مساعدة ابي اشتري افضل كمرى SLR

[Skull Town]

السلام عليكم

شباب حسب خبرتكم واني استفيد منكم ودي تساعدوني في اختيار كمرى SLR الي اهيا عدساتها كبيره حسب ما اعتقد.
انا جديد ومبتدىء في التصوير لكن ابي ادخل التصوير من اكبر ابوابه.
شنو الشركه الي تنصحوني بيها اتوقع هذلين هم اليدرز:

Canon
Sony
Nikon
Olympus
Pentax
ابي كميرى بميزانيه ممتازه.
في مواقع تعطي نصايح عشان اتعلم واحترف التصوير ممكن روابط ؟

هذي الخصائص من روائع خصائص كمرى الـ SLR بس سمعت ان مافي كمرة SLR تشملها كلها

الخصائص الي عجبتني فوق هم Action and Sports و Portraits و Landscapes و Night/Low Light و Indoor
انا شريت من كم سنة كمرة ديجيتال كايبر شوت وتحسفت وخاصتاً ان الزوم ما يفي بالغرض ما كان عندي درايه ان الـ SLR افضل واسرع وزوم اقوى و من نواحي كثيره.

وشكراً مقدماً لكل مشارك والله يوفقكم

 

[USefQ80]

الميزانية ؟؟

انا جديد ومبتدىء في التصوير لكن ابي ادخل التصوير من اكبر ابوابه.

Canon 5D و ادعيلي !
مشكلت الكامره هذي سعرها الخيالي !
في منها نوعين
Mark 2 & Mark 3
مافي فرق كبير بينهم و تقدر تدش YouTube و تشوف ريفيو عنهم

انا نفس حالتك مبتدئ, قبل فترة اخذتلي canon 550d و ناوي بالعطلة ادش دورات التصوير + فوتوشوب

 

[خالد العجمي xXx]

^
كم سعره5D

 

[USefQ80]

^^
بالكويت : 850 دينار بس البودي !! هذا المارك 2 ! المارك 3 اغلى
بس بأمازون سعر الكاميرا + عدسة = 11 الف ريال و كسور !!

 

[خالد العجمي xXx]

^
اوف غاليه بس فئهeos ممتاز ع ماسمعت

 

[USefQ80]

^^
اي الـ 5D و الـ 550D كلهم EOS و على اللي اسمعة Canon EOS احسن شي

 

[Fatale]

كثير سئلة كلهم ينصحون بـ

canon eos 550d

كامبتدى وتبي كامره احترافيه سهلة الإستحدام سعرها عندنا في المحلات الي عندها ذمة وضمير بـ 2800 او 2700 ريال

 

[--LOKA--]

وانا بعد اضم صوتي للي ذكرو canon EOS 550d
انا اشوفها جدا ممتازة ومناسبة وحتى سعرها معقول (ولاتنسى تحسب ميزانية العدسات لأن في عدسات متنوعة وتعتمد على غرض تصويرك)
يعني انا اقول بما انك مبتدأ خذ كاميرا احترافية بسعر معقول
يعني لاتاخذ وحدة بسعر مبالغ جدا ولاتستفيد من خصائصها وامكانياتها

عموما كانون شركة رائعة وماراح تخيب املك

 

[Skull Town]

شكراً لكل من شارك

الـ 5D جداً غاليه.

انا عندي ميزانيه اقدر اشتري فيها وحده من هذلين شنو افضلهم؟

Range:
Canon
EOS 1100D
EOS 550D
EOS 600D
EOS 60D
EOS 60Da
EOS 50D
EOS 7D


اخذ canon EOS 550d؟ مع عدسات متنوعه بنائاً على رد loka؟ او يمكن المديلات الحديثه مثل 7D يغنيني عن شراء اغلب العدسات كونه متطور اكثر؟ صراحه ما عندي خبره :
او
Sony
Sony SLT 77v

الي عجبني في كمرات سوني وانا اتصفح موقعهم لقيت خاصيه اسمها picture effect مع 11 ستايل وهذا مثال

اقدر اسوي نفس الحركه مع كانون؟

انا تصفحة امازون والصراحه 90% من الناس تشتري كانون!

