Yuji Naka
Hardcore Gamer
ايه نعم كلوا تبن ! :evil:
الحين الواحد يقعد سنة عشان يطلع رخصة سواقة؟
السالفة ومافيها إنني أنا وأخوي اليوم الساعة 7 الصبح رحنا للمرور (مركز تعليم القيادة) عشان أطلع رخصة سواقة لي
طبعاً أنا كنت مستانس لأنني بطلع الرخصة وبأكون حر طليق في الشوارع
المهم يوم طلعنا من البيت ركبنا السيارة وشغلناها وطبعاً أخوي الله يعطيه العافية كان يراجع علي كيف أرجع ورى ، وأمشي قدام ، وكيف أوقف السيارة ، وألف يمين ولا يسار ، وأفحط ، وأي واحد يطلع علي أصدمه لأنه هو المخطي ، وإذا لقيت اتوبيس (اتوبيسات البطحاء ، أحد يعرفها؟) لاتعطيه فرصة يتقدم عليك ! وإذا جيت عند إشارة وشفت أتوبيس جاي رح على طول لأقصى خط على اليمين عشانه بيوقف هناك وماراح يلف يمين (يعني استقعد له) ، و.....الخ ===> طبعاً هو قالي أهم شيء أول ماتدخل السيارة تسكر الباب وتربط حزام الأمان وتشيك على المرايات وتضبط المقعد حقك
المهم ، أخيراً وصلنا للمركز ! دخلت المركز وأشوف عالم عندهم (قلت ياناس هذا أول يوم بالدراسة وزحمة ؟) -___-
المهم ، رحت أزين أوراقي وأنا مدري وش السالفة ! ماحطوا لك لوحة فيها المطلوب عشان تطلع الرخصة ولا أي شيء !
شفت الناس متجمعين عند مكان (ماسكين سرى "سرى = طابور" ، وطبعاً مايحتاج لازم تلقى لك واحد ناط من يمين ولا يسار ويمكن في بعض الأحيان من فوقك وأنت ماتدري ، ويمكن تلقى لك واحد بنغالي متزحلق من تحتك) ورحت مسكت سرى معهم :embarrassed: طبعاً وأنا ماسك سرى أكيد فيه ناس ساقطوا علي ، طبيعي جداً يصير هذا الشيء عندنا! وإذا ماصار الشيء هذا اعرف إن الدنيا صار لها شيء
المهم ، وأنا ماسك السرى وانتظرت وقت فيه ، شفت شيء غريب مع اللي ماسكين السرى معاي :roll: شفت ورقة فيها بيانات تعبيها (عشان تاخذ الرخصة) :sealed: واكتشفت إنني ماعندي هذي الورقة :slant: سألت اللي قدامي وقلت له: "من وين ماخذ الورقة هذي؟" قالي: "بتلئاها هون" وأشر على الزاوية ، قلت في نفسي: "حاطينها في آخر الدنيا هناك ليه؟" ، وقلت له: "يعطيك العافية" ، وطلعت من السرى ورحت لمكان الأوراق هذي وخذيت ورقة وعبيت البيانات اللي فيها ، وبعد ماعبيت البيانات رجعت للسرى ونفس الحالة معاه (تنتظر + ناس قليلين تربية يساقطون عليك) -___-
المهم ، بعد مامسكت السرى شفت هندي يسأل واحد من الواقفين في السرى ، المهم ذاك جزاه الله خير رد عليه وقاله : "هذا في لازم صورة شخصية يدبس هنا (كان يؤشر على الورقة حقت البيانات "فيها مكان تحط فيها صورتك الشخصية") المهم ذاك الهندي قاله : "في دباسة؟" (عشان يدبس الصورة بالورقة) ، ذاك الطيب علمه وين مكان الدباسة وراح لها ، وأنا لحقته :
: ، المهم دبست صورتي الشخصية بالورقة ورجعت للسرى مرة ثانية وقلت: "الحمدلله ، شكل القلق الحين بينتهي"
المهم ، بعد مامسكت السرى لقيت مخلوق فضائي مع اللي ماسكين السرى معاي ، لقيت ملف علاقي "ملف أخضر" معهم ، وأنا للأسف مامعي واحد :cryy: (أدري إن الغلط مني عشاني ماجبت واحد) ، قلت ننتظر نشوف يمكن نلقى ملف علاقي عندهم *_*
المهم ، بعد ماانتظرت وعانيت في السرى ، طبعاً في هذا الوقت كنت أتأمل الجمال الأخاذ حق المركز إلا وشوي يلفت انتباهي لوحة بعيــــدة مكتوب فيها متطلبات الرخصة !! قلت : "حاطينها بآخر الدنيا هناك؟؟؟؟؟؟؟ كيف يبونا نشوفها طيب؟؟؟؟؟" المهم قريت المتطلبات واكتشفت إن ماعندي خمس صور شمسية "كان معي أربع للأسف" ، والملف العلاقي ماعندي ، أخيراً وصلت للموظف وعطيته أوراقي وقالي: "وين ملفك العلاقي؟" قلت له : "ماعندكم واحد هنا؟" ، قال لي : "تلقى واحد عند البوفيه" قلت له : "وينها؟" ، قال لي: "برا" ، قلت له : "اها"
- أخوي من أول مادخلت المركز لين الحين قاعد يدوح (يدور - يتجول) بالمركز !
