضى يا لا .

 

[Gladiator]

طبعاً يوم واحد ما يكفي ادرس فيه 120 صفحة

شكله تست :annoyed:

المفروض يقول لكم قبلها باسبوع على الاقل
او تكون فيه خطة دراسية
مب اسلوب هذا قبل الامتحان بيوم يعلنها
اذا ما لقيتو حل معاه
كلم مدير المدرسة

 

[s3rorh]

المدرس مصري ؟

لووول اذكر الاساتذه كانوا دايماً يسوون هالحركه معانا اذا حسوا بانه اكثر من نص الصف غاب .. ويبون يخلون البقيه تداوم .. بس لا حياه لمن تنادي :laugh:: ... نتفق و نغيب وكأنه شي لم يكن ... ولكان لما نداوم بعدين نحصل اكو 4-6 من طقه شباب مخهم كالتالي ( 100% دراسه ,, 0% حياه أو ألي اسمهم Nerd :razz: داوموا وامتحنوا بغيابنا

والحمد لله .. هذا انا ... خلصت الثانويه العامه من 4 سنين .. و ألحين مشرد بين ازقه بريطانيا :rockon:


بس كنا نسأل المدرس الكويز عليه درجات ولا لأ ... وكان يرد علينا بإبتسامه بارده :fd3:

 

[The Doctor]

لهذا لا تأجل عمل اليوم إلى الغد :laugh::

 

[SAM]

معليش اعذرني على الوقاحه بس موضوع مادري وش يبي يعني اسال قووقل او روح لموضوع العشوائيات ... وعموماً كل مدرس يمشي على كيفه فـيما توصل طلب شكوى للوزارة ويناظرونه ويجون يراجعون الا انت في نهاية الفصل الثاني .... ( من آمن العقوبة ساء التصرف ) انت لاتحظر الاختبار او احظره وجيب صفر واشتك للمدير اقرب لك وافضل لك او الوكيل

 

[Saadawii]

ما فيها كلام، فيه قانون أو ما فيه قانون، الأهم أنه فيه منطق. رحوا للإدارة، أو خلو أهلكم يتصلون بالإدارة.

أنا أشوف أن طرحك للموضوع شي جيد. المشورة شي جيد.

 

[Lord of Cinder]

شيء مؤسف من جد . اكثر من مرة حصل لنا هالشيء لكن يوم يجي المدرس نقوله مااحد مستعد أو ماقلت لنا او نصرفه ، في هالاوقات لازم تروحون للادارة تتفاهم معاه ، لان المنطق اللي هو المنطق مايخليك تقدر تذاكر 120 صفحة بيوم واحد + اضافة لصدمة الاعلان عن الاختبار = الواحد ماراح يقدر يسوي شيء