 

[USefQ80]

راح اقولك اللي اعرفه انا p;
خلك عالكانون ! و داااائما راح تحتاج عدسات ! تقريبا كل عدسة لها استعمال ! والله على الميزانية اللي عندك اقولك فكر بالـ550d او 7d
شوف القناة ! خلها تكون مرجعك اذا تبي تشوف مقارنات بالكامرات و العدسات
[video=youtube;OYif6YYVlAw]http://www.youtube.com/watch?v=OYif6YYVlAw[/video]

هذا فيديو يقارن بين ال550d و الـ7d

 

[--LOKA--]

اخذ canon EOS 550d؟ مع عدسات متنوعه بنائاً على رد loka؟ او يمكن المديلات الحديثه مثل 7D يغنيني عن شراء اغلب العدسات كونه متطور اكثر؟ صراحه ما عندي خبره

اذا بتاخذها مو معناته تروح تشتري كل العدسات الموجودة! انت شوف العدسة المناسبة لطبيعة و مجال تصويرك لأن في عدسة تخدمك بالتصوير القريب وفي عدسة تخدمك بالتصوير البعيد وهكذا
و ممكن تشتري عدسة وحدة وتكفيك عموما ماعندي خبرة واسعة و دقيقة بالعدسات ان شالله احد يقدر يفيدك
(احس اني شوشت افكارك :tongue: )

 

[USefQ80]

انت شنو ودك يكون مجالك بالتصوير ؟ مناظر ؟ اشخاص Portrait ؟ لأن مثل ما قال لوكا كل عدسة لها مختصة بشي !

+

لا تنسى تدش دورات عشان تتعلم اساسيات التصوير

 

[Skull Town]

هههههه لا ما راح اشتري كل العدسات
انا يهمني في التصوير هذلين Action and Sports و Portraits و Landscapes و Night/Low Light و Indoor كم عدسه راح احتاج وشفت الفيديو استوعبت شنو قال بس لين الحين ما اعرف شنو اختار 550d او 7d
بالنسبه لدورات ودي اسجل بس ما اقدر على اساس انا يومياً اروح النادي وعندي ضغوطات الكليه بحاول اتعلم من الكتالوج او اشتري كتب تساعد في هذا المجال بس اذا لقيت الفرصه بحاول اسجل في دوره

 

[--LOKA--]

بخصوص سؤالك عن نوع العدسة المناسبة اقترح عليك انك تسأل شخص متخصص
لأن من ناحيتي ماعندي خبرة كافية بهالمجال خصوصا انك تبي تدخل مجال الاحتراف فلازم تكون ماشي صح ومختار بدقة
يعني راح تلاقي الاجابة الدقيقة في المواقع المتخصصة في مجال التصوير. للأسف ماقدر افيدك

وبخصوص الدورات والتعليم انصحك تطلع بعد على الشروحات في اليوتيوب ممكن تفيدك.
في دروس كثيرة راح تفيدك بمجال Action and Sports او Portraits او Landscapes أو اي مجال انت مهتم فيه
يعني على سبيل المثال لو كتبت
tutorial أو indoor photography tips
راح تلاقي اشياء كثيرة بالهبل سواء فيديو او ملفات PDF
وراح تلاقي اشياء ممتعة بعد كيف تسوي ستيديو مصغر من ادوات بسيطة عندك و غيره..يعني مافي مجال للحصر

وبالتوفيق

 

[أوكازو]

الصور اللي حطيتها كلها تعتمد على إعدادات الكاميرا و أي كاميرا فيه تحكم بفتحة العدسة و سرعة الشتر تقدر تسويها، حتى الكاميرات العادية.

تبي نصيحتي، شي ممتاز و تتعلم عليه و يقدم لك كل خصائص الـ SLR،
الثوب الجديد للـ SLR، اللي هي كاميرات الـ mirrorless
شف لك سلسلة نيكون الجديدة http://www.amazon.com/Nikon-Digital...QXJW/ref=sr_1_2?ie=UTF8&qid=1338358289&sr=8-2
و إلا سوني http://www.amazon.com/Sony-Compact-...1?s=electronics&ie=UTF8&qid=1338358372&sr=1-1

كلها تتغير فيها العدسات و تقدم لك تجربة احترافية متكاملة، بالإضافة لصغر حجمها و سعرها اللي بمتناول اليد.

و عموماً لو اصريت على كاميرة SLR،، لاتطب ع الكاميرات الغالية مثل Canon 5D و إلا Nikon D800، كلها غالية و تقدم خصائص ما تحتاجها إطلاقاً
و أهم سبب لغلاء سعرها هي انها full-frame

خلك على Nikon D3200 مثلاً، سعر مقبول و تقدم لك كل اللي تحتاجه للدخول بعالم التصوير
و إن كانك بتزود المبلغ شوي، خذ لك Nikon D7000

ما مرت علي من قبل بكاميرات نيكون و كانون

لكن بما انك مهتم بتطوير مستواك فوتوغرافياً، فلازم عليك انك تتعلم برامج تحرير الصور مثل الفوتوشوب، لايت روم، ابرتشر، كابتشر ان اكس و غيرها!
و بالبرامج هذي تقدر تسوي الحركة هذي بسهولة زي شربة الموية لما تتمرّس عليها!