المهم شديت الرحال مع أخوي لخارج المركز إلى البوفيه عشان الملف العلاقي ، وصلنا للبوفيه (كانت قريبة) ودخلت وقلت للي ماسك المحل : "عندكم ملف علاقي هنا؟" قال لي: "فيه" وعطاني واحد وقال لي : "تلاتة ريال" ، قلت في نفسي : "ياسلام ، بعد ماارتفعت أسعار المواد الغذائية الحين أسعار الملفات ارتفعت !" المهم قلت ماعلينا وشريت واحد وخرمت الأوراق ودخلتها بالملف ، بعدين قلت له: "فيه تصوير هنا؟" قال لي : "ايوا فيه" وقال : "أربع صور بخمسة وعشرين" ===> حرامي
المهم شخصت (زينت شماغي) وصورت وقعدت دقيقة وعطاني الصور ، يوم شفتها قلت : "يع ! وشفيها عيوني جايه كذا؟"
المهم ، طلعت من البوفيه ورجعت للمركز ومسكت السرى للمرة المليون ، و... و... وأخيراً :cryy:
سلمت الملف للموظف وبعدين مدري وش سوى فيها (الظاهر ختمها) ورجع لي الملف وقال: "رح لصندوق (يقصد بالصندوق الدريشة أو الموظف ، مدري عاد!) 10 أو 11" ، خذيت أوراقي والتفت يمين وأشوف "صندوق 10" وبجنبه "صندوق 11" ، رحت لصندوق 10 وكان فيه واحد قدامي ، خلص شغله وبعدين جيت للموظف وعطيته الملف وقال لي: "بطاقة الأحوال وثلاث صور شمسية و 100 ريال" ==> الجملة هذي ماسمعتها زين على فكرة ! بس سمعت أول وحدة اللي هي "بطاقة الأحوال"
عطيته بطاقة الأحوال وقلت له: "وش بعد؟" ، قال لي: "ثلاث صور شمسية و100 ريال" ===> سمعت أول وحدة بس والثانية لا !
عطيته الثلاث صور الشمسية وقلت له : "وش بعد؟" ===> خخخخ أحس إنه تعقد مني XD
قال لي: "100 ريال" ، عطيته الـ100 ريال وقعدت أنتظر شوي !
بعدين عطاني إيصال وقال لي : "رح لغرفة رقم 1" ، قلت له: "وينها؟" ، قال لي: "لف يسار بعدين يمين وتلقاها" قلت له: يعطيك العافية"
المهم ، رحت للغرفة وشفت كم واحد فيها ، المهم دخلت وسلمت عليهم وردوا السلام علي ، سألت واحد بجنبي وقلت له: "وش نسوي هنا"؟ قال لي: "مدري والله ، الظاهر ننتظر هنا لين يجون" ، المهم جلست في واحد من الكراسي اللي بالغرفة ، وطبعاً ماشاء الله على الكراسي مكسرة وحالتها حالة ، والغرفة بعد كلها غبار وحر وعرق وخياس ، والغبار اللي في الغرفة ماقصر وجاب لنا الزكام حسبي الله عليهم -___- والأنوار مطفاة ، والمكيف بس واحد اللي يشتغل ومايبرد بعد -__-
المهم ، وأنا جالس قعدت أتفرج على الغرفة شوي ، شفت قدامي سبورة عملاقة فيها ذيك علامات المرور (اللي تقولك "ممنوع الوقوف" و "ممنوع الدخول" و "مسموح التجاوز" و "ممنوع التجاوز قطعياً" و "تهيأ للوقوف" و "هديء السرعة" و "مطعم" و "محطة محروقات" و "مركز إسعاف" و "ممنوع الوقوف والانتظار" و "عبور مشاة" و ...الخ) ، أول ماشفتها صراحة قلت 97% من العلامات هذي أول مرة أشوفها ، اللي نستخدمها هنا بالرياض يمكن ماتتجاوز الخمسة ×_×
المهم ، التفت يسار شوي وألقى قطع غيار منتهية وأشياء مدري وش تبي !
شوي ويكلمني اللي بجنبي ويقول : "متى بيجون ذولي؟" ، قلت له: "شكلهم ريضين / ريظين (مدري وشلون تنكتب صراحة ! المهم معناها "يتأخرون" أو شيء زي كذا)"
الوقت يمر ويمر ... -___-
ويمر ... -___-
ويمر.... -___-
و... (كملوا أنتم) -___-
تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك ===> لولا صوت الساعة هذي كنت بحس إني ميت استغفر الله -__-
المهم قعدت أكثر من ساعة وأنا على هذي الحال -________-
بعد مامرت ساعة وربع جا واحد (مصري وهو نفسه المحاضر اللي بيشرح لنا التعليمات حقتهم) وشغل الأنوار والمكيفات ! وبعدين قال: "ياشباب ، لو سمحتوا حطوا إيصالاتكم هنا (يقصد فوق ماصته (ماصة = طاولة))"
بعده بشوي جا هندي وجاب الأوراق ذيك اللي فيها علامات المرور أو إشارات المرور (سموها مثل ماتحبون) ، وكل واحد أخذ له وحدة ، وقعدنا نتفرج فيها (كلها كلام فاضي على فكرة)
بعد عشر دقايق تقريباً جا ذاك المصري مرة ثانية ودخل الغرفة وقعد بماصته وقام يعد الإيصالات ويقرا الأسماء ويسجلها ، بعد ماانتهى قال: "مين ماسمع اسمه؟" ، فيه واحد رفع يده وقال له المحاضر : "لو سمحت اطلع برا" ، طبعاً حصل سوء فهم وطلع إن المحاضر نسى يقرا الإيصال حق الرجال ويسجل اسمه ، بعدها رجع الرجال لمكانه وبدت المحاضرة ...