و عموماً يعني، بالكاميرات الاحترافية الأشياء هذي ما تعني الكثير بالمواصفات أو ما تعني شيء إطلاقاً
لأنك لما تتقدم بالتصوير بتكون مرتبط ببرامج التحرير أكثر. فلو بغيت تسوي هالأشياء بيكون مكانها برامج التحرير

الأشياء المهمة حالياً بالكاميرات الاحترافية:
- تصوير الفيديو، أغلبها صار يصوّر
- أقصى سرعة للغالق، أغلبها الحين 1/4000 و الكاميرات الرياضية 1/8000
- حساسية السينسور للنويز مع الـ ISO، تظهر بالاختبارات "التشويش ع الصورة لما ترفع الآيزو"
- أعلى قدرة للآيزو
- كون الكاميرة فل فريم و إلا لا "الكاميرات الكبيرة أغلبها فل فريم، لكن غالية"

و عموماً، اخضاع الكاميرة للاختبارات هو اللي يبيّن مستواها فعلياً بعيداً عن المواصفات
عندك موقع مثل dpreview.com يقدم اختبارات للكاميرات و مقارنات أيضاً

و العدسة بالنهاية هي اللي لها الحصة الأكبر من التأثير على جودة الصورة
و هي بالمناسبة مثل سالفة الكاميرات فيه الغالي و الرخيص، و الغالي جداً جداً!

Action and Sports و Portraits و Landscapes و Night/Low Light و Indoor

كل شيء فيهم له عدسة بمواصفات معينة
Sports Action, عدسات بعيدة المدى مع فتحة عدسة واسعة
http://www.amazon.com/Nikon-70-200m...1?s=electronics&ie=UTF8&qid=1338359510&sr=1-1

Portraits/indoor/low light
عدسة ثابتة ببعد قصير
http://www.amazon.com/Nikon-50mm-NI...2?s=electronics&ie=UTF8&qid=1338359563&sr=1-2

Landscape
عدسات ببعد واسع
http://www.amazon.com/Nikon-14-24mm...?s=electronics&ie=UTF8&qid=1338359732&sr=1-26


و فيه عدسات يسمونها متعددة الأغراض تفيدك بأشياء كثيرة
http://www.amazon.com/Nikon-24-70mm...1?s=electronics&ie=UTF8&qid=1338359775&sr=1-1
http://www.amazon.com/Nikon-18-200m...1?s=electronics&ie=UTF8&qid=1338359791&sr=1-1

طبعاً كل هالعدسات لها أشياء معادلة من كانون

 

[Hironobu Sakaguchi]

على ما اظن عندكم جرير في الدوحة صح ؟
هذا عرض جديد عندنا شيك اذا موجود عندكم اذا كانت الكاميرا مناسبة لك

 

[Skull Town]

شكراً لكل من شارك في الموضوع استفدت جدا من ردودكم الله يوفقكم ان شاء الله
قررت اني اسجل في دوره في التصوير
راح ادرب على يد شخص محترف يستخدم كمرى من Canon لذلك
من الأجدر اني اشاوره او اني اخذ نفس كمرته بنائاً انه راح يدربني بيها راح اسجل شهر 7 ان شاء الله
بالنسبه لجرير عندنا فرعين في قطر بأذن الله اذا بشتري كانون ما راح افوت عرضهم
يعطيكم العافيه

 

[Solay]

معليش عالشطحه بس قريت العنوان ابي اشتري كامري.

 

[Vorg Zangief]

معليش عالشطحه بس قريت العنوان ابي اشتري كامري.

ههههههههههههههههههههه حتى انا كامري sLr
داخل اقول مافيه كامري SLR فيه مرسيدس xD
-- -- -- --
المهم
فيه اي خيار لك ، اهم شيء في الصور هي التآثيرات اللي تحطها ،
و انا اقولك اياها حتى لو كنت هاوي و لو كنت راعي سفرات كثيرة و تحب التصوير راح تستمتع كثيييييييييييير مع الكاميرا ،
+ لو تبي سعر ارخص اظن كاميرات نيكون سعرها ارخص و ادائها رهيب و لبي احتياجاتك و استخدامها سهل جداً جداً خصوصاً لمبتديء

 

[itachi]

توني اشوف الموضوع
كانون اللي قالو عنها الشباب ممتازه جدا وسعرها رخيص ..وعرض جرير ممتاز
سالفه الخصائص اليل أنت ذكرتها في بدايه الموضوع هذي تعتمد عالعدسات ..كل عدسه ممكن تستخدمها في تصوير مختلف عن الثانيه ..مثل البورتريه والطبيعيه والتصوير الليلي وتصوير الرياضه
يختلف حسب الكاميرا
الكاميرا ممتازه للمبتدئين وفيها خصائص ممتازه
ولا تخاف مستقبلا اذا ناوي تتطور وترتقي بكاميرا اعلى منها ...تقدر تغير بس بودي الكاميرا وتستخدم نفس العدسات اللي شريتها