أول شيء شرحه لنا هو طريقة الاختبار ، قال لنا إن فيه اختبارين ، اختبار نظري (حق إشارات المرور هذي والفلسفة حقتهم) وقال لنا كيف نختبره (نختبر على آلة مثل حقت الصراف بشاشة لمس) والاختبار الثاني اختبار القيادة ، المهم ماعلينا مايحتاج أفصل لكم
المهم يوم خلص من شرح طريقة الاختبارين انتقلنا لشرح إشارات المرور ، طبعاً أول شيء قاله هو إن أغلب الإشارات هذي مب موجودة بالسعودية (واضح قصده كان وش) وقال إن هذي تشوفونها بالدول الأوروبية وأمريكا ..الخ
المهم ماعلينا ، يوم خلص الشرح عطانا بريك (فسحة / وقت فراغ) نص ساعة
خذيت الورقة حقتي وطلعت برا الغرفة ورحت للبوفيه عشان آكل (عندهم كبدة ومدري وش) ، المهم خذيت لي ميرندا :kiss: ===> طعمه ماكان حلو
شربت الميرندا ورجعت للغرفة وقعدت أراجع في ذي الورقة شوي عشان الاختبار حقهم
بعد ثلث ساعة من دخولي للغرفة جا المحاضر ذاك وسكر الباب وراه وكمل الشرح حقه ، وقال لنا بعد لازم ندفع 75 ريال عن طريق صراف الراجحي عشان نحصل على الرخصة ، وأيضاً مانقدر ندفع عندهم !! لازم عن طريق الصراف (شفتوا التخلف كيف؟) وبعد قال لازم كل واحد يحلل فصيلة الدم حقته عشان ياخذ الرخصة ، وقال إن فيه مندوب من مستشفى الشميسي عندهم عشان تحليل الدم !
بعد ماانتهى من الشرح قال لنا إن الاختبارين بيكونوا بعد صلاة الظهر (الساعة 12 ونص تحديداً)
وقال بعد الصلاة نجي للغرفة رقم 1 (ماسمعناه زين هنا) عشان ناخذ إيصال بحضور الدورة حقتهم وبعدين نروح للغرفة رقم 2 عشان نختبر الاختبار حق إشارات المرور بعدين نروح لغرفة برا المركز عشان اختبار القيادة
انتهينا من الدورة ذي حقتهم وقال لنا إذا أي واحد يبغى يخلص الإجراءات حقته يقدر يخلصها الحين مادام فيه وقت !
المهم كلنا طلعنا ورحنا عند ذاك حق تحليل الدم ! يوم رحنا له قال لنا : "مافيه تحليل دم ، السعوديين يروحون يحللون عند مستشفى الأمير سلمان أو مستشفى الشميسي ، تحليل الدم هنا لغير السعوديين" ===> شايفينا خرفان ولا حمير ولا بقر ولا وش؟؟؟ :evil: السعوديين يروحون يحللون برا والأجانب داخل في المركز؟؟؟؟؟ وش التخلف هذا؟ -__-
المهم طلعنا وإنا معصبين
بعد شوي أذن الظهر والمركز صكوه ، والعالم راحت تصلي وبعضهم قعد ينتظر برا المركز ، والمسجد بعيد ، السؤال هنا هو ليش ماخلونا نصلي بالمركز حقهم طيب؟
المهم بعد ماخلصت الصلاة فتحوا المركز ورحنا للغرفة 2 (المفروض نروح للغرفة رقم 1 بس ماسمعناه زين) وقعدنا ننتظر ، وجا واحد وقال: "وش عندكم؟" ، قلنا: "بنختبر" ، قال: "وين إيصالاتكم؟" ، قلنا: "أي إيصالات؟" قال : "روحوا خذوها من الغرفة رقم 1" ، رحنا للغرفة رقم 1 وقعدنا ننتظر 10 دقايق وخذينا الإيصالات ، ورحنا للغرفة رقم 2 عشان نختبر
دخلنا الغرفة رقم 2 وانتظرنا شوي في المقاعد ، بعد خمس دقايق صاروا ينادون كل واحد مع رقم الجهاز حقه (شروط الاختبار إنك لازم تجاوب على 15 سؤال إجابة صحيحة عشان تكون ناجح ، والاختبار كله 20 سؤال) ، طبعاً كل واحد كان على أعصابه !
لمان نادوا اسمي وطلعت أحل والحمدلله نجحت
وطبعاً الباقين مابين ناجح وراسب الله يستر علينا وعليهم
المهم الناجحين عطوهم إيصالات جديدة وقالوا لهم يتوجهون للغرفة اللي برا المركز عشان اختبار القيادة ، والراسبين يراجعونهم بعد 7 أيام (بعد أسبوع يعني ، مدري ليش مايختصرونها ويقولون أسبوع بدال 7 أيام!)
المهم طلعنا للغرفة اللي برا المركز عشان اختبار القيادة (كانت فيه عندهم سيارة اوتوماتيك للي مايعرفون يسوقون بالعادي) ، يوم وصلنا لها سلمنا إيصالاتنا للي قاعدين بالمكتب هناك ، وإنا قعدنا ننتظر بالمقاعد حقتهم ، انتظرنا يمكن ثلث ولا نص ساعة
بعد شوي جا العسكري وقام ينادي بالأسماء ، كل أربعة يركبون بسيارة (واحد يسوق والثلاثة ورا ، والعسكري يجلس بجنب السواق) طبعاً السيارة لسوء الحظ كانت عادي
والناس مابين ناجح وراسب ومابين من تطفي عليهم السيارة وهم يحاولون يعشّقون (حاولت أدور معناها بالعربي بس ماعرفت ، للي يعرف ياليت يقول للإخوان اللي مايعرفون معناها) بس ماعرفوا ومابين من يحاولون يعشّقون ونجحوا بالمحاولة ولله الحمد
أنا صراحة تحمست وحبيت إني أعشّق وأنشّق بس خفت إذا جربت (وأنا ماأعرف أسوق بالعادي أصلاً) أرسب وأجيهم بعد أسبوع
المهم العسكري نادى اسمي وقلت له : "فيه اوتوماتيك؟" قال لي: "ليه؟ ماتعرف تسوق عادي؟" :evil: قلت له : "لا" ، قال لي: "تعال بكره الساعة 7 الصبح" ، قلت له: "ليه؟" قال : "السيارة اللي تحكمها اوتوماتيك مب فيه" ، قلت له : "وين اختفت؟ كانت هنا من شوي" ، قال لي: "انحاشت" ، قلت له :"ماشاء الله" ==> بغيت أقول كلام غير هذا بس خفت لايقوم علي :yuck:
ورجعت وقلت له: "بكره الساعة 7 الصبح ، صح؟" قال لي :"ايه" :evil:
طلعت من الغرفة حقتهم وأخوي شافني وقال: "هاه ، بشر !" ، قلت له: "يقولون تعال بكره" ، قال لي: "ليه؟" ، قلت له: "عشان السيارة الاوتوماتيك حقتهم انحاشت" ، قال لي: "هماهي كانت هنا من شوي؟" ، قلت له: "ولكم تو ذا ريل وورلد" -__-
ركبنا السيارة ورحنا لمستشفى الأمير سلمان عشان نحلل الدم حسبي الله عليهم ، وكان الوقت ظهر الساعة 1 ونص !! يعني من الساعة 7 لين الساعة 1 ونص وأنا عندهم حسبي الله عليهم :evil:
طبعاً أول ماركبنا السيارة نطينا وقلنا : "آآآآآآي"
السيارة كانت حارة XD
وإنا في الطريق قلت : "آآآآآآه ، أبي فراشي :cryy: أبي مخدة أسعبل عليها" :cryy: ===> "السعابيل" هي اللي يطلعها الواحد من فمه وهو نايم ! و"المخدة" هي "الوسادة" = "اللي تحط راسك عليها"
وصلنا للمستشفى ودورنا على مختبر تحليل الدم ولقيناه أخيراً ، دخلت المختبر وقلت لراعيه : "فيه تحليل دم هنا؟ فصيلة دم" قال لي: "ليش؟" ، قلت له : "عشان رخصة القيادة" ، قال لي: "اها ، بس لازم تتبرع بالدم" قلت له : "ليه؟" ، قال : "القوانين" ، قلت له : "وأنا فيني دم أصلاً عشان أعطيكم؟" ، قال لي: "كم وزنك؟" ، قلت له: "مدري" XD قال لي: "وقف فوق ذيك الآلة" ، وقفت فوقها وقاس طولي ووزني !
الحسنة الوحيدة اللي أخذتها من روحتي للمستشفى هذا هي معرفتي لطولي ووزني والحمدلله
المهم كملنا النقاش حقنا ، يقول لي: "تتبرع دم؟" ، قلت : "ياخي ماأبي أتبرع ، المرور قالولي نبي فصيلة الدم حقتك ، ماقالولي نبيك تتبرع بدمك ، وبعدين أصلاً مافيني دم عشان أتبرع" ، قال لي: "عندك أمراض مزمنة؟" قلت له : "ايه" ، قال لي : "وش؟" قلت له : "ربو" ، قال لي: "عندك ضغط وسكر؟" ، قلت له : "مدري" ، المهم هو طلع ورقة وقال لي: "عطني بطاقة الأحوال حقتك" ، قلت له: "ليه؟" ===> ناوي يتصفق XD
المهم عطيته بطاقة الأحوال وسجل كم شيء بعدين عطاني الورقة وقال لي: "رح للدكتور يكشف عليك" ، قلت له: "يكشف وش؟ أنا جاي أحلل ولا عشان أكشف؟" ، قال لي: "عشان يشوف فيك ضغط ولا لا" ، قلت : "اها ، زين" ، وقال لي: "أكلت شيء؟" ، قلت له: "من الساعة 7 ماأكلت شيء" ، قال لي: "رح أكل لك شيء بعدين تعال ناخذ منك دم" ، قلت : "ايه ، هين" :slant: في نفس ذا الوقت جاتني دوخة بسبب المرور حسبي الله عليهم
المهم رجعنا لبر الأمان ، البــــــيــــــــت
أكلنا الغداء وهوباااااااااا على الفراش
قمت من النوم وشربت شاهي + أكلت بسكوت سمسم "أحد يحبه هنا؟" وقعدت على الجهاز ، وفتحت صفحة تروجيمنج وقعدت أتفرج على المواضيع
أذن المغرب ورحنا نصلي ، بعد ماخلصنا من الصلاة هوباااا على مستشفى الأمير سلمان عشان أحلل
طبعاً زحمة شوارع الرياض مايحتاج نقولها
المهم ، وصلنا للمستشفى (صارت فيه سواليف كثيرة غبية) وطلعنا منه بدون أي فايدة (تحليل الدم في الصبح ، وقياس الضغط سويته على الفاضي حسبي الله عليهم)
رحنا لمستشفى الشميسي وقلنا يمكن يحالفنا الحظ هناك (كان مع أذان العشاء)
وصلنا ورحنا لبنك الدم وقعدنا ننتظر هناك لين تنتهي الصلاة ، انتهت الصلاة ، وبدا تسجيل الأسماء (تقريباً قعدنا 40 دقيقة)
بعد ربع ساعة نادوا اسمي ورحت لهم وحللوا دمي وماخذوا تبرع دم مني !!! استغربت صراحة ، عطوني ورقة وقالوا لي: "رح للمدير يختمها لك" ، قلت : "مافيه تبرع؟" ، قال: "لا" ، أنا هنا استانست الصراحة وقلت : "يعطيك العافية" ، ورحنا للمدير ختم الورقة والحمدلله هي معي الحين
بعد ماخلصنا من الهرج هذا كله رجعنا للبيت وكتبت الموضوع هذا .
باقي اختبار القيادة اليوم إن شاء الله الساعة 7 الصبح ، بنجتازه إن شاء الله ونحصل على الرخصة
اوبس ! باقي شيء واحد ! باقي الـ75 ريال مادفعتها لأن صراف الراجحي متخلف ، مايبينا نسدد في الليل -___-
الحين الواحد يقعد سنة عشان يطلع رخصة سواقة؟
السالفة ومافيها إنني أنا وأخوي اليوم الساعة 7 الصبح رحنا للمرور (مركز تعليم القيادة) عشان أطلع رخصة سواقة لي
طبعاً أنا كنت مستانس لأنني بطلع الرخصة وبأكون حر طليق في الشوارع
المهم يوم طلعنا من البيت ركبنا السيارة وشغلناها وطبعاً أخوي الله يعطيه العافية كان يراجع علي كيف أرجع ورى ، وأمشي قدام ، وكيف أوقف السيارة ، وألف يمين ولا يسار ، وأفحط ، وأي واحد يطلع علي أصدمه لأنه هو المخطي ، وإذا لقيت اتوبيس (اتوبيسات البطحاء ، أحد يعرفها؟) لاتعطيه فرصة يتقدم عليك ! وإذا جيت عند إشارة وشفت أتوبيس جاي رح على طول لأقصى خط على اليمين عشانه بيوقف هناك وماراح يلف يمين (يعني استقعد له) ، و.....الخ ===> طبعاً هو قالي أهم شيء أول ماتدخل السيارة تسكر الباب وتربط حزام الأمان وتشيك على المرايات وتضبط المقعد حقك
المهم ، أخيراً وصلنا للمركز ! دخلت المركز وأشوف عالم عندهم (قلت ياناس هذا أول يوم بالدراسة وزحمة ؟) -___-
المهم ، رحت أزين أوراقي وأنا مدري وش السالفة ! ماحطوا لك لوحة فيها المطلوب عشان تطلع الرخصة ولا أي شيء !
شفت الناس متجمعين عند مكان (ماسكين سرى "سرى = طابور" ، وطبعاً مايحتاج لازم تلقى لك واحد ناط من يمين ولا يسار ويمكن في بعض الأحيان من فوقك وأنت ماتدري ، ويمكن تلقى لك واحد بنغالي متزحلق من تحتك) ورحت مسكت سرى معهم :embarrassed: طبعاً وأنا ماسك سرى أكيد فيه ناس ساقطوا علي ، طبيعي جداً يصير هذا الشيء عندنا! وإذا ماصار الشيء هذا اعرف إن الدنيا صار لها شيء
المهم ، وأنا ماسك السرى وانتظرت وقت فيه ، شفت شيء غريب مع اللي ماسكين السرى معاي :roll: شفت ورقة فيها بيانات تعبيها (عشان تاخذ الرخصة) :sealed: واكتشفت إنني ماعندي هذي الورقة :slant: سألت اللي قدامي وقلت له: "من وين ماخذ الورقة هذي؟" قالي: "بتلئاها هون" وأشر على الزاوية ، قلت في نفسي: "حاطينها في آخر الدنيا هناك ليه؟" ، وقلت له: "يعطيك العافية" ، وطلعت من السرى ورحت لمكان الأوراق هذي وخذيت ورقة وعبيت البيانات اللي فيها ، وبعد ماعبيت البيانات رجعت للسرى ونفس الحالة معاه (تنتظر + ناس قليلين تربية يساقطون عليك) -___-
المهم ، بعد مامسكت السرى شفت هندي يسأل واحد من الواقفين في السرى ، المهم ذاك جزاه الله خير رد عليه وقاله : "هذا في لازم صورة شخصية يدبس هنا (كان يؤشر على الورقة حقت البيانات "فيها مكان تحط فيها صورتك الشخصية") المهم ذاك الهندي قاله : "في دباسة؟" (عشان يدبس الصورة بالورقة) ، ذاك الطيب علمه وين مكان الدباسة وراح لها ، وأنا لحقته :
: ، المهم دبست صورتي الشخصية بالورقة ورجعت للسرى مرة ثانية وقلت: "الحمدلله ، شكل القلق الحين بينتهي"المهم ، بعد مامسكت السرى لقيت مخلوق فضائي مع اللي ماسكين السرى معاي ، لقيت ملف علاقي "ملف أخضر" معهم ، وأنا للأسف مامعي واحد :cryy: (أدري إن الغلط مني عشاني ماجبت واحد) ، قلت ننتظر نشوف يمكن نلقى ملف علاقي عندهم *_*
المهم ، بعد ماانتظرت وعانيت في السرى ، طبعاً في هذا الوقت كنت أتأمل الجمال الأخاذ حق المركز إلا وشوي يلفت انتباهي لوحة بعيــــدة مكتوب فيها متطلبات الرخصة !! قلت : "حاطينها بآخر الدنيا هناك؟؟؟؟؟؟؟ كيف يبونا نشوفها طيب؟؟؟؟؟" المهم قريت المتطلبات واكتشفت إن ماعندي خمس صور شمسية "كان معي أربع للأسف" ، والملف العلاقي ماعندي ، أخيراً وصلت للموظف وعطيته أوراقي وقالي: "وين ملفك العلاقي؟" قلت له : "ماعندكم واحد هنا؟" ، قال لي : "تلقى واحد عند البوفيه" قلت له : "وينها؟" ، قال لي: "برا" ، قلت له : "اها"
- أخوي من أول مادخلت المركز لين الحين قاعد يدوح (يدور - يتجول) بالمركز !
المهم شديت الرحال مع أخوي لخارج المركز إلى البوفيه عشان الملف العلاقي ، وصلنا للبوفيه (كانت قريبة) ودخلت وقلت للي ماسك المحل : "عندكم ملف علاقي هنا؟" قال لي: "فيه" وعطاني واحد وقال لي : "تلاتة ريال" ، قلت في نفسي : "ياسلام ، بعد ماارتفعت أسعار المواد الغذائية الحين أسعار الملفات ارتفعت !" المهم قلت ماعلينا وشريت واحد وخرمت الأوراق ودخلتها بالملف ، بعدين قلت له: "فيه تصوير هنا؟" قال لي : "ايوا فيه" وقال : "أربع صور بخمسة وعشرين" ===> حرامي
المهم شخصت (زينت شماغي) وصورت وقعدت دقيقة وعطاني الصور ، يوم شفتها قلت : "يع ! وشفيها عيوني جايه كذا؟"
المهم ، طلعت من البوفيه ورجعت للمركز ومسكت السرى للمرة المليون ، و... و... وأخيراً :cryy:
سلمت الملف للموظف وبعدين مدري وش سوى فيها (الظاهر ختمها) ورجع لي الملف وقال: "رح لصندوق (يقصد بالصندوق الدريشة أو الموظف ، مدري عاد!) 10 أو 11" ، خذيت أوراقي والتفت يمين وأشوف "صندوق 10" وبجنبه "صندوق 11" ، رحت لصندوق 10 وكان فيه واحد قدامي ، خلص شغله وبعدين جيت للموظف وعطيته الملف وقال لي: "بطاقة الأحوال وثلاث صور شمسية و 100 ريال" ==> الجملة هذي ماسمعتها زين على فكرة ! بس سمعت أول وحدة اللي هي "بطاقة الأحوال"
عطيته بطاقة الأحوال وقلت له: "وش بعد؟" ، قال لي: "ثلاث صور شمسية و100 ريال" ===> سمعت أول وحدة بس والثانية لا !
عطيته الثلاث صور الشمسية وقلت له : "وش بعد؟" ===> خخخخ أحس إنه تعقد مني XD
قال لي: "100 ريال" ، عطيته الـ100 ريال وقعدت أنتظر شوي !
بعدين عطاني إيصال وقال لي : "رح لغرفة رقم 1" ، قلت له: "وينها؟" ، قال لي: "لف يسار بعدين يمين وتلقاها" قلت له: يعطيك العافية"
المهم ، رحت للغرفة وشفت كم واحد فيها ، المهم دخلت وسلمت عليهم وردوا السلام علي ، سألت واحد بجنبي وقلت له: "وش نسوي هنا"؟ قال لي: "مدري والله ، الظاهر ننتظر هنا لين يجون" ، المهم جلست في واحد من الكراسي اللي بالغرفة ، وطبعاً ماشاء الله على الكراسي مكسرة وحالتها حالة ، والغرفة بعد كلها غبار وحر وعرق وخياس ، والغبار اللي في الغرفة ماقصر وجاب لنا الزكام حسبي الله عليهم -___- والأنوار مطفاة ، والمكيف بس واحد اللي يشتغل ومايبرد بعد -__-
المهم ، وأنا جالس قعدت أتفرج على الغرفة شوي ، شفت قدامي سبورة عملاقة فيها ذيك علامات المرور (اللي تقولك "ممنوع الوقوف" و "ممنوع الدخول" و "مسموح التجاوز" و "ممنوع التجاوز قطعياً" و "تهيأ للوقوف" و "هديء السرعة" و "مطعم" و "محطة محروقات" و "مركز إسعاف" و "ممنوع الوقوف والانتظار" و "عبور مشاة" و ...الخ) ، أول ماشفتها صراحة قلت 97% من العلامات هذي أول مرة أشوفها ، اللي نستخدمها هنا بالرياض يمكن ماتتجاوز الخمسة ×_×
المهم ، التفت يسار شوي وألقى قطع غيار منتهية وأشياء مدري وش تبي !
شوي ويكلمني اللي بجنبي ويقول : "متى بيجون ذولي؟" ، قلت له: "شكلهم ريضين / ريظين (مدري وشلون تنكتب صراحة ! المهم معناها "يتأخرون" أو شيء زي كذا)"
الوقت يمر ويمر ... -___-
ويمر ... -___-
ويمر.... -___-
و... (كملوا أنتم) -___-
تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك تك ===> لولا صوت الساعة هذي كنت بحس إني ميت استغفر الله -__-
المهم قعدت أكثر من ساعة وأنا على هذي الحال -________-
بعد مامرت ساعة وربع جا واحد (مصري وهو نفسه المحاضر اللي بيشرح لنا التعليمات حقتهم) وشغل الأنوار والمكيفات ! وبعدين قال: "ياشباب ، لو سمحتوا حطوا إيصالاتكم هنا (يقصد فوق ماصته (ماصة = طاولة))"
بعده بشوي جا هندي وجاب الأوراق ذيك اللي فيها علامات المرور أو إشارات المرور (سموها مثل ماتحبون) ، وكل واحد أخذ له وحدة ، وقعدنا نتفرج فيها (كلها كلام فاضي على فكرة)
بعد عشر دقايق تقريباً جا ذاك المصري مرة ثانية ودخل الغرفة وقعد بماصته وقام يعد الإيصالات ويقرا الأسماء ويسجلها ، بعد ماانتهى قال: "مين ماسمع اسمه؟" ، فيه واحد رفع يده وقال له المحاضر : "لو سمحت اطلع برا" ، طبعاً حصل سوء فهم وطلع إن المحاضر نسى يقرا الإيصال حق الرجال ويسجل اسمه ، بعدها رجع الرجال لمكانه وبدت المحاضرة ...
أول شيء شرحه لنا هو طريقة الاختبار ، قال لنا إن فيه اختبارين ، اختبار نظري (حق إشارات المرور هذي والفلسفة حقتهم) وقال لنا كيف نختبره (نختبر على آلة مثل حقت الصراف بشاشة لمس) والاختبار الثاني اختبار القيادة ، المهم ماعلينا مايحتاج أفصل لكم
المهم يوم خلص من شرح طريقة الاختبارين انتقلنا لشرح إشارات المرور ، طبعاً أول شيء قاله هو إن أغلب الإشارات هذي مب موجودة بالسعودية (واضح قصده كان وش) وقال إن هذي تشوفونها بالدول الأوروبية وأمريكا ..الخ
المهم ماعلينا ، يوم خلص الشرح عطانا بريك (فسحة / وقت فراغ) نص ساعة
خذيت الورقة حقتي وطلعت برا الغرفة ورحت للبوفيه عشان آكل (عندهم كبدة ومدري وش) ، المهم خذيت لي ميرندا :kiss: ===> طعمه ماكان حلو
شربت الميرندا ورجعت للغرفة وقعدت أراجع في ذي الورقة شوي عشان الاختبار حقهم
بعد ثلث ساعة من دخولي للغرفة جا المحاضر ذاك وسكر الباب وراه وكمل الشرح حقه ، وقال لنا بعد لازم ندفع 75 ريال عن طريق صراف الراجحي عشان نحصل على الرخصة ، وأيضاً مانقدر ندفع عندهم !! لازم عن طريق الصراف (شفتوا التخلف كيف؟) وبعد قال لازم كل واحد يحلل فصيلة الدم حقته عشان ياخذ الرخصة ، وقال إن فيه مندوب من مستشفى الشميسي عندهم عشان تحليل الدم !
بعد ماانتهى من الشرح قال لنا إن الاختبارين بيكونوا بعد صلاة الظهر (الساعة 12 ونص تحديداً)
وقال بعد الصلاة نجي للغرفة رقم 1 (ماسمعناه زين هنا) عشان ناخذ إيصال بحضور الدورة حقتهم وبعدين نروح للغرفة رقم 2 عشان نختبر الاختبار حق إشارات المرور بعدين نروح لغرفة برا المركز عشان اختبار القيادة
انتهينا من الدورة ذي حقتهم وقال لنا إذا أي واحد يبغى يخلص الإجراءات حقته يقدر يخلصها الحين مادام فيه وقت !
المهم كلنا طلعنا ورحنا عند ذاك حق تحليل الدم ! يوم رحنا له قال لنا : "مافيه تحليل دم ، السعوديين يروحون يحللون عند مستشفى الأمير سلمان أو مستشفى الشميسي ، تحليل الدم هنا لغير السعوديين" ===> شايفينا خرفان ولا حمير ولا بقر ولا وش؟؟؟ :evil: السعوديين يروحون يحللون برا والأجانب داخل في المركز؟؟؟؟؟ وش التخلف هذا؟ -__-
المهم طلعنا وإنا معصبين
بعد شوي أذن الظهر والمركز صكوه ، والعالم راحت تصلي وبعضهم قعد ينتظر برا المركز ، والمسجد بعيد ، السؤال هنا هو ليش ماخلونا نصلي بالمركز حقهم طيب؟
المهم بعد ماخلصت الصلاة فتحوا المركز ورحنا للغرفة 2 (المفروض نروح للغرفة رقم 1 بس ماسمعناه زين) وقعدنا ننتظر ، وجا واحد وقال: "وش عندكم؟" ، قلنا: "بنختبر" ، قال: "وين إيصالاتكم؟" ، قلنا: "أي إيصالات؟" قال : "روحوا خذوها من الغرفة رقم 1" ، رحنا للغرفة رقم 1 وقعدنا ننتظر 10 دقايق وخذينا الإيصالات ، ورحنا للغرفة رقم 2 عشان نختبر
دخلنا الغرفة رقم 2 وانتظرنا شوي في المقاعد ، بعد خمس دقايق صاروا ينادون كل واحد مع رقم الجهاز حقه (شروط الاختبار إنك لازم تجاوب على 15 سؤال إجابة صحيحة عشان تكون ناجح ، والاختبار كله 20 سؤال) ، طبعاً كل واحد كان على أعصابه !
لمان نادوا اسمي وطلعت أحل والحمدلله نجحت
وطبعاً الباقين مابين ناجح وراسب الله يستر علينا وعليهم
المهم الناجحين عطوهم إيصالات جديدة وقالوا لهم يتوجهون للغرفة اللي برا المركز عشان اختبار القيادة ، والراسبين يراجعونهم بعد 7 أيام (بعد أسبوع يعني ، مدري ليش مايختصرونها ويقولون أسبوع بدال 7 أيام!)
المهم طلعنا للغرفة اللي برا المركز عشان اختبار القيادة (كانت فيه عندهم سيارة اوتوماتيك للي مايعرفون يسوقون بالعادي) ، يوم وصلنا لها سلمنا إيصالاتنا للي قاعدين بالمكتب هناك ، وإنا قعدنا ننتظر بالمقاعد حقتهم ، انتظرنا يمكن ثلث ولا نص ساعة
بعد شوي جا العسكري وقام ينادي بالأسماء ، كل أربعة يركبون بسيارة (واحد يسوق والثلاثة ورا ، والعسكري يجلس بجنب السواق) طبعاً السيارة لسوء الحظ كانت عادي
والناس مابين ناجح وراسب ومابين من تطفي عليهم السيارة وهم يحاولون يعشّقون (حاولت أدور معناها بالعربي بس ماعرفت ، للي يعرف ياليت يقول للإخوان اللي مايعرفون معناها) بس ماعرفوا ومابين من يحاولون يعشّقون ونجحوا بالمحاولة ولله الحمد
أنا صراحة تحمست وحبيت إني أعشّق وأنشّق بس خفت إذا جربت (وأنا ماأعرف أسوق بالعادي أصلاً) أرسب وأجيهم بعد أسبوع
المهم العسكري نادى اسمي وقلت له : "فيه اوتوماتيك؟" قال لي: "ليه؟ ماتعرف تسوق عادي؟" :evil: قلت له : "لا" ، قال لي: "تعال بكره الساعة 7 الصبح" ، قلت له: "ليه؟" قال : "السيارة اللي تحكمها اوتوماتيك مب فيه" ، قلت له : "وين اختفت؟ كانت هنا من شوي" ، قال لي: "انحاشت" ، قلت له :"ماشاء الله" ==> بغيت أقول كلام غير هذا بس خفت لايقوم علي :yuck:
ورجعت وقلت له: "بكره الساعة 7 الصبح ، صح؟" قال لي :"ايه" :evil:
طلعت من الغرفة حقتهم وأخوي شافني وقال: "هاه ، بشر !" ، قلت له: "يقولون تعال بكره" ، قال لي: "ليه؟" ، قلت له: "عشان السيارة الاوتوماتيك حقتهم انحاشت" ، قال لي: "هماهي كانت هنا من شوي؟" ، قلت له: "ولكم تو ذا ريل وورلد" -__-
ركبنا السيارة ورحنا لمستشفى الأمير سلمان عشان نحلل الدم حسبي الله عليهم ، وكان الوقت ظهر الساعة 1 ونص !! يعني من الساعة 7 لين الساعة 1 ونص وأنا عندهم حسبي الله عليهم :evil:
طبعاً أول ماركبنا السيارة نطينا وقلنا : "آآآآآآي"
السيارة كانت حارة XD
وإنا في الطريق قلت : "آآآآآآه ، أبي فراشي :cryy: أبي مخدة أسعبل عليها" :cryy: ===> "السعابيل" هي اللي يطلعها الواحد من فمه وهو نايم ! و"المخدة" هي "الوسادة" = "اللي تحط راسك عليها"
وصلنا للمستشفى ودورنا على مختبر تحليل الدم ولقيناه أخيراً ، دخلت المختبر وقلت لراعيه : "فيه تحليل دم هنا؟ فصيلة دم" قال لي: "ليش؟" ، قلت له : "عشان رخصة القيادة" ، قال لي: "اها ، بس لازم تتبرع بالدم" قلت له : "ليه؟" ، قال : "القوانين" ، قلت له : "وأنا فيني دم أصلاً عشان أعطيكم؟" ، قال لي: "كم وزنك؟" ، قلت له: "مدري" XD قال لي: "وقف فوق ذيك الآلة" ، وقفت فوقها وقاس طولي ووزني !
الحسنة الوحيدة اللي أخذتها من روحتي للمستشفى هذا هي معرفتي لطولي ووزني والحمدلله
المهم كملنا النقاش حقنا ، يقول لي: "تتبرع دم؟" ، قلت : "ياخي ماأبي أتبرع ، المرور قالولي نبي فصيلة الدم حقتك ، ماقالولي نبيك تتبرع بدمك ، وبعدين أصلاً مافيني دم عشان أتبرع" ، قال لي: "عندك أمراض مزمنة؟" قلت له : "ايه" ، قال لي : "وش؟" قلت له : "ربو" ، قال لي: "عندك ضغط وسكر؟" ، قلت له : "مدري" ، المهم هو طلع ورقة وقال لي: "عطني بطاقة الأحوال حقتك" ، قلت له: "ليه؟" ===> ناوي يتصفق XD
المهم عطيته بطاقة الأحوال وسجل كم شيء بعدين عطاني الورقة وقال لي: "رح للدكتور يكشف عليك" ، قلت له: "يكشف وش؟ أنا جاي أحلل ولا عشان أكشف؟" ، قال لي: "عشان يشوف فيك ضغط ولا لا" ، قلت : "اها ، زين" ، وقال لي: "أكلت شيء؟" ، قلت له: "من الساعة 7 ماأكلت شيء" ، قال لي: "رح أكل لك شيء بعدين تعال ناخذ منك دم" ، قلت : "ايه ، هين" :slant: في نفس ذا الوقت جاتني دوخة بسبب المرور حسبي الله عليهم
المهم رجعنا لبر الأمان ، البــــــيــــــــت
أكلنا الغداء وهوباااااااااا على الفراش
قمت من النوم وشربت شاهي + أكلت بسكوت سمسم "أحد يحبه هنا؟" وقعدت على الجهاز ، وفتحت صفحة تروجيمنج وقعدت أتفرج على المواضيع
أذن المغرب ورحنا نصلي ، بعد ماخلصنا من الصلاة هوباااا على مستشفى الأمير سلمان عشان أحلل
طبعاً زحمة شوارع الرياض مايحتاج نقولها
المهم ، وصلنا للمستشفى (صارت فيه سواليف كثيرة غبية) وطلعنا منه بدون أي فايدة (تحليل الدم في الصبح ، وقياس الضغط سويته على الفاضي حسبي الله عليهم)
رحنا لمستشفى الشميسي وقلنا يمكن يحالفنا الحظ هناك (كان مع أذان العشاء)
وصلنا ورحنا لبنك الدم وقعدنا ننتظر هناك لين تنتهي الصلاة ، انتهت الصلاة ، وبدا تسجيل الأسماء (تقريباً قعدنا 40 دقيقة)
بعد ربع ساعة نادوا اسمي ورحت لهم وحللوا دمي وماخذوا تبرع دم مني !!! استغربت صراحة ، عطوني ورقة وقالوا لي: "رح للمدير يختمها لك" ، قلت : "مافيه تبرع؟" ، قال: "لا" ، أنا هنا استانست الصراحة وقلت : "يعطيك العافية" ، ورحنا للمدير ختم الورقة والحمدلله هي معي الحين
بعد ماخلصنا من الهرج هذا كله رجعنا للبيت وكتبت الموضوع هذا .
باقي اختبار القيادة اليوم إن شاء الله الساعة 7 الصبح ، بنجتازه إن شاء الله ونحصل على الرخصة
اوبس ! باقي شيء واحد ! باقي الـ75 ريال مادفعتها لأن صراف الراجحي متخلف ، مايبينا نسدد في الليل -___-
التعديل الأخير:
